RManMan's Profile

旺角嘅鵬哥清湯腩，行過幾次都未有機會去食吓，睇過食評，啲食客都好似都話不錯，今日第一次去試吓呢間舖頭，就係要試吓佢嘅牛腩，可能今日早咗少少，12點幾入到去舖頭唔算好多人，服務都正常，餐牌都好多選擇，但大失所望，叫了一碗清湯牛腩河，個湯都不錯，碗河粉送到嚟我睇落牛腩比較瘦，但係賣相都唔係好差，但啲牛腩估唔到嚿嚿都好似瘦肉咁樣，好韌，咬嚟咬去都唔難，咬咗好耐都係要吐返出嚟，最後啲牛冇辦法食到，可能要食崩沙腩先至好食。…Read More

早兩日再去呢間餐廳食嘢，之前去過幾次都冇問題，嘢食嘅質素都可以嘅，今次四個人去其中一個係三歲小朋友，坐低攞住個餐牌叫嘢食，攞住個餐牌指比嗰個人知話要啲乜嘢，嗰個人話我睇唔到，你讀出嚟，態度已經好差，寫完就擰轉面走咗去，因為小朋友想飲嘢先，就想嗌埋嘢飲，咁唔好彩佢又喺附近，就叫佢，黑口黑面走過嚟，話使乜咁急啊⋯⋯都算啦，然之後佢話你哋四個人唔可以叫三個餐，有人頭低消，佢又冇寫有低消，一個三歲小朋友都有低消，唔知係咪得罪咗佢，去咁多次有個女士同埋後生仔都好有禮貌，係得呢個有啲年紀嘅男人成日黑口黑面，講唔該有尾音嗰種禮貌，可能佢係老闆，所以唔會再幫襯了。…Read More

愉景新城Outback- 可以話非常滿意，喺OpenRice落單又有discount，嘢食質素又好，食物同喺堂食基本上冇乜分別，攞外賣嘅時候又順暢又有禮貌，有下次。…Read More

幫襯了發記已經有七八年以上，每一次都冇問題，前兩日去咗買19隻， 11隻公，8隻乸，八隻乸全部變壞，朋友問過九龍城肥仔號，另外個朋友就問咗尖沙咀嗰間老店，大家都講話係變壞左，係有寄生蟲，影咗啲相今日落去舖頭同個唔肯定係老細定係高級職員講，我已經拉埋佢一二邊細細聲同佢講，佢就好大反應話一定係你未蒸熟，所以仲係黑色，我話我19隻分咗四次蒸，公乸都會一齊蒸，11隻公完全冇事，全部拿都有呢個問題出現，佢就話可能公容易熟啲，乸就要蒸耐啲，有好多原因個喎，佢仲現場拆咗一隻俾我睇，話你睇吓都冇事，總之就唔關佢啲蟹事，冇諗過老字號都會咁樣，大家要小心。…Read More

今晚叫外賣咖喱蛋包飯，喺屋企打開係一般咖喱蛋飯，完全兩回事，再加上蛋包飯價錢貴啲，打電話又冇人聽，雖然話佢知應該都冇咩辦法，但諗住都話聲佢知叫佢留意吓，下次都係唔好攪我。…Read More

諗住同老婆阿囡試吓懷舊餐廳，一入去餐廳完全冇人理，服務員望一望唔理，企喺入面一陣終於有人理，坐底坐一陣，諗住點野食又冇人理，一男一女行過，佢哋話係廚師唔關我哋事，另外見到有幾個個員工聽緊一個類似高層或者老闆嘅說話，但係都有擰轉面望我地發生咩事，但係都係冇人理我地，之後我哋一家人只可以慢慢行出門口走，行緊出去嘅時候嗰班員工同高層之後我哋一家人只可以慢慢行出門口走，行緊出去嘅時候我就話完全唔理客人咁樣做生意，佢哋全部人有聽到再望住我地，但係完全冇理我地，如果大家想受氣就去啦～…Read More

今日兩大一細去食，當然兩大試吓湯米線，小朋友想食出前一丁，所以改左一碗丁麵，丁麵嚟到～我問服務員點解個湯係白色應該唔係出前一丁？佢話冇落錯單喎，我再問問啦，我即刻話其實錯左唔緊要，唔洗換費時浪費，幫我扣返加丁麵嘅錢啦，之後一男一女服務員過嚟話係出前一丁，不過用左雞湯，我話小朋友就係想食出前一丁麵同調味嘅湯，佢話個麵已經用左出前一丁嘅麵，所以唔可以扣返錢⋯再講左一陣，我就費時同佢再講⋯一間不能再去的店⋯…Read More

不知所謂⋯今日兩大一細去尖沙咀店，當然兩大試吓湯米線，小朋友想食出前一丁，所以改左一碗丁麵，丁麵嚟到～我問服務員點解個湯係白色應該唔係出前一丁？佢話冇落錯單喎，我再問問啦，我即刻話其實錯左唔緊要，唔洗換費時浪費，幫我扣返加丁麵嘅錢啦，之後一男一女服務員過嚟話係出前一丁，不過用左雞湯，我話小朋友就係想食出前一丁麵同調味嘅湯，佢話個麵已經用左出前一丁嘅麵，所以唔可以扣返錢⋯再講左一陣，我就費時同佢再講⋯一間不能再去的店⋯…Read More

第一次來，看到魚缸很吸引，兩位小朋友走過去睇睇，都未有動作，就有一位比較老資格嘅女店員，走過來態度很不好就講睇好啦，唔好拍，其實個魚缸啲魚係幾靚，唔可以拍驚嚇親啲魚都係正常，但係對住兩個五六歲嘅小朋友唔需要咁冇禮貌，咁惡。個雞煲都可以，牛肉也可接受，因為午餐所以其他食物-牛肉，雲吞，丸類，菜，都有半價，只係個雞煲，或者湯底，飲品就冇半價，其實都算OK ,不過啲嘢食幾好都冇用，一位比較年長嘅姨姨服務人員已經將成件事破壞。…Read More