GasLau's Profile

我覺得名過其實。先講「叉燒飽」，個人認為陽春麵雖然睇落算係條條分明，但食落太淋唔爽口。其次係個湯底雖然濃，但點嫌太膩。最後係啲叉燒，厚而瘦。然後係個「海龍皇湯」，個人認為呢個麵煮得更差，煮到個麵有啲糊。其次係隻蝦好明顯唔新鮮，甚至啲蝦肉係韌。另外個墨魚滑係鬆散唔彈牙，似食粉團，亦冇咩墨魚味。最後係個湯底，比起「叉燒飽」係稍好，但只有濃味，如果可以做到濃而香更好。講真一百蚊唔係多，冇期望過要食到好好，但連最基本嘅麵質都冇做好就真係好失望。可能係我黑仔，又或者咁啱我嗰兩碗失咗手，但都唔會有下次。…Read More

我朋友叫我去試吓，加上都講咗一段時間，咁就同佢一齊去試。去到間野門口，冇人做接待，企左大概1分鐘，我哋唯有自己走入去問吓，入到去啲人就叫咗個侍應，出嚟招呼我哋，個侍應叫我哋出去等陣先，等咗大概幾分鐘，佢終於出嚟，呢個時候咁岩有一堆客人同時黎咗。佢問咗我哋幾多位之後，就叫我地等陣，跟住佢就走左去招呼其他客人，全程出出入入，我哋大概又等左10分鐘，佢先招呼我哋入去。我哋一路等都以為入邊係冇位所以先喺出邊等，一係入到去，原來得幾台客，仲有成十幾枱係空嘅，之後坐低冇幾耐，我就發現個位，冷氣吹正我，我就問侍應可唔可以調去其他位置，佢就回應我話，唔可以呀因為陣間有機會會有其他客人。當時我見佢咁樣回答我我就作罷，我哋兩個人，叫咗泰式柚子蝦沙律，冬陰功意粉，同埋小食拼盤，味道唔係特別好，但係服務就特別差，因為我哋中途想嗌野飲，叫極都冇人理我哋，最終我哋都係放棄左，唔叫啦。食完晒主菜之後，我個friend話點都要叫翻個用嚟影相嘅碟豆花芒果糯米飯。影相睇係真係幾吸引，但係食到一般，啲飯都幾林，但係又唔係話差嘅。整體來講都唔會來第二次。…Read More

呢間都算係我比較常去嘅餐廳，但係通常都係食午餐多，今日同埋幾位同事再次去呢度食，可能因為疫情關係，所以都比較少人，若果唔係平時都需要排隊。佢個午餐餐牌我都試過晒㗎啦，佢無論意粉或者pizza，都好有水準。意粉佢好有彈性，好有咬口，一啲都冇煮過龍，佢嘅青醬雜菌扁意粉同埋spaghetti bolognese 啲汁都好香，唔會多到成口都剩係得汁。佢嘅Pizza雖然唔係好大，但係佢個底好脆，對我來講有啲脆過頭，好似食餅咁，除咗呢樣味道都好好。呢間餐廳唯一缺點就係份量唔大，可能有機會有啲大食嘅男仔會唔夠食。…Read More

今次已經係第三次去食啦，前嗰兩次印象都唔差。嗰度空間唔大，所以都有少少逼夾，但係氣氛都唔錯。今次我哋去食晚餐，叫咗個二人餐同小食：Pizza都好脆味道還可以；我哋嗌左啲咖喱，汁嘅味道都還可以，係啲肉有少少鞋；佢個印式冇骨燒雞，我就唔係好識欣賞，啲肉真係有啲實；其他普通西餐都係冇咩特別；印象最深刻就係佢啲飲品，尤其係啤酒，有好多種類揀，附近嘅餐廳都唔係咁容易搵到咁多品種；佢驚尼泊爾香料雞尾酒，都好特別，我覺得值得一試。…Read More

同幾個朋友好耐都冇見，咁啱我哋夜晚都唔想食咁多嘢，正喺度搵緊地方可唔可以一路傾偈一路食嘢，又可以坐得耐，唔會趕住趕住嘅地方，咁啱俾我哋見到呢間餐廳。入面環境都唔算寛，可能要同隔離客人貼住，不過入面睇落都算乾淨。我哋叫咗好多串肉，都比較一般，當中印象最深刻嘅係燒茄子，我不嬲都鍾意連皮食，不過可能佢真係用炭燒嘅時間好長，表皮燶晒，所以唯有淨係食肉，搞到有啲唔係好滿足，如果個皮可以冇咁燶脆返少少，咁就好啦。…Read More

我哋經過間鋪頭好多次，都聞到佢哋煲湯嗰陣味，但係見成日都好多人排隊，有一次排咗20分鐘到條隊冇乜點郁過，所以就作罷。今次唔啱我哋見經過人少少，諗住快快手去食返個晏，我哋嗌左個河粉同埋船面，一杯奶茶同埋班蘭特飲，配埋個無骨鳳爪沙律。兩碗面嘅湯底係好香好正好足料，河粉亦都好滑，但係飲品就冇咩特別，個鳳爪沙律好辣辣到食唔到其他味。裝修氣氛都好有去咗泰國嘅感覺，但係空間唔大，差唔多好多客，所以好多時都要等位。不過我覺得值得一試。…Read More