VaVa's Profile

路過見到呢間小店，見到有手工冰花煎餃子，急不及待入去試下😋😋原來店舖員工都係聾啞人士，用手勢或者簡單指一指去落單，每張枱都會有提供紙筆落單，真係好感動而且非常欣賞，雖然有殘缺但仍然用心好努力做好佢，值得去支持一下💖💖午餐好多選擇，仲會包飲品，我點左10隻冰花煎餃同埋涷奶茶，餃子裡面既餡料係韭菜豬肉，好入味但唔會太鹹，每隻都好大，就算男士去食都非常夠飽🤣🤣 後來發現原來學生餐既份量好足夠而且價錢合理，學生們可以輕鬆負擔，值得加分💖💖下次再去試下西多士同咖啡先🥰🥰期待💖💖…Read More

最近天氣開始轉涼，就好想飲下燉湯，但自己整又大費周章，剛好遇到呢間主打燉湯既小店，就一於去試下😏燉湯有好多款，我地今次揀左「橄欖鮑魚豬骨湯」同埋「人蔘蟲草花雞湯」，兩款湯都非常足料，用上青欖，如果轉天氣飲就最好，可以止咳順氣，鮑魚係用新鮮鮑魚連殼一齊燉，非常鮮味😋😋 另一款人參湯就很香心參味，飲落口有一陣甘香，最重要不會太鹹😋😋 仲有准山麵又滑又爽口，跟湯非常夾👍🏻👍🏻老闆非常友善，笑面迎人，食物有水準而且好服務，一定要繼續支持一下🩷🩷…Read More

沒想到體育大樓內有如此高質餐廳！今次試「沙丹豬扒飯」，豬扒很入味很淋身，咬落去有肉汁，沙丹汁不會太鹹，配白飯剛剛好😋飲品點了涷檸茶，茶味還可以😋其實除了西式，還有中式既選擇，下次再去試下先😆…Read More

最近好興this this rice, 發現呢間新開店，又心思思買黎試下🤣今次買兩盒兩餸飯，揀左四個餸，分別有：三色椒豬腩片，三色椒爽脆甜，豬腩片都算入味不過有輕微韌魚香茄子，茄子好滑，食落有鹹魚既香味，唔會太鹹生炒骨，酸酸甜甜，不過不失，唯有挑剔係排骨無咩肉，但生炒骨就係同咕嚕肉不同，正常係帶骨的😹萵筍炒木耳絲，呢個我覺得最好味，萵筍又爽又甜，木耳絲切得好幼身，成個餸唔會好鹹，剛剛好👍另外仲送左栗米蛋花湯，不過比較淡味道😅呢個this this rice 潮流唔知會興到幾時呢？😹😹…Read More

Happy Friday! 一於去試下元朗必食既窯燒雞😋店內雖然只得3-4張堂食枱，地方不算太大，但老闆與食客既互動令到氣氛非常融洽，在此環境進餐令人有家既感覺❤️眼見到老闆係有幾百度高溫既窯取出新鮮香脆既燒雞，真係流哂口水😋 皮非常之脆，用剪刀一剪開係好似薯片咁既聲，剪開見到滿滿既雞汁雞油，雞肉非常滑，真係好美味❤️❤️ 另外老闆推介窯燒野味骨，係一排排豬肋骨，月剪刀一剪開肉汁係爆哂出黎，果然名不虛傳👍👍另外，還有桂花車厘茄，一咬落去又係爆汁，好清新既味覺❤️❤️同老闆言談之間，發現他真是用心去準備食物給客人，真係非常難得，值得極力推介👍👍👍👍…Read More

呢間台灣食堂我極力推薦👍👍牛肉麵既麵質非常彈牙，應該係手造既，牛肉雖然唔係非淋，但因為係牛展部位，都算好入味同埋唔會韌，我唔太食牛肉都試左一舊😆蚵仔麵線係我最鍾意食既，蚵仔大大粒，麵線唔會太淋身，最欣賞個湯汁，剛剛好唔會變左一舊芡汁咁👍最緊要唔會好鹹滷水豆腐，係即製既所以等左一陣，好入味唔會太鹹，豆腐仍然好滑😋滷肉飯唔會太油膩，又唔會太鹹👍台式蛋餅，蛋皮軟熟，味道中規中矩，都算唔錯👍食飽之後令我不禁回味下台灣既味道😆😆…Read More

今日同好友終於有時間去試呢間元朗打卡咖啡店，我覺得食味水準及環境比我預期的更好！一進入小店就已經覺得好舒服，牆上舖滿藍白色葡國風既瓷磚，門口位置落地大玻璃，光線透入，成個氛圍都很寧靜很舒服🩷我地點了兩杯焦糖芝士咖啡，一遞上來我地已經嘩一聲，滿滿芝士舖滿，中間一層厚奶，最下一層係香濃咖啡，視覺上已經好衝擊😂 再試下焦糖芝士既味道，鹹鹹香香又甜甜地，飲完都回味了半天😋😋因為下午茶時間，我地點了一份牛油果煙三文魚窩夫，我好欣賞店主既細心，牛油果及三文魚都放上各一份，萬一有朋友不想吃牛油果也不會影響到，不過我同我呢位朋友都係牛油果愛好者，所以我地第一口品嘗他們自製的牛油果醬已經贊不絕口，沒有一點草青味，真係非常好味，煙三文魚又不會太鹹，而最底層窩夫很香脆，是用牛角包壓成的窩夫，真係極之美味😋打完呢遍食評之後，我心思思又想再到小店試其他既咖啡及食物喇☺️☺️😋😋…Read More

今日四處都有大型活動，唯有去呢間酒店嘆下hightea, 享受一個寧靜的下午💖💖雖然呢間酒店沒有富麗堂皇既外表，內部裝修又偏舊式，但今次呢個hightea真的令人有驚喜，order了三個人份量，飽到不得了！食完最令我有驚喜係：✅ 鵝肝蒸蛋，味道非常夾，食完不會有油膩感👍🏻✅ 芝士餅，雖然看似普通，但食落不會太甜，口感好滑😆✅ Apple Crumble, 我平時最抗拒食呢個甜品因為一般都非常之甜，但今次呢個非常好味，蘋果撻上面舖滿脆脆的餅碎，有淡淡肉桂味，真想再食多一個💖✅天鵝puff充滿著童年回憶，而且不會太甜🥰呢個價錢但有如此質素，而且服務又非常好，真係值得一試再試！…Read More

媽咪生日但唔想食西餐，剛好係openrice search到呢間小店於是去試下😚😚是晚餐單：鐵板砵酒鱔球，外脆內軟，食得出鱔非常新鮮😋😋蒜茸蒸聖子皇，面頭好多蒜茸，聖子非常新鮮，蒸火喉剛剛好👍🏻👍🏻蝦多士，非常鬆脆，要預訂至有得吃，一行六人一人一件，唔使爭😂😂北菇走地雞煲仔飯，雞非常滑，剛剛好不會過老，飯粒粒分明，最緊要份量十足😋😋豬肚雞，即係胡椒豬肚雞湯，非常濃郁，雞又係一樣滑，媽咪飲得好開心🤣🤣避風塘粟米，粟米鮮甜配以避風塘既辣，非常夾！😆😆冰鎮掌翼，入味得黎唔會太鹹，而且夠淋，好味！✌🏻✌🏻椒鹽魷魚鬚，外皮鬆脆得非常有驚喜，魷魚剛剛好，非常新鮮！😍😍雖然食左咁多味，但價錢好抵，而且服務體貼又超級好，帶生日蛋榚去切又唔會收切餅費，又提供餐具，我地一定會再幫襯！💖💖💖💖…Read More

有家人生日所以提議去呢度食晚飯, 初時見到個門口真係覺得好GRAND好靚, 點知原來得個樣~~話說我地叫0左一個套餐, 包括一條海斑, 點知後來送0左兩條瓜子斑黎, 後來有個部長行過黎話送錯0左兩條瓜子斑過黎比我地, 所以我地要再加錢, 但明明係WAITER攪錯, 無理由客人去負責任, 點都講唔通喇~~經過呢件事之後, 我地以後都唔會再去架喇~ …Read More

今晚同HONEY係市中心搵糖水食, 又唔想成日食"X記", 行過見到有新野試, 立即入去試下先. 我同HONEY分別ORDER0左雞蛋紅棗水同合桃糊, 前者好好味, 食得出係用好多紅棗煲成, 而後者就真係生磨, 好有口感, 好好味~~食方面就無咩問題, 不過只係某一個侍應無咩記性, 總係幫我落錯單~~呢點要多多注意喇~~…Read More

今日一班朋友替honey預祝生日, 選擇0左黎大尾篤燒烤王!! :)地點其實幾好, 都算方便, 有75k或者20c搭到黎, 我地自己揸車黎都好易搵到, 因為佢地門口有個好大0既牌, 一定唔會錯!至於食物, 講真真係好好味, 去到bbq一定要試燒鱔, 香草羊扒, 梅子肉排(同金沙骨差不多味道)! 不過, 廁所0既衛生真係要作出改善喇, 試問bbq中途去廁所但見到裡面有"異物", 又有"異味", 食慾一定大減喇!總括黎講, 我對於食物同服務都算幾滿意, 不過, 廁所衛生真係唔改善, 我真係唔敢再去喇... >.<…Read More