美味情緣's Profile

收工同老公去撐枱腳，莆田係其中一間我百吃不厭嘅餐廳之一，的確從店面裝修到侍應嘅服務均非常滿意，餐廳不時為主菜單添加新菜式，最近亦按季節推出以蟶子製作的時令美食～鐵板鹽焗蟶子將新鮮飽滿嘅蟶子一個個放進已加熱並鋪滿鹽嘅鐵板上，做出嚟嘅蟶子一啲都唔會乾，特別鮮嫩，將蟶子嘅鮮甜激發得淋漓盡致～蟶炒金黃蛋煎蛋夠香口，蟶子肥美，啖啖肉，送飯一流～鹹香黃花魚 煎至雙面金黄，放上蔥花，鹹鮮香味，外焦里嫩，口感十足～脆皮蒜香雞整過外皮相當脆，且肉質多汁軟嫩，蒜香入味，很不錯👍🏻閩南花生湯湯色乳白，濃濃的花生香味，花生口感軟濡，加入紅棗，滋補美味～白果芋泥芋泥細緻香滑，白果煙靭，唔會太甜～…Read More

中環酒吧林立，總能從中搵到理想 Happy hour 好去處～但如果你對 Cocktail、食物、環境與氣氛都有高要求嘅話，就要試下位於加州大廈地舖Baci😍餐廳空間寬敞，裝潢簡約精緻，配合柔和溫暖的燈光，感覺舒適放鬆🤍今次試下二人餐先～Cocktail 係層次豐富的 Match Zuki，一口就足以令人回味無窮。前菜我哋揀咗凱撒沙律，份量都幾大，沙律菜新鮮爽口，加上灑左好多芝士碎及脆麵包粒，開胃美味～水牛芝士伴蕃茄香口的蕃茄與濃厚的水牛芝士令人一再回味，食極都食唔停～開心果味pizza是本次驚喜😍Testarossa ~打破對傳統pizza嘅印象，每一口都帶開心果嘅甜味超幸福，果香氣和奶酪的奶香味也太搭了，仲有可愛嘅火腿小花花，好睇又好食😬Baked Seabass包焗爐魚柳，保留魚嘅鮮味及水份，令肉汁豐盛，口感嫩滑鮮美，蕃茄薯仔嘅鮮甜味令到湯汁更美味The classic tiramisu Tiramisu口感幼滑又帶有酒香同可可粉甘苦，味道有層次~Baci Panna Cotta意式奶凍香氣撲鼻，吃起上來更是幼滑可口👍🏻BACI📍中環德己立街30-32號加州大廈地舖…Read More

將軍澳食鑊氣海鮮、撚手小菜, 晚飯嚟到調景嶺站 小神燈。經典港式懷舊裝修, 仲有特色卡位, 啱曬打卡, 最好提早預訂。爆膏奶油蝦大頭蝦隻隻爆高肉質好爽口, 濃郁奶香有淡淡牛油味 甜甜地食到停唔到口！椒鹽瀬尿蝦夠曬鑊氣, 好有大排擋風味, 瀨尿蝦新鮮椒鹽煮就最啱, 鋪滿炸蒜香口惹味！沙薑焗海花螺辣酒煮花螺食得多, 沙薑焗又做得唔錯喎, 一個辣味以外的選擇！花螺煙韌有嚼咬口, 配沙薑鮮味好突出！金沙鬼馬百花釀油條油條釀滿蝦膠炸到金黃色, 脆卜卜香口惹味, 送酒必點！菜膽雞（半隻）湯汁好清甜, 雞肉肥美嫩滑, 灑滿金華火腿粒食落鹹鹹地又幾夾！紅豆沙足料有沙有豆食到陳皮味, 飯後甜品大滿足！…Read More

打邊爐就梗係要食牛肉, 616牛肉火鍋就出名提供唔同牛肉部位, 最近仲推出新品信州和牛, 即刻訂咗位嚟試下！味噌牛腸鍋牛腸鍋係九州名物, 採用長野縣味噌加入牛腸和大量蔬菜, 湯頭濃郁得嚟又鮮甜！牛腸入口軟滑充滿油香！特選和牛盛日本直送信州和牛, 有牛肩胛、牛腹肉和赤身。牛肩胛有牛尾最濃, 赤身煙韌有嚼口, 我就最鍾意牛腹肉油脂甘香, 嫩滑細緻好似食緊拖羅刺身咁！澳洲五花趾點特選和牛盛附送, 口感爽脆彈牙, 醮616秘製牛肉汁就啱曬！牛肉餃每次嚟都會點選, 皮薄餡靚, 一口咬落去好多肉汁！如果嗜辣, 仲可以試下麻辣牛肉餃！…Read More

終於嚟到呢度打卡 @cornercafe.hk 個花牆超靚吖😍除咗打卡，梗係要試埋呢度啲嘢食la~我哋試咗黑蒜帶子意大利粉同牛油果蕃茄沙沙烤帶子，明太子蟹籽意大利粉，最鍾意明太子蟹籽意大利粉，粒粒蟹籽喺口裏面溶化，口感豐富，烤帶子作為前菜連番茄🍅呢個配搭幾特別👍🏻鍾意濃味嘅朋友，一定要試黑蒜意大利粉，食到黑蒜嘅味之餘，又唔會搶咗帶子嘅鮮味😋食埋個甜品就圓滿，焙茶味蛋糕同玫瑰latte出奇地match😃款款都咁好味，賣相又吸引，下次要試埋佢其他菜式👍🏻角落咖啡廳 (中環)中環德己立街23號晉逸蘭桂坊精品酒店2樓#cornercafehk #角落咖啡廳 #cafe #打卡…Read More

好耐冇見出嚟食番餐, 打邊爐慢慢傾就最啱！朋友帶路去 起鍋, 旺區樓上舖, 地方寬敞坐得舒服！椰子花膠螺片雞湯用鮮雞淆製湯底, 有椰子清香, 加埋花膠、螺片, 滋陰養顏。滾起即刻飲番碗, 啖啖骨膠原同鮮雞精華！牛極拼極上牛肉拼盤擺盤已經好吸睛, 有牛頸脊、吊龍、池板、腩頭、牛腩心, 各種不同部位！我就至愛牛頸脊, 貪佢鮮嫩有嚼口, 牛味濃郁。第一次食牛腩心, 口感好爽滑！梅菜豬肉手打丸豬肉半肥瘦比例啱啱好, 加入梅菜做肉丸嚟打邊爐, 令人想起梅菜扣肉呢個至尊配搭！九層塔蝦丸九層塔有淡淡薄荷清香, 加入蝦膠做丸, 感覺好清新, 特別爽口彈牙有鮮味！水雲面用藻類製作, 低卡健康, 食落爽滑煙韌!呢度仲有特色飲品, 朋友叫咗個Let's Pop, 有個大氣泡係酒杯上面, 一打開煙霧瀰漫, 打卡啱曬！…Read More

嚟到佐敦蝦蝦燒, 食海鮮燒烤放題, 涼住冷氣燒烤兩個半鐘，除咗無限食蝦，仲有多款海鮮、小食等任飲任食😜蝦蝦好生猛，即攞即燒好惹味，肉質鮮甜😋隻隻都有蝦膏ga~Wa~原來仲有牛扒、羊架、腸仔、丸類、雞翼同蔬菜類任食！蒜蓉包、燒窩夫好好味呢😝海鮮有黃花魚、扇貝、帶子、魷魚、鮑魚、生蠔、蜆等，種類款式多又新鮮～啱曬我呢啲鍾意食海鮮嘅人😛食燒烤點可以唔配飲品，呢度種類夠晒多，連酒類都有，而雪糕有我最鍾意嘅海鹽味😋正吖～…Read More

將軍澳呢邊都幾多韓國料理, seoulmate好人氣下經常要排隊, 趁平日早啲去食先！餐廳入面用咗香港背景嚟做卡通壁畫, 顏色鮮明, 有好多打卡位。睇餐牌晚市套餐$148, 有前菜+湯+主食+飲品+甜品, 唔使諗點咗先！韓式前菜韓式料理點少得泡菜小碟。海帶味噌豆腐湯幾足料, 豆腐好滑有味噌味。韓式醬油炆牛肋條主菜揀咗牛肋條, 自家製韓式醬油味道幾濃烈, 鹹中帶甜。牛肋骨炆得軟嫩入味, 入口即化, 蘿蔔就吸收曬醬汁精華, 拌飯一流！飲品熱柚子蜜 暖笠笠, 食埋個甜品香芋雪糕, 今餐好滿足！…Read More

行完Donki, 梗係去隔離澳南海岸食嘢 呢度好多靚餐廳。除咗西餐, 發掘咗呢間泰國菜, 裝修有情調浪漫有特色, 啱曬傾計同拍拖！仲有happy hour啤酒同特飲優惠, 可惜今日揸車唔飲酒！青咖哩雞椰汁青咖哩 感覺比較稠身, 清甜惹味 椰味濃郁, 甜中帶辣, 用嚟煮雞肉特別軟熟滑溜, 仲有雜菜滲滿清咖哩精華, 拌飯一流。飛天通菜鑊氣十足, 好有大排檔風味, 材料用上豆豉、泰國指天椒大火炒香香氣四溢，通菜新鮮清甜翠綠，鹹辣適中惹味，令人愈食愈想食！…Read More

二人世界喺澳南海岸, 梗係搵間Bar& Restaurant 望住海濱, 飲杯嘢chill番下！白酒新西蘭青口青口啖啖肉充滿鮮美, 有淡淡清甜酒香。加埋香脆多士醮醬汁精華就啱曬！安格斯肉眼扒肉眼肥瘦適中, BBQ外皮微微燒焦, 肉香撲鼻。七成熟就啱啱好, 切開肉質呈粉紅色肉質嫩滑, 油脂豐盈好juicy, 牛味濃郁！意大利辣肉腸pizza10寸size足夠兩個人份量, 揀咗薄批, 餅底好香脆！ 加埋san marzano sauce, 意大利辣肉腸和芝士, 酸酸甜甜好醒胃, 有濃郁芝士和pepperoni鹹香, 口感豐富！Tiramisu完美甜品點少得意大利咖啡蛋糕！香甜濕潤濃郁口感, 有少少酒精揮發, 突出咖啡香味！…Read More

觀塘真係好繁忙多人, 裕民坊重建後有好多餐廳進駐, 試下呢間新開川菜, 係平台花園環境優美, 寧靜休閒別有一番洞天！落地玻璃很有現代透視感, 可欣賞花園景色, 令人心境頓時變得寧靜平和！餐廳用手機點餐, 掃一掃q r code簡單方便！而家openrice訂座仲有折扣優惠！川式口水雞上碟擺盤精緻吸引, 見到紅紅嘅辣椒油, 心跳即刻加速, 充滿重慶四川辣味感覺！食落又唔係咁辣, 口水雞屬冷盤, 配川辣真係恰到好處, 雞肉十分入味, 嫩滑唔係鞋口, 雞皮都好滑流, 真係食到口水流！桂花冰釀隻杯造型精緻, 好有古典特色, 啱曬打卡。味道感覺似酒釀丸子嘅飲品版, 酸酸甜甜非常醒胃！…Read More

搬咗入將軍澳, 梗係搵下附近有乜好嘢食！原來熊小館喺度都有分店。之前喺megabox試過唔錯, 今次就幫襯佢！意式焗焗肉醬意粉茄子芝士加埋肉醬烤焗, 外層微微焦香, 香氣撲鼻, 同茄子十分搭配有驚喜！二人套餐深海帶子拼牛柳牛柳嫩滑鮮甜脂肪少, 一切開就好多肉汁, 呈鮮嫩粉紅色 七成熟啱啱好。帶子爽口彈牙, 外皮微微煎香, 特別香口惹味！芝士焗忌廉菠菜龍脷柳飯鍾意佢夠曬厚身充滿濃郁芝士口感, 每一羹都帶有拉絲效果, 感覺澎湃。龍脷柳先煎後焗外脆內軟, 整體份量頗多, 有飽足感！橙色派對、草子莓莓芒果加橙汁, 有淡淡芒果香甜味道, 冇搶走橙汁甜味！士多啤梨加橙汁, 顏色鮮豔, 士多啤梨糖糖漿甜甜地加橙汁, 又幾好飲！套餐除咗餐湯同法包, 仲有雪糕, 雲呢拿、芒果、朱古力三款口味, 雲呢拿重奶味唔太甜, 啱曬我！生日版心太軟心太軟係呢度其中一款招牌甜品, 外脆內暖濃郁流沙朱古力, 叫人念念不忘。原來仲有生日版本, 即刻點返個嚟預祝一下先！…Read More

球迷梗係要去足球餐廳啦！lockeroom喺佐敦恆豐中心開咗express, 以快餐為主, 而家用openrice同外賣平台仲有折扣優惠, 性價甚高, 真係要分享下。點完餐記得飲番個自助南瓜湯潤下喉！波士頓活龍蝦半隻配蝴蝶粉呢度最出名焗龍蝦, 新鮮即叫即做, 蝦肉鮮甜爽口, 配埋個白松露忌廉汁, 濃沃惹味, 真係食到停唔到口！龍蝦汁雜錦海鮮飯雜錦海鮮都幾多料, 用龍蝦湯汁燴飯, 感覺似西班牙炒飯, 未食已經聞到香噴噴！ 明太子南蟹肉野菌忌廉飯明太子鹹鹹地, 蟹肉好鮮味, 配野菌忌廉汁燴飯, 口感幼滑軟熟, 的確唔錯！鹹蛋黃雞翼鹹蛋黃甘香撲鼻, 雞翼炸得脆卜卜外皮鬆脆, 鹹蛋黃控必食之選！朱古力三重奏心太軟朱古力味道濃郁, 外脆內暖, 流心朱古力幼滑香甜! 意想不到的驚喜甜品！…Read More

灣仔出名多好嘢食, 今晚約好朋友食西班牙菜。餐廳環境幽靜分上下兩層, 同朋友坐低飲杯chill下, 的確唔錯咗！香煎鵪鶉髀 Grilled Qauil Legs鵪鶉髀高蛋白、脂肪少, 肉質鮮甜, 脫皮外層微微香煎, 焦香撲鼻, 香而不油膩, 口感嫩滑多汁, 醮上Porcini sauce牛肝菌醬味道強烈, 帶有濃厚嘅堅果香味, 令肉味更突出！Cochinillo 燒乳豬選用豬髀部分, 肥瘦分明, 外皮燒得脆薄香脆, 一口咬落去非常鬆化, 肉質軟嫩, 入口即溶,油脂甘香, 肉味繞樑口腔有回甘。配搭燒菠蘿, 外層火炙蕉糖, 十分清甜, 感覺清爽減油減膩！…Read More

而家潮食梗係韓牛, 其實慶州豚肉都好出名, 今日就試下韓燒正宗慶州五花腩！慶州勝利豚套餐呢個套餐有牛、有豚肉, 可以滿足曬我嘅要求。韓牛前胸肉、醬油牛小排、薄切牛舌、慶州五花腩、慶州豬梅肉、韓風墨魚、辣炒年糕。套餐加廿蚊仲有梳打飲！慶州五花腩每份都有原生地慶州認定證, 肉質特別爽口有彈性, 油脂旺盛多汁, 微微燒焦香噴噴, 夾埋生菜食就啱曬！醬油牛小排紋理清晰, 脂肪分佈均勻, 肉質嫩滑甘香, 醮少許岩鹽嚟食, 更加突出濃沃嘅牛味！辣炒年糕韓國年糕軟熟煙韌有嚼勁, 仲有魚糕同紅蘿蔔絲, 滲透辛辣醬汁, 超級惹味！藍天使梳打、柚子檸檬梳打藍天使梳打色彩迷人, 藍色的糖漿有淡淡梅子味道。柚子檸檬 酸酸甜甜, 冰涼解渴, 感覺消滯減膩。…Read More