大胃聯盟's Profile

如果講海鮮，我今日連蝦皮/龍蝦殼都未見過。可能係只出咗少量就冇refill，或者可能甚至冇出過；如果你話，二百幾蚊有生蠔食都算係咁啦…你錯嘞! 係冇生蠔㗎! 佢地去到門口有張紙寫咗(如圖)。其實個場同埋人手根本食唔到咁多客人。全場refill得最快嘅，係洗乾淨嘅碟! (洗碗同工應該要加人工啦~) 外面嘅食物盤好多都係吉嘅，有啲位置，我甚至連係放咩食物都唔知，次次行去都係得啲冰。熱食區長期企滿人，行都行唔到入去。真心，兩個人$526，我寧願去食大排檔……唔好意思。…Read More

位置於葵芳舊區，有一間泰國餐廳，叫人一試難忘!紅日去食個飯啫，唔駛咁丫。餐廳入面有個男嘅態度好差，啲語氣衰到一個點，唔識講“唔該"不但只，仲會“吱”啲客(意思係嫌你阻住佢)，又漏單(其實你冇通菜咪出聲囉，我一定體諒你嘅，不過你漏單好似漏到理所當然咁，態度係十分劣劣劣)炒金邊粉其實係油浸粉，又油又炒到過晒龍;個海南雞飯啲雞係我食過最鞋嘅海南雞。如非必要，真心唔再會去食。茶餐廳嘅服務同食物質素都應該好過佢多多聲。如果服務嗰項評分可以俾負分的話，我一定唔會俾一粒星。…Read More

已經好耐冇去番本, 呢日再去, 恐怕我又會一段時間唔去lu...首先, 座位好逼, 咁逼都仲要加個爐。當然, 可以叫人收左個爐...第二, D單都OK亂。兩轉刺身都唔係我點既野, 但因為出食物速度真係慢, 所以唔理, 消化左佢算數。第一轉刺身OK ge...都算肥美, 可惜第二轉上既, 唔多新鮮, 啲肉質有啲XX地。(可能懲罰我地食左人地盤刺身掛...)第三, waitress態度好差。我明白18:00其他人先陸續番工, 呢段時間你好忙, 但都唔駛對我地用地盤老口吻ga???? 然後?......然後就冇然後了...........…Read More

2017-06-01 神輿日本料理******************平價放題之首選，食完仲可以寫願望板******************食物選擇幾多, 雖然係平, 但食物品質是OK的~~性價比係高嘅******************消費: $198 / adult (已加一)優惠: 時段特價…Read More

咖啡弄開咗咁耐，見到佢啲相咁誘人，心癢癢想試好耐。呢日大胃聯盟就大概2點鬆啲去到尖沙咀嘅咖啡弄。上到去唔駛等，即刻有位。大胃聯盟叫咗冰美式摩卡咖啡、冰維也納咖啡、BBQ豬排三文治、現烤燻鷄披薩、香蕉朱古力冰淇淋鬆餅。******************兩杯咖啡都偏濃，mocha不論朱古力味或咖啡味都好濃；維也納咖啡，似係齋啡加whip，個咖啡底偏酸。BBQ豬排三文明不過不失，唔算特別，麵包尚算脆身，冇俾任何醬汁影響；現烤燻鷄pizza，鷄肉味道似乎同芝士蘑菇唔太夾，不過都ok。******************去到香蕉朱古力冰淇淋鬆餅，唔好期望係香港人食開嘅窩夫，但總括味道口感都係唔錯嘅，個粉漿蛋味係香，外層係脆。******************總括，食物叫OK，冇乜大驚喜，但服務/員工態度就十分驚嚇。waiters/waitresses個個都黑口黑面，坐都未坐就黑住面講用餐時間1.5個鐘，埋單時，找錢個waiter仲驚嚇，“嘭”一聲將夾住receipt同找錢嗰pack丢落張枱，就調轉頭走咗。我只可以講，唔係冇禮貌咁簡單，係唔尊重！唔駛問，我全程係一句“多謝”都冇聽過。******************今次慕名試食後，如果你問我會唔會再去，我恐怕暫時唔會，亦唔會推介身邊朋友去受呢種氣。消費：$290（連加一）優惠：/小提示：【1】咖啡弄要求每位客人都order一杯飲品，不論你order咗幾多食物，都要每人有一杯飲品。【2】只收現金，記得㩒定錢先去食。【3】用餐時間限1.5小時，想同朋友飲嘢傾計，可以考慮其他地方。…Read More

2017-04-21瑰花甜戀愛甜品屋******************窩夫好似擺左N年先拎出黎咁, 又凍（真係一啲温度都冇），又唔脆, 又韌, 好似食緊濕左水既紙皮咁。因為切唔開，所以唯有成舊叉起嚟食。（可能會有member質疑，或者話佢地平時質素都好穩定，但當晚我食到嘅窩夫真係咁，我唯有如實報告）藍精靈個顏色係幾吸引, 但食落味到一般, 偏淡。加一服務費美化為音樂表演費。未食正餐的話，可以响瑰花甜入面order隔離Red Rice嘅主食，一條龍由正餐食到落甜品。******************消費: $86優惠: /…Read More

2017-04-21Red Rice米飯主題餐廳*******************呢間絕對係食肉獸糧尾首選。先唔好講好唔好食, $110食到雜扒+豬扒飯已經算係抵, 而且個雜扒除左鐵板上面D肉同薯角, 仲會跟一大碗飯, 其實兩個女仔食都好足夠。薯角熱辣辣,應該係即炸ge, 但注意, 呢個雜扒係冇牛ga.******************消費: $110優惠: /小提示: 如果Red Rice冇位, 可以考慮行入隔離瑰花甜, 因為响瑰花甜都可以order Red Rice既食物…Read More

2017-04-18元朗冰室******************「你厚多士!」唔好意思, 呢度出名既唔係厚多士, 係厚豬扒。一般市面食到既豬扒多數都比較薄, 元朗冰室就主大又厚又鬆化既厚豬扒, 仲有不同配搭。可以加埋肉燥, 辣辣地好送飯。******************元朗冰室營業到深夜, 深水步夜食一族又多一個好選擇(SSP夜食好選擇: 華記小廚、元朗冰室)******************消費: $96優惠: /…Read More

2017-04-17Plato******************大胃聯盟今次去呢間Plato位於酒店Casa Hotel二樓, 本來以為冇乜人, 但上到去, 雖然係下午茶時段, 都有唔少客人。加上Plato下午茶時段, lunch set會繼續供應, 所以選擇都幾多, 有平有貴, 有飽有輕食。******************大胃聯盟點左黑松露意大利飯+美國安格斯西冷牛扒。黑松露意大利飯, 雖然係tea set, 唔好以為佢得個碟大, 其實佢個份量都好大, 而且香味好濃郁, waiter拎住行過已經聞到; 另外美國安格斯西冷牛扒, 好多時要7成熟, 出到黎就變左9成, 但Plato就預得不錯, 眼見仲有D粉色, 硬度都似係6-7成熟, 但味到方面呢, 由於大胃首領係唔食牛既, 所以就不能夠用第一身形容嘞。******************最後, 大胃首領點左個Spanish Coffee, 咖啡味香, 甜度剛剛好, 所以球雪糕就可以第一時間時左佢, 如果唔係溶左落咖啡度, 咖啡就可能多左奶味同雲尼拿味。不過咖啡呢家野, 口味因人而異ge...******************消費: $234優惠: /…Read More

2017-04-16Press Enter******************又係偽文青既時間, Press Enter走悠閒路線, 餐廳裡面既陳設令人覺得好舒服, 特別係木製梳化位有麻布cushion, 有種家既感覺。Lunch set有7款, 可惜有一種已經賣完, 於是大胃聯盟就選擇左燒南瓜雜菜沙律配有機雞扒陳年黑醋汁+白汁雞柳意大利粉。******************是日餐湯係蒜蓉薯仔湯, 口感一般, 蒜蓉味唔算好大, 飲完去見客都仲得; 杯美式咖啡就真係一般般嘞, 帶D酸味, 加上枝鐵飲管, 硬係型住唔多衛生。講講主菜, 大胃首領發現佢D雞係好不錯, 雜菜沙律D雞個醃料好特別 (但係飲味寫呢篇野既時候已經過左好耐, 所以都唔多既得係咩味), 意大利粉個汁好濃厚。******************其實Press Enter環境真係幾舒服, 可惜當日有兩檯客人放聲高談闊論, 令全間餐廳氣氛受到嚴重破壞...最後一提, 如果趕時間就唔好考慮Press Enter嘞, 因為大胃首領估計佢地好精心製作每一盤食物 (等個湯都多過10分鐘), 所以如果要快, 呢度可以留番下次空閒D先再試~******************消費: $146優惠: /…Read More

2017-2-22倚窗閣 (宵夜自助餐)******************如果講宵夜自助餐, 倚窗閣既食物款式唔算少, 有生蠔有三文魚刺身, 熱食都唔少選擇, 會轉一兩次款, 所以大胃聯盟都唔能夠精確話大家知有熱盤咩食。由於熱盤冇蓋, 所以保溫做得麻麻, 拎到既食物有機會已經凍曬。生蠔係紐西蘭蠔, 肥, 但帶有絲絲苦味; 三文魚刺身應該係一早切好放左好耐, 望落唔多新鮮。沙律要行道最入面, 可惜大胃首領去到沙律吧時, 羅馬生菜得番兩塊, 紫椰菜又係得幾塊, 明顯好耐冇refill... (To conclude, 主食麻麻地)******************最後講一講甜品, 款式雖多, 但最多人搶既依然係芒果拿破崙 (點解大胃首領用到「搶」呢個動詞? 因為見到有一檯(2人)拎左十幾件, 有人就話「嗯...冇晒嘞...」,拎咁多, 食唔晒就真不該), 但搶得有道理, 因為唔會太甜, 而且係脆, 雖然都帶點硬。窩夫有原味同班蘭味, 唔係空氣窩夫, 雖然班蘭味唔係好出, 但窩夫食得過, 加上雪糕係Moevenpick, 入黎淨係食甜品都OK。******************消費: $421.6 / 2 adults優惠: Openrice coupon 25% off…Read More

2017-01-24聆渢咖啡廳 (自助晚餐)******************其實當晚都有D涼, 要坐戶外的確有D擔心會冷親, 但去到又冇想像中咁凍, 因為有傳說中既火炬, 而且D檯好大, 坐得幾舒服。食物睇落唔算少, 但都走大眾化路線, 比較好就係飲品某額外收費, 自由斟。海鮮有龍蝦、凍蝦、清口等等, cold cut真係比較少, 只有3款火腿同煙三文魚。煙三文魚唔太油, 唔太鹹, 可以接受。另外有泰式沙律, 但味道略為過於濃烈(太酸太辣), 未必個個可以接受。******************聆渢咖啡廳冇一檔獨立既燒味, 叉燒放左响熱盤, 但戶外就好多燒雞翼、燒腸仔等既燒烤食品, 仲有數量有限既枇杷鴨。另外有蒜蓉蒸扇貝, 但味道好淡, 因為落的好少蒜蓉。總括，有半價可以一試，正價就唔太抵了。******************消費: $604.8 / 2 adults優惠: Sino Club生日優惠…Read More

2016-12-28阿來泰式地道風味******************去完旅行第一餐去食泰國野~~~~好多泰式海南雞飯既香味比較淡, 但阿來既飯, 對比我食過既泰式食肆, 係比較香。海南雞滑(大胃首領算好好彩, 未食過鞋/怪既海南雞)。蠔仔蛋飯都冇渣流攤, 幾多蠔, 而且勝在唔係好多油 (油就一定有, 但唔會話見到滴緊出黎果種)。最後, 飛天通菜, 味道偏小小辣, 但十分香口, 濃淡適宜。******************消費: $174優惠: /…Read More

2016-01-19吉壽******************吉壽特別之處係增設左一個自助區, 有炸薯格、雞翼之類既小食, 日式泰式都有。刺身新鮮, 選擇一般多。另外壽司款式好多, 原創壽司不錯, 但法式漢堡卷, 由於係飯+ketchup, 味道有D唔夾。燒物方面, 燒鰻魚D肉有D散, 導致口感一般。炸物方面, 冇失望(但都冇大驚喜), 炸蠔粉漿好薄, 好彩的話, 隻蠔可以好大隻ga~最後講一講個冷麵同冷烏冬, 冷烏冬幅圖明明係用冷麵湯汁, 但變左麻醬, 口感唔煙韌, 種好粉tim; 冷麵學到好硬, 其實應該從雪櫃拎出黎放一陣先上。******************總括黎講, 呢個價錢, 食到呢個質素, 性價比叫幾高! ******************消費: $232 / adult (已加一)優惠:/…Read More

2016-12-7甜入心******************食完某廳晚餐心裡極不爽，於是起行去食甜品。大胃盟主素來極喜歡食窩未，所以一嚟到就叫咗朱古力窩夫，本來仲想叫多個芒果飄雪，但因為刨冰機壞咗，所以改咗要“八星龍珠”。******************窩夫上面球朱古力雪糕打得好實，又雪得好硬，唔會一上枱就溶，而且好濃朱古力味。窩夫好脆，入面好充實，唔會咬空氣，食一碟真係可以當一餐，可惜當日大胃首領份窩夫有啲燶，要扣少少分。******************八星龍珠最特別係粒龍珠，應該係用椰青水整，有清甜得嚟又有陣陣椰香。******************消費： total $71優惠：/…Read More