jsjs's Profile

一直都好想試呢間台式飲品好耐✨今日終於可以同一班同事一齊試，有時行過佢哋舖頭會聞到陣陣嘅茶香味，勁吸引今日我哋嗌咗五杯嘢飲，分別係33茶王加珍珠/蜂蜜三韻奶茶/甘蔗四季春/紅柚翡翠同柳丁翡翠首先講吓紅柚同柳丁翡翠，我兩個同事一飲落去就話，超級解油膩，頭先我哋食炸雞飯嗰啲炸雞已經消化晒🤣🤣🤣🤣飲落去有淡淡果肉，又唔會太甜，茶味亦都好夠我自己就飲甘蔗四季春，甘蔗味好清甜，同四季春離奇感好夾，感謝反而帶出咗茶香味，飲落去一啲都唔甜33茶王同事話好濃郁，而且珍珠又唔會太甜 都幾煙靭蜂蜜奶茶本來甜度係固定 但係蜂蜜飲落去感覺好舒服以後飲珍珠奶茶又多個選擇啦✨✨…Read More

今晚好想同朋友放鬆吓，行過朗豪坊呢間餐廳，見門面都好開揚，就入去試下☺️餐廳提供咗幾個晚餐選擇，可以自己選擇返甜品同小食，啱晒好想食甜品嘅我🤣首先套餐係有湯或者沙律跟返，然後再配一個主食，如果同朋友分享嘅話梗係嗌埋小食同甜品☺️🤭沙律菜都幾新鮮，有輕微橄欖油同埋黑醋，超級開胃我同朋友各自嗌咗蟹餅同埋雞翼，首先講下雞翼先，感覺係甜甜辣辣，因為有蜜糖同埋用咗辣醬去醃，塊雞皮都煎得幾香脆另外餡餅入邊有滿滿嘅蟹肉，外皮亦都好脆，再加埋側邊有一個類似千島醬嘅Sauce，令到塊炸皮冇咁漏另外主菜我就嗌咗煎銀鱈魚，塊魚肉超厚身，今日就係唔想食咁多澱粉質，所以側邊配幾舊薯仔都幾好，值得一讚嘅係薯仔好爽，食完唔會有好膩嘅感覺飲品叫咗一杯叫Steam ，就係有厚厚嘅泡嘅Long black，咖啡豆都唔錯最後今日嘅特色甜品係柚子芝士蛋糕，初初驚會好漏，但係估唔到質地好輕身，好fresh !! …Read More

今次黎「大鍋口火鍋」呢間火鍋店唔單止環境舒適,仲以眾多湯底同豐富嘅食材選擇,吸引咗好多食客嘅目光。首先必點就係佢哋嘅「雞煲」。食完雞煲就點左花雕醉雞湯底作火鍋湯，煲出嚟嘅雞湯濃郁鮮美,入口順滑呢。除此之外,店家仲無償送牛肉一碟，畀顧客可以喺火鍋度痛痛快快咁品嚐。而我哋點左其他食材,例如脆鯇魚腩、海蝦、吊桶仔，所有都新鮮可口。仲有，出前一丁、烏冬、午餐肉、鵝腸等，更加係畀整個用餐體驗更豐富。即使係平凡嘅蔬菜,喺呢度都可以慢慢食，食得零舍happy!喺呢度可以邊品嘗美味佳餚,邊同親友暢談,無疑係一種極致寫意嘅用餐體驗。…Read More

其實已經嚟過好多，決定真係要寫過食評🤣🫶🏻呢到既餐，肉同蔬菜嘅份量都啱啱好，而且湯底好多選擇，胡椒豬肚湯係必要除咗邊爐，甜品先係最緊要過夜分分鐘出色過好多台式舖頭特別一提嘅會係紫薯波波🤣…Read More

之前有去過炮台山嘅分店，今日就嚟銅鑼灣呢間試吓😌佢哋兩間都有party房，正😝大班人嚟幾大聲都唔緊要🤣🤣我今次係專程嚟試佢嘅明太子玉子燒，因為已經聽過兩三個朋友講好好味，☺️今日就要試下先入到去地方都幾乾淨舒服，雖然唔係話好大間，但係個個座位都幾寬敞要講野食啦😝😝呢個係海膽左口魚炸蝦卷，左口魚嘅油脂同海膽好夾，入口即溶，我真係第一次試呢個配搭😍另外壽司嘅質素都好好，尤其是右手邊呢舊究極卷😌係兩嚿好厚嘅帶子刺身，包住一舊細細舊嘅飯，上面仲有三文魚子同魚子醬🤤🤤🤤真係要成啖擺落口先會有幸福嘅感覺🤣呢件超推介終於到咗，我最期待嘅明太子玉子燒😍平時喺其他餐廳食開嘅玉子燒都係比較實淨，偏甜，但係呢度係做到流心嘅效果，所以用埋落啲明太子醬度真係好香好滑，呢個都係必食佢仲有好似大阪好出名嘅炸串咁，我就叫咗一個炸豚肉腸，同炸牛油果雞卷表面都炸得幾脆，但係又唔會有太油膩嘅感覺，送走一流🤤咁當然係要飲返一支啤酒啦，呢度嘅生啤好似係買一送一添😮😮呢個炸雞軟骨好特別，咁配咗海膽醬，又係送酒一流🤣最後要食返啲溫和啲嘅嘢，呢個清酒煮蜆個湯好甜，蜆亦都新鮮我本人係好鍾意食海葡萄，但係唔係好多餐廳有，所以一見到有海葡萄沙律就即刻要嗌一個試吓😍好fresh總括嚟講，無論炸物，壽司同日本料理都高質，價錢亦都好合理👍🏼明太子愛好者必來❤️…Read More

觀塘嘅嘢食真係好多選擇，不過每次都會想試吓工業區嗰邊嘅新餐廳，因為地方又大坐得又舒服😌今次就試吓呢間日作食堂，因為Openrice見到佢地方又大又靚🫶🏻一入到門口已經好和式，有一種清新舒服嘅感覺牆上面仲擺咗有好多唔同日本特色嘅畫，睇得出店主係好喜愛日本文化，taste仲好好🤣淨係望入呢一間細房，已經好想坐入去🥺好可惜我地今日得兩個人，當然唔可以霸住人哋嘅位置好在啱啱好六點到，暫時未係好多人，只係過咗半個鐘到已經坐爆曬😯😯👍🏼講吓食物先，我叫左個魚生飯定食，有拖羅，油甘魚，大量魚子，帶子刺身，大蝦😍😍😍首先想講既係我麵豉湯入邊有埋蜆，好鮮甜，暖胃魚生飯既刺身，好新鮮，特別一讚嘅係拖羅，油脂分布好唔錯，亦都冇乜筋👍🏼👍🏼另外朋友嗌咗個天婦羅定食天婦羅嘅材料有茄子，北海道帶子，大蝦，南瓜其實真係第一次食天婦羅有帶子，估唔到有幾夾😯😯特別一讚嘅係南瓜，又甜又爽最後仲叫左一杯柚子梳打同乳酸梳打，柚子梳打加左cream好有忌廉溝鮮奶既感覺，好fresh乳酸梳打都係好fresh又唔會太甜當然唔少得甜品😍一定要試佢最出名嘅布甸，個焦糖醬一啲都唔甜，而且布甸嘅質地唔會話太實，口感好好整體嚟講食物嘅質素都好高，環境亦都好舒服，而且因為餐廳嘅內部比較大，唔會有好迫夾嘅感覺，朋友傾偈一流🫶🏻…Read More

今日同個辣妹朋友嚟食燒烤🤣因為佢好食得辣嘅關係，所以我搵咗呢間大樹燒烤😝聽聞佢個大辣真係唔係人人接受到，所以帶佢去挑戰吓。 門面已經有好濃厚嘅聖誕氣氛，諗緊去邊度開聖誕party嘅朋友可以作一個選擇 l首先，講吓食物先，佢最有誠意係會一開始就點定個爐俾你住啲串燒，唔會食到凍😍印象最深刻嘅係佢嘅粟米串，真係一粒粒批咗出嚟，然後串埋一個串燒🤣仲要粟米嘅質感係好軟糯👍🏼另外紅糖糍粑都好出色😮煙韌得來入邊嘅黑糖又唔會太甜另外土豆片都好比到驚喜我，切到薄薄一片再加埋好香嘅孜然粉，好似食緊薯片咁👍🏼 最後不得不讚嘅係佢嘅芒果冰，入口完全係新鮮芒果打出嚟嘅味道，完全唔會有假嘅糖水味，仲好大杯。下次真係要試埋佢嘅西瓜冰同百香果冰。😍總括嚟講價錢又好實惠，而且都幾好坐，大部份嘅串燒都好好食👍🏼 …Read More

估唔到家嫂既lunch同夜晚一樣咁出色✨首先係蝦多士， $12一件，正藥膳雞腳米粉，湯底好甜，但係藥材味未係好夠呢個係自選蝦湯，配米線，雞翼好驚喜好好食熱紅棗茶勁足料…Read More

已經想試Relish好耐，因為聽過好多人講佢哋嘅西餐質素好出色，今日終於有機會來試下😍我望吓個Menu先，首先係會有一個前菜，一個湯，仲有杯refreshment tea, 清一清個口腔，最後就嚟到最重要嘅主菜😌本來下午tea食多左，飲咗呢杯梅子soda已經即刻好有胃口😍明太子吞拿魚蓉他他大蝦脆米通✨- 首先入邊嘅吞拿魚蓉好驚喜，好香魚油味，襯埋個脆米通有種好新鮮嘅感覺磯主南非鮑魚配醬油漬三文魚子-1咬落去已經有鮮甜嘅味道，將由同鮑魚配合得好好，三文魚子原來同鮑魚咁襯 !!!干邑龍蝦湯- 一倒出來已經有濃濃既蝦味，飲落唔會太厚身，所以一d都唔漏中間佢會先比一杯refreshment tea比你清一清口腔先 好細心❤️香煎白雪魚伴甜椒惹菌鮮茄蓉燴大蜆- 白雪魚塊皮係脆卜卜嫁 仲要咬落去一d都唔實 超級juicy !!! 最正係，竟然會有埋好鮮甜既大蜆 黑毛豬安半焦糖菠蘿，野菌西蘭花苗，香草鴨油烤薯仔- 首先薯仔好值得一讚✨鴨油烤係唔同d 好香！抹茶紅豆卷蛋- 海綿蛋糕做得好實淨，個cream都好重牛奶味，為今次呢一餐畫上完美嘅句號🩵餐廳環境好舒服，首先洗手間好值得一讚，係用Aesop嘅洗手液😍無論食物質素同埋餐廳整體環境都好高質，滿足🥰✨…Read More

首先不得不提既係，呢度嘅服務態度超好👍🏼雖然場入邊嘅枱比較細張，但係店員已經好細心咁俾定多一張枱我哋💕今日嗌咗一個味噌卡邦尼意粉，同埋佢哋最出名嘅Bento box. 卡邦尼意粉係好有，個汁做得好好，勁掛汁另外本來以為Bento box冇乜特別, 但係佢入面嘅芝士珍寶蘑菇真係超juicy!環境亦都好好坐好舒服…Read More

今日做嘢做到好攰，好想搵間Cafe好好地坐下傾吓偈😪😌睇到openrice呢間餐廳環境好似好唔錯，就即管嚟試吓。今日叫左五樣野，有一個炸珍寶大蝦龍蝦汁闊條麵，泰式豬頸肉，朱古力千層吐司，鳳梨香茅檸檬茶，同埋我最期待好可愛嘅熊仔mocha😍首先不得不提嘅係個炸珍寶大蝦✨一擺上台已經香到不得了,配埋個香濃嘅龍蝦汁，闊條麵亦都好掛汁，辣辣地好好食👍🏼個豬頸肉都唔差，側邊有個甜甜酸酸嘅執好開胃，豬頸肉嘅燶邊都笑得好香🤩到咗，我最期待嘅熊仔mocha✨初初覺得佢會唔會只係得朱古力味冇乜咖啡味，點知原來都balance得好好，咖啡味都幾香，最得意係隻熊仔其實係咖啡做嘅冰，溶咗落杯咖啡之後都唔會淡左千層吐司亦都好值得一提🤩入邊個朱古力醬係有榛子味，側邊仲要有腰果，同埋杏仁💕整體嚟講成餐都好滿意，地方亦都好舒服，同朋友嚟傾偈係一流✨…Read More

今日同同事去咗公司附近嘅呢間餐廳✨一入到去環境好得意，仲要有個小corner俾小朋友玩遊戲💕我叫咗淨係軟殼蟹白汁意粉可以望到張相，然後行多幾大隻，炸得唔係好燶，意粉個汁好好食，又唔會太漏👍🏼另外同事一個嗌咗鯖魚飯，令一個就帶咗鐵板牛扒大蝦，兩款都係又大份又唔貴😌下次一定會再嚟食…Read More

已經係第三次，都仲係會有好想返嚟食嘅感覺✨個濃湯虎蝦拉麵，實在令人難以忘懷🤣個湯同隻蝦都真係好濃蝦味🤫呢度嘅飲品選擇好多，亦都好抵飲普通一杯梅酒或者梳打都只係$40以內串燒就唔使講，我會特別推介燒鱔💕…Read More

今日同個好食得辣嘅朋友去食飯，要揀間食辣㗎啦🤣呢間餐廳喺中環PMQ上面，地方有少少偏僻，但係周圍都好多好嘢食。餐廳已經聞到好香嘅孜然粉味，但係你又會覺得抽風系統做得幾好，燒烤味唔多。兩個人嗌咗勁多嘢食，因為見到OpenRice話花甲粉係一定要食，所以首先點做個。花甲粉真係好清甜，而且粉絲有一種煙韌嘅感覺，唔會係一咬落去就散，花甲都幾甜，而且份量都唔算少。另外要講嘅絕對係條燒蒜蓉茄子😍初初一上枱以為全部都係蒜蓉，原來入邊係夾咗一啲菜甫，甜甜地好好食。我之後連皮都食埋🤣串燒就帶咗豬頸肉，雞心，雞腎，魚腐，虎皮尖椒。全部都熱辣辣好好食，佢應該係有個獨家調味粉，帶啲辣椒嘅香味。另外甜玉子燒都好值得一題，雖然佢喺甜品嗰欄，但係其實同平時日本嘅玉子燒，燒得好香，好好食😌仲要有三大舊🤣好滿足兩個人都食到好飽😌…Read More

今日放假，好想食雲吞麵😌本來想去新大光燈，點知冇開😩所以就去咗第二最愛嘅麥文記。豬手去一如以往吸晒啲湯，真係好好味😌淨雲吞一碗有八粒都只係$44 ，抵到爛，仲要每粒都超足料🥰…Read More