Aqous's Profile

第一次去係樓下行左一個圈先搵到入口上去大堂，之後轉升降機上30樓，去到酒吧門口介有一天好似天國的階梯要上，上到去表面睇落地方好似好大，但當望真小小就會發覺因該牆身用左玻璃令到個空間感變大左，不過上到去酒吧唔知係因為太黑無人睇到定點，無人理過我地，於是自己去搵位，坐底左5分鐘都係無人理我地，連舉手都無人理，要用枱面上個燭台先有人過來，酒水就無咩特別都係大唔野，價錢都可接受但同街鋪比當然較貴，室內環境就一般般，望出外面風景算幾好，但望維港個面就差小小，因為中間有段距離。…Read More

首先交通比較麻煩，我就搭的士由尖沙咀直接到酒店，上去酒吧必須從酒店大堂搭升降機再轉酒吧專用升降機到118樓，當日落雨手拿一把遮，門口reception 會幫我保存把遮走時交回手牌就可提取，入到去會見到bar 枱，梳化，出面有一個飲酒區可以睇到維景view同望到港島浴港一帶，一邊飲酒一邊睇夜景係幾好feel,場內大部份都係外國人，menu同侍應都係用英文，價錢比一般街鋪酒吧略貴，但環境相比價錢值得一去。…Read More

本來想去英皇打邊爐，點知爆到呢，即刻同朋友轉場去稻八，已經唔係第一次去，剛剛開業時候都有幫襯，水準其高，今次叫左238套餐加20有和牛再加20任飲Asahi, 加左20蚊果然係唔同，和牛口感滑同牛肉香味，雪花都有小小，當然唔會係好靚個種，湯底未滾可以出去自取芝麻八爪魚，螺肉，中華沙律，仲有刺身可以叫，食食下又走去整蝦天婦羅，順便去雪櫃搵雪條同雪糕食，全部都好好食，天婦羅仲可以加自己鐘意味粉，我見旁邊有咖哩都試一試，日式咖哩係比較甜都還可以，一邊食又可以一邊聽日文歌，的確唔錯…Read More

自己係荃灣食左咁多間雲吞麵，最好食都係係桂記，蝦肉夠爽，雲吞大粒，個湯底夠清，睇住佢開張食到依家，不過每年都加價，由十蚊食到依家25，鋪面唔大一眼睇哂，每次去都只係會叫雲吞麵，都食左咁多年，希望可以keep到落去，荃灣得返唔係好多間雲吞麵鋪…Read More

次次經過都買一個辛子明太子，個飯團唔似其他鋪頭舊飯硬過石頭，華御結用日本米，飯粒比較大同香又軟，紫菜唔會軟身，咬落去好脆口，至於個明太子，份量覺得比較小，價錢都成16蚊一個唔係話好抵，間唔中口痕想感覺有日本味道，可以一試…Read More

由剛剛鋪食到依家，放題都唔會打算有高質素，點知又真係有，次次都會叫櫻花蝦湯底，前菜送芽菜，泡菜同青瓜，全部都有醃過，以家落單就由寫紙轉電話落單，咁就有少少唔方便，每次都只可以落7樣野，退出左個apps又要掃個qr code好麻煩, 食物都仲保持到質素，手打墨魚丸每次都叫，食極都唔厭，朋友鐘意食肥牛，我就鐘意鮮牛肉，兩種牛都不高不失，上菜速度都算快，無咩溜單情況，唔怪得日日都爆場，排隊排到無位企門口，飲品凍櫃出現空箱情況，要改善一下…Read More

同朋友兩個人5點幾已經到左，坐底吹下水，仲未好多人，多年風格無變，自己寫自己落單，好耐未食過當然要試wasabi 手撕雞，叫多個蒜蓉炒白菜，白灼螺，手撕雞味道比以前較淡，菜無咩特別，螺都好一般，係個價錢比較大眾化，6點開始見人多，坐就一定唔舒服，又有人企隔離等位俾壓力，整體普普通通不過不失，呢個價錢就有呢個質素，衛生環境就更加唔好講，之前試過見到有老鼠，夏天去食會食到一身汗，無冷氣得幾把風扇，可能故意等你唔好坐咁耐。…Read More

同友人3人行，叫左鴛鴦麻辣同養心鍋湯底，麻辣叫左中辣，食到只有辣無麻，養心湯底話有烏雞，人蔘杞子，見到有人蔘同杞子，係見唔到有烏雞，肉都無一塊，真係可圈可點，食物叫左手切牛肉大，雪花肥牛，2份肉味都唔係好濃，丸拼盤，餃拼盤，蝦丸比較好味，爽口有蝦味，其他不過不失，價錢就唔抵食，3個人差唔多$1700,偶然一次就可以，不過大家想食可以選擇早食或遲食，8點半前離座唔記得幾多折，9點半入場就半價，個人認為，個價錢可以有更好選擇，不過荃灣要食又好味又抵打邊爐，真係小之有小…Read More

上到去見到唔洗等位都覺得伏伏地，不過既然到左就試下，所謂鮑魚海參魚翅，大家唔好有咩期待，個雞煲淨係得調味料味，刺身更加唔好講得雪味，火鍋配料先精彩，第一次食到肥牛好似食香口膠，係咬唔斷，鱔片又唔靚，碌完係淋唔係爽，第一次食唔飽打邊爐，又唔係抵，真係無下次…Read More