panda_loves_eating的個人專頁

有個小慶祝，朋友請我去荃灣食意大利菜，荃灣地鐵站出口行三四分鐘就到，比我想像中方便好多😂。餐廳不大，座位只有幾十個，但係氣氛相當唔錯，好relaxed。我哋入座比較遲，仍然見到幾枱客人緊食嘢同飲紅酒。侍應態度禮貌親切，落order同稍後我哋改單，態度好、爽快又利落😊香草煙肉碎薯蓉湯 $55 - 湯同麵包都有酒店水準，法式軟包預先輕微烘焗，做到外脆內軟，抹上香草牛油跟湯好夾，相當不俗。原本叫咗個蘑菇配意式辣肉腸pizza，轉頭朋友又改返燒三文魚千島醬pizza $158 - 鋪滿煙三文魚同火箭菜，三色芝士千島醬超薄pizza底好香脆，一邊食一邊讚👍🏻烤美國極佳級肩胛牛扒 $288 - 同朋友互相遷就最後叫medium，微粉紅牛肩胛果然係prime grade，完全冇筋，肉質嫩滑到以為自己食緊tenderloin😋最後一客心太軟配雲呢拿雪糕 $78 - 香濃朱古力心太軟+冰凍雲呢拿雪糕=完美收官😎…查看更多

一入Misu Seafood Cuisine已經俾佢嘅聖誕裝飾吸引住 😍 閃令令嘅聖誕樹🎄，聖誕老人掛飾，仲有部琴同埋戴咗聖誕帽嘅毛公仔🧸 等嘢食嘅時候唔驚無野做，因為可以狂打卡！🐼 同 friend 今次食咗個1人套餐 $298，包前菜、sashimi、湯、main course 同甜品。另外再嗌咗兩杯飲品同散叫幾件壽司。今日嘅sashimi 係煙燻鰤魚，拌酸薑一齊食，加上輕微煙燻味，好有層次。湯 （+$38 升級）鮮打𩶘魚湯 - 侍應介紹個湯係由10條魚煲成，原汁原味嘅魚湯。一飲落口好鮮甜好震撼 😱 下次嚟都要再叫。Main course 係💛黃金酥皮三重奏💛，酥皮焗法國鴨肝 煙三文魚 及 鮮乳鴿（+$68) 好香脆嘅酥皮包住三種食材，好滿足好飽 🥳壽司係甜蝦同銀鱈魚，兩個字 “新鮮”。荔枝蜂蛋綠茶用一個玻璃茶壺上，fancy，滿滿少女心 🙂🍽 餐廳: Misu Seafood Cuisine🏠 地址: 灣仔皇后大道東202號QRE Plaza 26樓…查看更多

最近天氣開始轉涼，啲風吹落嚟真係有啲寒意 🥶 最啱就係去打個邊爐暖吓身。早排就去咗牛品食佢哋嘅「牛極品」午市無限時吃到飽套餐，成人 $248 一位，又幾多嘢食喎！顧名思義，「牛極品」套餐主打各款牛肉。牛肉選擇有一口和牛、美國特級牛肩胛肉、美國特級牛小排、加拿大頂級牛板腱、精選美國牛胸腹，全部油花分佈平均，落鍋一煮就香噴噴。湯底方面，今次揀咗元氣養生鍋Xxxx湯底，味道濃郁又唔會太膩，另外餐廳仲有特別D嘅酸菜白肉鍋、黑蒜黃金鍋、紅燒一品鍋等等可以揀，選擇困難嘅大家去到有排玩。😂其他仲有台式小食，鹽酥雞、甜不辣、麻辣鴨血，等緊D牛熟嘅時候可以食住先。蔬菜、丸類、豆腐、粉麵同醬料當然都齊全。…查看更多

過一排又心思思想食川菜，出銅鑼灣又去三希樓，主要貪佢菜式一直保持高水準，所有侍應、經理服務都禮貌親切，感覺舒服。呢一晚就點咗以下菜式：蒜泥白肉 $148 - 薄切小青瓜片夾肥瘦相間薄切豬腩肉，澆上蒜泥漿，加上微辣紅油醬汁，水準一直保持👍🏻小蔥皮蛋豆腐 $68 - 開胃前菜招牌咕嚕肉 $248 - 即炸梅頭肉外皮脆內裏肉汁豐富，酸甜汁味調教適中😋青椒清香魚 (例牌) $438 - 朋友第一次嚟三希樓，見到海量大盤酸菜魚自然wow一聲。大量厚切鮮魚片、清爽鮮筍片、彈牙烏冬、微辣鮮香酸湯底，食完一碗又一碗。啫啫唐生菜煲 $158 - 念念不忘的蝦醬蝦乾啫啫唐生菜煲，上枱香氣撲鼻，唐生菜味濃嫩滑青甜爽口 😋👍🏻蛋白杏仁茶 $84 - 做到香滑杏仁香，甜到剛剛好適合香港人口味。棗蓉千層糕 $48 - 作為棗蓉糕控，紅棗蓉味濃，糕底煙韌彈牙，必須講.….. 我很滿足😊…查看更多

BBQ chicken pizza $188 - 呢度嘅pizza有分三個size ，$188呢個價錢就係中size，估唔到中size都勁大份，三個人食到好飽 🤭 Pizza即叫即整，批邊香脆，芝士半溶，加上調味醬料，恰到好處。忌廉雞肉貓耳朵粉 $178 - 呢個 pasta 係用貓耳朵粉做嘅，口感煙韌有咬口，唔似一般意粉咁單調。忌廉汁好creamy但唔會太膩，雞肉煎得香口。Tiramisu $88 - 甜品方面，Tiramisu 絕對係亮點之一。咖啡味濃郁，蛋糕濕潤，mascarpone cheese 順滑，入口即化，加上面頭嘅咖啡粉，微苦中帶甜。Apple crumble with ice cream $88 - 呢個 apple crumble 真係超大份！😂 蘋果餡帶少少肉桂香，crumble 部分香脆鬆化，配埋雲呢拿雪糕一齊食，冷熱交融，口感好豐富。整體嚟講，The Pizza Pig 嘅食物有心思，唔止 pizza 出色，連 pasta 同甜品都有水準。下次去將軍澳可以一試。…查看更多

三希樓主打川菜同粵菜，坐位佈置優雅舒服，服務態度殷勤，好啱宴客或者同家人朋友聚餐做節。三希樓每樣野食無論喺食材新鮮程度、味道、同賣相都係上乘，🐼 非常推介。以下逐一介紹 :蒜泥白肉 $148 - 豬肉切得薄薄一片，肥瘦分明，蒜蓉打成泥狀鋪喺上面，食落好有層次。蜂蜜番茄 $48 - 酸酸甜甜好開胃，作為前菜好合適。瓦罉焗胡椒海蝦 $360 - 海蝦夠新鮮，胡椒香勁突出，用瓦罉焗完更加惹味！超好食，🐼 推介一定要叫。杏汁白肺湯 $108 / 位 - 好足料，飲完即刻覺得自己皮膚好咗靚咗白咗 🥰明爐燒鵝皇 (例牌) $328 - 燒鵝油香十足，加上酸梅醬又好好咁平衡個油膩感，好食 👍🏻招牌酸菜魚 (例牌) $428 - 一上枱即刻 “嘩” 一聲，個盤好大好有氣勢，側邊仲有啲龍嘅圖案 😮 酸菜夠酸，魚肉滑到唔使咬，湯底飲落唔會過鹹，加埋薯粉食好滿足。啫啫唐生菜煲 $158 - 唐生菜食落好嫩滑，用煲仔啫啫方式炒香晒，仲滲咗蝦乾味，係今餐嘅完美配角！…查看更多

因為位置方便，食物質素又有保證，呢間cafe 🐼 已經食過四五次，同唔同朋友去，每次大家嘅feedback都好好 👍🏻牛肉 All Day Breakfast 跟磨菇忌廉湯 $148 - 超大份，好多樣嘢。成碟上枱排得好靚仔，未食已經食慾大增。雙拼 Pizza 12” $186 - 好多口味，可以任揀兩款，🐼 同朋友揀咗 teriyaki chicken & cheese burger。兩款口味都好多料，唔係平時成塊上面得幾粒肉嘅pizza 😂 仲有就係超大份！兩個女仔完全食唔晒，下次三個人share都得。Mixed Berry Fresh $68 - 冇藥水味，好清新，啱晒熱辣辣嘅夏天飲。Golden Heart Tea Latte $68 - 個樣好打卡able 😍 淡淡嘅蘋果肉桂味加oat milk，唔heavy、無負擔。…查看更多

🐼 約咗朋友dinner，佢住將軍澳，於是🐼 就推介一間之前去過感覺好舒服、服務態度好好嘅西式cafe。因為佢好適合兩個女仔慢慢坐喺度傾計 ah ☺️🐼 食飯大多數都係有set 叫set，唔洗煩 😂 Owens set dinner $408 兩位，食物全部味道好好，而且賣相精美 。頭盤 Starter- 蜜糖柚子雞翼（4隻）- 薯條三兄弟 跟餐 + $38.0雞翼即叫即炸，好香脆，加上面頭嘅柚子醬，好惹味 😍 薯條有跟幾個醬，每一個都好有特色，黑松露醬經典、芥末醬清新、明太子醬香濃有驚喜。主菜 Main course- 龍蝦汁虎蝦闊條麵- 徳國脆皮鹹豬手闊條麵每條都沾上咗好鮮味嘅龍蝦汁 👍🏻 份鹹豬手傻咗 🤣 勁大份，好多肉，豬手皮又薄又脆卜卜，食落冇油膩感。甜品 Dessert牛角窩夫伴雪糕，凍冰冰嘅雪糕配搭外脆內軟嘅 croffle，呢個配搭唔會錯！另外仲有單點嘅 黑芝麻提拉米蘇 $48 —— 黑芝麻味好香濃，聽講食得多黑芝麻頭髮會亮麗啲，唔知係唔係嘅呢？☺️…查看更多

Odelice! 憑住高質素嘅食物不斷擴張，而家香港九龍新界周圍都有佢嘅分店。Set dinner $538 兩位 ，包餐湯, 前菜petits plats x 2 同 主菜 main x 2。選擇都有好多，🐼 差啲搞到選擇困難 🙈 最尾揀咗啲前菜同主菜都係比較有特色嘅法國菜式。Starter- 法式點心拼盤 (炸辣蟹肉球, 煙三文魚, 迷你蛋批, 香草芝士撻, 雅枝竹蘸醬) + $35- 法國田螺配芝士薯蓉點心拼盤擺盤好靚，好吸引🤩，個炸蟹肉球最好味 而田螺就係出名嘅法國菜，淨係影個相打個卡都要叫啦Main course- 香橙油封鴨腿- 澳洲和牛牛脊肉 +$85油封鴨腿表現驚喜！鴨腿嘅塊皮煎到脆卜卜，唔油，入口鬆化。鴨腿就咁用刀叉都可以撥開啲肉，夠晒火候。和牛牛脊肉切開仲係粉紅色，個蘑菇汁好香濃，同牛好夾。今晚天氣有少少涼，🐼冇嗌凍嘅嘢飲，叫咗兩杯熱嘅mocktail，估唔到又幾有feel 😌…查看更多

朋友請我去銅鑼灣食lunch，當刻想食肉肉，就提議The Grill Room！坐低二話不說我就叫咗個semi-buffet lunch $98，加配main course 法式紅酒燴牛面肉配薯蓉$98…...肉肉肉肉😁Salad bar 有兩款炸物 —— 即炸薯條鬆化，微辣單骨雞翼 外脆內嫩 香口惹味，忍唔到口食多幾件。幾款沙律都好fresh，配搭調味有變化，齋食沙律都唔悶。甜品中，cheesecake輕盈得嚟又creamy，好高質😋Main course 係法式紅酒燴牛面肉👍🏻👍🏻 兩大件牛面肉牛味好濃郁，慢煮令肉質入口即溶，既嫩滑又充滿骨膠原😘朋友order咗個4 courses executive lunch $328黑松露牛肝菌蘑菇忌廉湯凱撒沙律香煎牛柳配薯蓉朱古力撻配開心果碎朋友對客medium rare 嘅tenderloin 好滿意，佢話咁嘅價錢食到咁高質又超嫩滑冇渣嘅tenderloin，話我冇介紹錯😊…查看更多

北角匯入邊有一間cozy嘅法式小餐館 🥰 佢食物新鮮，服務殷勤，有部份位仲望到海景。朋友話之前食過佢嘅舊舖都覺得好食，而家佢改咗名之後都繼續保持到水準。Set dinner $198-$398 不等，包starter, main course 同 餐飲。餐包係baguette 跟銀魚仔蛋黃醬，個醬有海鮮鮮味好特別，🐼 全部搽晒嚟食。Starter- 忌廉蘑菇湯- 法式生牛肉他他蘑菇湯每一啖都飲到碎咗嘅蘑菇粒粒，好足料。牛肉他他份量唔少，好抵食。Main course- 蜆肉扁意粉配蘑菇汁 $268 - 慢煮西班牙豬鞍配洋蔥及薯蓉 $328 意粉調味適中，每一條都索晒啲蘑菇汁。豬鞍食落唔柴，食到肉汁。而家晚餐仲送甜品，今日係開心果草莓慕絲蛋糕，開心果味香濃。…查看更多

呢排成日都好凍😂，趁住呢啲天氣食多次牛大人打邊爐先！日本黑毛和牛 A4+吃到飽套餐 $488 一位，套餐每人會送兩粒和牛牛丸，好多汁好味。仲有海鮮拼盤送 😂 飽到上心口湯底有好多選擇，我哋揀咗牛大人秘方麻辣鍋同台灣濃香蕃茄鍋，兩個都好味 😌套餐有大量食物任食，highlights 包括:- 日本黑毛和牛A4+ —— 雪花超靚- 伊比利亞黑毛豬- 鮑魚 😍 有柚子燒汁鮑魚、古法醉鮑魚同炭燒鮑魚三款 —— 🐼 最鍾意醉鮑魚- 花雕酒雞件- 蟹籽墨魚漿- 干貝鮮魚漿配菜喺出邊可以自己自由夾。除此之外，仲可以用QR code 落單，上菜速度都唔錯。最後梗係要食番啲甜品，除咗有Movenpick 雪糕、KitKat脆皮雪條任食，仲有牛大人嘅自家製豆腐雪糕。佢豆腐味香濃，甜度恰當，好有驚喜！…查看更多

將軍澳中心最近新開咗間主打西餐同甜品嘅cafe，裝修木系 😆 光猛新淨，平時都長期坐得幾滿，🐼 就去咗試吓佢哋嘅晚餐。Set dinner for two $408，逐個講有咩items:1️⃣ Soup / salad - 首先嚟個暖笠笠嘅湯開吓胃先！2️⃣ Starter - 蜜糖柚子雞翼 (4隻) - 上菜速度好快，雞翼一整好就拎出嚟，脆卜卜熱辣辣。3️⃣ Main - 我哋揀咗北海道帶子墨魚汁意大利粉，同露絲瑪利香草燒羊架。意粉調味幾好，唔會太鹹唔會太淡。羊架跟配菜同埋烤薯仔🥔，薯仔焗到好鬆軟。羊架點埋跟碟上嘅薄荷醬，味道非常和諧。4️⃣ Dessert - 試咗牛角窩夫伴雪糕，同伯爵茶麻糬提拉米蘇 (另外+$48) Tiramisu好好味 😍 Mascarpone cheese同earl grey 嘅味好夾，杯入邊嘅麻糬雖然係凍，但係keep到好軟好煙韌，平時甜品舖食嘅麻糬都好難做到呢點，好難得！5️⃣ Drinks - 仲要跟兩杯餐飲呀！轉特飲嘅話可以半價添。Owens 行cafe 路線，氣氛輕鬆，服務非常好 (應該算係近年食過服務態度最好嘅餐廳之一)，上菜速度又快，喺呢度食飯成個 experience 都好舒服。…查看更多

圓方睇完戲, 諗起上次Pandan好味又抵食, 趕得切帶埋friend一齊過去食個tea。檳城古法大蝦炒貴刁 + 牛油果醬法包配蕃茄莎莎 + 桂圓紅棗茶 ($98) 唔油膩軟滑貴刁炒得香濃惹味, 兩隻巨型虎蝦畫龍點睛, 保持班蘭一貫高水準👍🏻 蕃茄莎莎法包清爽。巴東牛肉飯配脆皮雞卷 + 越南傳統炸春卷 + 水果冰茶 ($98) 兩大件巴東牛肉炆得鬆軟入味, 雞肉卷外脆內嫩, 加上脆花生小魚乾雜錦酸菜配班蘭椰香飯, 份量足味道口感豐富😋, 生菜包裹越南即炸春卷,好味爽口唔油膩😋必須一提,100蚊 嘅下午茶餐仍然享受到侍應爽快禮貌體貼嘅服務, 朋友點咗冰茶,後期侍應主動攞咗兩杯暖水畀我哋, 朋友覺得好貼心讚口不絕, 加上佈置雅緻舒適, 提議下次睇戲都要嚟圓方, 跟手過嚟班蘭嘆返個下午茶😂…查看更多

The venue at the Repulse Bay exudes an impeccable British colonial charm that transports you back in time, creating the perfect ambiance for a leisurely afternoon tea.However, the food itself was quite average. While the presentation was delightful, the flavors and variety left much to be desired.On a brighter note, the service from the waiters and waitresses was commendable. They were attentive, polite, and contributed positively to the overall experience. Sadly, the same cannot be said for the reception lady, whose attitude was disappointingly arrogant and impolite. Her demeanor fall short of expectations for a top-tier venue like the Verandah, and it impacted the overall experience negatively.Teas of hope - festive afternoon tea $788 / 2 persons SAVOURIES- Herbed prawn croquette with Dijon mustard mayonnaise- Brie cheese mousseline with fig jam and caramelised pecan nuts- Roasted beef pastrami brioche with sweet pickles- Bayonne ham and green asparagus tart- Tuna confit and semi-dried tomato sandwichSWEETS- Pistachio white chocolate mousse- Rich chocolate tart with Chantilly cream- Raspberry inspiration crème with red fruit jelly- Choux au Craqueline with almond chocolate ganache- Jivara earl grey chocolate mousse with vanilla apricot gel- Cherry and white chocolate ganache mini cake- Pistachio and cranberry sconesServed with your choice of The Peninsula tea or coffee. …查看更多