Sir Billy's Profile

尋日經過中環，我都發瘟嘅時候，見到呢間-拉麵，有理冇理就衝左入去。見到Menu呢間係食蝦味濃湯拉麵，我就梗係點佢嘅經典拉麵餐。餐廳環境係一間正常拉麵店，沒有一些奢華嘅裝修，整體都好舒適，個人空間比其他拉麵店大。拉麵湯夠熱，第一啖飲落去嘅時候，熱到有啲辣口，面都是比較硬。過咗1分鐘，湯嘅溫度已經可以入口，蝦味濃稠，麵質Q彈，呢個可能就係店舖有心嘅安排。係溫泉蛋同餃子比較普通一啲。呢一間係值得再去encore多次嘅拉麵。…Read More

今日去太古城，心血來潮所以就想去呢間Greyhound Cafe，所以就喺OpenRice訂咗位。中午12:30去到，已經差唔多有六成人，過多15分鐘之後，基本上已經坐滿了。我哋點左個頭盤，一個小食同一個炒飯。個頭盤幾豐富，有好多唔同嘅雜物，醬汁都有三款。仲有一啲蔬菜俾你夾住啲肉食，可以減少油膩感。個生菜包味道幾好，個汁比較辣少少，特色係加咗腸粉片嘅物體。令到剩低口感比較豐富。但係啲菜有好多水，如果是整走啲會比較好。菠蘿炒飯有兩片大菠蘿，裏面都仲有啲小菠蘿喺個炒飯裏面，海鮮都好新鮮，飯都吵到粒粒分明。雖然收費比較貴，但整體份量比想像中大，環境比較狹窄少少，服務也不過不失。係一間會再返去嘅餐廳。…Read More

近排多係IFC徘徊，咁樣就多啲機會係IFC搵食，呢間都想試N次，今次終於有機會。作為一個拉麵愛好者，對呢一間有米豬連一星加持特別有寄望，可惜⋯⋯第一，服務態度真係有心，好好，呢個係加分位，由入座到埋單，服務都到位。可惜呢一間係餐廳麵質：差！一個字硬，硬而不彈，以為但個啲乜桃牌乾麵。完全沮喪，拉麵基本都做唔好豬骨湯：正常冇驚喜貝汁醬油：好鮮好鮮，好似含住幾廿粒瑤柱。但係真係鮮過頭，物極必反餃子：正常冇驚喜份量：少得可憐價錢：CP值勁低你總唔可以因為麥記開係IFC，Big Mac就可以收$80個喎。…Read More

星期六身痕想係附近搵個Brunch食下，開飯網search一下，見到呢間新開，以前係Wildfire。冒險精神大振就去試吓。2個人點左3個菜，不過不失但味道幾重偏咸。3個菜唔包嘢飲，$250落樓，可以接受。新menu選擇好少，短期內唔會再幫襯，除非有新菜式啦。附近有好多對手，如果只賣酒做鬼老生意應該冇問題，但係如果想做埋餐廳，可能要多下苦功。餐廳內有個極巨形大電視再加上大量酒精飲品，所以下次可以試吓飲嘢，食嘢就再等有新菜式先。…Read More

天龍軒，米之連二星加上全香港最高中菜廳，享負勝銘。我有機會今次可以試吓佢哋個窮人lunch Menu，唔試由此可一試就把幾火。如果大家冇錢就真係冇事，五百幾蚊一個人食lunch係唔會有啲咩好嘢俾你食㗎。首先嚟㗎最出名嘅叉燒同埋XO醬蘿蔔糕，叉燒完全食唔出係叉燒，絕對似係用糖漿浸出嚟嘅豬肉，肉質係十分之林，但係一啲燒嘅效果都冇，有幾點黑色嘅燒焦點似係用火槍辣出來啊，十分失望。XO醬一啲試味都冇，只有辣未，蘿蔔糕耐心係辣嘴嘅，明白師傅想用溫度保持食物質素，溫度實在是有點高。如果呢個級數嘅餐廳，呢個頭盤絕對係唔合格。跟住上嘅係一個湯用日月魚無花果豬展燉嘅，他本身好濃味，味道也十分好。但可怕嘅事即將發生，湯裏面竟然發現咗一條蟲，一間五星級酒店，米之蓮二星級餐廳，湯裏面竟然有條蟲，有圖有真相。之後叫個侍應過嚟睇睇，個侍應竟然同我講呢一條係日月魚嘅邊。我入廚多年一睇就知呢一條係無花果裏面嘅蟲，因為無花果本身好甜所以係好容易有蟲，酒店堅持用原粒無花果燉湯，咁就真係捉蟲啦。我要求幫我換咗碗湯之後侍應再出嚟交代，廚房師傅確認那是一條無花果我的錯。其實是應該去廚房尋求一下增山先至好喺客人面前解釋，如果唔係真係攞假黎調。一間五星級酒店米之蓮二星級嘅餐廳我痴線，竟然會發生呢啲事，我只可以歸咎於因為我食咗一個窮人lunch Menu。之後個脆餅帶子根本上唔知點解可以放埋一齊，脆餅有啲脆少少甜味冇乜特別，帶子上粉炸過略嫌薄左少少但係味道可以，但係唔知點解呢就係佢嘅放埋一齊，完全唔夾。薑汁芥蘭其實係薑粒芥蘭，汁係完全冇薑味你要連埋粒薑粒石先至會有㗎嘛，其實叫薑粒㗎啦咪好地地囉。之後牛肉正常，雲耳正常，所以炒埋一齊就好正常，冇咩特別。荷葉飯夠熱，味道亦都係冇咩特別，正正常常。反而甜品幾好，因為嗰條無花果蟲所以送咗一碟共2件蛋撻，整體甜品質素唔錯。講真如果你要來食呢個餐，我建議你不如慳返啦。呢個餐絕對唔抵食亦都唔好食。我對天龍軒叉燒十分失望，俾人吹捧到天上有地下無，除咗肉質覺得比較林，完全睇唔出亦食唔出係一舊叉燒。可能你要試吓食貴一倍Tasting Menu會比較好但係呢個平價lunch Menu就千祈唔好食，慳得$500得$500。最後對天龍軒嘅服務10分失望，如果佢自己唔確定係唔係蟲，就唔好亂咁覆過客。搵一搵廚房先，真係好難接受到日月魚條邊會係咁，好明顯好多集腳，所以員工嘅訓練真係十分不足，從今次經驗我覺得我以後都唔會再嚟，呢個機會十分唔值。得罪講句，如果你好鬼有＄想食風景，請隨便。但對食物有要求，我覺得天龍軒完全係唔合格，因為唔認真，各取所需吧。…Read More

今日去完愉景灣玩完返屋企，又唔需要再食正餐，所以就食個甜品。返到西環屋企附近，就想食想食想甜嚐甜，叫咗兩個甜品，一個係爆芒，一個係椰芋。椰芋好香椰子味，芋頭也很香，小丸子同芋圓都好Q彈，唯一我覺得唔夾嘅係裏面有椰果，好似有啲格格不入，整體質素十分高。爆芒就大劑，芒果汁芒果味十分假，但係個人其實十分鍾意假嘅芒果汁，所以感覺幾好。但係西米就一團團，做唔到粒粒分明，爆珠同其他配料都正常。但係呢碗甜品其實似一碗飲品，最大劑係啲芒果好酸，絕對唔係菲律賓芒果，芒果肉本身偏爽，感覺像泰國芒果或者係澳洲嗰啲青芒。所以如果你鍾意假嘅芒果汁你會愛上佢，如果你唔係維他芒果汁嘅fans，你最好唔好嗌，包你失望。…Read More

今日趁中秋節同國慶假期再加上疫情稍為緩和，偷得人生半日閒去咗愉景灣嗰度Hea。大概三點幾由中環坐船入愉景灣，入到去差唔多四點，時間有啲尷尬，唯有夾硬嚟食咗一個late tea加早晚飯。 餐廳係D Deck的上層最近碼頭嘅位置，碼頭海景開陽，坐喺窗邊望住外邊嘅景色感覺十分舒適。我哋叫咗兩個Papas加西班牙海鮮飯，之後我再叫咗杯Sangria。第一個係牛肝菌忌廉汁肉丸，豬肉丸牛肉丸各有兩粒，牛肝菌忌廉汁十分香濃，真心推薦。第二個係蒜蓉汁原隻燒魷魚，魷魚新鮮，但係肉質有啲勒，蒜蓉汁亦唔夠香，普普通通。第三個係西班牙海鮮飯，份量係三至四人，可能我比較大食，我一個人食咗¾，飯比較鹹，但係質地可以。但係可惜嘅係一個三百幾蚊嘅飯，感覺海鮮數量不足，價錢有點兒不值。海鮮也沒有什麼驚喜， 10分正常，不至於難食。酒水也是普普通通。如果你係想來呢間餐廳尋找美食，除咗肉丸比較推薦外，其他也沒有什麼特別，呢間餐廳主要都係食個風景。好彩返到中環嗰陣，上天賜左一個好靚嘅月亮俾我哋。當中秋節追月日畫上一個完美的句號。…Read More

Long weekend第一日，碰巧食一個late lunch，想搵啲海旁附近嘅餐廳，咁啱就嚟到呢一間餐廳，餐廳環境唔算大，但係員工十分友善。明顯呢一間係一間狗狗友善嘅餐廳，餐廳內有很多狗狗嘅裝飾，亦都方便救主帶狗狗嚟食飯。今日天氣唔錯亦都幾清涼，所以開放式嘅餐廳亦都坐得好舒服。我哋點左兩個午餐，一個菠菜忌廉汁大蝦意粉，一個六安士嘅牛扒。意粉好彈牙，菠菜忌廉汁亦都好香，蝦肉亦都好鮮甜，明顯處理過後亦不會失去蝦味，絕對可以一試。牛扒冇乜特別，有肉味但係明顯唔係品質高嘅牛扒，但絕對比花園餐廳有成，成個牛扒餐最出色嘅係薯條，香脆可口。絕對推介再返去試其他，希望其他菜式可以帶比我驚喜。…Read More

今天心血來潮去小西灣飲茶，因為龍悅太多人所以改去翠河。坐底睇下餐牌，43蚊個常餐？算吧啦，貴過其他有質素。好啦，午飯時間，都係食午餐，叫個印尼炒飯，無語！看相片，自己評！…Read More