nana_iris's Profile

晚餐食左魯肉飯，宵夜都係台灣野我想試佢既炸雞好耐啦，但一直無機會試，今日難得經過，幾大都要試下佢隔離拍住台式飲品店，所以都幾多人叫完炸雞叫埋隔離飲品（包括我）呢個套餐都幾抵，乜都可以試下本人極度喜歡食杏鮑菇，呢到大大粒，炸皮好薄，內里好juicy，熱辣辣！正！主打炸雞，同樣炸皮薄同好juicy，雞肉好嫩好香老公話$5加野飲好抵，但我已經係隔離叫左飲品，哈哈，好彩我地有3個人share，但又幾好飲喎，唔係濃縮果汁溝出黎果d，用黎配炸物又幾夾…Read More

最近唔知點解又重掀台式飲品風，元朗又多左一間加入戰團綠色門面好易搵店員推介鐵觀音珍珠奶茶，叫左少冰少甜，都幾大杯，珍珠細細粒但量都幾多，但略嫌太多奶蓋過左鐵觀音既茶味，但總體係好飲，老公直頭話好飲過天xx茶😂😂…Read More

今日又係一家四口出動，老公想搵下小店試下，路過見到諗都唔諗就入去堂食座位不多，中間6個矮枱位+三邊高櫈，如果好似我咁樣帶住小朋友只可以坐中間矮枱見到呢張已經覺得好有台灣感覺，台灣好多食店都係咁樣叫餐羅東肉焿湯+飯，小小甜甜酸酸辣辣，肉煮得好林好入味，可惜份量有d小，老公幾啖就食晒魯肉飯（小）+糖心蛋，魯肉滷得好入味，送飯一流，小朋友一人都食得晒一碗糖心蛋煮得剛剛好呢個有花枝丸同貢丸就一般般了總結係味道好正宗，好有台灣風味，可惜細碗左d，其實台灣都係好多鋪頭既餐點唔係好大碗，希望有得做加大碗…Read More

今日同媽咪黎行街，行街前食個午餐，見呢到新開，睇左一眼menu好似都ok就決定入去試下呢到環境好好，坐得好舒服，將主打食品放上牆身，令人更加想試下食開放式廚房，一目了然Menu設計都好靚，但感覺好快會被整到好油同皺晒，一至五有午餐，3點後有下午茶，睇左主Menu，午餐其實都好抵咖哩牛根腩，咖哩超香，入口少少辣，同好滑，送飯一流，入面有好多舊牛腩&牛根，都好林，薯仔硬左少少路氹豬扒包，一上枱，嘩，原來都幾大份，仲配左薯角同沙律。個包外脆內軟，豬扒好大塊好juicy，而且煎到個邊好香脆，夾埋d醬汁同蔬菜，好有驚喜，薯角亦係熱辣辣上，好正！餐飲我見佢寫有卷仔奶茶，我叫左凍奶茶，又係嘩一聲，好好飲，個茶味好香好濃，又滑，可惜媽咪唔飲奶茶，否則一定叫佢叫杯熱奶茶試下最後叫左杯木糠布甸，好滑但甜左少少，作為飯後甜品剛剛好其實已經飽飽地，但見到d葡撻又想試下，於是又叫左一件試下，可惜只係暖暖地，熱d會好d，但味道係Ok的總結呢餐好有驚喜，食物都做到色香味俱全，值得一提係服務好好，除左有簡介菜式之外，亦主動向搵唔到紙巾既媽咪遞上餐紙，好細心！…Read More

媽咪話天盛有間西餐廳下午茶買一送一，星期六都有得食，黎提早食個晚餐睇過最抵好似揀鐵板牛扒餐，隨餐跟餐湯蒜蓉包及飲品其實剛開張時有食過早餐，比我感覺係質素幾好餐湯: 忌廉湯，味道一般，有d過甜，入面有少量磨菇及雞肉我要既5成熟牛扒，睇顏色就好似剛剛好，但加上鐵板都幾熱，好快就熟晒，不過無乜牛味媽咪要既全熟，我試左舊，都幾林，唔會好鞋好硬，但一樣無乜牛味媽咪都話覺得d牛扒無乜牛味，好似用水烚過先煎一煎面總體就係不過不失，如果唔係買一送一就真係唔抵，都係早餐出色d…Read More

三盞燈裝修完都未食過，今日搵野食時甘岩見無乜人等位就決定入去食座位比以前闊落，地方光猛，應該係走葡式路線Menu設計都好靚叫左3個餐脆豬餐$37+凍飲$3迷你脆豬，但好好食，外脆內軟沙嗲牛米，好普通燒汁饅魚豬扒飯$50+凍飲$9幾驚喜，饅魚好大塊，豬扒好鬆軟（係米因為澳門餐廳所以豬扒出色d？），個汁都好好味！焗牛魔王飯$58+凍飲$9一半係咖喱牛腩，一半係黑椒牛仔骨外表都幾靚仔，咖喱牛腩唔係好辣，似葡汁多d，不過有好多牛腩牛根，無薯仔有d失望黑椒牛仔骨就普普通通，只算正常Overall算有驚喜，見人哋話佢啲小炒幾好食，下次有機會去試吓先！…Read More

炑八一直都係我午餐食堂，大份又抵食叫左2個烤牛肉蓋飯，同老公一人一個😂😂大大份，好多肉我會加埋泡菜落去一齊撈飯食，前菜食完可以再添架！加$6有一杯野飲食完抱住個肚走，爽！…Read More

今次同老公屋企人一行十幾人一齊去試，有老有幼，放題可以揀自己想食既就最方便因為無所有野都有影相，所以只講下有乜特別好食刺身全部都好肥美，正。另外有淨玉子叫，唔洗次次要食埋舊飯熟食款式都好多，避風塘類同雞奕類整得好好食熱食上親都一定好夠熱👍🏻另外餐廳有自助區，有冷盤，沙律，湯，甜品，清酒梅酒，棉花糖機同爆谷機最誇張係飲品，除左有雪櫃自助揀，仲有幾款特飲，不過特飲類味道其實麻麻今日同行有人生日，所以送左一板海膽，不過無乜味😂仲有個蛋糕，反而蛋糕就整得幾好食但都有野要彈，就係出菜好慢，當晚都好full下，我地大部分時間都係等野食到，雖然無漏單，但食下又停下感覺好無引，而且到最後last order既食物到要走都未到😅😅第一次竟然食到7成飽就走綜合就係可以一試，但下次唔會再去😂…Read More

今日又一家四口出動，行街行到咁上下想搵地方坐下食下野，見到呢間門口餐牌有甜品食，於是入去試吓下午茶都幾多選擇，但係我哋只係食少少，就叫咗兩款拼盤下午茶拼盤-沙嗲串燒雞肉:雞肉都幾大粒，沙嗲味都OK-炸洋蔥圈: 雖然係熱既但林咗啲-原味牛乳布甸: 唔係好甜，我like，但老公覺得太淡，話普通牛奶都甜到佢-三文魚生菜三文治: 呢個有d驚喜，幾好食甜品拼盤-冧酒芭菲:冧酒味太勁，食唔晒😅-法式燉蛋芝士餅: 就係硬啲嘅法式燉蛋+芝士餅底，不過味道其實係幾好食-原味牛乳布甸: 同上面個拼盤一樣其實整體都OK嘅，價錢仲包埋嘢飲，可以舒舒服服坐低傾吓計。…Read More

今晚得一支公係屋企，唔想煮就叫外賣半個鐘內送到，一打開，嘩，勁大盒，又多豬扒，完全食唔晒，留左一半第二日食不過豬扒有幾塊燶左d，同炸蒜已經林晒，但外賣黎講已經算好好…Read More

難得同屋企人出街，諗住搵間舒服d既餐廳坐下，見到門口好似幾靚又未食過所以即管試試星期六都有午餐美國西冷（加烏冬），原來都幾多野，有沙律薯條同湯，牛要左全熟（媽媽唔食得生），唔會太un，一口十分方便，但份量少左d加錢要左杯朱古力軟雪糕，朱古力好濃，雪糕好滑唔知道牛扒本身跟左薯條，早知唔叫，而且芝士太少，都食唔出芝士味妹妹點的，我覺得一般餐廳係自助形式，點完餐比個牌仔你，響就去攞餐，調味餐具水都係全自助…Read More

同老公補慶祝結婚週年撐枱腳，餐廳原來係商場外圍行出少少，之前預先訂位，坐左一陣就發覺原來都幾多人食，越來越滿座之前已經上過openrice睇過有乜推介，所以大概諗好左叫咩辣蜜糖脆雞翼: 呢個雞翼真心好食，係外表脆既buffalo wings，係真係好脆，不過入面肉就無乜味，一定要咬大啖d連皮汁食10安士肉眼配黑松露薯條: 肉眼叫左medium，開頭老公有d後悔無叫medium rare，因為之前幾次食牛扒都煮過龍太un，叫生d預佢煮熟少少，點知今次又OK，剛剛好！正當我地開心緊個扒唔錯時，原來佢配既黑松露薯條仲正，炸得好香口，加埋個黑松露碎（其實都唔太食得出有味），食落好似食緊薯片甘羊架配紅酒汁+薯菜: 其實我好怕食羊，怕羶，但老公想試，叫左左medium well，入口都OK，個汁好配，不過個羊有d肥老公叫左杯啤酒，我唔飲酒，想叫Smoothie 但menu5-6款佢得2款有得賣，最後無叫☹️店員話恆生信用卡同銀聯食滿500有85折，可惜我地兩張都無，埋單7xx…Read More

新商場開裝去行下，呢間面包店收係一田入面，比前面餅店遮左小小，一唔小心就睇漏眼，我行完一田先見到佢，甘岩又有d餓走買左幾個試下右上: 月島軟心芝士餃子-呢個大推介呀，真係勁好食，入面係滿滿軟芝士🤤下: 馬里蘇芝士仔-開頭以為得外面有mozzarella，但原來入面都有d芝士粒，但口感唔太岩我，我中意食溶左既芝士左上: 紫薯一丁目-佢外表真係唔太討好，好似整到失敗左既包😂入面又係滿滿既紫薯（sorry呢個最尾先食所以記得影相）😮唔太甜應該無加好多糖i like it！比錢時見到有仲熱既半熟芝士撻，忍唔住買埋😝不過就一般般啦，可能最近太多舖頭都有出，唔算特出甘岩我揀既包既外表造型都一般般，不過總體係高水準，涵都好滿好多…Read More

上網睇到呢間平平地（$188+10%，另外信用卡有85折）有buffet,價錢ok就決定同老公試下環境:好靚，樓底高，四邊落地玻璃服務:細心，因訂位時有講有bb車及初生嬰兒，侍應安排角落較寧靜位置，大部分客人都坐主廳，我地坐左係近甜品bar附近，更比我地坐4人枱方便出入及湊b，因為附近無乜人，我到最後仲餵埋人奶先走，舒服！收碟亦好快！食物:種類少，但每樣味道都ok，有刺身但好大陣雪味，熟食就略嫌好快就變暖，座熱既水唔夠滾。另外飲品任飲，有利賓立，橙汁同一般茶啡，我食到最後有飲杯茉莉花茶清下。總結:10分我比7分，不過不失，呢個價錢好舒服地食左餐午餐，好過出去同人逼！…Read More

第一次寫食評，同班同事突然想食燒肉又見到做緊團購所以試下已經提早10是日想book 730pm，聽電話的女職員話無晒位（語氣態度唔多好），要去到7月先有730位，我話我成8個人，好難再約，佢就話「如果你想退錢要自己同團購網站傾」，勁無奈，最後都book左9點（整體都係呢個聽員不太好）到左果是日，佢提早一個鐘打黎confirm booking，我話ok，佢話會留位俾我地，甘心諗上到去可以即刻有位但到左要我地等多20分鐘先入得座，不過佢俾左個幾好的位我地就算啦:)個場其實都不大我偷𥄫到佢reception到寫一晚最多開33個爐，姐係最係坐百幾人因為都9點幾，大家拎紙點野基本都點晒，佢原來送每人一隻鮑魚or七吋長蝦，大家都想要鮑魚但佢話賣晒，無奈地要蝦，都真係幾大隻，不過燒完無咩味食物方面，刺身同1d凍食既野都好一般，無咩味，燒物佢會放得好靚甘上但每次每樣得4塊，仲要係一口分量，我地成8個人要不斷加單，味道還好，好多佢話係咩「黑椒xxx」，「七味xxx」之類以為係有＂yip＂過既都係o係生肉上面加汁，所以不太入味，但總類係多既，但美中不足係由頭到尾佢只係上過2塊羊架，都唔夠分....:(座位同服務方面，佢d位有分普通櫈同凹入地的櫈，我地係後者，唔逼，幾舒服，抽油煙做得幾好，不斷燒都可以，但waiter人手好似不足，無咩人收碟，除左羊架，好似無漏過單，可能新開，d鐵板爐新d無甘易燶底，我地無換過爐，到最後都好乾淨，個爐受熱好平均，所以一次燒好多都ok整體係ok既，比我以前食過某d店既好，同埋我留意到店舖老細黎左巡舖，可能甘d員工落力d我地先食得甘飽！哈哈哈！…Read More