閨蜜book左依間米芝蓮餐廳同我慶祝生日☺️ 想試好耐😍一睇個餐牌有田雞，嚇咗我一跳，好彩換其他嘢食第一道菜- 海膽配雅枝竹個樣好精緻，亦都好好食！ 酸酸甜甜咁想encore再嗌😆😆 然後再上麵包， 兩款麵包都好好食，再加埋個牛油 ，好出色。侍應問我哋仲使唔使加麵包，我哋都要多咗兩個牛角包😋 第二道菜-油甘魚刺身個汁都係酸酸甜甜 夠開胃 第三道菜， 吞拿魚刺身個汁醬好出色，不過中拖羅有啲腥，似唔新鮮，再試朋友個個又無事😅 奇怪！第四道菜- 因為我哋兩個都唔食田雞， 一個轉咗做唔記得咗咩餃子，一個就係蕃茄杯個蕃茄杯好好食，不過個餃子就麻麻哋喇 第五道菜- 紹興酒三黃雞個汁麻麻哋， 但係個雞就算係雞胸都好嫩滑第六道菜- 乳鴿可能本身唔係咁鍾意食乳鴿嗰陣臊味，會建議加錢食牛😂 第七道菜- 日本A4牛柳呢個真心出色，入口即溶又有牛味連佢隔籬個羽衣甘藍都炸過好似紫菜咁，好食！第八第九道菜- 甜品個甜品個樣好靚，不過唔係好識欣賞😆 打吓卡影吓相ok 總結： 兩個人嗌咗三杯嘢飲，轉左個和牛，總共四千幾蚊。 係米芝蓮食到嘅驚喜同埋服務，不過不失， 會為咗個海膽配雅枝竹再返去食😝希望其他嘢食會再有進步💪🏻…Read More
