denise ~ columbo's Profile

今日與同事去賞茶買飲料，我要的是荔枝蘆薈，但很大機會是環境較嘈吵，以致穿便服的女員工(不肯定是否店鋪負責人) 弄錯了。當我們可以取飲料時，他們弄錯了荔枝烏龍給我，我跟他們說「你們整錯左」，便服女員工就即時板起了面說「整錯左? 你話荔枝烏龍架喎」我「吓? 我叫荔枝蘆薈架」她態度很差的說「我頭先覆左單架喎，另一杯要少甜少冰」(她根本都說錯，另一杯只要少冰)我「你整錯左就整返杯啱啦，我肯定係叫荔枝蘆薈」她依舊態度差的說「咁要加返一蚊喎!!」然後其他員工弄了一杯新的，女員工交給我，杯上沒有任何寫了飲品名稱的紙貼，我問她今次是否正確，女員工竟然怒視我!!!!!!這間店鋪，尤其此女員工已不是第一次弄錯，我惠顧了數次，都會看到他人未能順利收到所需飲料。這員工真不濟~…Read More

我近3次去銅鑼灣貢茶諗住買黃金阿華田，兩次都話冇...果陣係下午時份，黃金阿華田都唔係好熱賣，點解可以咁快冇? 冇嘅點解又唔整「售罄」兩個字呢? 同埋附近都有D 超級市場，唔通唔可以去買幾罐大嘅阿華田粉返去沖，係要等到有貨先得? 印花都要問先俾? 試過特濃朱古力奶茶都OK~ :)另外個珍珠奶茶唔夠茶味~ :(建議︰大家買野飲之前都係睇多一兩種野飲，免得買果陣惄太耐，搞到其他人等得唔耐煩~…Read More

飯果類野中規中矩，可以試吓~ 但最好唔好同人share，因為佢個份量唔多，但勝在佢d 沙律係幾好味，尤其係d 沙律汁~ 熱奶茶...唔夠熱~ 飲水用o既水杯細到...一啖飲完~唔知係新開定點...d staff d 服務態度都幾好，但入面d 位好逼~甜品...我係點左個最普通o既黑牛....但因為太凍食唔哂~友人們點左冰火豆腐花、火焰雪山...其他唔記得~佢個冰火豆腐花係最頂有層cream 之類o既野，用火槍(果類啦，唔太肯定個名) 燒到有少少燶咁，我食d 豆腐花果陣係有少少燶味，但唔緊要....我係唔明點解d 豆腐花可以咁鞋，仲要明顯地隔左唔係好多次渣...= =''''到火焰雪山....我本身有d 期得睇到落酒搞到個雪山面有層火o既一幕....原來佢係落朱古力...個個都奇怪點解冇火...個satff o既解釋...「我地只係想做到有冰火o既感覺，所以唔會有火」...我到而家都覺得既然係咁，不如唔好賣火焰雪山~最諷刺係...對面係一間我想試好耐、非常出名o既糖水鋪....全程望住果間野個門口...好無奈....…Read More

我本身都住香港仔一帶，平安夜都係第一次去呢間野飲茶~個炸春卷ok，都算係特別~蘿蔔絲穌唔得，外面層穌皮太厚，一咬同直接食一咋麵粉冇咩分別，入面d 蘿蔔唔係絲狀，係粗條狀= =''''''''不過食物唔係main point~原本點左個紅棗糕，見幾個字都未上，就叫個主任過o黎cancel 個野，佢就由頭到尾都一臉不耐煩，都係cancel 一樣野又係你suggest 我地咁做...點解會係咁o既野呢??!!冇耐個傳茶員o黎到想上碟紅棗糕，我地同佢講cancel 左之後，佢就miu 哂咀咁，擺返好碟野，一句唔好意思都冇就自己走左....我地o黎食野唔係o黎睇d staff 面色囉~~…Read More

之前，阿貓地攤貼左張告示話「內部裝修」....「裝修」前︰我同友人最鐘意上去叫個下午茶set︰一碟腸仔、四寶丸 加兩杯特飲。小食幾好味，但趁熱食較好。由於果度環境都ok，同埋有得同d 貓玩，所以通常我地都會坐兩三個鐘先走~ 當時埋單都係 $40 左右。「裝修」後︰當日「裝修」完，我同友人專登等到 6pm 諗住等佢一開門就入去坐...點知一入門口，有個唔知係staff 定係負責人，佢一路俾張menu 我地睇，一路講︰「因為廚房仲裝修緊﹛而家都係提供到兩個飯同埋d 小食俾你地....」，我地再望個新o既收費表，頭一個鐘 $40 (送一杯野飲)，第二個鐘起每小時計 $20...雖然送野飲 (可樂、檸水檸茶等等o既低成本飲品)，已經覺得非常之唔抵，所以即時走左:(基本上，上去樓上cafe 食野，係因為果度o既環境多數較舒適，加上價錢唔會太昂貴，大多數人都可以承受到。但而家....就好似樓下一位食家咁，一個鐘已經要俾 $50，如果以我同友人o既時間o黎講 等於 $50 + $20 +$20 = $90............咁o既收費制度，除非你唔介意幾多錢，否則去pizza hut、板前等等o既食店好過，起碼可以坐一兩個鐘...慢慢食慢慢坐~…Read More

今日我個fd ，佢本身係住美孚，亦聽聞呢間酒樓好多野都係即叫即整，所以就帶左我o黎呢間酒樓食下午茶。環境唔差，唔算好嘈，飲茶傾計都唔錯~ 傳菜員都幾和善，侍應就還可，全程只係埋單、遞紙點菜先叫佢地，比較少接觸~我地總共點左六碟點心︰菜心、流沙包、鳳爪、蝦餃、燒賣、椒鹽九肚魚。菜心︰好普通咁灼一灼，但唔會灼到好老，同埋係用甜豉油伴碟的~流沙包︰我第一次食流沙包，幾好味，但一定要趁熱食~鳳爪︰幾夠味....同埋鳳爪下面有d 類似油炸鬼、又幾好味o既薄片墊底，但可能我唔太食得辣，所以就食得唔太多。蝦餃︰佢夠大粒，d蝦都幾大隻，但塊皮唔算厚唔算薄，中規中矩~燒賣︰佢d 肉入面都有d 頗大塊o既冬菇，有d 少少蟹子o係面~~椒鹽九肚魚︰咁多碟係我同我朋友最鐘意o既一碟，因為佢唔會好似其他酒樓咁，落勁多粉之後炸，佢每隻都係好薄好薄一層o既粉o係面，最好o既係炸得o岩o岩好，d 魚肉好滑~最尾埋單，每人都係 $43，價錢真係比出面o既較好~~但每間食店都有佢o既缺點的...呢間酒樓o既位置比較偏僻，商場門口都唔太覺有佢o既招牌廣告，亦唔係o係商場門口o既當眼位置，所以唔係我朋友同我講，我都唔知果度有酒樓~而且呢間酒樓明顯地係做美孚新邨、盈暉臺、九華徑一帶o既街坊生意，所以唔可以期望太多~P.S. 我同友人發現果度o既火鍋價錢，成人$68、小童$58，包茶錢、加一、飲品、醬料，以價錢可考慮，但佢o既選擇唔算多，勝在基本打邊爐o既食物都有~…Read More

早前同朋友們約好左去游水，加上其中一名友人住長發，就suggest 去呢間野食lunch~~環境...有少少...少少大排檔感覺...所以不能要求太多，服務方面都係~食物方面，叫左碟蝦醬炒飯，只能用一個字形容...正到爆~~~但佢衰在唔顯眼同埋鋪位唔大....如果唔係應該會更多人留o係果度食~~價錢唔太記得....一來係三個人一齊share 食，二來都係上一兩個月o既事，但印象中係$30左右~…Read More

05-11-2008夜晚同個fd o係果度食夜晚飯，開左咁耐，今日都係第一次o係呢間野度食飯~~佢雖然話就話西餐主打，但個人覺得佢o既日式海鮮烏冬幾好，d 烏冬唔係平時果d平價烏冬，而係用日本訂返o黎o既烏冬....但係奇就奇在，佢個shabu shabu 竟然係用平價普通烏冬，感覺上怪怪地~~但勝都坐得耐都唔怕~~ 環境衛生都ok~~ 牆身花紋個人覺得幾靚，但係有d 位o係牆側邊加多塊薄身玻璃，挨落去會幾危險囉~~不過價錢都抵，呢期佢做緊promo，兩個人total 都係80幾~~…Read More

2008-08-02夜晚10點半左右，同朋友去完游水，走左過o黎聯威食野~~我地幾個都係鐵板，味道ok，但係薯條唔知係咪擺得耐，冇咁好咬~~d 扒唔算差，但係可以再好d~~我叫左杯檸蜜，係最ok的~~~唔太記得個價錢，但45左右~個唔知係老細定係普通staff o既人，講d 野好搞笑~~…Read More

d 野食好一般，d 意粉冇味，d 甜品可以唔洗食，尤其係tiramisu，食落去好怪，種類少，係炒飯同d 燒烤野好d~~但d 人o既態度真係唔多好，尤其是著到好似部長o既男人，我地開頭諗住睇吓d 橙汁飲品果d 野係咪可以自己拎o既，但果位人兄就行埋o黎，就話兩位想要d 咩，呢part 好正常但係佢企o既姿勢同埋d 語氣好差。之後我諗住睇吓入面有冇湯匙，因為我心諗你buffet 果類點都會有d 湯匙俾人拎，唔會叫人用d 大大隻飯匙o黎飲架嘛，但係我問果位人兄有冇湯匙，佢話匙「跟」set 哂o係枱架啦喎，個樣係唔多like果d 囉~ 但係實際上所謂set 好，只不過係類似大家樂果d 用袋裝住o既，唔同o既係，入面把刀、「差」、飯匙係鐵~~跟住我同其他人都發覺得到果位人兄成日望過o黎我果枱人，我地係冇誤會，因為我地係坐o係近樓梯，隔離冇其他枱o既大枱度~~我原本仲諗住搵日再同我其他朋友去食，但d 人o既態度咁差，令我cancell 左呢個想法~ 同埋128 (加一) o既價錢，唔多抵~~ 所謂任飲，係要加錢︰汽水 $16，橙汁$20，啤酒好似要廿幾三十~~ 仲有時間限制，兩個鐘內~~…Read More

其實我去呢間餅店都已經係舊年12月尾，近聖誕o既事了~~但都係想打返^^果日原本去左我朋友間公司探吓佢，但係晏晝佢開始唔舒服，最後夜晚陪佢返去美孚，咁大家都未食野，咁就去左多多買d 餅、蛋撻同包。我就買左前兩樣，我朋友成日同我講呢間野d 包、餅好好味，次次都以為佢有d 講笑，但呢次試食左之後，真係好想再食，但因為我好少機會去果邊，所以唯有靜待下次吧=.=唔太記得幾錢，大概就應該係$40左右~…Read More

20-04-2008晏晝5點半約左個朋友食飯，咁呢位朋友就想試呢間野，咁我地兩隻白老鼠就走左入去啦~~d 服務都可以~~ 裝修幾靚，d 野食又唔係想像中差。叫左一碟大肚婆炒飯、陳皮骨、軟殼蟹~後兩樣係炸的，但我本人覺得d 粉多左d，食少少都已經有滯o既感覺~個炒飯都可以~~原本諗住叫杯野飲，但價錢唔值，可樂都要$20 左右=.=a但三樣野$230，比較貴左d~ 但好在個朋友話補祝返我生日，所以我就唔洗比錢了^^ Thanks~~整體都可以，係價錢唔咁值~~ 可能我唔係太鐘意呢類菜式~~…Read More

基本上臨搭車返工果陣，都會去超群買包同咖啡o既。今朝買包果陣，我同個阿嬸講得好清楚係「香滑」咖啡，但佢都仲以為係「特濃」，佢仲要同個同事講聽到我講特濃，其實唔止一次係咁，係起碼三次，我有一刻想叫佢去做吓個ear check，但最尾都冇講到，因為費事之後入去買包麻煩=.=其實佢d 包ok~~ 係果個staff 聽唔清楚人講野=.=…Read More

夜晚即興同朋友食飯，因為平時食呢間野o既外頡係經常翻單，因為一來平，二來食物質素唔差，堂食都係試過天后果間~~今次第二次係o係呢間分店食。我入到去坐低等朋友，d 職員就好似好想我快d 落order 咁。之後見到有個set dinner，問多幾句個男waiter 就好似好唔耐煩咁，我都係問左兩、三條問題姐=.=我一路坐一路變左「拍烏繩小姐」，係咁見到玻璃窗有烏繩又行又飛，佢地真係要多謝我，因為我kill 左起碼六隻=.=到我朋友o黎到，佢再問其他野，個男waiter 就好似好唔like 咁。我地係坐o係近門口位置，個男waiter 答完野就同企門口果個女人講唔知d 咩，我估係嫌我地煩，因為我見到個女人係咁望過o黎~~ 但我地total、前後都係問左6個問題左右吧，咁都嫌煩不如唔好撈吧~~ 不論男女，對客o既態度都好唔掂，明明知我地叫加水，佢自己都問係咪加水，都可以2分鐘內唔記得~~食物唔差，但d 刺身個厚度可以切得均勻d﹔最估唔到個小食係一兜綠色酸酸地、唔合叫咩名既菜，經常會當係伴菜果d o既菜o黎~~ 個壽司都ok，但外賣更ok~~麵豉湯因為少飲，所以唔肯定係咪一向唔俾埋匙羹，但個男仔依然好唔多想理我地咁，慢慢行過o黎俾我地~~總結︰1. 裝修算靚，但衛生麻麻，同埋地板濕冇人抺~ 2. d 員工服務態度唔得，做事散漫~ 3. 刀法可以再好d 4. 刺身同壽司款式全部由師父決定，變相唔係隨你鐘意=.= 5. 食物ok，價錢ok~~ 6. 總體o黎講，我覺得天后果間好過呢間，起碼服務態度好幾倍，做事都快好多~~ 7. 食物上得慢，差d 想催佢~~還是天后果間最好~~…Read More

25-03-2008夜晚同朋友打完機就行去呢間沙嗲王食野~我叫左個芝士焗雜菌飯+脆蝦棒+蘋果綠茶，佢就叫左個白咖哩豬扒飯+炸蟹鉗+芒果綠茶。我個傻唔算太差，但可以再加多少少調味料吊吓味~~我杯綠茶好淡味=.=之後，我個fd 見到有人叫左個冰鎮蝦，咁就叫左試吓，可能撞o岩我地果盤d 蝦o既膏少，我自己覺得差少少~~個甜品鐘意食甜會ok d，我就麻麻=.=果度地方唔係好大，但入面就好多射燈，d 風扇就係咁吹d 熱風過o黎，有好過冇，搞到我更加覺得焗。燈係就係多，不過唔係個個燈都有實際用途，初初坐果張枱睇個menu 睇得幾辛苦，所以之後我地自己轉左隔離好好多o既枱~~服務見人見智，個人覺得人手唔太夠~~不過佢d coupon 都幾好，冇限制每次食飯最多可以用幾多張~~…Read More