tomchai2009's Profile

已經好久好久沒有寫食評了，最近都很少出外食飯，主要都是太太煮，但一年一度太太生日，怎可以不出去食呢？今晚訂了「校長燒肉」，在元朗很帶名，生日有88折，我們選了第二時段，準時19:15入座，入座前先量體溫，噴噴手。上到1樓我們真是大開眼界，這裡超級多食物！有生的熟的甜食咸的都有！首先當然試試刺身，每人限拿3款，我先選了三文魚、吞拿魚、玉子，玉子味道很好，不是很甜的。鰻魚壽司的鰻魚汁也很juicy。之後就試試韓燒了，爐面上有張吸油紙，吸了些油，又不會黏住。試了金菇肥牛卷，肥牛卷包得很實，不會散開。這裡的雞肉腸是高級雞肉腸，味道和廚師腸的不一樣，不太會咸。另一推介就是辣味魚柳，整塊魚柳不易鬆散，而且辣味很開胃，不算太辣。燒肉方面特別推薦雞軟骨！雞軟骨有3隻味道，分別是普通，印度風味和特製，印度風味好特別，夾集多種香料，但又有種辣辣的味道。另外我喜歡牛冧肉，這是牛脾肉，同雞脾一樣都是滑滑的，一點也不靭，大概5分鐘便全熟，之後再另加適量的鹽就已經很美味了！之後就試了一些平日少食的，漢堡扒呀、紅腸、午餐肉等。本想繼續挑戰肉類，但想留肚食其他，試前先試了梅酒，聞起來梅酒的酒味好重，但飲起來一點都不甜，而且味道很開胃呢！太太對焦糖很著迷，我特意拿了「焦糖脆脆」給佢試試，見她不停的拿就知道好味道了！焦糖味夠又不太甜。餐廳內有兩點令我驚喜萬分，第一竟然有點心！如果想飲個夜茶不妨試試XD第二就是有冰水果，菠蘿、西瓜、水蜜桃！由於一直冰住，建議先放一會再食，否則牙齒都爛了XD餐廳環境很大，1樓全層，而且位置好闊落，坐得很舒服，食物令人目不暇給，起碼超過過百款！住元屯天的兄弟，快快來試試吧！…Read More

除夕日同太太出去慶祝同迎接2020年嘅來臨，我見到一間邊爐好抵，雞煲加任食邊爐都係二百幾蚊咋！地方方便又寬落，響正旺中對面，我放工一落車就到了！除咗雞煲，仲可以選惹味鴨煲，但都想食返雞煲， 每件雞肉都厚身，啖啖肉，而且好夠味道，重洋蔥，食雞件之餘配料都食埋！食完雞煲，侍應主動問我哋想用咩湯底打邊爐，太太鐘意藥膳湯，天氣凍暖吓身都好,而且佢一路煲一路飄啲藥材香味出嚟，好似keep住養生咁！跟住我哋去咗自助食物區夾嘢食，有多款丸類，香腸，芝士腸，不同的韓國餃子，日本餃子，蟹柳，金菇，魚皮，響鈴，豆腐，獅子狗等， 好開心唔計瓜同粟米等，都有成6款新鮮菜俾人任夾，而且好新鮮，無菜花，仲有似點心紙嘅菜單俾人落單，可以選擇墨魚滑，羊肉，豬頸肉，豬皮，海蝦，鳳城水餃，白鱔片，吊筒仔等等，喜歡佢每份都唔大份，好食啱食先再點，唔怕浪費！任食邊爐, 任飲啤酒,汽水好似係理所當然, 依度仲好細心,有唔同嘅鴻福堂清熱樽裝飲料都係免費任飲! 最後食埋枝紅豆雪條作結, 之後就去朋友家倒數迎接2020年啦！…Read More

我每一次去敏華都要排隊，排好長龍...但敏華炒蛋真係好味，唔趕時間等下都好既。今朝老闆帶領我地去食早餐再開工，難得岩岩開，唔使排隊，正呀！呢個餐有叉燒湯意粉，呢個好味啲，個湯真心有味架，唔係水，意粉亦唔會好硬，已經變晒軟林林。叉燒偏瘦，唔會有肥膏肥肉。炒蛋係呢度名菜，自然好食，好軟滑又香蛋味！本身食左呢個已經夠飽，奈何對面枱叫左雞翼，好想食！叫左個脆皮雞中翼，所謂脆皮當然係炸過，雖然炸過但係一啲都唔油，唔會食完成口油，雞翼帶少少咸味，雞皮幾脆。臨走見到個部外賣機，宜家買外賣自己嘟八達通就得啦，好方便！…Read More

Tom N tom 周圍都開到成行成市，韓國既新潮Cafe內佢都算好好食！我最中意就係飲佢個杯咖啡啦！自從搬左Office去南昌，周圍都無野好食，宜家有V Walk，食個tea都方便啲！芒果乳酪沙冰：最近自從X茶之後，周圍都係芒芒，桃桃咁。今日就飲左芒果，唔太甜，沙冰就令到成杯野比較凍，但係啲冰好滑好好味。火腿芝士牛角包：要重點推介塊芝士！超級邪惡！！芝士好大塊，目測好似成塊煎蛋咁，處於半融狀態，牛角包烤得岩岩好，唔會太油，仲帶點爽脆。…Read More

大家早餐成日食三文治啦，三文治既配料，但變成烤多士會點呢？V walk開左第一間新店，即刻要去試試！我今日order左「餐蛋烤三文治多士」，唔好以為餐肉雞蛋好普通同簡單，呢間餐肉絕對厚切，味道唔會太咸，仲有一大塊！雞肉是炒蛋，嫩滑既雞蛋好滑好重蛋味，最意想不到就係有塊生菜係底，減少左個油膩感。飲品我揀左厚奶咖啡，$34，估唔到仲貴過多士，多士抵食呀$28。咖啡味道不錯，話晒厚奶，成杯奶都好Creamy，而且好滑！下午茶之選呀！…Read More

宜家飲品開到成行成市，今日行過V walk見到有間，天氣又咁熱，我同老公一人一杯。我買左火紅芒芒，$39，火紅芒芒係用火龍果同芒果而做。唔上面黃色，下面紅色，火龍果肉沈晒底，飲用前要搞一搞。我叫左少冰，雖然兩種水果都帶甜，但係甜度適中，芒果味都幾重。另一杯老公叫左「芒芒多多」，呢杯$38，益力多味唔太濃，但帶少少酸味，芒果味重，酸味加甜味一齊，令杯野幾易入口，飲品內仲有少少芒果肉，飲緊既時候都有啲野咬下。…Read More

唔知點解呢排成日見到, 無論係網上或者線下嘅雜誌都有介紹唔同嘅四川火鍋店, 明明就係春天, 而且仲要係貼近30度, 點解大家重咁熱捧呢類型嘅火鍋店呢, 今日我就約咗我另一半去滾一滾, 感受下呢一股"熱度".特色香果鍋：其實我同我另一半都唔係一個鍾意食辣嘅人,但係見到全店嘅人嘅喎都滾著好多好多嘅辣椒, 都不敢畀佢哋吸引住,所以都點咗鴛鴦鍋一邊係香果鍋, 另一邊係招牌麻辣鍋. 點知嚟到, 係兩個圈, 大圈係辣鍋, 細圈係香果鍋, 香果鍋味道偏甜，入面落咗香梨蘋果等，感覺似老火湯，另一邊就係招牌麻辣鍋，太辣可以食返香果鍋😂😂麻辣鍋有山奈、八角、花椒、香叶、辣椒等等配料，嚟到特別的香！因為我哋一早已經同事應該咗我哋唔係好食得辣所以個個都係微辣，可以話只係食個感覺！手打四寶丸手打四寶丸啲丸到都大大粒，果然真材實料。有鮮蝦丸,本地牛肉, 鯪魚肉,墨魚肉. 手打墨魚丸用新鮮墨魚粒製成，食落去更鮮味、更加有口感，而且好彈牙，又唔會得個咸字，鮮味突出！黑豚腩肉呢排皮膚敏感所以都唔敢食太多牛肉今日就轉食豬肉片啦!黑豚腩肉厚度厚薄剛剛好, 肥瘦程度平均, 唔會好重嗰臭豬肉嘅味道, 食落又夠爽同埋好有質感.功夫土豆片佢哋將番薯切成好薄嘅片狀, 而且每片都砌得好平均, 每天都會捲成雪糕筒形狀在排成半圓球形狀簡直係一個打卡位, 連埋啲湯一齊煮索曬啲湯嘅味道, 這個配料好值得叫.呢度環境都幾好, 有啲四川鄉土嘅風味, 同埋這餐廳勝在所有嘢都係好乾淨, 食落都會放心!…Read More

早前看東張西望說荃灣有超超超平價豆腐花，我和太太吃完都唔飽，看到旁邊有間日本賣丼同手卷的店，好多人排隊啊！手卷普遍都唔貴，我地看到好多人都食，不過怕唔飽，我地還是叫了丼飯。我叫了極上刺身丼，等候時間大約10分鐘，店內有好幾個師傅，所以流程都很快。稱之為極上食物當然是最好的，有三文魚，虎蝦，帶子，玉子，魚籽。三文魚很滑嫩，玉子沒有平時吃到的那麼甜，魚籽和飯一齊食用，令飯增加了口感，每粒咬開都煙煙韌韌的，特別要讚賞一下虎蝦，我本來以為只會有兩隻甜蝦，想不到會有大隻大虎蝦，蝦肉好滑，完全唔係雪同霉既感覺，肉味好鮮甜。太太就叫了「三味魚丼」，三款的意思即是有三種三文魚，一種是角切三文魚（生的），一種是燒過，熟的三文魚，最後是帶有類似沙律醬的三文魚。每種三文魚都不一樣，角切生的三文魚夠鮮味，熟的三文魚不會太韌，而且燒過也不會太鬆散。最好味的是醬汁三文魚，送飯是一流的！這種應是拿來整手卷的，拿來做丼飯也幾match，丼中還加有牛油果粒，口感幾清新的。大家去荃灣不妨一試，立食感覺幾得意呢！…Read More

最近食家同事又有最新推介，說有一家做得很出色的火鍋，位置方便，價錢相宜，食物高質。儘管冬天已瘋狂吃火鍋，都忍不住想相約好友一試。一到場，場地非常寬敞，裝修光猛，場地整潔，亦有不少座位。食物種類非常繁多，例如常見的丸類，包括牛肉丸，貢丸，墨魚丸，姜汁猪肉丸等。亦有其他比較少見的種類，例如芝士獅子狗，牛柏葉，蟲草花，甚至有平常甚少出現於日式火鍋的豬紅，單單是配料已經有多類型選擇，十分抵讚。一入座，先來一碟刺身。我們點了甜蝦，吞拿魚，三文魚，希靈魚等。刺身都非常鮮甜，不會有雪味，夠厚身。湯底方面，都有八種不同選擇，我們點了日式壽喜燒和骨膠原雞湯。主角火鍋食物開始到場了。海鮮一上桌，店員都貼心地把它們用冰雪藏住，以保持鮮味。龍蝦大大隻，多膏，夠甜夠多肉。花甲都洗得很乾淨，無沙。牛小排，雞腿肉和豚肉都是任叫任食，三種肉類都非常新鮮，無雪味。肉質亦非常滑溜。總括來說，場地寬廣潔淨，坐得舒適。食物種類繁多，海鮮拼盤夠吸睛又夠新鮮美味。以這樣的價錢來說，確實十分划算。無論是朋友或家人，都適合來這裡用餐。下次一定會再來！…Read More

今日同朋友去了愉景灣，在差不多6點的時候在馬頭附近尋找餐廳，看到這一間McSorley’s。我們就進去了，一去到就等店員安排坐位，環境佈置得好靚好舒服，有分為室內以及室外，而且門口更加設有美式桌球的檯。我們一坐下來就急不及待地拿起餐牌看看有什麼吃，經過我們的討論，叫了二個前菜，一個主食，一個甜點以及2杯飲料，包括了香煎三文魚柑橘沙拉（$148）、南瓜沙拉（$120）、大波特菇寬條麵（$138）、Apple Tart（$82）、1664（Happy Hour $50，平時好似是$55）以及Green Tea($38)。食物很快就到了，率先到來的是香煎三文魚柑橘沙拉，甜甜酸酸的，非常易入口，而且份量十足，十分滿意。接着的食物就是南瓜沙拉，很正又健康，而且帶上一點甜味，完全符合現代女性所追求的健康美味。大波特菇寬條麵也是另一個十分好食的，故名思義是包括了菇，波菜以及畫龍點睛的松露醬和巴馬臣芝士，既好看又好吃，麵條不會太過軟也不會過於硬，彈牙有咬感，愛吃寬條麵的人士，必食之選！最後使是必點之選——Apple Tart ，做到外脆內軟，原本就是因爲這個Apple Tart才選擇這餐廳的，果然沒有令我們失望。甜而不流，蘋果的果香都充分發揮到我建議2位朋友上來，點1個前菜，1個主食，1個甜點加2杯飲品就很足夠了！…Read More

同事一直跟我說旺角有間不錯的韓燒，今天老虎剛好在旺角睇中醫，接了她便去試試，地點不難找，因為我們吃午市，所以人並不多，好快便有位了。入座後原來每位再送韓式他他/刺身，我們兩款都想試，所以叫了每樣一款。由於食物未到，我們先拿飲品，除了韓式飲品外，驚喜的還有自家制飲品。茶包已經放好入樽內，我先試了「凍頂烏龍茶」，回甘的確是有，還多了一陣酸梅的味道，算是任食店的新嘗試吧！他他和刺身到了，我欣賞的是他他裡的生雞蛋，它與他他混合一起燒別有一番風味，他他其實是韓國的牛肉碎，但味道比好，入口即融。刺身有三款，味道一般，建議全部選他他！先來的是韓牛，牛肉真是不一樣，每片也切得很薄，放在爐上很快就熟了，牛肉本身比較Juicy，燒左一陣都不會乾不會捲曲，食起來仲好有味道！之後上了一鍋熱食，是牛肋骨煲，除了牛肋骨還有很多蘿蔔，所有食物都炆得很淋，牛肋骨很軟，一咬就斷了，而且浸入了一大陣蘿蔔味，十分滋味。除了韓牛我們也叫了一些其他食物，我最喜歡是一整塊安格斯肉眼扒，不要以為是厚厚的一塊肉扒，其實已經切得很薄了，所以燒一會就熟。一向覺得牛肉是不需要加什麼調味料，這塊肉眼只加了准鹽，肉味好濃而且一點都唔韌。牛柳粒燒一陣就好了，不要太熟，如果燒太久就會變硬變乾，牛柳粒的肉幾淋，食完也不會痴牙。牛丸是韓式的牛丸，比一般街市食到的不一樣，牛丸十分彈牙，咬時沒有筋的，全是牛肉，也不會痴牙。這邊有最近的潮物：廚師腸。味道當然有保證啦，五花腩不要以為好肥，見油浸出來才是真正的正！餐廳環境幾舒服，坐也不會坐得太迫，有興趣記得來試試！…Read More

整個11月都緒事不順，約了的客經常放飛機，生意額沒有顯著的改變，跟畢弟說了一齊去食放顯，沈澱一下。今晚我地揀左尖沙咀大喜屋，貪佢近office。刺身永遠都是菜單的第一頁，我們也跟著次序，北海道帶子小小的，食起來很滑，白雪雪的，滑到好像豆腐般。三文魚大部分都連魚皮，吃起來好多魚油味，池魚刺身比較硬身，但好甘香。壽司我們叫了幾款，香芒龍蝦沙律壽司，龍蝦沙律唔係好甜，加埋芒果仲有一份清新味。Double芝士鰻魚卷，double芝士真的不一樣，有著好香濃的芝士融化味道，鰻魚好挺身，鰻魚汁功勞也不少！牛油粟米唔算太甜，份量都好多。馬拉盞炒芥蘭是一鍋鍋上，當打開蓋時飄來一陣很香的馬拉盞，刺激鼻部，是好好味的蝦醬味，每鍋份量都不是很多，所以不會帶有罪究感。沖繩黑糖牛仔肉，肉質好嫩滑，每片都切得很薄，而且都曾經燒過，Juicy一點和邊位也是脆脆的。意想不到的是牛肉壽喜燒如此出色，平日的都是hea底，這個齋看牛肉都已經有三大片，每片都很大片，湯底是壽喜燒，甜度很足夠而且無油，配料還有很多的豆腐、菜、韓式粉絲等。食肉獸的我怎會錯過燒羊架呢？我一口氣叫了兩件，羊架蘇味十足，而且一點都不un，帶著鮮味。鹽燒牛舌：鹽味足夠，一落口只feel到咸味，牛舌燒成全熟，咬下去時好軟林，好滋味。…Read More

今日同朋友去完銅鑼灣行街突然之間好想食原本去咗登龍街睇吓有咩拉麵好食但係因為人太多同埋有兩間之前食過麻麻所以最後我哋周圍行吓睇吓有咩食。經過拉麵jo嘅時候俾佢懷舊有啲似日本居酒屋嘅風格吸引左 唔似其他大型拉麵店店入邊所有顧客都係對住拉麵師傅依家拉麵價錢同香港啲拉麵價錢差唔多 我同朋友分別叫左麵豉拉麵($90)(粗)同埋蒜油豚骨拉麵($88)(幼)。雖然拉麵jo冇得選擇湯嘅濃度但兩碗拉麵嘅湯都幾濃幾入味 粗麵同幼麵都係屬於普通硬度都係屬於普通硬度 另外值得一提係嗰塊肉 半肥瘦同埋燜得幾有湯味。跟住我哋忍唔住叫咗幾個小食 蒜香牛舌(70)鹹咗少少 但加左檸檬汁可以接受 反而牛舌幾有嚼口 厚薄適中 幾好食 呢個價錢 份量適中 適合兩至三人分享。我哋都叫咗個炸番薯條(45) 因為粗身 食落去番薯味濃 點埋跟配既醬 推介大家嚟到要叫呢個！但係留意番因為拉麵jo 夜晚六點先開始晚場 我同朋友因為早左都等左幾分鐘 如果大家想去試吓就要注意返時間。總括而言大家嚟到銅鑼灣與其人云亦云不妨走多兩步試吓其他小店！…Read More

今日放工同同事去咗黃金電腦商場, 點知我都執到啲筍貨, 兜咗兩個圈腳又攰又肚餓, 本來想食碗出名嘅車仔麵, 點知兩間都勁多人排隊, 朋友話想同事話想搵間舒舒服服坐仲好唔好同人逼, 見到呢間新開嘅糖水舖我哋就入咗去.見到有好多唔同款式嘅糖水同埋甜品, 真係花多眼亂, 沒有太費神去選擇食什麼, 睇到有補腰嘅合桃糊, 就點做呢一款, 仲加咗$7, 要咗桃膠.合桃糊食到係即磨嘅, 有少許一粒粒嘅合桃碎，都幾夠濃同埋算係傑身, 同埋份量都幾大, 唔會細細碗咁, 夠飽肚，原來合桃多吃會抗抑鬱同降膽固醇，很是健康！桃膠個色都幾襯碗合桃糊，桃膠口感爽滑煙韌, 它是一種天然的健康食品，內含有豐富的氨基酸，能促進膠原蛋白被人體吸收, 兩者都好有益補身！今日好開心，電腦商場又執到筍嘢，又食到美味有益嘅糖水，甚是滿足！…Read More

自從UA係屯門執了之後，我都好耐無去UA睇戲了，今天帶太太到青衣城UA，幾大幾靚，在第二期，睇戲之前我們先去食個靚早餐。鮮茄牛肉通：份量很多，蕃茄湯底很濃味，也有不少的蕃茄碎，牛肉亦很滑，一點都不韌，通粉也很林！腸仔炒蛋配牛油方包，腸仔令我喜出望外，因為一點都不油喎！這裡有個特別之處，任何早餐都可以加配薯餅，只需$8，好像麥當當一樣，薯餅即叫即炸，來到時熱辣辣，由於係炸的所以脆卜卜，不會太林而出晒水，真心不錯！…Read More