大頭佩's Profile

一早訂左檯~所以唔洗等~不過只可以食到八點半~好明顯~佢地唔多夠人手~D野其實可以好快到~只係有時佢地會漏左單~每一樣野都好新鮮呀!特別鐘意食佢既鮮蝦水餃~呢個招牌魚標湯真係不得了~一拎黎滾起左我地就已經一人一碗先~正~雖則胡椒多左少少~不過都好好味~七個人食左十五碟野~<---一開始有影相..食食下已經唔記得哂~哈哈~墨魚滑好正呀!成杯雪糕咁~都好多~叫左3款菜~都好新鮮好大籃~個牛三拼真係食到最尾幾乎食唔哂~好彩有幾位男士幫手~牛利托好好食~好爽~另外我地都叫左新鮮魚卜~打邊爐我都係第一次叫佢黎食~可能本身個湯就係魚湯~所以入埋呢個魚卜入去~唔腥~仲好似D蚌咁~彈牙~超哂標仲有豬腰~友人都好喜愛~我都OK既~不過唔可以多食~久唔久一餐飽到上心口真的不錯不錯~下次要試下佢另一個招牌雞煲先得!七個人埋單都係千五蚊~抵呀!…Read More

:)首先一讚係~服務生好好招呼~等得耐送上一杯冰凍既水~同時都安慰客人好快就有檯~其實一眼望哂十幾個位~要快都幾難~不過唔緊張啦~~~~~~叫左碗清湯叉燒拉麵同醬油牛肉拉麵+味玉另外叫左一個小食~餃子~好快就黎左餃子~唔知係好水定係好油~我以為好熱添~~~其實只係溫溫地等多十分鐘左右~拉麵到了~先試湯啦~清湯冇咩特別~醬油好明顯係濃好多囉~叉燒好好食~牛肉就同肥牛差唔多~蛋亦都唔錯~麵既配料好充足~價錢亦非常合理~而家既拉麵店都係細細間,門口好多人排隊~真係要自己試過先知道有咩分別~當然~呢間係值得一試的~…Read More

知道洪水橋香辣屋搬左去元朗~於是去搵下~地方都幾"偏僻"~不過元朗人應該會知道!唔知係唔係因為細左好多,加上元朗人真係太多,所以八點半去到....入面係full哂的,同埋冇book檯,所以等左十五分鐘.我地三個人......咁岩有卡位!ok舒服.....不過眼見得四五位卡位.....叫番以前特色野黎食~招牌香辣燒雞(半隻), 炭燒豬頸肉, 泰式金邊粉 同埋一個新推介咖哩牛腩加法包!佢既炭燒野依然係有師傅用爐燒~入去其實都會閒到燒烤味架!招牌香辣燒雞~~~~好入味同埋好乾身,最正就係有埋個甜酸醬,三個人食哂半隻!炭燒豬頸肉:)~不過不失~keep到水準~不過我覺得如果可以再厚d就好~泰式金邊粉~去親泰國菜餐廳,都最鐘意食金邊粉,而佢特別多料~有埋花生碎同青檸比你~好味!咖哩牛腩加法包~呢個係服務生小姐推介既!估唔到加左個包既咖哩牛腩係咁好食,一來個包外面好脆,裡面浸左咖哩牛腩就好"霖"~同撈白飯既原理一樣,同埋佢都比左好多牛腩,反而少薯仔!最後由於佢都係新開業~所以有甜品送~好正宗既西米糕!同埋好清涼既椰青大菜糕!地方真的好細,不過三五知己ok好聚~會考慮下次再去試其他野!!!!…Read More

次次去都幾乎冇哂生蝦刺身~今次終於都食到啦~正到即刻叫多碟~嘻~通常去食泰國菜都會發現佢地既泰菜迎合香港人既口味~但呢度唔同囉~我去泰國食既幾乎同呢間一樣~最鐘意係佢既炒飯~特別的乾身~地方不大~但有房~可以一班朋友十幾個聚會~…Read More

由於一點好多人...所以十二點幾就即刻去左先~一個星期總會黎一次~因為有最健康既三色飯~其實最抵食都係個咩都有既三色飯~加埋杯野飲都係$45~佢香茅豬扒真係好食~即叫即炸的~食落又唔會太油~兩塊蝦片~我次次都留番最後食~因為好既永遠都係最後先品嚐的~嘻~加少少魚露上去~混埋粉絲既蝦片真係冇得頂~…Read More

同學好耐冇見~元朗聚餐~叫左幾個最有特色既餐紅燒豬扒餐(晚餐)$71好似叉燒~香味好濃~我諗0係元朗好難搵到一間有咁既豬扒~唔講真係唔知佢係豬扒果隻~哈安格斯西冷($98)成本高,本身就已經好有肉質,入口即溶,冇牙都可以食到!唔洗一百都可以食到,真係抵到爛!大蝦牛柳($7X)足足有六吋長~蝦身夠大~爽口彈牙~牛柳好"林"好多汁~就算D人唔食生,呢個全熟都好唔會"UN"每個餐都有湯跟同埋蒜茸包~個羅宋湯好特別~必選~濃味~料足~但又唔會覺得好味精湯~另外就係每個餐都有幾款汁比我地揀~個蒜茸汁好特別,唔係出面蒜茸加洋蔥~係茸泥整成的~D同學都好驚訝佢唔係汁係茸泥囉!環境都坐得幾舒服~初初出面睇以為佢好暗~入去又覺得幾光勁架WOR!幾個三五知己一聚真係勁開心~…Read More