KellyShiuKaYu's Profile

油麻地地鐵站C出口一上就係，地理位置超級方便👍🏻 鋪面唔算大，大概20個位.當日同朋友兩個人食，每人叫一個set lunch，價錢都OK，仲要跟餐飲品有特飲選擇，唔使加錢✨青咖喱雞飯- 份量都唔細，一上菜就俾顏色嚇一嚇，覺得好青色- 但食落係好好食，係泰式嘅甜甜辣辣，有少少椰味，佢嘅咖喱汁屬於比較稀，好少份量，已經足夠成個飯撈汁- 我幾喜歡佢嘅雞肉，幾滑嫩，而且有唔少蔬菜.✨泰式炒豬肉河- 好好鑊氣，好夠熱，河粉亦係好入味- 份量亦都好足夠，非常之飽- 好喜歡佢嘅河粉係會有好大片菜，感覺冇咁單調同漏.特飲青檸梳打…Read More

因為朋友贈送Gift Card，有指定4 course dinner ～環境高級舒服，好適合傾偈.麵包🥖麵包非常鬆軟，牛油亦都好香，好好食.松露磨菇湯🥣好香嘅菌味同松露，每一啖都好creamy，配合麵包食係一流.煙三文魚🍣好fresh，配合酸酸嘅Sauce+薄烤多士一齊食，非常開胃.香煎鱸魚份量睇落細細，但可能前菜已經好豐富，食到一半已經好飽。鱸魚煎得好香，肉質嫩滑，配合大蝦同酸酸蕃茄醬，將整個菜式提升.意式奶凍成餐晚飯最優秀就係甜品，每一啖都混合脆脆嘅餅，加甜滑嘅奶凍，同酸甜嘅醬同莓♥️ 為成個晚餐畫上圓滿嘅句號👍🏻…Read More

地點方便，深水埗地鐵站步行兩至3分鐘到，鋪內環境寬闊，枱大張，不過就冇大枱，比較適合1至6人.得獎蝦餃👍🏻👍🏻👍🏻👍🏻鄙薄餡靚，係幾好食，但講到佢得獎，我就覺得有點過譽，不過都係好食嘅😋蘿蔔糕👍🏻👍🏻👍🏻👍🏻外脆內軟，蘿蔔味都出，配合千島醬，係好食春風得意腸👍🏻👍🏻👍🏻👍🏻👍🏻我自己好鍾意呢個腸粉，其實有少少炸兩feel，但呢個口感好Rich，有少少菜都幾fresh燒賣👍🏻👍🏻👍🏻👍🏻豐富厚實嘅燒賣，又夠熱炸奶👍🏻👍🏻👍🏻👍🏻估唔到炸奶都幾好食，同埋真係新鮮出爐，所以好好食😋其他點心表現都不錯，仲有好多款想試.四個人飲夜茶，平均每人$80，價錢都OK👍🏻…Read More

位於土瓜灣嘅點心店完全唔起眼，星期一下午去到，竟然坐滿晒人，食完就知原因👍🏻.只有兩個人，但有好多嘢都想食.😋燒賣作為其中一款必食點心，呢間舖燒賣嘅皮薄，肉質、口感都非常豐富，好食👍🏻.😋蝦餃另一必食點心蝦餃皮薄餡靚，而且大大粒，啲皮唔會話好易爛，熱辣辣新鮮出爐更加加分.😋牛肉球正常發揮，配合埋喼汁，山竹牛肉味好香.😋芋頭酥👍🏻👍🏻👍🏻比較有特色嘅點心，作為茶點，唔會好重油益味，入口鬆脆，餡料芋頭同肉配合得天衣無縫，外脆內軟！不過都幾飽，真係可惜個胃唔夠空間😛.😋蘿蔔糕都幾特別，比較少酒樓用千島醬做蘿蔔糕醬，配搭都幾新鮮好食.兩個人食，人均$80左右，大推介😋😋…Read More

適合兩三個朋友相聚的點心舖，地點易搵，好長嘅開放時間，滿足到想瘋狂傾偈嘅我哋👍🏻.點心選擇數量還好，除咗基本點心都有自家特色嘢.作為點心舖必備點心，燒賣合格好食，非常足料，咬口豐富😋但另一熱門點心蝦餃，就較為令人失望。唔知係咪得蒸得太耐，個皮一夾就爛，蝦餃亦較為細粒🥹蒜蓉蝦春卷煎炸嘢油膩感較重，脆口感有待改進海王千絲芝士卷較為特色點心，唔係一般點心舖食到但都有點失望，又係炸嘅油益味好重不是炸兩幾好食😛口感都係有啲似炸兩，但內容唔係油炸鬼，較為鬆脆豐富排骨正常，墊底有啲類似粉條，蒸得太淋，唔夠彈牙腐皮卷都係炸得太耐，唔夠脆口.總結三人行，大概10個點心，每人$101，又唔算好平，上菜好慢，又麻麻哋好食，所以應該冇下次…Read More

完全冇諗過喺屋邨入邊有一間咁高質嘅餐廳，適合三五知己傾偈，如果人比較多應該好難等位，記得要book位.四個人叫咗兩個二人餐，每個二人餐$480包兩個main, 1款小食，同兩杯飲品.😋龍蝦濃湯蟹肉帶子麵真係好食到爆，龍蝦湯味濃，意粉煮到煙靭彈牙，蟹肉帶子都好鮮味😋😋.😋雞肉白松露意大利飯呢個飯煮得比較耐，雞肉唔肥但亦好嫩口，唔係唔好食，但食得多比較漏，同出邊好多白松露飯質素相若.😋牛油封門牛肉汁意粉即場燒牛肉，牛肉嫩口度一流，意粉比一般肉醬意粉更加有肉味，值得一試嘅意粉.😋辣芝士醬明蝦扁意粉鍾意食辣嘅朋友，呢個唔可以唔嗌，芝士同辣味配合得相當好，但同時唔會蓋過蝦味，意粉每一條都滲透醬汁，食到停唔到口食剩嘅醬汁仲可以用作薯條醬😋😋😋.😋蒜香雞翼😋薯條配黑松露醬埋單每人大概$260 ，高質食物配舒服傾偈環境，價錢合理，不過唔可以坐到好夜…Read More

成日聽人講ClubOne 食物質素唔好，但今次去食，我覺得又唔係咁差啫.閒日食晚飯，環境都幾舒服👍🏻一行五人，叫咗個六位用嘅個歡樂宴，大概$17xx因為掛住食，冇影晒每一碟餸，以下係部份餸：總括嚟講，覺得啲餸都好食，冇網上講得咁差，當然唔係話勁出色，但賣相同味道都OK，最喜歡，反而係佢最尾嘅糖水紅豆沙紅豆沙唔會好似出邊啲酒樓咁，啲水同紅豆沙會分開兩層，個口感幾均勻😋最後想講，酒樓侍應服務態度都幾好，亦都唔係好似網上嘅評價咁（當然我嗰日去係閒日唔多人）所以仍然推介大家去食.環境唔錯👍🏻…Read More

油麻地地鐵站一出行過去，只需要一至兩分鐘，地理位置超方便👍🏻 但佢對面都新開咗一間名字好相似嘅燒味，要認清楚個名!!.四寶飯 熱檸茶 $58 首先佢個四寶飯同其他燒味舖唔同，一般燒味舖會畀紅腸，但佢係鹹蛋、叉燒、油雞同燒肉，但價錢都只係$58 👍🏻.至於質素，亦都冇得彈，燒肉肥瘦比例適宜，皮脆肉嫩😋 我最欣賞係叉燒，叉燒冇肥肉，但完全唔覺得老同柴，肉質仲係好鬆軟😋😋 .當然佢仲有好多其他燒味，燒鵝同乳豬都好好食，位於旺區嘅佢，價錢都唔算貴除咗燒味，佢仲有其他常餐同午飯，係高質嘅燒味茶餐廳👍🏻…Read More

位於將軍澳海旁，環境唔錯，好天嘅時候坐窗邊，望住個海景心情會變好😆.松葉蟹肉軟殼蟹飯 $138軟殼蟹炸得香脆好味，但唔知廚師係咪冇落鹽，成個飯淡然無味。不過同服務員講咗之後，佢俾咗海鹽我哋自己落，即刻覺得好好食😋😋 所以如果落埋鹽的話，會大推呢個菜式.明太子烏魚籽忌廉意粉 $138明太子味香口，而且每條意粉到均勻有味👍🏻.卡邦尼意粉 $128難得見到係黃色嘅卡邦尼，佢標明用蛋黃煮，同出邊好多偽卡邦尼唔同，所以要試一試佢。整體不過不失，意粉幾Creamy但蛋黃味依然失色🥺.煙三文魚賓利迪 $128不過不失，芝士口感幾有趣，有啲似雞肉.水牛雞翼 8隻 $88口味相對較辣，如果食得辣嘅朋友會覺得好香口，好惹味😋.芝士蛋糕 $68成餐最鍾意嘅菜式，蛋糕真心整得好食，鬆軟到一流，近尖端位更會有流心效果✨…Read More

之前食過好多次，一直都唔使等位，但今次竟然要排隊，果然好食嘅拉麵店係會有條相應嘅人龍👍🏻一直都覺得雞白湯冇得輸，性價比高，今次再去發現Menu有唔少更新，決定試一試佢嘅新菜式雞皮餃子 $20餡料十足，雞皮都炸得好脆，但又唔會失去煙靭感♥️.明太子手羽 $20入面釀咗甜甜辣辣嘅餡料，口感好豐富，不過$20隻有少少貴，同埋其中一啖feel到有啲凍，如果佢熱返，的確係幾好食，但睇埋價錢，呢個小食下次唔會再叫.期間限定雙頭湯 （雞白湯+櫻花蝦鰹魚） $95湯底果然唔會令人失望，佢比起雞白湯稀一啲，雞白湯部份相對冇咁出，海鮮味好濃郁，口感厚滑，都係值得一試嘅湯底👍🏻.肉同蛋都係正常發揮，不過佢嘅海鮮都幾出色，食得出有鮮味，唔係擺咗好耐嗰種霉海鮮😋.結論係彩面依然係我最喜愛香港拉麵店之一，不過如果時間唔多嘅朋友，就避免去，佢真係非常用心製作，相對要等得較耐😆…Read More

露營餐廳作為主題都幾吸引，非常適合鍾意打卡嘅朋友，但要坐卡位要消費$600以上.軟殼蟹白咖喱意大利粉 $148軟殼蟹煎得香脆好味，意粉亦好入味，白咖喱味均勻creamy，脆卜卜軟殼蟹配合軟硬度適中意粉，口感非常好👍🏻.冬陰功海鮮意大利飯 $158成個飯普遍酸酸辣辣，雖然都幾好食，但冬陰功味唔算濃郁，而且蝦唔入味，感覺到係分開煮….泰式鹹蛋黃單骨雞翼 $88鹹蛋黃香脆好食，單骨雞翼亦好容易進食，推介！.泰式炒椰菜苗 $88菜苗新鮮，份量略嫌較少，味道不過不失.椰汁芒果糯米飯 $68椰汁非常rich，椰香濃烈，芒果有啲酸，不過配合甜甜的椰汁雪糕撈埋一齊食，恰到好處.食物其實OK，不過感覺性價比唔算高，如果想搵個安靜傾偈嘅地方，而嘢食都OK，呢度會適合…Read More

周一晚上食飯唔需要等位，位置都闊落，有勾掛嘢👍🏻👍🏻.環境不錯，不過現場少嘈，唔算適合聚舊傾偈.咖喱湯烏冬+骨付雞 - 咖喱味湯底濃郁，口感都rich- 烏冬口感彈牙，配合埋湯底，掛湯感一流😋- 骨付雞煎到好香脆，仲可以好好鎖住肉汁，而且醃得好好食，辣得好好食😋.蕃茄凍湯烏冬+骨付雞- 蕃茄凍湯係期間限定，喺炎熱嘅天氣，酸酸甜甜又凍嘅湯底令人特別好胃口，而且湯底唔稀，配合烏冬食，又豐富又飽👍🏻…Read More

作為附近街坊，見拉麵店5月新開張，決定一試支持下。拉麵店地點好便利，油麻地地鐵站C出口行3分鐘就到。對住鴉打街球場，影過去都認唔到係油麻地，好文青嘅感覺.拉麵店暫時唔需要排隊，店內位置大概15-20個，樓底高，裝修簡約舒服.暫時3款拉麵，3款都係豬骨湯底.鯖節豬骨白湯拉麵 $107味道：5/5- 真係有成條鯖魚節，魚鮮味突出。- 豬骨湯底係濃湯，唔單止有豬骨味，仲有陣陣魚味（但如果鍾意濃味啲，推介醬油，另一次試咗）- 叉燒肉質彈牙，入味- 滑泉蛋都好食- 拉麵係黃麵.試業期間，感覺到店員忙亂狀態，出錯餐、洗唔切碗，希望可以提升質素…Read More

平時都要排隊，難得有日閒日lunch唔使排隊，決定試一試。茶已經default咗，應該就係普洱，正常發揮。.金針雲耳雞飯 $38好特別嘅蒸飯，淡淡荷葉味令成個飯更香，雞件又滑又嫩，份量都好充足，兩個人食啱啱好一人一大碗，強推👍🏻👍🏻.炭燒山楂鴨絲包 $30食落滲出淡淡鹹香，不過唔算明顯食得出鴨絲，算係比較罕有嘅菜式，都值得一試.金沙脆皮菠蘿腸 $29腸粉皮薄，餡料足。軟腍腍嘅腸粉皮包住脆卜卜嘅餡料非常有趣，豉油點綴都好好食。.燒賣 $16可以叫兩粒，份量少，可以食多啲款好開心，燒賣質素都OK.蝦餃 $16同樣兩粒，蝦餃再熱啲就好理想.兩個人加埋茶位都係$139，仲要好飽，絕對係抵食嘅點心舖👍🏻…Read More

香港唔少米線食店，但依間真係食完會返尋味😋.蕃茄湯底少辣 + 魚皮餃 + 麻辣腩肉 湯底：我最鍾意佢蕃茄湯底，濃郁香甜，辣味亦同湯底好夾麻辣腩肉：如果唔食得辣嘅人，但又想要少少辣味吊味，可以揀麻辣腩肉，肉質嫩口，辣味適中，推介👍🏻魚皮餃：純粹我個人喜好，但算係正常發揮的一款餸.滕椒米線 + 豬肚 + 麻辣雞肉 + 豬軟骨湯底：好特別嘅味道，唔係間間米線店都有，有種香麻味豬肚+麻辣雞肉：都係高水準發揮豬軟骨：我覺得係兩碗麵中最好食嘅一道餸，唔單止入味，肉質仲好滑嫩，又唔會太肥膩😋😋.唯一可惜係，當日米線煮得太腍，我相信只係一時失準，因為食過好多次都有質素保證👍🏻…Read More