大食妹^_^'s Profile

最近上貴網, 發現車品品重出江湖. 腦海裡即時浮現了魯肉餃上面洒滿蝦籽的樣子, 很有衝動再吃一次.即晚聯同老公去食. 舖面大了, 裝修也很好. (忽然又懷念坐街邊的風味, 人真是…永遠無法滿足的)原先坐入走廊盡頭的內廳, 但鄰桌坐了十多人, 談笑聲在細小又四面環牆的內廳,顯得份外吵耳. 所以轉到近門處的座位, 立時得享安寧…首先最想點的是魯肉餃, 可惜老闆娘說售罄, 太可惜了…最後點了招牌什麵配烏冬+台灣蒜茸花枝丸, 炸乾豬油渣, 咸肉粽, 紫牛(由老闆娘推介), 朱古力雪糕+忌廉(黑金牛混合體)招牌什麵配烏冬+台灣蒜茸花枝丸–整體都唔錯. 白蘿蔔真係好甜, 真係無用糖水煮或浸? 個台灣蒜茸花枝丸只屬一般.炸乾豬油渣–看得出是有誠意的作品, 但不是兒時的豬油渣, 始終欠缺了一點…咸肉粽–出乎意料地好食^_^紫牛–芋頭雪糕香, 不過加左汽水之後好多泡, 我唔係幾鍾意.朱古力雪糕+忌廉–個朱古力雪糕有朱古力粒粒架, 好味!老闆娘依然笑容可躬, 令食客還是願意再來幫襯!希望下次食到魯肉餃. 老闆娘加油!! ^_^…Read More

自從發現此家麵店有炸乾身的油渣麵食, 我同老公每年必來朝聖一次, 慰藉一下童年回憶…我已到此吃過幾年了, 每次她的油渣都不會令我失望, 脆卜卜, 份量又多. 冒生暗“倉”o既危險都要食多o的…其他食物質素只算普通過普通…早兩日, 又同老公去朝聖, 我叫了牛腩油渣麵, 老公要了雲吞油渣河.牛腩油渣麵–湯底很濃, 但牛腩味道不對, 可能花椒八角份量出事, 有點怪. 冬菇太鹹. 連我最愛的豬油渣都出奇的少!! 又不夠脆…好失望呀…雲吞油渣河–湯底是清的, 雲吞包的碎肉太深色也太鹹, 欠鮮味. 腐竹唔係好滑, 不過都可以接受. 豬油渣同樣不脆及有點“油憶”味.之前我仲介紹KC黎呢間食炸豬油渣, 唔知係咪轉過手, 水準差晒. 真係唔好意思! 我對上一次黎係上年9月, o的豬油渣仲好好食架……Read More

嘩! 估唔到雪糕車o既軟雪糕都有得寫食評!!! ^_^好鍾意食佢o既軟雪糕, 好鬼軟滑我重鍾意佢周圍去, 偶然撞到先至食, 覺得大家好有緣份. 整定我要食你呀…軟雪糕!香港地, 除左雪糕車, 重邊度有得食咁o既雪糕丫……Read More

琴日黎開呢頭, 六點幾就去食晚飯.因為太早, 只係點一個餐\, 兩份食.墨西哥汁豬扒扁意粉+ 忌廉湯+ 凍鴛鴦個汁唔錯, 豬扒都OK.忌廉湯都OK.唔係話好好食, 不過都OK架喇!但係服務就麻麻地喇. 入到去, 有幾個侍應自顧自傾計, 都無諗過要招呼我地坐低. 咁我地就自己搵位坐啦. 其間點菜或拿刀叉等, 都要舉手好耐. 連埋單都漏…唔覺有乜服務囉!另外侍應比我地o既碟都唔乾淨, 要扣分.…Read More

上星期又黎到新蒲崗, 想食日本野, 又唔想去大盛, 所以黎左大江戶.晚上八點半, 竟然一個客都無, 心諗…唔係咁差掛, 大盛o個邊仲排緊隊喎…老公話照食, 咁我就唯有死跟啦…點左大蝦天婦羅, 豬軟骨湯拉麵, 生蠔兩隻, 燒魷魚筒, 熱清酒大蝦天婦羅- 無論o向邊度食都好食, 最穩陣.豬軟骨湯拉麵- 味道唔錯生蠔兩隻- 我唔敢食, 老公話OK燒魷魚筒- 好味, 有燒的效果, 不錯服務就麻麻地, 有待改善.…Read More

昨晚帶大食囝囝(西施狗仔)去觀塘剪毛, 順道黎呢道食晚飯.點了巴東牛肉, 粟米餅, 耶加達炒麵巴東牛肉–好腍好味呀…粟米餅–炸到脆卜卜, 未食過o既要試下! 食過就…膩左D耶加達炒麵–都好味, 有什菜, 魚片, 牛肉, 炒埋一碟. 不過都係好多油份架!店舖不大, 但都算坐得舒服. 一邊食野, 一邊聽輕快o既印尼歌曲, 都好有feel架. 服務本來都唔錯, 加水夠密.不過, o係我地由坐低到點菜到食完都只係用左35分鐘, 都算快卦! 於是放下刀叉, 諗住傾陣計, 就o向第40分鐘, 傾計途中, 老闆突然從我側邊彈出, 遞上銀盤及賬單, “多謝一佰零二”.我同朋友互望一眼, 很是奇怪. 分明趕客? 立刻把一頓愉快晚餐劃上突兀的句號. 就似施丹遭人紅牌出場. 心裡很不高興. 所以服務要扣分!!…Read More

昨晚同老公專程來得龍吃晚飯. 點了金錢雞, 山渣咕嚕肉, 窩貼小棠菜金錢雞- 看起來很特別, 是把薑片/雞肝/雞肉/大肥膏串在一起. 味道像叉燒的做法. 由於本人除了對鵝肝有好感外, 其他豬肝/牛肝/雞肝都不甚愛好. 再加那舊大肥膏, 真係…>_<山渣咕嚕肉- 一般出品, 未算出色. 炸得未夠脆口, 個汁又太杰. o個陣醋味勁濃, 非常嗆鼻. 個人認為尚有很大的進步空間.窩貼小棠菜- 把小棠菜切碎, 與類似墨魚丸的東西混在一起. 醮了脆槳, 炸成一大塊, 再切件上碟. 味道是…怪怪的.結果是非常失望. 三道菜都不好吃. 煮法是有心思的, 但味道真令人失望.服務是不錯的, 有免費紅豆沙送. 走時, 阿姐仲走到門口幫我地開門.…Read More

4月8日同朋友去日月星食, 諗住又平又快丫嘛…之前睇過joe o既食評, 諗住最好叫餐, 抵D嘛…當時1點45分左右, 去到見有下午茶餐, 有炸脾喎, 就問個收銀阿姐有無下午茶餐. 個阿姐好黑面兼幾惡咁答, “無呀! 個牌有寫時間架!”攪到我有D驚. 之後個阿姐仲好似好嫌我煩咁…>_<最後我要左豬扒餐(有豬扒, 火腿, 餐肉, 煎蛋), 份量的確係抵食.我要左咖喱汁. 個咖喱汁同白飯就麻麻地喇…雖然係抵食, 不過我覺得服務都好重要. 都明知係快餐, 唔要求乜野好禮貌好笑容. 但起碼唔好黑面對客人丫……Read More

之前一晚, 同老公黎個世界盃牙較戰. 季軍賽, 我選德國取季軍. 當然係我有眼光, 所以老公要請我食飯…嘻…黎開呢頭, 叫老公周圍行下, 睇下邊間好, 再同我一齊去食. 結果老公揀左呢一間.望落都幾好坐, 就入左去. 最奇怪係西餐格局, 但係又有日本野食, 有點不倫不類. 心唸, 好有可能兩頭唔到岸, 西同日都唔好食.我點左焗三文魚保雲酥蘇套餐.忌廉湯- OK沙律- 好味, 有肉, 有生果, 有菜. 唔係好CHEAP o個種, 正!焗三文魚保雲酥蘇- 好好味呀! 估唔到呢間餐廳可以整得咁有水準. 個白汁有少少wasabi芥辣味, 好鬼正! 個三文魚又焗得香, 值得再黎食過!餐飲熱檸茶- 無特別啦服務都OK. 我地見個三文魚上面拮左兩條野, 即刻問個女仕應係乜, 食唔食得? 個女仕應唔知, 不過都好有禮貌話即刻問下個廚師. 好快佢就覆番我地係可以食o既, 係炸左o既麵條.總括各方面都唔錯, 會介紹比朋友再黎食.…Read More

昨晚與朋友到荷里活逛街, 行完到此餐廳食飯. 當時八點半左右, 吸煙位就要等. 等左十五鐘才可入座.點左焗青口/ 海鮮天使麵/ 炸軟殼蟹天使麵/ 墨西哥薄餅基本上樣樣都有水準, 個天使麵好好味. 焗青口都正!再加上有個菲律賓男人自彈自唱, o係我地側邊唱左兩首送比我地, 都好有氣氛.既然有mood, 本來想開支紅酒. 只可惜, 此餐廳沒有Drink list, 要飲酒的話, 選擇很有限, 所以我地最後都無要紅酒.此區附近並無此類型有人唱歌的餐廳, 值得帶朋友再去! ^_^…Read More

呢度個價錢都算貴, 所以等生日先黎富貴一次.琴晚同老公黎撐檯腳, 燭光, 優質服務, 美酒, 有水準o既食物…夫復何求?我地點左前菜–鵝肝, 雖未係我所食過最好食o既, 但都唔錯. Good!Cream soup –叫一個, 分兩份上. Good!牛尾配紅酒汁–都係叫一個, 分兩碟. Good good!食到呢度, 覺得我地呢對大食夫婦可以再食多D, 就再加一個Raclette (有蛋o既). 食埋呢個就真係飽, 芝士又漏. 食後, 我認為呢個可以唔叫, 唔係幾好食…我地仲要左一支Half bottle份量o既香檳, 由侍應介紹, 唔錯. 最後, 再食埋甜品, 朱古力+云呢拿雪糕+熱朱古力醬, 好味!再加一杯玫瑰花茶, 消消滯盛惠$1500 ^_^…Read More

星期五晚, 與友人到羽壽司吃晚餐.點了一個“月”剌身併盤, 海膽壽司, 龍壽司, 海鮮Pizza, 天婦羅蟹腳壽司, 牛仔骨等基本上無乜投訴, 只係個剌身併盤除左帶子同三文魚, 其他都唔好食.個牛仔骨就鹹左D.服務都唔錯.但係兩個人食左三佰幾蚊, 又唔係太好食. 價錢方面相對就太貴喇!!…Read More

昨天差不多晚上十點才從羅湖返到九龍塘. 幸好Pappagallo開到十點, 見她的蛋糕賣相不錯, 便買了兩角特濃朱古力蛋糕同一支奇異果汁, 回家同老公仔分甘同味.服務唔錯, 女收銀員很有禮貌. 她小心翼翼地把蛋糕放入紙袋, 我帶著愉快的心情坐的士回家.賣相實在是不錯, 好像很好吃的樣子. 吃了後, 覺得是雪得硬了點. 味道是很濃的朱古力味, 不過又太甜了點.支奇異果汁不是太美味, 有點怪怪的.唔…多謝蛋糕的漂亮賣相帶給我快樂的心情, 趕走了一天的勞累. 也多謝在期待吃的一刻, 也很歡愉…只是味道只屬一般……Read More

之前黎食過一次, o個次唔知係咪新開張, 好似未係好完善, 又無乜冷氣. 印象唔多好….上星期日, 路經牛頭角, 原本想去馬蹄徑o個間酒樓, 不過好多人, 所以黎左呢間飲茶….點左:四色點心(係蝦餃/粉粿/素餃/唔知乜餃, 唔多好食)鮑魚雞絲腸粉(唔好食)唔記得乜野餃(都幾好食喎)春卷(唔知係咪漏單, 等左好耐都無黎, 最後取消, 我地唔要)另外去左大牌檔選了薄餐(好似薄餅, 好薄, 鹹鹹地. 不過呢度整得唔好食…)環境/ 服務都OK但食物水準, 尚有待改善喇……Read More

父親節前夕, 一家人到潮江春食, 叫左個父親節套餐, 整體食物質素都唔錯. 碟上陪襯o既裝飾都靚. 價錢就係三仟幾蚊一圍.都OK, 食得過o既!…Read More