tommyaso's Profile

早前我因為看見朋友在社交媒體分享這家素食餐廳，而被賣相精緻的食物照片大為吸引，所以決定光顧。甫進店門，我便覺得樓面面積比想像中少，但是食物的質素並沒有令我失望。我一心想來這裏品嚐招牌菜－－芒果香酥豆腐。但是可能因為此菜式太受歡迎，已經售罄。於是我便品嘗了其他食物，包括蜜汁火方、炒飯、牛油果焗法包等。當中蜜汁火方中的「叉燒」真的很像叉燒，充滿肉味。最後，我還吃了甜品。這碗腰果露令我很驚喜。我和家人都讚不絕口，因為味道真的很濃郁，還能吃到腰果碎。不知道是不是即叫即煮呢？美中不足的是我不能吃到招牌菜，我一定會再光顧的。希望餐廳可以改善的是廁所的衛生。…Read More

疫情肆虐，無阻我同朋友出街支持小店。同朋友由中環碼頭行上黎威靈頓街專程揾呢間餐廳，眼見沿路都有不少吉鋪，唉生意難做。未入餐廳已經見到好多色彩繽紛嘅文宣。原本都唔諗住有太高期望，純粹幫襯下。同朋友叫左份醉雞、芝士焗豬扒配瑤柱蛋白炒飯、蒜薯牛油雞翼。等左大約10分鐘就黎，食落原來咁高質素!真係貨真價實，塊豬扒好入味，一啲都唔硬!連我好咀雕嘅朋友都話醉雞好好食。雞翼炸得皮脆肉嫩!😎😎😎❤❤離開時，我影左店內連儂牆，咁啱店外有成班警察經過睇到我影，少少驚🙈希望大家支持下佢地，值得大大力懲罰!😂食物真心高質!只係鋪面細左啲，冇辦法租金太貴啦。…Read More

冇諗過一間冇裝修、外觀平平無奇、舖位細細嘅餐廳居然係隱世神店。佢啲食物好高質素，老闆好用心煮。唔係講笑 佢嘅菠蘿炒飯同金邊粉真係真材實料，好惹味!老闆娘仲好熱情添😻😻真係麻雀雖小五臟俱全…Read More