LiuBall's Profile

今日外母生日，同佢去金河食晚餐，去楊屋道街市買咗三隻龍蝦上去加工，跟住叫咗一隻風沙雞，炸咗都仲好滑，送酒一流。最有驚喜係個冬瓜蓉火腿羹，好香甜清新，每人飲咗幾碗。跟住叫咗炸大腸，腐乳炒通菜正正常常。飯後仲有炸鮮奶同椰汁糕做甜品。金河仲特別幫我預備半打壽桃包俾我外母做生日，服務一流。開心美味，很滿意的一餐。埋單飲埋啤酒連加工費，都不用仟伍蚊，個三隻游水澳洲龍蝦就貴少少，係街市買要六佰蚊。不過大家食得開心滿意，好值得😋😋😋。…Read More

今日黃色暴雨警告，兩公婆放假冇地方去，入東涌東薈城行下，試了這間京菜真係有驚喜，價錢又合理，一次過可以試唔同嘅菜式，試了午市套餐和週年點心拼盤，滿300元有鍋貼送。三百幾蚊食咁多嘢仲要好好味，有特色也可以打卡，味道很好。又有套餐價，未試過真係可以嚟試下。…Read More

來幫襯過幾次，今日帶埋個仔嚟試下，叫咗雞扒餐同埋牛扒餐，份量足夠，味道都唔錯，感覺到係用心製作。問咗服務員先知原來老細就係廚師，所以食物水準有保證。可以試一試，下次會再來。阿仔都話抵食，會帶D大食同學仔來。…Read More

無目的地在雞地揾食，比我見到呢間西餐廳，我見價錢唔貴，我又剛想食卡邦尼意粉，所以入去試試。我點了雞肉松露煙肉卡邦尼意粉，前菜可選餐湯或沙律，我選了沙律餐飲要熱齋啡。上沙律我已經很滿意，鮮果什菜沙律~份量足夠，美味新鮮。卡邦尼意粉～醬料，意粉和配料都做得用心，不是現成醬料製作出來，份量也剛剛好。咖啡也不錯。星期一至五中午不用加一$78價錢合理，食物有水準，服務員招呼很好很友善。餐廳新開個多月，我會再去…Read More

今日做節，真係比呢間嘢激到爆炸。一個月前訂枱，訂18：30，12位，未到18：30去到諗住攞枱，居然同我講無枱，叫我成班人去佢隔離枱分枱坐，或者去其他分店。咁我問佢點解要訂位？你嚟到又唔畀枱我？過時過節你先咁？啲職員根本冇幫到我，最後我堅持要等，到八點鐘先有飯食。期間我見到有其他食客同我一樣，有啲仲畀埋訂金。個個一家大細，都搵唔到其他地方食飯，唯有焗等。到終於有得食，啲餸就好似趕收工咁。半個鐘頭就上曬菜。仲要啲餸係凍嘅。比成五千幾蚊，好似受罪咁。應該快啲收檔關門。真係極差。仲有呢間舖喺商場入面，明明不可以食煙，但啲食客喺嗰度食煙搞到個中央冷氣全部噴出煙味，唔知仲以為自己去咗街邊大排檔，但個度嘅職員都無理。服務態度極差。…Read More