sksksksksksk's Profile

星期日晚上用膳，book咗枱7:30，都要先等一陣先至有得入席。入席後，發現張枱好多污跡，黐立立不過侍應尚算有禮貌，同佢講張枱污糟，都願意即刻拎張濕紙巾俾我哋。嗌咗幾款菜式，個菠蘿海鮮炒飯真係有史以來最難食嘅一個。啲炒飯係濕濕地，黐埋一住，但係重點係好淡味。 旁邊有啲海鮮，唔單止有雪藏味，個青口好腥，蝦就正常一般，魷魚都好腥，而且係乜嘢味道都冇，口感就好似白烚，而且是凍食的。總括而言，其他幾道菜都係一般，回頭就一定不會的了。…Read More

下午四點，經OpenRice平台於茶湯會訂飲品。因為到達店面嘅時候，有很多人排隊。大概等了半小時， 4:30 ，開始覺得唔對路，等了半小時都未有飲品，問店員，我經OpenRice訂了的茶飲，為什麼還沒有呢？請問你有沒有接單？店員用非常惡劣嘅態度：部機壞咗呀嘛，接唔到單架！你重新喺呢度落過啦！首先，作為顧客，點會知道你部機壞咗？你一係喺收銀處度貼上不接受OpenRice預訂。或者應該通知OpenRice，店舖部機壞咗，沒辦法經OpenRice去訂購。咁樣真係唔係太好！…Read More

幫襯過好幾次 ，每次都叫魚蛋粉，有2條菜 ，好少魚蛋粉會送2條菜！湯熱辣辣 ，魚蛋新鮮彈牙 ，河粉亦爽身 。34蚊 ，抵食 ，加埋一匙羹辣油好惹味！坐低落order，好快5分鐘左右已經有得食！下次會再嚟幫襯！下次想試佢地既豬手河，見到佢哋仲有碟頭飯添…Read More

見到呢間甜姨姨有榴槤嘅甜品，約咗好朋友即刻去試吓。餐牌上面見到佢有幾款，包括榴槤蓉涼粉，榴槤黑糯米，榴槤pancake ，等等我同朋友各自叫咗一款，本身再諗住嗌個pancake share食，可惜當我哋兩份甜品嚟咗之後決定唔叫榴槤pancake了。上面嗰碗係我朋友叫嘅榴槤涼粉$68 下面嗰碗就係凍嘅椰汁黑糯米榴槤 $64老實講，呢一個榴槤甜品係我成個夏天入邊性價比最低嘅。其實講緊個榴槤蓉係一匙羹都冇佢係好薄咁樣鋪喺面頭，嗰隻鐵匙羹，其實唔係大隻，但係不起啲榴槤容都冇一匙羹。而且嗰個榴槤係冇咩味，淡茂茂的但係個黑糯米就正常，唔會太甜不過如果用$64叫碗黑糯米就非常之貴朋友嗰個榴槤蓉涼粉，夠榴槤用稍為大嚿啲啲不起上嚟叫做剛好鋪得晒隻鐵匙羹但係啲榴槤汁一樣係冇味的，食落似牛奶真心講，唔會再嚟了食水非常之深。個份量同價錢完全不成正比實在係非常之失望。…Read More

再一次嚟到呢間餐廳同朋友一齊食印度式素菜Dosa -Arugula, Avocado, Feta, and Sun-Dried Tomato 餐廳一共有五款Dosa脆脆米餅夾住唔同嘅餡料，我哋揀咗牛油果沙律，配有火箭菜，乾蕃茄，另外佢仲有個醬料俾我哋點，點埋醬料少少酸酸地，更加好食，呢一個大推，我哋都好鍾意。Roasted Cauliflower and Brussels Sprouts呢個沙律好食指數都有四粒星底部全部都係鷹嘴豆醬，鍾意食鷹嘴豆嘅朋友呢個沙律啱晒，另外佢應該加咗少少橄欖油，碎芝士同碎杏仁做點綴，口感更加豐富。Gunpowder Idli呢個其實係印度式蒸米餅見到Menu佢寫住有椰子醬調味，但係可能我哋點咗醬料，都唔係好食得出有椰子味，呢個口感有啲似薯仔，但係賣相就有啲似潮式炸魚片頭，不過食落就真係冇咩味，如果唔點醬，就完全係冇味道咁滯，所以呢個可以唔使試，未去到難食，但係可以留肚食其他嘢。已經唔止一次呢間餐廳，一直都放喺fav list環境都OK，不過枱同枱之間就比較少距離都會聽到隔離講嘢㗎但係啲職員好友善，同朋友喺度食嘢可以過到一個愉快嘅下午…Read More

早上10點30分諗住食個早餐，附近嘅餐廳都要排隊，為咗快，選擇咗鴻福堂。鴻福堂入邊冇客人，見到餐牌有燒賣，粢飯，等等嘅套餐。見到粢飯一個$20，如果加飲品就要$28。飲品只有豆奶，奶茶，鴛鴦。唔啱飲，所以淨係買一個粢飯算數。粢飯係包住保鮮紙，已經入咗喺一個真空膠袋入邊，衛生程度幾好。不過想講，呢個粢飯係我有史以來食過最難食嘅粢飯。粢飯啲糯米飯淋到出水，圖中可見，糯米飯已經由一粒粒淋到變咗一pat pat。裏面嘅餡亦都非常之少，基本上入邊舊油炸鬼已經變咗腍啤啤，肉鬆都係濕嘅，成嚿粢飯入邊得一粒榨菜。雖然$20係好平，但係呢個粢飯真係好難食！…Read More

食過唔同分店嘅阿杏飯團，呢一間上環店都幫襯過好多次。但係唔知係咪換咗新手，包飯團包得好鬆，基本上係一拎上手，都未擺入口咬，啲飯已經鬆晒。今次叫呢個係牛油果吞拿魚飯團，舊牛油果細粒到得五毫子咁大吞拿魚味道正常，份量亦正常但係飯並唔熱，中間更加咬到幾啖係凍嘅一個飯團咁樣$50坦白講如果咁樣嘅質素，我寧願買2個華御結其實已經唔係第一次咁樣，上兩次叫嘅時候，一樣係散晒。不過冇今次咁離譜。希望店員可以握實啲飯，仲要今次個心係凍嘅，真係有啲失望。…Read More

下午3點走入coffee shop，基本上都冇乜客人，第一層得一枱客，二樓都係得2枱，並非繁忙時間，點餐亦沒有人排隊。點餐同整咖啡都係同一個男職員，本人叫了一杯Americano 同埋一杯espresso tonic ，店員並沒有問堂食還是外賣，隨意給了外賣杯。由於朋友已經上了樓上，我是有禮貌地問男職員: “唔好意思，請問會唔會有餐盤因為我要拎上2樓”。男職員不太耐煩的俾左一個紙托我，兩杯咖啡整好，我見冇人先至問男職員可唔可以比多杯暖水我，點知男職員幾乎係想jip我，黑晒口面，使唔使咁呀？你話如果係繁忙時間就話啫，一個人都冇，入到嚟仲見到你喺度玩手機。咁嘅服務態度，以後唔會再幫襯。…Read More

接近六點半，同好友們試吓呢間遊園。好彩我哋有預約，我哋見到現場都好多人客。中菜，真係我哋幾位嘅首選，我哋幾乎每星期都會去試唔同餐廳嘅中菜菜式。遊園每款小菜都幾好食，我哋仲嗌咗兩支酒。然而，最最最最最令到我哋深刻嘅都係，平時屋企都會可以食到嘅星星苦瓜煎蛋苦瓜煎蛋我哋食得多，呢款真係非常有驚喜，如果食得苦瓜嘅，大家去到必定要試吓，包保有驚喜，味道特別，並非一般的苦瓜煎蛋可比。好味指數特別指數推介指數其餘嘅小菜都好好食，最緊要係夠熱！我哋最後咪仲嗌埋甜品。埋單，每人600 左右，非常抵食。…Read More

好耐冇幫襯東海堂佢啲蛋糕縮晒水 越嚟越細件放工時間經過 本身想買件切餅但係件件都好細件 一個人食買兩件又多得滯點知望望吓俾我見到佢有個限時優惠蛋糕柚子檸檬忌廉蛋糕限時優惠價$39蛋糕好清新，有淡淡的檸檬味，唔會太酸中和左蛋糕本身嘅甜味 底部嘅柚子醬亦都幾清新中間嘅海綿蛋糕都不過不失，夠鬆軟!東海堂一件細細地嘅切餅要接近$30呢一個有子檸檬忌廉蛋糕可以切開4份$39真係非常之抵食！下次經過有嘅話，都會再回購！…Read More

中午時分，灣仔到到都好多人食嘢，見到呢間朝興魚蛋河，唔使排隊仲有位，所以就入去叫碗魚蛋粉嚟食。叫完好快5分鐘左右就已經上咗碗魚蛋可，本嘢係熱辣辣嘅 ，食咗兩粒魚蛋之後細心啲望下碗湯，飄着好多一點點小黑點撈起其中兩粒放喺相紙上，有腳的，百分百係昆蟲。我同阿姐講，佢一手立左我張紙巾，同我講話係菜黎，我即刻係個碗度，再喺佢面前撈多兩粒落張紙巾，即刻影埋相，我而家放大俾大家睇。個阿姐即刻發老脾，大大聲叫我：你走啦你走啦你！你同我走！我答佢一句，你注意下街生。我諗食嘢衛生係基本，你碗嘢有咁多虫，一句對唔住都布，仲大大聲叫人走間鋪地下超污糟，無論枱上面嘅醬油樽，筷子，豉油，全部都有積，個地下黐立立，所以其實碗魚蛋可上枱，我理應先檢查才食。今次買個教訓，一定唔會再幫襯！呼籲各位都寧願行多兩步食第二間，千祈唔好食潮興魚蛋粉！…Read More

中午時分，灣仔到到都好多人食嘢，見到呢間朝興魚蛋河，唔使排隊仲有位，所以就入去叫碗魚蛋粉嚟食。叫完好快5分鐘左右就已經上咗碗魚蛋可，本嘢係熱辣辣嘅 食咗兩粒魚蛋之後細心啲望下碗湯，飄着好多一點點小黑點撈起其中兩粒放喺相紙上，有腳的，百分百係昆蟲。我同阿姐講，佢一手立左我張紙巾，同我講話係菜黎，我即刻係個碗度，再喺佢面前撈多兩粒落張紙巾，即刻影埋相，我而家放大俾大家睇。個阿姐即刻發老脾，大大聲叫我：你走啦你走啦你！你同我走！我答佢一句，你注意下衛生。我諗食嘢衛生係基本，你碗嘢有咁多虫，一句對唔住都冇，仲大大聲叫人走間鋪地下超污糟，無論枱上面嘅將由樽，筷子，豉油，全部都有積，個地下黐立立，所以其實碗魚蛋可上枱，我理應先檢查才食。今次買個教訓，一定唔會再幫襯！呼籲各位都寧願行多兩步食第二間，千祈唔好食紹興魚蛋粉！…Read More

晚上和友人來吃串燒。原本見到都係大部份好評，想必有一定質素，但我和友人落單吃了幾款串燒之後，寧願轉場再食，可惜，浪費了今晚的quota。燒青椒 / 燒雞翼/ 燒免治豬肉燒青椒 : 係最正常嘅一串，不過不失。燒雞翼：好難燒到咁難食，雞肉係鞋的，燒過龍，雞翼底部燒焦，食到燶味。莫講話雞翼沒有外脆內軟，成隻雞亦都係硬實實，雞肉嚡洽洽。中間嗰串已經唔記得咗係雞腎定係乜嘢，因為咬咗一啖就冇食，一樣係好苦，因為燒燶咗。直程搣咗好多黑色一嚿嚿嘅蕉出嚟，燒到乾晒水，咬咗一啖算數。免治豬肉：感覺唔係咁新鮮，除咗比較多肥膏之外，有浸味，我同友人食咗兩啖放棄了。燒多春魚一樣，都係燒過火，都係燒焦了，食到燶味，而且感覺好似食緊魚乾咁。乾爭爭，而且有燒焦的苦味。同場其實仲嗌咗燒菠蘿，燒茄子等等，但係頭嗰幾樣嚟咗，覺得唔好食，已經冇心情影相了⋯⋯大致上都係須在食材唔夠新鮮，而且燒燶了。大部份串燒都食到苦味，因為個底燒焦。總結，我好鍾意食串燒，基本上每個月都會去一兩間食，呢間係我食過最難食嘅一間串燒店。我哋都非常之失望！真的沒有下次了。價錢唔係平，但咁樣嘅質素，真是令我們無言。…Read More

經過門面，見到menu有拉布腸粉。咁就諗住買一份外賣返屋企食。一打開盒腸粉，已經聞到一陣好勁嘅油膱味食一啖更加頂唔順，結果成盒送咗落垃圾桶如果有落醬可能仲可以覆蓋到佢嗰陣好臭嘅油膱味腸粉咬落去係擺咗好耐嘅感覺，食落完全冇米味，感覺似係食緊浸住千年老油 硬實既物體如果遮住我對眼，我真係估唔到我食緊一條腸粉老老實實，呢盒野真係我食過最難食最難食最難食最難食嘅一碟腸粉呢盒腸粉$24 ，加埋外賣盒$1真係冇下次…Read More

諗住見到佢大大個招牌酸菜魚，就入去試吓。結果係非常之失望。為咗酸菜魚而嚟，梗係要叫個酸菜魚，點知成盆酸菜魚入面，淨係搵到一舊酸菜，成碗湯係白雪雪嘅魚湯，絕對沒有任何酸菜味，辣味更加唔使講，一啲辣味都冇！諗住加錢俾多啲酸菜我哋，原來冇得加。個阿姐話”我哋啲酸菜魚係用魚湯做，係冇外面個d咁辣嘅！”但係我哋係你食酸菜魚，如果想飲魚湯，咁食魚湯米就得了！其實真係好失望！如果鍾意酸同辣嘅朋友，真係唔好嚟！你會感覺到兩個字，中伏。…Read More