Cforfood's Profile

為慶祝朋友生日，一行三人決定打邊爐。早幾日已經訂好台，打算搵間貴少少，不是任食果種邊爐就可以邊傾邊食，好開心。點知原來只可以食2個鐘。未夠鐘不斷叫我們埋單。野都未食完就叫了我們5，6次已經夠鐘，要求我們離開真心難受。我們叫了椰子雞湯底，味道清清地唔錯。還會俾埋佢之前未用完的椰青俾你自己加，加分最期待佢的即炸響零，好脆！因為怕食唔哂叫了半份而已。而個餃拼盤就一般般牛肩個樣有點黑，但味道都算 ok。手打丸都好食，夠彈牙！…Read More

每次經過都想食，每次經過都以為無咩人排緊隊，每次都發現條隊係對面間商店前面勁長龍今次早少少到終於俾我排到最前了！明白餐廳推介的是牛肉湯麵，但當晚卻被烏雞湯麵的相片吸引住。所以自己就叫了麻香烏雞湯麵，朋友就試了牛肉麵。麻香雞湯麵真係超勁麻油味，其實有點像出前X叮的味 其他藥材味不太出眾。雞肉好淋，都無雪味，算是不錯！但如果怕油就真的不要試了，下次都係要試紅燒牛肉麵好了朋友選的紅燒牛肉麵也不錯，份量也算OK。他叫了珍珠奶茶。我叫了香柚茶，味道好清新。…Read More

午餐時間，餐廳提供套餐，一個餐包埋小食和飲品都幾好。叫了排骨麵，但好失望 炸得好乾呀，而個麵又淡得好緊要，好像滾水一樣。至於煙薰流心蛋就，好強的煙薰味，但我自己唔太喜歡，同事和我都覺得呢個配撘有點怪另外叫了酸梅湯，可能因為走冰了，所以好甜呀！…Read More

之前去過呢間餐廳食晚餐，覺得唔太特別好食。中午時分突然醒起上網一查原來有午市套餐，即管再試一下。叫了酸辣粉，無特別叫BB辣或微辣的話，店員說就是少辣。好彩，真係好好彩，辣椒是放在一邊的！碗粉一到，俾堆辣椒嚇一嚇，立即拎走一點試下味對我來說，夠哂酸，夠晒辣了。味道好好呀，又多料係入面，就是比較油。超大碗，我自己一個係食唔哂。加了錢叫了口水雞，味道也不錯呀。通常加錢小食份量較少，但呢度係值得一讚！！食完打算埋單原來仲送冰粉，不過質感太淋，唔夠彈…Read More

星期五晚上，西營盤都有不少人出外用膳，居然俾我和朋友尋找到一間不用排隊的餐廳，立即衝入去！兩個人點了三樣餸青口味道唔錯，份量都不太少另外，叫了個炒菜，好香呀！但係份量就少左D，兩個人也有點不夠食，如果多D就好了令人失望的是這個蒜蓉包配咖哩蝦。本身個蝦做得好好，食得出有炸過或炒過的，是新鮮蝦的口感和味道。但個汁實在太咸了。而個包卻沒有蒜蓉味，好牛油味但亦好喊呢大部分飲品有特價，但椰青例外。下次多點朋友一起可以再試多幾樣餐廳環境都算整潔，就是洗手間條路有點可怕，忍到就不去好了…Read More

放工都好夜了，樂軒台好彩還有餐廳未收行行下見到有泰國菜，決定買碗粉回家就算。員工是真泰國人呀 應該好正宗！即叫即整，所以等得比較耐。今次試冬蔭功金邊粉。返到去發現都幾大碗，抵食！辣度足夠，但如果唔好咁甜就 perfect了。…Read More

中午時間，柴灣真係好多人，間間餐廳都超多人。經過天天見到有位就衝入去了。除了一般的午餐，仲有上海麵。酸辣湯餃得4隻又少左d，就選擇了要酸辣湯麵，加10元有4隻餃子自整酸辣餃麵但要加錢先有飲品呢間餐廳的酸辣湯的確好岩我自己的口味，最緊要夠酸。材料就睇下當日㕑司好唔好為心情，有時候好多料，有時候就好少料。今次見到有豬肚、木耳已經好好！佢哋d餃子都夠大隻，有少少肥膏係入面，唔係餐餐食無所謂吧至於環境方面，位置算少。要有心理準備，班姐姐對話好大聲，但都好醒目和快手的…Read More

一直聽過呢間餐廳打邊爐好正。今日中午係門口經過發現有麵餐，立即入去試下！好羨慕中午放飯時間可以打邊爐，好像好好食。我們一行兩人叫了兩個麵餐，麻辣湯。由於怕太辣，問過店員有無得選辣度，他的回應是其實只是小辣。但係個人覺得都幾辣選擇了薯粉，口感是不錯的。但個湯底除了辣就真係太淡，也沒有麻的感覺。麵的份量足夠，如果餸的份量多一點就好。加了甜品，每份12元都不算貴。其實最喜歡就是那個送的酸梅湯，但好細杯，免費的就無所謂了，哈哈！…Read More

早前見到有網頁介紹銅鑼灣幾間出名有酸辣粉的餐廳，今日中午時間決定一試見鄰座的顧客點了口水雞酸辣粉套餐，賣相幾靚，好快決定好要跟！辣度方面，可以選少少辣、少辣等等。今次我選了少辣，初頭唔覺好辣，但愈食愈辣好過癮。湯底夠酸，材料也相當豐富，好適合喜歡芫茜的我，不錯的呢。口水雞的份量也充足，不會太喊。個人覺得有點少缺陷就是太肥，我是不吃雞皮的如果喜歡食肥美的雞皮的人就一定會好滿足。豆漿也不錯，不會太甜又夠大杯！也叫了奶茶，質素都幾好。餐牌上，一個餐大約80元，如果可以平返少少就好了。有機會都會再來！…Read More

自己一個出發都總會有少許不安的情緒，所以好早至達機場。去到無野做都係去搵間可以舒舒服服坐下的餐廳邊食邊等。由於有幾間餐廳裝修緊，決定去食甜品。每次去 lady m都一定會點伯爵茶蛋糕，真係好好食 還有 rose latte，視覺效果一流！但無奈，價錢真係一點也不便宜呢。。。。…Read More

由於太遲食早餐，午餐推遲到下午茶時段了。很久沒有去過有位坐的 pizza hut了，決定去嘆個下午茶。點了公司三文治和千島海鮮 pizza。一如往常無令人失望咖啡亦都夠大杯，又夠熱！而且職員態度有善又有效率，就算我們坐的位置不是當眼處都照顧周到，值得加許…Read More

相約客人一起午餐，但職員態度和食物質素真的有待改善一入到餐廳個男職員就命令我們去其中一張枱。由於我們得兩個人，需要與另外兩位客人共用空間，分了A和B兩張枱。但這間餐廳的服務員卻不斷地把其他客人的食物送到我們這張枱。他們根本不知道自己在做什麼，胡亂出單。至於食物方面，客人點了bibimbap，我自己點了小辣豆腐鍋。個豆腐鍋的味度好淡，無啦啦是蝦味的水一樣，好奇怪。入面有牛肉的，但就是超級難咬得開，好韌！豆腐好像是變懷了，酸酸臭臭的。好彩客人說 bibimbap都是正常的。全個午餐，一邊食，天花幾部冷氣也不斷滴水無人理…Read More

同事介紹到老北京食午餐。當日可能是剛開門不久，入面都幾焗，仲有陣味。後來請了職員開大一點冷氣先舒服少少。食辣的，真的會出汗午市有套餐，我們點了水煮魚、酸辣湯麵和糖醋排骨。原來每一個餐都會送上三隻餃子一碟涼菜，還有湯。點餐時問過職員水煮魚可不可以選擇辣度，原來是不可以的如果有得選就好了。因為太辣，我要用湯浸一下先食得。但其實味道真的不錯，入邊還有類似水晶粉的，好足料！酸辣湯麵和和排骨味道也不錯！餃子味道也很好，又夠大隻！…Read More

真係好耐無去過赤柱了！原本想出去九龍區跟朋友慶祝生日，但是因為港島區有活動，所以去了赤柱。星期日晚上比從前多人，好彩 book到位。Boathouse由藍色轉了黃色後，都一樣好有情調。因為太熱還是選擇了坐室內我們點了$698的 summer seafood set, 份量都足夠。豐盛的海鮮盤令人一見到就開心。都算好新鮮，特別是蝦，好鮮甜。如果有生蠔就perfect 了。但小龍蝦就實在太咸，另外帶子唔夠鮮味，有點死實的口感。主菜選了蟹肉龍蝦意粉，味道很好，就是蝦是雪藏的，扣了分牛扒燒得不錯，叫了7成熟都好多汁甜品都好好味，特別是個雪芭，好香好 fresh。最後，職員的服務態度真的好好，值得一讚！…Read More

鬼金棒一開，已經好想試下，但次次都排晒長龍。今次未夠中午十二點我們一班同事決定勇闖，終於不用排隊啦。個人其實一直好喜歡食麻、辣，更大愛芫茜呀！！！ 所以好快就決定食芫茜辣麻味噌拉麵，仲忍不住加左味玉，好滿足！落單用自己電話掃QR CODE就得，一班人各有各落都幾方便。因為第一次試，怕自己承受不了，選了小麻小辣。個湯好厚身，仲夠熱，下次會選中麻中辣。但是味玉就有少少失落，因為爛左唔夠完美（其實加左$15嫁)。肉呢，真係好味，夠晒淋！會再來的！！…Read More