本身食過尖沙咀銅鑼灣分店印象非常好所以約咗三個朋友去食 發現原來佢哋開咗新店喺佐敦 呢啲燒烤餐廳梗係越新越乾淨啦 所以就揀呢一間分店 我地星期四夜晚7:30入座 四個人一台 環境唔錯 啲枱都大啲 一開始都好好招呼 但後面叫佢哋Refill蝦 起碼要叫兩三次先來一次 每次Refill5-6隻 講真我哋四個成年人眨吓眼就食晒 呢個情況一直維持左四五轉 最後嗰轉個侍應好似唔多耐煩都費事倒啲蝦落個缸 直接比左四隻蝦落個冰桶度就算 食埋呢四隻 我見佢哋都係冇refill 又問一問另一個侍應 竟然答其實我哋每日都有限嘅供應 唔會再有蝦㗎啦 我心諗唔係任食嘅咩 企起身望一望其他缸 都係得兩三隻剩 再望吓熟食吧枱 9:30都仲有一班人喺出邊拎啲熟食 我諗好多人都係食唔飽 最後我哋同其他食客出去夾啲粉絲腸仔同雞填肚 大佬我哋嚟呢度去食蝦㗎 你冇蝦俾我哋食仲叫任食咩 真係第一次食自助餐係餓着咁走 （本人平時食米線都要少米）就知真係幾唔夠食…查看更多
