HWS's Profile

星期六晚上只得幾枱客。服務就好一般。問一個女員工晚餐和主餐牌的肉眼扒重量的分別，她答是一樣的。再問另一男員工答一樣是10oz，但主餐牌是12oz。還好男員工有去問返廚師再回覆。我們order了:2杯飲品三文魚沙律忌廉青口西冷扒肉眼扒蜆意粉飲品等了約15分鐘才到。好快三文魚沙律便到，三文魚淡而冇味，但沙律菜是全晚最好味的。因為菜幾新鮮，醬汁也開胃。沙律吃到一半，青口和意粉同時上枱。對於我來說頭盤和主食同時上枱實在是茶餐廳feel。青口還可以。意粉的蜆好細，意粉下半碟是像杰身湯的汁，自己撈暈吃啊!兩款牛扒到了，overcooked，5成像8成，7成像全熟，牛味欠佳。最可憐我這餐飯要忙著幫忙執位上菜，明明仲有好多食物便要幫忙收碟，其實張枱有位，才剛八點，好趕收工嗎？一餐西餐一小時內完成，早知要食得咁趕，我食限時放題啦!最後給了我意見卡和下次用的$100現金卷(主餐牌滿$500可用)，我都放在枱面離開了，反正不會回頭。…Read More

Boxing Day 晚上六時許不用等位員工服務非常好我們4人吃了一個二人套餐另配甜品+泰式安格斯牛肉船麵(金邊粉)+鍚纸烤冬陰功醬原條鱸魚+一碗白飯$679埋單。…Read More

星期日晚上一家四口在附近晚餐，見到openrice訂座主餐牌有9折，之前同朋友食過都唔錯，就同家人食。贈送的小食，幾開胃蒜蓉蝦調味調得好好，開胃菜首選。Taco微酸微辣加豬肉絲，口感豐富，味道也好。牛肉夠新鮮。衣款沙律是encore首選菜色，芝士好滑，番茄和菜非常新鮮。這杯傳統西班牙酒唔夠酒味，加得太小酒，像杯果汁。這意大利飯是這餐最差的菜色，飯很硬又入不到汁的味道，就如相片這樣-像個湯飯。我們order了medium well，但太熟，不過牛肉味仍豐富，薯蓉好滑。薯條忘記影相，薯條正常發揮，但松露醬太小松露味。…Read More

十幾年前的舊同事各散東西，剛巧有倆位從外地回港想吃傳統粤菜，所以選了這間老店。地方比較逼，坐得唔舒服，但服務唔錯。同事提早預訂了:香酥荔蓉鴨太爺雞-半隻冰鎮咕嚕肉避風塘瀨尿蝦豉椒炒聖子皇蒜蓉中蝦蒸糯米飯籠仔梅菜蒸菜心不過當日冇聖子，冇得試。啖啖肉的瀨尿蝦第一次試。蝦肉有鮮味，但用炸蒜炒一定會奪走鮮味。味道唔錯，但浪費了海鮮的鮮味有點可惜。雞一般，沒有驚喜。冰鎮咕嚕肉平時食得多，這個外層夠脆口，酸甜適中，幾好味!我平日唔多喜歡吃焗魚腸，但這個幾香，冇腥味，我幾喜歡。多士不會吃到一口油，但整體冇驚喜。菜心入唔到梅菜味，菜本身也唔夠新鮮，不推介。糯米飯比蝦更好味，推介。炒得夠乾，味道唔錯，推介。炒飯炒不到粒粒分開。鴨在底上面加了宇蓉再炸香，第一件好味，第二件開始油膩了。甜品是送的。我從未試過咁有誠意的免費甜品，通常都是紅豆沙，所以有誠意感覺特別好味。…Read More

星期二晚上經openrice訂了6:45，到達時得一倆枱客，直接入坐。今晚主要是farewell一個小妹妹，廿幾歲的後生囡喜歡吃韓國野，加上這餐廳可用Times Square的餐飲卷，所以就試吓。小菜是泡菜和芽菜，泡菜是爽脆的，較小餐廳做到這質感，抵贊。小菜只是免費供應一次，如想再吃，可以全枱每位加$10任食。我們一行3位女士，原本選了3款前菜及2款主食。不過order那刻我制止了兩位美女，讓他們吃完前菜才order主食。蛋卷蛋味濃郁，入面芝士份量好足，重點係好夠熱，推介。煎餅都算香口，後生囡覺得好好味，我就覺得好普通。和牛無牛味，醬汁也不討好，一致認為性比價極低。吃不這3碟前菜，我們已經100%飽了，所以前菜的份量都好足。員工服務唔錯，餐廳氣氛也不錯，到晚上9時差不多滿座。…Read More

中環lunchtime難搵食是常識，經openrice訂了12:30，即時可入座。我們由12:30坐到2:00，餐廳一直都有空枱。蕃茄餐湯味道較酸。1/3小匙的黑松露醬放在兩片煎帶子上，再放在可麗餅上。可麗餅內有一粒粒帶子仔、蘑菇片及白汁。帶子仔及蘑菇片似乎沒有煎或炒過，只有小小鹹味，味道太普通，有點像我在家玩煮飯仔。可麗餅午餐份量較小，如果當天較肚餓，建議選其他午餐。不過這裡人不多、唔會嘈、員工招呼也唔錯，午間約朋友食個lunch也不錯。…Read More

情人節在時代廣場買完野換咗餐券，於是找到這間可用餐券的餐廳，6點鐘walk in入去吃晚飯，限時90分鐘。餐廳環境好寬倘，裝修亦都好靚，員工有禮。青瓜好爽脆，用蒜蓉調味得唔錯。包裏很多汁，好好味。。炒得粒粒分開，不會太多油，生菜好新鮮，有驚喜。花雕好香，海鮮好新鮮，不過有一隻蜆有沙。整體食物好味，於是決定過幾天媽媽生日，再來食番餐。於是訂位星期日晚餐，點知電話接線生，我未講完電話號碼佢就收左線，一啲禮貌都冇。聽到背景係有人講緊恭喜發財，可能趕住攞利是吧!過左幾小時，我再打電話去，今次的接線生話喺未寫完個電話號碼，叫我再講多一次。今次員工都同上次一樣好有禮貌，不過重點黎啦!我只不過係7點30分入座，想食嘅野都冇。我首先叫左三樣野，九肚魚和海陸空都冇，只有小籠包有。仲要今次的原味小籠包裏面完全冇汁。上次食過生菜包好好味，今次當然encore，但係結果係好差嘅體驗，素肉炒到一舊一舊，味道得個鹹字。象拔蚌好新鮮，好爽脆，味道亦都調得好好!胡椒蝦好香，蝦也鮮甜。馬友算係唔錯，魚肉算滑。肉好淋，喜不喜歡因人而已。因為怕辣，椒分開上，結果是冇咩味，但烏冬好味。最後我們叫芝麻卷做甜品，可借也是賣晒。於是要了菊花桂花糕，一客三件$58，我們是五人，店員話送多兩件給我們吃。桂花糕清香唔太甜。整體服務環境唔錯，食物未必能夠次次一樣味道，不過食材新鮮。…Read More

新工上任不久，唔敢去得遠午餐，但朋友從外地回港，要找個近近地又訂到位的食市真不容易。燒肉set價格都算親民。經openrice訂坐13:00，入到去都滿座。因為要留時間傾計，所以就冇叫燒肉，大家都order了同一個石鍋飯。和牛是粒狀的，份量較小。其他蔬菜和飯量都算幾多。不過我們order了其中一個小飯，但就沒有做到，只來了3碗標準飯量。牛太細粒，就真吃不到什麼牛味。沙律菜不太新鮮。泡菜也是好普通的貨式。總括，唔難食，但又同好食且唔上關係。唯一嘅好處係，環境唔錯，枱與枱距離幾闊落。而且抽氣幾好，聞唔到任何油煙味。…Read More

午餐前菜+主菜+甜品+飲品 $158不過好多選擇都要另外加錢牛肝菌奶油濃湯比較多cream而小菌味道OK但本人覺得太杰加拿大野生三文魚柳 hollandaise sauce三文魚好鞋和唔夠味個汁太杰檸檬撻+$20酸甜適中還有加錢的咖啡忘記影相。我order的Flat White太多奶了。我同事order的雞排和蝦意粉都好味。店員熱誠招待，大家都食得好開心。…Read More

訂了11點位，原來剛開門。因為好熱，所以問了員工，員工說剛開門所以冷氣未夠。可惜到我埋單時仍喺熱呢!枱上有2把扇，其實喺咪根本知道不夠冷氣？我心諗，晚上吃火鍋配咁嘅冷氣咪大獲!經openrice訂座12:30前order可享$10一位茶位及特價點心，這張就是特價點心紙。今餐我覺得最有特色的點心是野菌牛粒酥，可惜影漏相。好像一個蘿蔔絲酥餅但入面是野菌牛粒，牛粒濃牛味，酥餅不夠鬆。其他點心質量都中上但唔會好出色。蘿蔔糕味道調教得幾好，但質地太淋了。打卡名物紅袍荔枝，其實係染了色的煎堆，同埋唔喺好食囉!整體食物，環境，服務都OK。但冷氣唔夠真可怕。…Read More

星期五晚上約了舊同事聚舊，舊同事選了這餐廳，環境好舒服，有駐唱。酒店內的餐廳理應服務好好，雖然員工態度真的好，但唔太清楚menu內容，解說有誤，後來有另一位員工來更正。這裏最特別的是有一個會着燈的餐牌，對於我們這些老花人仕簡直是佳音，在幽暗環境下仍能清楚睇到餐牌。聚舊當然喺傾之不盡，所以影得好少相。整體食物好味，而這晚最好味的菜色是Parma ham pizza。炸魚薯條算唔錯。我們order了兩個燒烤拼盤，一個是海鮮，另一個是牛。每個燒烤拼盤都可+$120配一支紅酒，白酒或香檳。我們配了兩支白酒，味道可以。…Read More

Weekday約了在附近做野的朋友食lunch，朋友提議在這間cafe食，大把位，好方便。咖啡有大杯和細杯的選擇，這兩杯是大的。大的真是好大杯，而細杯又真是好細抔，但價錢相差不遠呢!味道方面，一般啦!主食我們order了吞拿魚卷和火龍果帶子沙律。吞拿魚卷配粟米片和沙律，火龍果沙律也配了一些蔬菜和兩個小包。兩款主食都好大碟，好清爽，不失為大熱天時的好選擇。但火龍果沙律內的帶子小得可憐。Cafe是自助形式，自己出去order，自己取餐具。不過店員送餐時好有禮貌，仲幫我們影相添。…Read More

一間想去好耐嘅餐廳，因為梳乎厘。今日約了朋友午餐，終於可以一試。原來主菜都好味，不過咖啡就麻麻啦!伯爵茶鮮奶咖啡(凍)茶味唔出，普普通通，唔知關唔關我叫了少甜少冰事。蘆筍煙三文魚闊麵，煙三文魚好小，得兩片。闊麵好好味，不過如果自己一個人食哂成碟可能就會有啲漏。士多啤梨梳乎厘，鬆軟但欠蛋香，始終冇蛋黃是不能要求有蛋香。總括味道可以，枱與枱距離都近，QRcode落單，自己出cashier畀錢，所以談不上有什麼服務。…Read More

店員主動安排我們坐窗邊位，面對維港。不過其實唔喺好靚。因為餐廳位置不高。餐具好靚擺放整齊我們六人安排坐了一張八人的枱，之後店員幫我哋收起兩位餐具。問了我們收那兩套餐具，結果收了另外兩套，店員好有禮貌，但係就發緊夢。黃金炸魚皮勁脆，但都幾辣椒鹽魷魚鬚新鮮炸起好好味黑胡椒大肉蟹，我自己覺得胡椒味太重，完全沒有蟹肉的鮮味。但是朋友們都覺得跟新加坡吃的味道好接近，好喜歡。星洲大肉蟹是我今晚最欣賞的菜式。咖哩好香濃，唔會太辣，不過蟹味也是欠奉。百合珍菌炒蘆筍，菌好爽口，整碟味道好好，好清新。煙燻片皮鴨，熱食嘅時候好味。但一涼了就麻麻地了。隻鴨好多肉，切開後的肉都好入味。煙燻片皮鴨配料這個薄餅餐牌冇的，要問店員，店員會在隔離泰國餐廳幫你order過來。不過是海鮮價，兩次order分別收不同價錢。菜遠牛肝菌豆腐，素菜菜色都做得幾出色。又一個服務問題，枱唔夠位放餸，店自己同自己講將兩碟合拼，便倒埋一碟。冇問過我們呢!唔同味喎!再另加一個服務問題，收碟時倒到我一手汁。總括，座位好舒適。員工有禮，但好論盡。食物中上。…Read More

我們一行7人安排了我們坐一間房店員每次入房都會敲門每次用qr code加點食物都好快送到，又黎得齊黎得快又齊是好小數放題能夠做到的食物種類方面就好多人介紹過我就不介紹了…Read More