EmilyLeung3214's Profile

同10多年無見嘅小學同學，亦都係當年田徑隊嘅好朋友食飯～ 當年一齊練跑，而家係一齊分享湊仔經。天氣唔太好，所以心情胃口都麻麻哋，食越南嘢比較開胃，而呢間餐廳亦都乾淨企理，預早訂座留靜d嘅位，所以我哋有側面嘅卡位，可以好好咁傾吓計❤️我哋兩個女嘅～ 叫咗個二人套餐。餐小食選兩樣，我哋揀咗signature嘅越式春卷同埋雞翼。用生菜+酸汁包住春卷嚟食，都好味喎～唔會太油膩。主菜我哋揀咗海鹽焗鱸魚。上菜時，經理細心咁幫我哋輕輕掃走魚上面嘅鹽，亦溫馨提示我哋要襯熱食，果然好介紹，魚燒得好香。菜我哋就揀咗馬拉盞炒通菜，好香唔會太油。如果有椰菜苗就更加出色了～最後我哋轉咗特飲。總括來說，第一次幫襯，食物環境都好好，經理店員都非常細心～ 值得再次光顧👍🏻…Read More

好朋友升識請我哋嚟食飯我哋選擇咗露天座天氣好 陣陣海風非常舒服食物okay我哋點咗3塊steaksalad薯條德國腸等等環境一流當晚有live band主動問我哋想點咩歌唱得非常好超高質！…Read More

試業日。想食好耐，不過黃埔有d 遠，屯門有分店真係好～多士鬆軟，紅豆蓉同多士好夾味，咖啡都可以嘅～ 第一日試業，服務非常好～下次要試吓意粉，甜品，仲有兒童餐～門口有英式麵包，紅荳蓉，咖啡等等售賣，又多一個早餐選擇啊～…Read More