今日約埋一家大細去三聖忠仔記買海鮮食飯，一早打咗電話去棠記海鮮小廚book位， 10位大人三個小朋友，順便同佢哋講要食燒鵝，佢哋一早預留咗俾我哋。隻燒鵝嘅皮燒到好脆，肉質多汁好嫩滑，配埋佢哋嘅酸梅醬真係好好食；佢哋嘅菠蘿咕嚕肉，係用新鮮菠蘿配埋唔會好重粉嘅咕嚕肉，好味‼️海鮮方面，大龍蝦就用芝士伊麵黎煮，佢哋嘅芝士真係落得好足料，蟶子就用蒜蓉粉絲蒸，蒸得啱啱好，聖子彈牙同埋鮮甜，東升斑就最緊要新鮮，簡簡單單清蒸，大花甲同蝴蝶蚌就配油鹽水，肉質嫩滑，唔會過熟，啲粉絲配埋湯汁一齊食，一流阿👍🏻瀨尿蝦就梗係椒鹽啦，炸到脆卜卜好惹味由於一上菜就被我哋夾，所以都唔記得咗影相，都幫襯咗佢哋好耐，值得推介俾大家…Read More
