朱古力士多啤梨雪糕新地's Profile

真係不得了！一到夏天一定維他檸檬茶必入雪櫃！我真係估唔到，依家有得食檸檬茶雪糕簡直係驚為天人呀！呢個咁好食嘅雪糕係收埋咗喺K11 MUSEA裏面B2果層！唔知係咪因為喺B2果層！我見唔係好多人去食！唔食真係會走寶！食落去第一啖已經係維他檸檬茶嘅味道！佢仲加咗粒粒檸檬皮入去！食落唔單止有澀得起嘅檸檬茶味仲有粒粒檸檬皮，勁有口感！完全覺得大家一定要去食！咁正嘅嘢一定要分享俾大家！係夏天必備嘅維他檸檬茶雪糕呀！…Read More

呢排約朋友仔食飯唔係食日本嘢就係食西餐㗎啦，因為太熱啦嘛😂所以就揀咗喺銅鑼灣覺得都幾好食嘅居酒屋encore多一次😋古今地點都幾方便，就係SOGO隔離，但係店裏面唔係話好大，都幾cozy, 而且壽司刺身串燒熱食都有, 都幾多選擇嘅。一嚟到就梗係要食咗個燒牛舌先啦，真係可以做到外脆內軟，不過就鹹咗少少囉，所以要配返杯冰涼嘅啤酒中和下個味道🤣之後就係燒菠蘿🍍夏天食燒水果其實都幾Fresh 㗎，酸酸甜甜咁好開胃之後就到叫咗一個卷物 蜘蛛🕷️可能係因為炸軟殼蟹啲腳好似蜘蛛腳啦，所以叫咗佢做蜘蛛, 裏面脆卜卜超好食! 10分推薦最後我哋食咗壽喜燒牛肉鍋,個甜豉油好好食😋😋😋成餐大滿足成餐平均每人唔使300蚊，我覺得都幾抵食，你哋可以參考吓🫶…Read More

放假之前嗰日同朋友食晚飯，唔知道係咪天氣熱呢就好想食泰國嘢！跟住朋友即刻喺附近搵咗一間好多人介紹嘅泰國餐廳！我睇到個地址，就同朋友講一定要食，如果唔係我要行咁長嘅斜路真係唔抵！一去到我朋友已經叫必叫嘅串燒牛肉同埋燒魷魚！之後再叫咗佢哋嗰豬肉扁粉！梗係唔少得嘅係支啤酒同埋一個大椰青啦！之後我哋再加咗木瓜沙律同埋飛天通菜，最後加埋一個芒果糯米飯，完美❤️講返先啦，個串燒牛肉係不得了，外脆內軟超香濃牛肉味！再加埋佢個特別嘅醬汁！呢個真係必叫。另外個魷魚唔記得咗影相，但係真係超好食，佢哋個魷魚係啱啱好，完全冇Overcooked! 個醬汁雖然好辣，但係你會越食越上癮嗰個豬肉扁粉就更加唔使講，佢係我最鍾意嗰個粉嘅質地, 好煙靭好香芒果沙律就正常操作啦反而個飛天通菜真係有少少失色，唔食都OK 芒果糯米飯都係麻麻地唔係太特別整體嚟講都係超級好食嘅大家可以睇吓我張單參考吓一下價錢…Read More

真心食過唔少餐廳，貴嘅有平嘅有，食物嘅質素重要，但catering 的確都佔咗成餐嘅好重要部份。今次試左tasting Menu，其實無野係唔合格，仲要係85分以上嘅水平，唯一要挑剔嘅就係個Tiramisu真係太甜，waiter問我地今餐滿唔滿意果陣我地話就係個Tiramisu太甜，其他都okay，佢講左一句，Fantastic🥰 其實一句，我地合同chef反影下就夠，成件事個感覺就係， 佢覺得我地 ‘no need give a shxx!’ 其實聽客人講嘢都好重要🫶 希望唔好再有AI respond, 佢明明係一個人😊好野係要讚，野食真係好好味，Parma Ham正！ribs驚艷！Apple pie無得輸真心建議餐廳明白，waiter唔係講英文回應係叫回應，個人認為問非所答和亂答係好無禮貌…Read More

過年後返工，又要搵朋友仔食晏，俾我發現咗原來夜晚打邊爐嘅地方，晏晝係有台式lunch set食㗎，仲要喺正銅鑼灣Midtown! 超方便！一上到去，發現佢哋裝修都好靚，幾啱影幾張相😆講返個menu都幾多選擇，不過呢我哋就冇揀飯食啦，俾個台灣麵吸引咗😆我就揀咗紅燒牛筋麵朋友仔就揀咗牛魔王濃湯麵！牛筋炆得都好腍，好入味唔錯😋但係我想話佢嗰啲配菜真係好出色!! 最鍾意佢嗰個麻油海帶😝😝😝另外最值得一提嘅係佢哋嘅汽水係支裝汽水呀😍😍😍😍😍😍😍以後喺銅鑼灣又有多一個地方食晏啦😗😗😗…Read More

呢間餐廳真係屹立咗，喺尖沙咀已經好耐啦！成日覺得如果餐廳可以經過咁多年都仲喺度食物質素係一定有保證，如果唔係啲人都唔會再幫襯架啦！同朋友嚟食lunch, 8件自選加1卷物。另外仲有蒸蛋，麵豉湯同埋甜品附送❤️魚生都好新鮮，因為師傅會將唔新鮮嘅選擇剔除，你係唔會食得到㗎😆呢間係比較傳統嘅壽司唔會做一啲好特別嘅醬汁，正正係因為我哋食魚生都係想食新鮮，其實加豉油襯托出魚生嘅鮮味其實真係乜都夠🫶零花巧，就係最好味❤️3人lunch total $1023…Read More

上次去係年尾嘅時候，喺OpenRice搵左間靚靚餐廳同朋友慶祝！餐廳嘅環境格局都好靚，好有氣氛，最搞笑係佢有啲刀放喺牆身做裝飾，覺得佢係諗住放俾客人用😆😆😆😆 坐低之後，個地叫左枝酒，是想過嚟推介咗我哋一支out of Menu嘅酒，around $9xx 個價錢都對得住佢嘅質素🫶之後佢哋就開始上麵包同 raw蔬菜比我地，食呢個都送酒一流！佢地個麵包暖粒粒，外脆內軟真係好好食！跟住朋友就叫咗個他他同西蘭花佢地話用左佢地秘製調味料！上俾我地嘅真係有少少唔同，好食就得啦😝之後朋友就叫咗個牛肉，佢哋控制得好好好真係做到medium🥰🥰食埋個Tiramisu prefect🥰🥰 …Read More

朋友bridal shower, 喺合和落返灣仔呢邊Dinner, 就搵咗自己最愛嘅西班牙餐廳😆全部都係朋友發辦，我淨係request我自己最愛嘅八爪魚😆😆朋友order咗我其中一個最愛西班牙小青椒食落去感覺超健康，又熱又香加啲鹽調味不得了朋友在叫左生蠔和牛他他，佢嘅生蠔係另上㗎，再喺我哋面前剪落去牛肉他他度，口感好Fresh！所以我哋都忍唔住叫多咗三隻生蠔食😆生蠔超級Fresh超級肥美，我哋冇問到佢係邊一個海域嘅生蠔，不過好滿足🫶不能不提我嘅燒八爪魚配薯仔佢真係好Fresh，燒得啱啱好，而且調味拿捏得好好，食完不斷想再食❤️大愛另外我哋都叫咗個secreto pork! 個肉超腍!! 最後呢我哋仲叫埋一個Pigeon Rice, 呢個真係好特別，兼且好好食, 同平時我哋食開嘅西班牙炒飯係唔一樣! 呢間嘢都會成為我認為香港最好食西班牙餐廳頭三位😆😆😆…Read More

12月就係要約朋友聚會，食lunch要，食dinner要，食tea都要😆今次就係趁着放lunch約下啲超難約嘅朋友，去左就腳嘅銅記😆呢間餐廳喺L Square，好方便。入面好光猛好多位。Lunch menu 都有好多選擇原來餐廳每日都有2個精選$88仲包餐湯。今次去就係牛肝菌蘑菇意大利飯同燒豬梅頭扒配薯菜，我地就揀左呢2個，唔洗諗😆餐湯係南瓜忌廉湯南瓜味好濃，好足料🥰牛肝菌蘑菇意大利飯呢個忌廉好香好creamy! Yum yum yum👍🏻燒豬梅頭扒超級好食，外香內軟，我地杯薯條轉咗配薯菜😆因為，我地決定加多一個黑松露薯條😆無野好味得過新鮮滾熱辣嘅脆卜卜薯條😆最後呢我哋仲叫咗一個Tiramisu share嚟食，畫上完美記號。每人around $130左右。…Read More

本身想食鐵板, 壽喜燒, 因為太想食肉, 突然之間search吓見到竟然有買一送一優惠套餐! 真係OMG!!一早就知呢間餐廳好高質, 食物好有保證, 但係又見到OpenRice有人話服務態度麻麻地, 抱住一個半信半疑嘅狀態去食！果然真係有1388套餐買一送一👍🏻係真嘅冇呃人😂我同我朋友就叫咗呢個餐！食咗沙律同前菜之後呢就日本師傅燒牛肉俾我地！真係超級好味嗰個熟度係拿捏得啱啱好！之後就有燒龍蝦尾跟住嗰塊牛肉真係不得了最後，師傅仲好貼心咁知道我個朋友唔食配菜，最後嗰塊牛肉係我有菜佢冇菜😆然後我哋食埋個撲pork chop仲有侍應推介嘅咖喱牛肉飯🥰食埋甜品完美啊!聖誕節約朋友食飯嘅話，呢個食物呢個價錢呢個質素係好合理呀😆…Read More

朋友生日自己揀餐廳，竟然揀咗間開咗個星期嘅法國餐廳，唔講唔知原來呢佢係喺Blu House裏面, 係好神秘嘅位置!入到去朋友已經即刻遞咗杯黎巴嫩嘅紅酒俾我飲啦, full body very nice! 就order左！我哋四個女仔去食，望住個Menu都有問侍應有冇介紹, 佢地勁nice會推介俾我地，如果我哋叫多咗嘢佢都好Nice咁話我哋可能兩個都夠！超級貼心！同埋呢佢呢度都係mention啲嘢食係可以share嚟食㗎，所以呢真係好適合大夥兒一齊gathering/ celebration! 落完order, 就即刻上咗一藍法國包俾我哋，配左salami butter 同埋有啲酸菜! 個法國包真係冇得頂，我食咗勁多跟住朋友叫咗一個頭盤係Season嘅嘢嚟嘅，揸意大利青瓜! 外脆內軟，而且個味道好特別，超級好食! 然後真係要highly recommend 呢個洋蔥湯佢用咗兩隻芝士去整嘅一隻呢就係法國芝士另一隻就係瑞士芝士! 啲cheese又香又煙靭加埋個洋蔥湯，完全係upgrade咗個洋蔥嘅甜味! 同我哋講一人一個，因為都真係有啲飽😆所以我哋叫咗兩個share。朋友再叫咗個法式田雞腿燴飯! 田雞肉做得好彈口!口感同埋個味道都調配得好出色!仲有一個燴鴿肉醬麵卷，分開咗兩個汁, 我自己覺得真係要四個人share先至得㗎, 因為份量都真係唔少❤️最後我哋嘅主菜呢我哋揀唔到他他定係叫烤肉眼牛扒？所以我哋叫晒兩樣？😆我只可以話其實所有嘢都好好食，但係個薯條就係法國餐廳嘅精髓! 嗰個薯條真係令成件事升入升級！四個女人話飽呢，但係都已經食晒九成嘅薯條㗎啦❤️但係Fair啲嚟講嘅我覺得, 佢哋嘅Cocktail可以再好少少或者可以上返佢哋嗰個Darkside嗰邊飲返會好啲☺️然後佢哋個creme brûlée 同埋佢哋另外每一日都會新鮮整嘅 traditional French Brioche cake, 真係不得了！侍應話個蛋糕係法國廚師親自整㗎！佢呢又唔係好甜，配合啲berries真係好好食㗎!呢個都係必食嘅甜品!呢個蛋糕係一定要嗌！最後我哋嘅conclusion呢一間我哋一定會encore ❤️❤️❤️…Read More

天氣一少少凍呢，就會好想食鍋貼同埋飲酸辣湯，咁啱喺炮台山做嘢，就同同事一齊去咗食呢間麥記美食😆門口大大個字其實都易搵嘅！！佢哋呢一個真係抵食之選！夜晚都係仲有套餐可以叫！我哋就叫咗4號酸辣小雲吞餐，同埋6號紅油抄手餐。不得了呀，個餐仲包埋佢哋最出名嘅生煎鍋貼🤤🤤🤤!另一個要推薦嘅絕對係紅油抄手！係一定要食！佢唔係太辣，而且呢佢用咗啲鹹菜(其實我唔太sure佢嗰隻係乜嘢鹹酸菜, 總之加埋一齊真係又香又好味)去炒肉碎，加埋個秘製醬汁，係可以令到個紅油抄手去咗第二個層次一樣! 大讚!!之後個酸辣小雲吞完全滿足到我又想飲酸辣湯又想食小雲吞的願望！酸辣湯飲完暖笠笠又酸又有少少辣，食完真係好滿足！另外口痕叫多咗兩個小食，試咗佢個牛柏葉同墨魚！順便滿足吓掃街嘅感覺啦😛最後佢嗰支香港製造嘅豆漿都好唔錯🥰🥰🥰成餐係好滿足🥰🥰🥰🥰…Read More

其實已經喺OpenRice訂位㗎啦，我都唔係好明點解佢仲係話我係收接待，我都想🥲由於小朋友超級鍾意食片皮鴨，爸爸生日都專登搵間食片皮鴨嘅餐廳同爸爸慶祝生日。呢間餐廳呢已經食過第二次啦，今次喺OpenRice度訂位好簡單，其實你邊諗到平日都係full House，好彩有訂位咋。爸爸就食過好多次，佢話呢間係尖沙咀嚟講呢係保持好好嘅水準啦，咁我哋對上食過一次都覺得好不錯的。所以今次決定encore 🥰我今次試咗佢個二人餐，有頭盤有片皮鴨有嗰個燉鴨湯羹，有炒四季豆，有醬爆蝦球，仲有小籠包同埋甜品埋單都係$800，係幾抵食！仍然要講吓啦，佢個片皮鴨係好高質嘅，個包皮熱辣辣仲有好多配菜俾我哋揀，小朋友仲要食到舔舔脷添，不過呢今次我哋食過鴨湯羹呢就冇之前咁濃味，呢個呢就要complain 下😆不過總括嚟講啦，其實都好好味😛…Read More

男友人生日，知佢鍾意飲酒，專登揀一間喺尖沙咀嘅特色餐廳！要食得野又要飲到嘢！今次呢我都係睇完OpenRice介紹黎試下！餐廳就安排咗吧枱位俾我哋坐，望住啲酒，我隔離果個已經雙眼發光！因為吸引到佢嘅竟然係呢間餐廳有好多墨西哥嘅Tequila！連Mezcal都有！隔籬嗰位先生對眼簡直Bling Bling Bling！即刻order咗兩杯Cocktail嚟飲吓先呢杯係Pearadise顧名思義呢係有梨喺裏面㗎啦!! 而且佢max左雪梨酒，酒精濃度唔係好高，而且夠甜好啱女仔飲，仲要好靚髮簪連啤梨乾一齊上，好睇之餘又好飲呢外一杯係Crimson SaMuRai呢杯嘅酒精濃度就高少少，不過呢就好Fresh好清新! 👍🏻頭盤蜜瓜帕瑪沙律佢哋嘅菜呢都係好fresh, 蜜瓜加上Parma ham 👍🏻仲叫多咗個吞拿魚牛油果泡沫他他配homemade basil oil呢個係驚喜咁好食, 吞拿魚新鮮彈牙配埋嗰個牛油果泡沫好smooth!而佢地個basil oil好香！夾埋一齊食，真係啱啱好！香煎牛風門柳呢個唔單止賣相得食落去仲得，朋友對牛真係要求好高！佢竟然都講咗一句唔錯，因為牛肉可以做到又淋又香！係真係好有扒房嘅水準！食完絕對會係齒頰留香😜我哋仲叫多咗一個和風醬油大蝦煙肉扁意粉呢個又係，估唔到咁好食！意粉彈牙！大蝦同個醬油又出奇地好夾食完完全啱啱好，唔會太飽又唔會肚餓！不過我哋意猶未盡叫多咗兩杯Cocktail飲叫左figgy bliss 同Mile tea or me😝其實我覺得Figgy Bliss係好啱女仔飲㗎，因為呢去完全太好滑好smooth嘅Mocha, 係一杯抹茶Cocktail😍另外Milk tea Or me? 佢係我最鍾意茶底Cocktail, bartender 話呢一杯係最重酒精嘅，但係我覺得佢調個味係好好飲，所以重少少酒精都唔覺得好過分。因為朋友太愛Mezcal, Bartender 私人調咗一杯以mezcal 做base嘅俾朋友試🤣真係不得了！真係估唔到九龍有一間咁正嘅bar餐廳！係估唔到嘢食又好食嘢飲又係好surprise ！呢間真心推介❤️❤️❤️…Read More

Cafe Causette 出名係食甜品，係人都知啦, 但係真係估唔到我第一次去唔係食甜品，係食晚餐。文華東方嘅餐廳，我都覺得係有水準嘅可以放心食！但係我真係估唔到係驚喜到一個位。嚟到就已經有一個好好味嘅包，不過我就冇影相，因為太肚餓啦，已經9秒九同朋友一齊食左😂而我哋咁啱呢係呢一個11月1號去食，仲抓緊到Halloween嘅尾巴😂叫咗兩個Halloween套餐，頭盤叫咗一個沙律，一個南瓜湯湯，main就叫晒兩份牛柳,另外我哋再加多咗個炸魷魚圈啦，同埋蘑菇雞肉意粉凱撒沙律, 啲菜好fresh啦，然後配上佢嘅bacon真係不得了! 佢個dressing同所有野都好match, 有驚喜😍南瓜湯就係南瓜湯啦😝都好滑之後佢個炸魷魚圈不過不失囉，冇乜特別佢嘅牛柳真係不得了， 我哋叫咗medium， 一切落去呢已經係淋到一個點！火候控制得超級好，完全唔係’鞋’超級有牛味。呢個係真係必食推介！之後去過蘑菇雞肉意粉，仲不得了！大家一食落去係有讚冇彈😍驚喜另外有一個Halloween甜品,配合Halloween主題…Read More