mr tastebuds's Profile

今日自己一個食午餐，入到去侍應好快就安排咗搭枱。之後我再望吓餐廳，入邊有四張卡位四人枱全空。之後我一邊食，一邊再留意吓，發覺佢哋不斷叫人搭枱。凍檸茶嚟嘅時候，阿姐問我你係7–11 A定係7–11號B。我問返佢係咪應該我問你呢？佢叫我自己睇吓張單上面有寫。黑椒焗牛脷飯。成盒飯剩係得兩塊細嘅牛脷。準備離開嘅時候，幫我企起身着外套，都未著完，阿姐已經大叫，一位呢邊啦。下一個客已經企響我面前。問佢攞紙巾，答我依家冇啦，兩蚊啦。成件事每樣嘢分開睇好小事，但係所有嘢發生響同一個餐廳就有問題。…Read More

黃金海岸酒店staycation。朋友介紹。一定要揾餐食佢———秋香。佢嘅signature 係白鱔煲仔飯。食物選擇唔算超級多。但都已經可以滿足到我哋。🟢🟢🟢🟢🟢🟢🟢🟢🟢🟢🟢🟢🟢🟢🟢一、白鱔煲仔飯。🐟🍚🍘好味指數:🤤🤤🤤🤤🤤白鱔肉多。最正係佢冇骨！個皮煎到脆脆。用鐵鍋仔上，賣相一流。飯焦好香。二、燒物。叫左。魷魚一夜干。🦑🔥魷魚有肉，又有鬚。燒得好香。欣賞佢有兩種調味選擇。豉油，同mayonnaise 。兩樣都好味。好味指數🤤🤤🤤🤤🤤三、串燒。和牛肉。🐮好香牛味。鹽燒厚切上等豚肉。🐷估唔到，豬肉都好香。絕對唔俾和牛差🐷😌。四、鹽燒殼付北寄貝🍣🦪🔥好味。佢個presentation好靚。用鹽托住啲北寄貝。個殼入面裝住個汁，好甜，我地當佢海鮮湯飲。個貝好新鮮。五、甜品。食完主菜之後。我問店主攞餐牌睇吓。。又比佢估中我想食甜品。佢推介左佢哋今晚嘅甜品。黑糖同抹茶蕨餅。🧆🍵🍡雪凍左係佢嘅加分位。真係好食。兩種味都好食。喜歡店子少少。食物美味。presentation講究。店主店員食物推薦一流。服務細心。🟡🟡🟡🟡🟡🟡🟡🟡🟡🟡🟡🟡🟡美味指數🤤🤤🤤🤤🤤影相指數📷📷📷📷📷環境🍸🍸🍸🍸服務態度👔👔👔👔👔抵食指數💸💸💸💸🔺🔺🔺🔺🔺🔺🔺🔺🔺🔺🔺🔺🔺🔺小貼士。一、建議最好訂枱 ☎️ 佢下午會小休。6pm再開做晚餐。二、留食物。☎️🍚🦪建議預訂白鱔煲仔飯。仲有個辣酒蕃茄煮大蜆 🌶🍲🦪。呢個我都想食，可惜今日冇貨。下次試。三、節目安排。可以連黃金海岸酒店staycation🏨或下午去黃金泳灘游水，沖完涼，行下附近影下相再去食。😉🥳🥳…Read More

蝦麵。🦐🍜係你嘅飛弗嗎？我。還可以啦。希慎廣場。Foodcourt 生意幾好掛。都一段時間冇轉過手。今次發現呢間新野。啱晒我。主打蝦麵。三種湯選擇。一、辣味蝦湯🦐🌶二、咖哩喇沙三、豬骨雞湯。🐷🐥 唔係唔揀辣味蝦湯下wa?🦐 麵可選擇:油麵，米粉，河，同檬近來努力操肌中。💪🏻所以揀米粉。(平時一定係油麵😢)加左杯青檸梳打。賣相唔錯。湯底我中意喎。辣辣地好開胃。蝦味勉強夠啦。可惜。🍄寒左少少。少少啦。一粒蝦薄切幾片散開放。靚就幾靚。不過呃唔到我地呢班食家嘅。另外。叫就叫做蝦肉肉骨麵。其實。。。。入面只有一舊肉骨。骨幾入味。幾林。不過呢個量就。。。。下午茶份量囉。米粉。正呀。索晒啲湯Conclusion :湯ok。男士可能要叫大碗先夠食。評分:味道:🤤🤤賣相 :📸📸抵食:🙈 $64細碗 +$13 Lime soda回頭度:🤫 叫做。唔介意份量少嘅話，可以試下。另外地方太新。location未有得tag。#蝦麵店 (hysan place 10/F)#hkfoodporn #hkfoodstagram #hkfoodie#hkfoodblog #hkgoodblogger #蝦麵 #🦐🐷🍜#🍄❄️店 🤭#foodsearcholick …Read More

火鍋粉絲。突然間又想打邊爐。喺附近搵到呢一間。台式嘅臭臭鍋。印象中以前去台灣都冇食過臭臭鍋。就試吓啦。一入到去。感覺環境都尚算舒服。枱嘅分佈都尚算寬闊唔會太迫兩個人去食，侍應最初叫我地坐中間嘅二人枱。朋友見到有張卡位啱啱要走，四人枱。就嘗試叫侍應俾我哋坐。 侍應猶豫左1秒之後都俾我哋坐卡位。加分。細心睇返餐牌。再望望周圍嘅食客。呢度嘅打邊爐其實跟一般打邊爐會有少少分別。感覺應該唔需要特別去加餸。 因為佢嘅型式係每人一鍋。而每一鍋入面已經有好多餸。如果比較大食你可以向餐牌上面再加一啲單點嘅項目。我哋叫咗一碟安格斯牛肉。好可惜，侍應轉頭就過嚟話安格斯牛肉已經沽清。我即時有啲失望， 因為最初打邊爐其實係想食牛肉。不過算啦試吓台灣臭臭鍋啦。打開餐牌，湯嘅選擇都有唔少。有辣有唔辣，有臭有唔臭。有雞肉有牛肉有羊肉有豬肉。所以應該大家都會揀到自己想食嘅湯。選擇太多有啲令我三心兩意。黑蒜油雞肉湯？定係招牌臭臭湯呢？注意返。等嘢食都等左好耐雖然只係一鍋食物以為好簡單但係好似都等左接近有半個鐘。最後揀咗招牌臭臭湯(7/10):個鍋入面都放足晒餸。臭豆腐味道都正常。入面有唔少嘅娃娃菜同粉絲。有兩粒蜆。不過使到食咗等於冇食豬肉份量都算適中，都算好味。好兩舊叫做咪血高(米血糕先啱)。其實食落好似糯米咁樣。但係始終聽到個名都唔係太敢食只係食咗一啖。我估佢應該係入面有飯，。。。 而釀左一啲豬血入去掛。。。豬大腸細細粒。但對我來講係一個好處因為我都唔想太肥。仲要湯底都幾好味。整體上都合格啦。二、朋友嘅蒜蓉牛肉鍋(5/10)窩嘅湯其實 蒜蓉味都好足。 算係唔錯。但牛肉只係得幾片。而且好細塊。仲要係好硬。 變咗牛肉乾。其實個喎一嚟我已經叫朋友可以夾起啲牛肉， 避免太熟。不過似乎真係麻麻地。其餘嘅餸都係一般嘅材料叫做不過不失啦。三、飲料。荔枝梳打(7.5/10)味道唔錯可以解渴盆栽奶茶(2/10)其實係Oreo朱古力加奶茶:好稀好水唔夠味。唔好叫呢個。整體上用餐都滿意嘅。不過如果比起一般嘅打邊爐，滿足感真係爭好遠。叫做可以嚟一試啦。服務都算可以。亦冇特別限制用餐時間。我好掛住啲任食牛肉嘅火鍋呀！下次等你哋事嘅時候叫安格斯牛肉再話我知好唔好食啦。Tips :呢度冇得訂枱如果可以有選擇可以要求坐近門口嘅兩張卡位會比較舒服。退而求其次，可以坐兩邊叫做都有沙發位。中間嘅位置嘅鐵櫈感覺好似唔會坐得太舒服。。。。。我睇返大家寫嘅食評佢好似有午餐嘅細鍋供應。好似會平啲大家都可以試一試。我可能要預番多少少時間…Read More

今晚同朋友食完牛扒。由於牛扒唔大塊。所以食完當然係唔夠飽啦。又可以食甜品啦。本身對pancake唔係特別大興趣，但知道呢度有一間日本開過嚟嘅pancake店，當然都唔介意去試吓啦。 意料之中，黎到要排一陣隊。大概等左十幾分鐘就到我地喇。餐廳好細。枱擺得好逼。如果唔係對食物有少少期望。 呢個擠迫環境真係唔係我杯茶。我地被分配到最入面張枱。我就小心翼翼側住個身響兩張枱之間嘅一條小隙慢慢一步一步移入去。唔係誇張。我本身都算係比較瘦。我同朋友講， 稍為肥少少嘅人都可能要買外賣返屋企食。 似乎店主太進取啦。想儘量喺店入邊坐多啲人。 一坐低。當然就係不斷聽到隔離枱嘅對話內容啦。如果你鍾意八卦鍾意熱鬧，呢個地方對你來講可能唔錯。好唔緊要，都叫嘢食啦。問侍應，你哋嘅signature係乜嘢。原味。綠茶。同朱古力都好食。我問"朱古力好唔好食㗎""你可以試吓。我哋個朱古力好rich,但係又唔會好甜"我心諗，正喎。 食完希望唔好太肥。叫左原味。同朱古力味pancake。佢個Menu入邊仲有其他嘢食。包括刨冰，三文治，French toast等。不過冇乜興趣。坐。傾計。睇人食。結果等左大概45分鐘。原味pancake終於黎啦。。。。聞落去都幾香蛋味。但係一食落口，質感怪怪 。 唔硬唔軟。而食落其實冇咩味。 佢有一細啖蜜糖俾你加落去。但份量只係好少。而且蜜糖味都冇咩特別。食完我真係對個朱古力pancake冇晒期望。朱古力pancake嚟喇。其實食完個原味pancake都已經有啲濟。食慾大減。個朱古力pancake侍應冇講錯，真係一啲都唔甜。直情係冇味。我同朋友講我食唔到有朱古力味，又話好Rich嘅？朋友話都食到有少少少少朱古力味嘅。佢仲講笑，rich 係老細rich。唔係朱古力味Rich。笑死我。當然佢冇比水我地啦。想你叫飲品。我見隔離果兩個靚女到嗌咗壺茶。入面只不過係有一個茶包。。。。我朋友想食藥問佢攞杯水。佢俾咗一個超細嘅杯我哋。入面大概有兩啖水啦。老細係孤寒嘅。不過我會理解，佢哋會想賺埋飲品錢。無奈你嘅食物質素真係唔會令我想叫任何飲品。食完。。。。真係覺得。。。。。等咁耐就係為左呢兩舊。。。。$140+I will say ,Utility level is extremely low .大家可以放棄唔試。希雲街其實不斷都有唔同嘅鋪頭嘗試開業。有長做到嘅，有一啲鋪頭根本生存唔到。你條街都幾多食店 ，知名度好似越來越高。不過可以長期生存到嘅又會有幾多間呢？我。。。會覺得斜對面，近入面街尾間pancake 好食好多倍。不過之前都係要等好耐。所以要有心理準備。但水準一定高過呢邊好多。…Read More

今晚約咗朋友睇戲。喺銅鑼灣JP戲院。 因為時間唔多所以要搵一間比較近嘅餐廳。當然都唔會放過試新野嘅機會啦。又用openrice 幫一幫手先。咦發現兩個Apps都有呢間餐廳喎。仲要同時都有優惠添！OpenRice就有一個特價套餐優惠。好啦試咗用OpenRice個優惠先啦。感覺抵啲。所以兩個人都係食同一個餐。安格斯西冷牛扒配煎鵝肝。一、龍蝦湯首先嚟咗龍蝦湯。原先對個湯都冇乜期望因為諗住過嚟其實就係食牛扒。竟然又唔錯喎。個湯都幾香。 平時飲龍蝦湯， 傳統嘅整法都會有一陣苦澀味。 其實我麻麻哋呢一陣味。呢碗就啱啱好啦。冇苦味。好快就飲晒。轉頭夥計行過嚟。問麵包到咗未。先發現原來自己快到連個麵包都未黎個湯就已經飲完啦。二、麵包原本麵包唔應該專登開一個項目寫。 但係真係唔得。 有睇開我嘅食評嘅朋友都知道。 我對食物嘅溫度都會有要求。 你個包好得。熱架。出煙。辣手。新鮮冇得輸啦。如果份量可以多啲。就會叫完美啦。兩細塊。兩個人食。唯有少食多滋味啦，傾咗一陣間計發覺就嚟夠鐘睇戲啦，吹吹個夥計先。三、安格斯西冷牛扒配煎鵝肝。因為比較鍾意食牛。你放落嚟我已經大概知道好唔好食。賣相似乎OK喎。原本諗住特價餐$200應該唔會有啲咩驚喜。真係估唔塊牛都幾好食。為咗客觀我有問吓朋友覺得點。佢話呢個價錢有呢個質素抵喎。鵝肝就正常啦。 略為薄身左少少。不過都係果句啦， 呢個價錢我覺得真係抵夥計都幾細心記得我哋趕時間。我哋一開始食牛扒嘅時候， 佢已經主動問我地會唔會想叫埋餐茶因為怕我哋趕時間。加分啦。四、 個凍咖啡都幾好飲五、甜品。兩舊細細的蛋糕。都好食㗎。如果比大舊少少會開心啲嘅又講返個環境。其實呢個鋪位之前都做過兩間餐廳。之前上嚟食都好靚。 生意麻麻地。今次上嚟就唔同啦。坐滿左。但都幾鍾意個環境，夠寬闊。而且坐滿左都唔算好嘈。我會再黎食其他扒。不過我驚我忍唔住又係會揀返呢個優惠餐。如果食其他套餐嘅話我見到佢外邊有個沙律吧。睇吓你地有冇興趣啦。Tips:1/ 用openrice book賺asiamiles 同可以食我呢個好味餐…Read More

今日晚餐食唔飽。有quota 繼續試野。行到希慎。原來上面又變臉了。 開咗間chali 。就試吓佢哋嘅功力啦。叫左。一、雪芝紅心火龍果。火龍果味都幾重。飲品味道都算鮮甜。但芝士味就一般。 算係可以試試嘅作品啦二、牛油果抹綠呢杯就一般喇。已經少甜但係都係比較甜。牛油果味唔夠。都唔係好感受到抹綠去咗邊。環境來講都算舒服。近來銅鑼灣開咗好多間茶飲。起碼佢叫做有冷氣。係商場入邊。又有位俾你坐。如果想搵地方傾計。而仲有位置淨嘅話。可以嚟坐下嘅。不過飲品質素就一般般喇…Read More

自己本身好鍾意食烏冬。不過好食烏冬嘅地方唔多。所以變咗都唔常會食到。今日出銅鑼灣。經過呢間八沢。感覺係食日本野。但其實只不過係食烏冬。就入去試試啦。 侍應都介紹呢一間餐廳推薦係食烏冬。所以我哋都跟住餐牌傻推介嘅 烏冬選擇去揀。一。廣島蠔肉碎烏冬自己本身鍾意食蠔，所以一揀就揀左廣島蠔肉碎烏冬。蠔配烏冬。感覺應該會怪怪地， 只係潮州粥多啲，但係又想試喎。好味。個湯非常之甜。蠔亦都非常鮮味。不過我個人比較大食。如果入面再加其他配料就更好。二、黑松露忌廉三文魚腩帶子烏冬呢個應該係鎮店之寶喇掛。 侍應一放低。我差啲嘩一聲。 賣相好吸引。亦都好足料。 先試咗一啖湯。好香嘅忌廉味。但又唔會太稠。岩岩好。唔會太膩。三文魚腩好新鮮。帶子又大大隻。真係估佢唔到。おいしい 餐廳環境都算寬敞。服務都唔錯。整體上用餐經驗都好滿意。介紹咗朋友嚟食。朋友第二日就食咗。佢哋試咗冷烏冬， 話覺得都好食。大家都講咗同一句---如果在大碗啲就完美喇。大家要試。Tips:今次諗唔到有咩貼士。不如就呢個啦----諗住嚟呢間餐廳食嘢嘅朋友。可以計劃埋用餐之後去邊度食甜品。提議:希慎間smile 開番喇。仲有位坐添。我都準備要去再次捧場喇…Read More

尋晚瞓唔著。上openrice 揾下今日食咩好。揾到呢間碗碗香。食貴州牛肉麵。哈。啱晒我。嚟到舖位細細。冇乜嘢期望。即管入去試一試啦。一心諗住食牛肉麵。但係見到餐牌上有麵亦有粉。一於問吓老細乜嘢好食。 老細諗都唔使諗。就得如果食牛肉就食粉啦粉真係好食。估唔到。因為原本真係諗住食麵老細紅燒好定紅油好。佢話食到辣就食紅油啦。信晒老細啦所以就叫左紅油牛肉粉少辣。來到。都幾出乎意料。個碗咁鬼大。味道唔錯。佢個份形狀似烏冬。但有後會比較煙un。幾特別喎。不過個紅油小辣，都仲係好辣。所以邊食邊飲杯檸茶。佢有個唔知叫咩苦丁茶。聽聞都OK嘅。會解辣。不過聽到個苦字我都唔係好敢試。粉份量正常，牛肉都算幾多。個牛肉幾好食喎都幾林。總括嚟講呢間小店都算係唔錯。都可以一試嘅。同老細傾開計。佢話你試吓喺銅鑼灣搵一碗麵有我哋咁平嘅嚟睇吓啦。我話係呀價錢都合理不過唔好加價喎。佢即刻話下個月就會加價啦。即係九月。起初我入嚟嘅時候剩係得一個客人。我仲以為佢生意會好了唔好。點知轉頭就有幾枱人入咗嚟啦。後面有四個師奶入咗嚟。老細都好老實佢話你哋不如叫兩碗麵啦。留返個肚試吓我哋最有名嘅口水雞同埋豬耳啦。唔知係咪真係好食呢。交俾你地去試吓啦。不過唔知加咗價之後會幾錢呢。Tips: 如果老細冇講大話。九月會開始加價。所以大家趕緊係八月試吓食啦。…Read More

今日過開來太古城見個客。又係時候搵下有咩食啦。同朋友一齊搵，搵到呢一間餐廳。 算係法國餐廳。 見評分都唔錯所以就book咗七點鐘。兩位。一到步覺得環境都唔錯。今日禮拜四竟然到差不多坐滿。叫完餸。有個朋友又話一齊嚟食。 所以叫老細+1個位。見佢都比較滿。冇刻意要求玩張大枱。不過老實講張枱係細咗啲嘅。老細亦都冇主動換張大啲嘅枱比我地。算啦放工都攰攰地， 就坐得親熱啲啦。就係原本叫咗嘅嘢食上面再加左個龍蝦意粉。怕多咗一個人會唔夠食。叫左呢啲。一、餐前麵包。 其實睇個樣都知唔好食。 一拎起手。凍嘅。 我自己覺得麵包最緊要就係要夠熱。先來第一個失望。二、焗田螺。Garlic and parsley butter。 成個面都係綠色嘅。個樣都幾靚咁喎。不過食落就真係好一般。冇咩味。亦都食唔到選用嘅香味。三、墨西哥雞肉餡餅。 失望完兩樣野之後。終於你返個比較正常嘅餸。我餡餅嘅皮算幾好食。合格啦四、意大利雲呑。一放落黎。又係一個嘩字。其實呢個餸佢可以叫大碟或者細碟。由於係喺第三個朋友話嚟之前我哋叫嘅。所以叫咗細碟。個賣相真係好唔得。放上碟似寵物食物。味道算係合格啦。插曲老細突然間走過來。話我地原本係某訂位平台定位時候係話兩位。而家最後嚟咗三位。所以個優惠部份將會取消。其中一個主菜將為冇折扣。原本道理想我都會同意。 我都會講道理覺得呢個情況都算合理。但係始終會唔滿意。係我加位時候你冇講。響我加咗餸之後你亦都冇講。不過算啦。都會繼續食嘅不過印象分即時下跌。五、西冷。牛扒始終係牛扒。冇得輸。我唔否認呢個我覺得都幾好食。六、龍蝦扁意粉。呢個真係好唔得。個意粉個汁唔知佢點煮㗎呢。浸味好腥。又冇其他海鮮只係有龍蝦咋喎。唔明個腥味係邊度走出嚟。。。朋友亦都俾咗意見話過龍蝦啲肉唔太新鮮。大家千祈唔好叫呢一個。七、甜品叫咗朱古力心太軟。同埋蘋果批。正常質素。有優惠都可以食下嘅。正價我就會建議大家skip 了。 過隔離京林屋食雪糕好過啦。其實服務都正常。環境唔錯。但食物質素真係好參差。Tips : 1/用某訂位平台訂位人數要準確。👨‍👦👨‍👨‍👦2/其實呢間餐廳我唔會再嚟㗎啦。不過如果讀者真係諗住試嘅話。叫西冷牛扒啦。😂…Read More

鴨大哥。之前前一手鋪頭叫雲揚 。食辣。好正。但執左。 轉咗做鴨大哥。 上次經過見到已經想試。 因為都幾鍾意食北京填鴨。點知上次冇定位，冇枱。好似終於試到喇。今次坐唔滿喎。唔使訂枱都有位錯。想食黃金脆奶炒蝦仁。 朋友話今日熱氣所以話下次先啦。但唔知點解熱氣又可以食填鴨喎。。。。叫左。一、海鮮烤鴨泡飯。好食。個湯好鮮甜。飯有脆口。同之前響名館(希慎)食過嘅有啲似。好開胃。因為得兩個人食所以我自己食咗四碗。二、北京烤鴨。我自己覺得都幾好食。雖然同朋友都覺得佢未必係最出色嘅北京烤鴨。但我非常之欣賞，俾客人用黎夾鴨嘅嗰塊皮。佢俾咗好多塊。夠晒食。同埋好細心。每塊皮同皮之間都有一張紙隔住。變咗會容易拎。 三、蜆蚧唐生菜呢個就真係麻麻。百幾蚊。食釀唐生菜。加幾粒蜆。千祈唔好叫。本人亦會建議餐廳可以將呢個菜式刪除。我很提議係因為我覺得呢間餐廳都不錯。希望佢可以做好啲。整體來講我覺得呢間餐廳都幾好。始終環境係舒服嘅。食完覺得個人輕鬆咗。個胃都滿足到。可以黎試一試。Tips:一定要食個泡飯呀。👉🏻👈🏻如果可以平少少就完美喇。😏…Read More

友人約我食飯。話佢用咗app book 左呢間。其實間鋪頭都開咗好耐。之前一直見到有人排隊，自己比較唔鍾意排隊等食飯。所以一向都會唔量避免排隊。諗起食日本。當然滿心期望啦。一入到餐廳。真係嘩左一聲。好熱鬧。唔係想講佢生意好。而係環境真係好細。位置坐得好迫。變咗入到去好多人聲好嘈。我哋已經叫做好彩有定位。可以坐響中間位置。我哋坐低左之後冇幾耐，有對情侶入嚟冇訂枱。就被迫坐響門口個兩個位。個位置真係喺門口前面。我幻想唔到我一路食日本野， 一路會有人開門，一路會有啲熱風吹埋嚟嘅感覺會係點。雖然我哋坐餐廳中間。不過都係左右夾攻。好多人聲。轉頭 waiter 過到嚟，話app 優惠不包括蟹宴餐同和牛餐。算啦我都明嘅。咁所以退而求其次。 我同朋友都捱左鰻魚蟹肉雞肉個餐。前菜有蒸蛋。個蛋幾香呀。好味。有凍豆腐。正常。有 一塊三文魚刺身，甜蝦，一舊帶子。正常質素。飯黎喇。鰻魚還好。正常質素。蟹肉。冇味喎。。。。朋友話好彩冇叫蟹餐。雞肉。可以啦。唔鞋。飯略微少少濕。整體質素真係一般。我個人就應該唔會再翻兜啦。服務還可以啦。其實最舒服嗰一刻。就係開門走個刻。對耳真係即時感到靜番。個人認為食日本野真係唔係夾呢種環境。。。。…Read More

突然間肚餓添。又係上OpenRice度望下先。見到呢間食意粉嘅地方，先醒起好似幾個月之前曾經受過傳單。不過之後冇再件事所以冇黎到。好啦見佢價錢唔貴 就過嚟試吓啦。原本已經諗住食意大利粉。以為佢餐牌嘅選擇會有好多。原來都只係有七款。而且份嘅類型比較少。唔俾轉。想食penne 喎。好啦都試下啦套餐可以跟湯或沙律。選擇了沙律。意粉揀咗鮭魚菠菜忌廉意粉。有少少驚喜。一放低，賣相都真係幾靚。仲要係熱辣辣出緊煙嗰隻。我個人都著重食物温度。熱嘅嘢食會另外再加分。好好食。普通菜式但味道都可以有好大分別。佢嗰粉質地好味。al dente!個汁嗰稠道岩岩好。菜個量都合理。魚有微煎過。所以幾香。又完全唔腥。下次有朋友想食意粉，又想食平少少。呢度is a good option.其實呢個鋪位前身係西餐廳。生意真係麻麻，冇咩人食。感覺佢冇咩裝修過。只係改左做意粉。人多左好多。Tips:皇室堡下面有人派宣傳單張。有飲品優惠。可以留意…Read More

朋友約食飯。見到呢個位又轉左手。變咗第二間西餐廳。某訂位平台又做緊六折七折。所以約咗我喺度食飯。一入餐廳入面，印象真係麻麻地。我比較鍾意環境寬闊嘅餐廳。呢度太窄喇。不過 既然已經嚟咗，即管試一試你啦。一。焗portobello mushroom還好啦。正常質素。個菇菇都算大隻嘅。:)二。美國頂級肉眼扒沙律。好正！朋友話響OpenRice見到啲人話好食。我仲話，咪又係沙律一個。所以冇特別期望。因為本身特別鍾意食沙律。點知。我要同呢間餐廳講對唔住。因為真係好好食。個牛好好味！再強調一次，我係牛魔王。佢呢個牛真係好食。咪以為配沙律嘅牛扒就一定係hea你。 呢個係正嘢。我地全碟清晒。三。龍蝦汁虎蝦意大利粉又好味喎。蝦份量雖然少咗啲。但係好新鮮彈牙。個粉好食。質感好。個龍蝦汁都好好味。幾個女仔(女人)睇住個舖。感覺有啲小店feel。店嘅位置人流比較少。希望大家都去支持下。質素高嘅小店真係值得支持。希望佢地可以繼續煮好菜俾大家食。美食最後戰勝左環境嘅狹窄。我入左食物度Tips :1.今日check過仲有折。大家用左折扣記住叫多啲美食。2.訂枱可以要求不坐bar枱。…Read More

作為牛魔皇，一知道開左牛肉麵，當然即時黎試啦。犇。俾個字吸引左。環境還好。坐得滿滿。要搭枱。香港人果然反應快。新舖咁快已經俾咁多人發現左。一。犇三寶麵。一定試呢個啦。不過都幾失望。牛肉好實。唔得。。。。個湯好甜。但浸甜味唔自然。。。。唔係清甜嗰隻。牛筋牛肚正常。二。肉燥青菜正常。三。皮蛋豆腐呢個好味。個豆腐整碎左blend入啲汁同皮蛋度。好入味。四。藍莓沙沙。正常水準。應該唔會再番黎。香港人不斷想抄襲台灣食物。但事實上功夫未到家。…Read More