白十二's Profile

今日去北角做體檢。就搵下北角有咩好食。見網上好多人推介北角既全日雞實驗所，所以特登走嚟食。我就叫左海南雞飯餐，朋友就叫左海南雞飯（胸+雞柳）首先要講嘅係個海南雞飯：雞胸&雞柳處理得還可以，唔會鞋口。雞肉正常，有少量雞味，但唔算好滑。個湯自稱係無味精。飲落口係微清甜，味淡。而且飲完後無口渴，應該真係無加味精。烏龍茶味道一般，偏淡味。最令我感到意外既，反而係個飯。我唔肯定係咪用左糯米。個飯除左有淡淡既雞油外，佢係有糯米果種煙韌而且偏硬身既口感。好食。我個人覺喜歡海南雞係偏向香滑。所以如果只講雞，我心中有2間既海南雞係做得比依間滑&香。但如果講個油飯，依間就會係我第一選擇。…Read More

今晚母親節，原本開開心心，提早左成個星期去book左位。book左7點，但等到7點半都未有位。問接待員，只係會答你：有位先會比你（語氣超唔好）。甘我book台嚟做咩？你去碼都要同我講大約幾時會有台/仲有幾多張台先到我。成個媽親節，要老人家等左半個鐘都未入得。甘我book台做咩？好心間餐廳一係就唔好比人預約。就算真係人多，都要比預約既人知仲有幾耐先有台掛。平時無食依間野，唔知你平時服務係點，但經過今次，我以後都唔會再幫親。…Read More

今日同朋友一齊放假，就去IG好多人講既依間餐廳食下。去到有4個客係前面排緊隊，等左10分鐘左右就有人出，所以都算快有位（可能因為已過放飯時間，少D人）.入到去，環境算乾淨。有左右兩頁menu 。我地分別叫左野菌波菜香草忌廉大通粉&威靈頓牛柳。每份餐有包：湯&熱飲。忌廉湯好夠味，而且都幾稠幾滑，唔錯。依個雜菌波草香草大通粉直得推介。通粉煮得好適中，唔會太軟，食落軟得嚟仲有一點點既韌，有口感。加上濃厚既忌廉，好食。但雜菌&波菜如果比多少少會更好。威靈頓牛柳既蘇皮一般，但個牛柳OK。以依個價錢，CP值係幾高。牛柳唔會韌，叫7成熟，但上台應該是八成熟。但佢既薯條唔錯，係炸得好爽脆。今日依餐食物，對得住個價錢有餘。但我唔知人流高風期，仲係咪一樣質素。…Read More

今次係第三次入長洲行。之前二次都無留意到依間茶飲店。今次行入去一試，嘩，真係好有驚喜。依間店既裝修好靚，坐得好闊落好舒服。店員推薦芝芝葡萄&百香神石榴。所以我地就叫左依兩杯。左邊係芝芝葡萄，右邊係百香神石榴。芝芝葡萄有好重既奶香及芝士味。但最令我驚喜既係，佢有好清甜好粗既葡萄肉係入邊。好明顯係即場打既果肉。百香神石榴有百香果既獨特香味，再加上神石榴既紅色&果甜，飲落好清新好解渴。真係飲左甘多年果茶，依間係數一數二好飲。…Read More

今日同家人去曾咀拜祭完呀爸，就一齊坐車出屯門食午餐。呀妹話想食牧羊，所以特登嚟依度食。地點唔算方便，係角落位，要地圖協助先搵到。蕃茄湯好濃，食落有細溶既蕃茄肉，好有口感。鳳尾蝦意大利麵既蝦唔算多，但做到成碟意大利麵都有蝦味，幾唔錯。雖然唔算大碟，但女士都夠飽。白汁豬扒飯既白汁好滑，豬扒鬆軟，而且總共有兩塊，就算男士都絕對夠食。而且飯係加左黎麥，即刻感覺上健康左好多。燒雞唔算大隻，但好入味。雞肉好嫰滑，配上燒汁，唔錯。但唔係好夠飽。炸蕃薯條係即炸，炸得好脆而且唔油，比多一碟都唔怕多。水果冰真係估佢唔到。以為佢係橙汁加冰，點知果汁係果溶，有好濃既果肉&果味。…Read More

今日攞假慶祝。朋友提意去依間試下。我地係食lv3。因為有早鳥優惠，第二位半價。一坐低，個坐位好寬闊，完全係4人坐位。職員會先來一set食物，同時提你，要等一陣，等個網熱左先開始。因為佢個爐都幾夠火，所以個網好快夠熱。佢飲品唔算多種類。不過飲品唔係我主要考慮既方面。佢樣樣肉既質素都幾好，但我最欣賞既係佢既封門柳，真心好有牛味。我地兩個人叫左5-6轉封門柳。唯一唔好既係，佢得100分鐘，燒得有d趕。知道得100分鐘，心理唔多唔少都多左份壓力。如果可以比多20-30分鐘就好好多。…Read More

今日去久仰大名嘅丸京拉麵嘗試。去到已經好多人排緊隊。到我嗰陣,已經只係可以叫清湯或者黑蒜油湯底。而最後我叫咗個黑蒜油湯丸京拉麵。入到去座位唔算多,有可以直接睇住師傅煮麵既長台&四人普通台。黑蒜油湯丸京拉麵,叉燒既份量算唔少,肉質唔會太乾,會幾軟滑。但肉味唔算好濃。如果再厚身少少會更加好。原本以為黑蒜湯會好油好濃,但又無我心目中甘濃厚。可取既係,佢唔會好油。溫泉蛋不過不失。整體來講,碗麵唔錯,但又未去到話好有驚喜。…Read More

今日同阿媽去中環,行下重建既中環街市。行完中環街市,去附近搵地方醫肚。畀一隻牛牛吸引住。一於入去捧下場試下佢啲漢堡。入到去,睇住個menu點完餐。要經嗰個粉紅色嘅走廊,上樓梯去二樓用膳。私隱度都幾高。我哋分別叫咗兩個漢堡套餐加一個芝士雞扒意粉。芝士軟殼蟹牛肉漢堡:喺牛肉漢堡上面,加咗軟殼蟹.蕃茄.洋蔥.芝士同埋蛋黃醬。軟殼蟹炸到好鬆脆,而入邊仲保持到軟熟。 香脆既軟殼蟹配埋香滑既蛋黃醬再加埋 肉汁豐富既牛肉漢堡,真係一食就好滿足。草莓醬鴨肝漢堡:喺牛肉漢堡上面加咗鴨肝.蕃茄.洋蔥.芝士同埋果醬。 原本以為呢個配搭會好油膩,但卻出乎意料咁夾。鵝肝嘅油香加上嗰將再配合埋牛肉漢堡既肉汁,令到原本香濃嘅肉味更加提升。扭紋薯條同單骨雞翼:兩樣都係即時現炸, 所以食落口,好香脆。完勝一般連鎖店。芝士雞扒意粉:意粉就一般般 但佢勝在芝士醬夠多 雞扒亦都 嫩滑 而且喺芝士上面 加咗香料,都幾好食。…Read More

六點半食到八點半,食到成肚火。首先,佢哋落單係用過膠硬卡紙。環保來講係好嘅,但最唔好嘅係一台得兩張落單卡紙。 職員收咗你嘅落單卡紙,係唔會主動畀番張新嘅你。用咗兩張落單卡之後,你每次落單,都係要舉手,等個職員見到你,先再過嚟你度,畀番張新嘅落單卡紙畀你。 大佬,我係畀錢嚟食嘢。想落單使唔使下下都要你個職員畀張單我先可以落呀。 即係點呀。我要落order食嘢,係要經過兩重步驟。要你個職員施捨張落單紙畀我,我寫完要咩食物,再要你個職員見到我舉手,再行過嚟收張落單紙,跟住再等你送啲嘢食嚟,咁先有得嘢食。如果你想環保啲嘅,你咪先進啲用qr code落單囉 ,使唔使用呢啲方法令到啲客食嘢嘅時間少咗咁多呢?你話就話食兩個鐘 。你咁樣搞法,一個鐘嘅食嘢時間都唔知有冇。講到張落單卡紙都幾搞笑。你哋要顧客寫食物編號同埋數量。但其實你哋係唔會畀寫好既數量顧客㗎囉。係按人頭嚟畀個份量你哋 。你兩個人,就算你寫十份,佢都係畀得兩份你。咁不如你就唔好畀個份量人哋填啦。嘥鬼氣!同埋最唔滿意嘅係,你啲職員喺顧客燒緊嘢食嘅時候,就擅自隊埋嚟換鐵板 。其實咁樣做係好冇禮貌。職員係唔會問你需唔需要問鐵板,就直成支鐵隊落嚟,同你換咗佢。跟住叫你慢慢將啲肉夾返去新嘅鐵板度。可能店舖覺得咁樣做係為顧客好,但唔係個個顧客接受到未經同意嘅情況下就甘做。如果你想畀啲顧客知你哋可以換鐵板,一開波你就同啲顧客講定,有需要時,可以叫你哋換鐵板。 咁啲顧客覺得個鐵板要換,就自自然會舉手㗎喇 ,使唔使下下俾你強制性換鐵板? 兩個鐘畀你換四五次鐵板。唔該呢間店舖嘅職員專重下啲顧客 。…Read More

今日去探訪欣榮花園既朋友，探完就兩人一齊去搵嘢食。叫依間之前未食過，甘一於試下新嘢啦。朋友叫左個薏米人蔘雞燉湯：個湯雖然見唔到條人蔘，但都有得蔘時根係湯度，$78唔通比哂成條蔘你咩。不過個湯都幾濃蔘味。雞肉就正正常常，加$9配個珍珠飯都幾好，飲不半湯，留一半嚟做泡飯。我就叫左個日式照燒汁焗雞扒飯：個份量好大，男人都絕對食得飽。雞肉算係幾嫰，唯一唔好係佢係用鐵鑊上台，而餐廳冷氣都幾強，所以好快就無左熱氣。小食叫左個車打芝士炸雞：炸雞炸得好脆，好食。芝士比既量都好多，一定夠你點雞哂所有炸雞。唯一唔好係冷氣太強，芝士好快冷左就凝固變得難點。如果下面有個蠟燭熱住就perfect。嘢飲就叫左杯藍荳花檸檬茶。正正常常，無特別。同場加影送餐機械人…Read More

今日朋友話辛苦左成個星期，日日都趕工做嘢，無咩點食飯，今日完左個project後，要求去放縱甘大食一餐。既然成星期無咩點食，即係大把quota啦。甘就決定帶佢去食sodam chicken 既任食炸雞。一上到去，店員同我地講，原來只要每人+28蚊就可以任食小食，焗雞，pizza&炸雞。加少少雞就食多甘多嘢，唔加咪好笨。當然我地一開始就先點左炸雞先啦：炸雞就食左蜜糖芥茉香蔥炸雞，檸檬柚子炸雞，芫荽炸雞&黃金鹹蛋炸雞。蜜糖芥茉係甜而滑，檸檬柚子係酸而清，芫荽炸雞係香而爽，黃金鹹蛋係鹹而香。有點驚喜既係個芫荽同炸雞好夾到食焗雞啦：焗雞就食左韓風紫菜焗雞，BBQ香辣焗雞&墨西哥香辣焗雞。紫菜焗雞係紫菜香帶點甜，BBQ香辣焗雞係香甜帶點辣，墨西哥香辣焗雞係辣中帶有少少好似孜然味甘既香辣。整體而言，炸雞唔錯，肉質保持到嫰滑，味道都多選擇。而焗雞係另一口感，無炸雞甘油膩但保持到香口，但相對肉質會較乾身。小食放面我哋叫左柚子醋沙律，薯條（芝士粉&紫菜），海蜇&炸餃子。沙律酸左少少，薯條唔錯，海蜇不過不失，炸餃子幾爽口。最後個薄餅唔錯，一次上四種味，細細件而且薄身，試到味而又唔會頂肚，幾細心。同時亦要讚下服務員，上菜&收碟都好有禮貌&快速。…Read More

對上一次食牛魔已經係上年既事，上次無食到佢既燒肉，今次女友話一定要食。佢哋個環境真係好舒服，台同台之間相隔夠遠，令人坐得好舒服。而且有四人台，卡位&單人向廚位可以坐，好正。女友叫左個肉盛（五種肉都有）；我就叫左個和牛特選三種盛（有3種牛肉）。有個小提示比大家：因為唔係任食，所以唔使趕住快快燒熟D肉。反而應該盡量將肉放係邊位燒，等D肉唔會直接受火，變得易燒蕉過熟。肉盛：佢包左A4和牛牛肩肉，澳洲和牛五花，五花豬肉既厚切&薄切，鳥肶肉同埋黑毛豬頸肉。A4和牛既牛肩肉真心好食。可以見到牛肩既雪花分佈比平時見既偏少。放係鐵網上燒一陣，好快就食得。正因為肌肉的分配比較重，食落口既牛味相對就更加厚。澳洲和牛五花就剛剛同A4和牛肩肉相反，佢既脂肪佔率相對多。放係鐵網上燒，好搶火。食落口，會有陣陣既油香，好滑好嫰，但牛味相對牛肩肉就無甘重。五花豬肉有厚切同薄切。薄切好易燒熟，好快食到豬既油香&肉質。厚切相對要燒耐一D，但因為表面好快比火燒熟，所以會鎖起左肉中心既肉汁，食落口就更加juicy。鳥肶肉因為本身已經係比較嫰滑，仲要有汁醃過，所以食落格外Juice。黑毛豬頸肉：豬頸肉好食於爽嫰，而黑毛豬既肉味就比普通豬更濃厚。我之所以會叫和牛特選三種盛，因為肉盛唔包牛舌。牛舌燒好後，肉質好爽，而且牛舌同牛肉唔同，佢有自己獨特既味道。…Read More

今晚又係時候接女朋友放工去食好嘢。知道女朋友之前提過想食台灣火鍋，所以約左女友去（茶茶台式料理）醫肚。入到去先知係用QR code手機落單。值得一提既係其個落單app設計得幾細心，例如個app有問你走唔走芫茜，咩辣度等等。女朋友叫左個沙茶牛肉鍋，而我依D臭男人當然係選臭臭鍋啦。落完單無耐就有鍋上啦。我個臭臭鍋有牛肉，臭豆腐，米血糕，鴨血，滷大腸，貢丸，鵪鶉蛋，蜆，鮮冬菇，粟米等等。牛肉就好濃味。佢唔似街邊肥牛甘多肥膏，相反多D牛肉，所以味道自然較濃。臭豆腐，未食過既人會覺得好臭唔想放入口，食過既人下次再聞到陣獨特既臭味，就會流口水。台灣臭豆腐係臭得嚟實淨D，口感好D。米血糕係我既致愛。食到糯米既煙韌，血既香味，但就無腥味。鴨血就係另一樣嘢，佢唔係煙韌但就爽滑。滷大腸就不過不失。鵪鶉蛋就蛋味好濃厚，幾好食。整個鍋既用料都幾好，對得起個價錢。女朋友既沙茶牛肉鍋有牛肉，牛丸，貢丸，鵪鶉蛋，蜆，炸薯仔，鮮冬菇，豆腐等等。牛丸既牛肉味好濃，一咬落口，有肉汁流入口，好食。炸薯仔就不過不失，但煮太淋就未必好食，所以一煮熱就要食。豆腐幾滑，吸收左沙茶味就好好食。整體嚟講，兩個鍋都好食，但對男仔嚟講可能份量少左DD，加個麵就夠食。…Read More

老媽子聽行山朋友同佢講，依間重慶火鍋店食過，幾好味，所以今日帶佢去一齊食嘢。一入到餐廳，成間餐廳第一個印象係裝修用心&光猛。餐廳上用了大量竹木，包括裝飾用既斗笠&竹子。媽媽說很有小時侯在鄉村時的感覺。我哋叫左兩個午市快閃一人一爐套餐，職員好耐心甘同我哋介紹套餐係A-F選一款，之後選湯底，再選一種主食，最後可以選4種配料。老媽子叫左絕味羊肉卷餐+雞湯+三色彩蔬麵。我就叫左至尊海鮮餐+經典麻辣湯+鮮蝦雲吞。因為兩人食就可以所有配料都剛好選一種。羊肉卷少肥多肉，所以羊肉味好濃，少少羊騷味，好好食。人氣香腸值得一讚。其實佢係細小版既臘腸。佢既肉質唔會太，而且有清清既酒香，好正。海鮮套餐有花蛤，花螺，蝦，魚及魚片。蝦算新鮮，肉質厚實無梅味。花蛤同花螺完全無沙，幾鮮甜。魚係只有正骨無咩細骨，好方便食。魚片就肉質鮮甜而且嫩滑。鮮蝦雲吞似係加左大地魚粉，好鮮味。而且入面除左有蝦仲有豬肉都好鮮。豆皮係另一個喜出望外既食物。豆皮吸收左湯底後，食落口又爽又濃香。最後要提一提既係，佢中間既醬料位上面既小食係任食，豆乾係其中一個我推介既。…Read More

今日朋友話因為疫情關係，已經無得去韓國成年啦，好掛住炸雞同韓食，所以今日特登約我去食韓國嘢。唔係朋友帶路都未必識路去甘入既位置搵好嘢食。不過通常好嘢都係隱密D，但依間值得。一入到去，聽住k pop既歌，已經有D似返到去韓國甘。一見到醃蘿蔔就即刻想到韓國。一坐底，朋友已經好熟練甘選好左今日要食既嘢。首先係李家招牌無骨炸雞：個炸雞一上台，第一印象係：好大碟。佢果身有個甜辣醬，但朋友話點另一隻醬好食D，所以我哋加左$20，要左個青陽辣椒醬。朋友推介得真係唔錯，個青陽醬同炸雞好夾。炸雞炸得香脆嫰滑，食落口好滋味，點埋個青陽醬就更加juicy。跟住叫左個芝士雞蛋卷：依個真係直得推介。佢個蛋卷厚身足料，個蛋香得嚟又保持到中間仲有蛋汁，蛋汁又包含住芝士既香濃奶味，真係好好食。最後仲有個精選午餐既炸醬麵：依個麵真係大件夾好食。無想過佢係甘大碗，而且用料好足。我得出既有五花肉，青瓜，馬鈴薯，紅蘿蔔同洋蔥。我哋叫左兩個碗仔分嚟食，足足有兩碗。飲品方面我就叫左無酒精既西柚特飲：佢個造型本身己好吸引，再加埋西柚同啤酒（無酒精）既結合，真係好味又解渴。…Read More