hihi1031's Profile

得久沒到訪Zoe, 原來之前已搬過一次～今日嚟試左柚子， 芒果芝士和香蕉忌廉枇。柚子清新，少甜....好驚喜！ 食完一點都唔膩～芒果芝士，雖然唔啱時節，都好甜喎～ 芝士好light， 食完冇罪惡感!香蕉忌廉批，香蕉和朱古力混和了， 有濃濃的香蕉香味，批底脆脆的，唔錯~今天和下週四都tea set 供應，全日$55…Read More

知道這裡的環境不錯，人流也少，很適合悠閒的過一個寫意的下午。一入到去有一桌球枱, 玩味十足.  原來用餐要再上一層.  只有一客, 是我們太早了嗎?出去走一圈, 竟然有生蠔, 之前睇過食評, 原以為每人兩只, 實太驚喜. 生蠔並非即開, 但都相當大隻, 新鮮, 估計是美國或法國蠔吧!  開能之前沖過水, 不太夠鹹, 但頗甜, 算很不俗!其實的頭盤還有沙律菜, 煙三文魚, 烤茄子, 什菌, 芝士, 點心, 湯, 也算挺豐富. 還有數款鮮榨果汁, 正!主菜點了牛扒和鱸魚, 牛扒有點不對板, 似燉肉, 不是我杯茶. 鱸魚還好, 嫩滑.  主菜方面, 這裡的只算平平.最驚喜的是甜品是以三層架形式上, 一到來. 忍不住嘩咗一聲. BUFFET 連三層架high tea! 最上層係cream bulee , 荔枝果凍和panna cotta. 以荔枝果凍最驚喜, 好大粒荔枝, 好甜哩!其餘的還有泡芙, macaroon, 士多啤梨撻, 檸檬芝士撻, 香橙蛋糕, petits four. 全部味道不俗. 檸檬芝士撻很香, 係驚喜之一.  香橙蛋糕呢個平日甚少吃, 但呢度係橙香味濃, 也被我掃光了~全餐的亮點應該為生蠔和三層架甜品吧! 值得一試! …Read More

好想食泰國野，見呢間都幾多人幫襯，就試下囉！雜錦拼盤：呢個幾驚喜，有蝦餅，燒蝦，串燒，泰式鳳爪，燒豬頸肉。所有都即整，夠熱。蝦餅幾足料，唔係得個粉字。 燒蝦幾大隻，新鮮。 串燒幾juicy。 泰式鳳爪夠入味。豬頸肉配埋個醬汁，幾惹味。海南雞飯，呢個很一般，唔係好有雞味，飯也不是油飯，係幾個醬汁搭夠。冬蔭公豬扒湯粉，冬蔭公湯味道尚可，不算很突出。份量頗大，一個男生吃了也夠飽。總括而言，呢餐都算唔錯，可以再幫襯！…Read More

 有幸約埋友人一齊試下呢度既四道菜午餐. 可選擇以不同地點命名的菜式.先嚟鮮果汁或白酒/紅酒一杯.首站選了奧地利鱒魚子醬配馬鈴薯, 酸忌廉及辣根.  賣相好靚, 鱒魚子極鮮甜,  味道有點似三文魚子, 但鮮甜點. 馬鈴薯連黑色薯皮焗, 配黑色酸忌廉, 味道極配之餘仲好型.  主菜揀咗越南, 係乳豬配紫椰菜, 粉紅胡椒和蘋果, 上菜時, 心裡不禁嘩了一聲, 洗唔洗咁靚呀!?    蘋果捲著經醃製過的紫椰菜, 酸酸甜甜, 好開胃. 配以經煙薰過? 的烤乳豬. 皮脆, 肉香且嫩滑. 真係好鬼好味!!  再來係法國的三款精選芝士, 藍芝士頗香, 但有點過鹹, 試了兩啖, 最終都放棄了.  最後的甜品揀咗鳥結糖配蛋白脆餅, 榛子及可可, 賣相不俗, 但過甜了點, 其中蛋白脆餅較可取. 還有咖啡或茶作為完美的結尾!…Read More

是晚試試呢間酒吧餐廳，一向都認為飲野既地方食物質素不值一題，估唔到有意外驚喜！先來枝Torres 2013, 幾易入口，帶少少甜味，好啱女仔。 而家開酒仲送一個platter, 有海鮮，Parma ham 配芝士， 芝士火鍋等。我們揀咗個Parma ham platter, 風腿和芝士質素不俗，以送的來說，絕對收貨。再來有炸魚薯條，新鮮即炸的魚柳，juicy 又厚身，薯條脆卜卜 唔錯！ 係時間點番個主食，牛肝菌意大利飯，呢個係是日驚喜。牛肝菌的香味四溢，意大利飯軟硬適中。值得推介！呢個體驗，令我對酒吧餐廳有點改觀，不但可以飲野，亦係晚飯之選。 …Read More

經友人力推呢度既生蠔放題，是晚即興放肆一番。生蠔有四款，澳洲，法國，蘇板蘭和南非。 澳洲可能不太合季節，較細，味道尚可。法國size中等，較淡。蘇格蘭和南非很不錯，肥大肉厚，有海水味也不失清甜。 四款都新鮮，唯可能太多蠔等著開，常有蠔殼碎，要改善一下才行。四個人，食了差不多九打生蠔，回本了～ 前菜，有吞拿魚卷或甘荀湯，前者一般，湯反而有驚喜，很濃郁！在食咗好多生蠔後，飲番個湯，係不錯既選擇！到主菜，有5-6款，我們要了牛扒和春雞。 牛扒味道一般，但伴菜翠玉瓜上竟加了芝士焗，又幾好味喎～  春雞加了孜然粉，香氣迫人，用鐵板上，味道還可。最後，還有甜品，普通。總括來說，若你是蠔痴，只鍾情食蠔，相信這個生蠔放題可滿足你的願望。…Read More

由於太忙的關係, 很久也沒有提筆了. 本人一向都係忍惡揚善, 對於味道不佳的餐廳, 很少批評. 通常只跟大家分享美味的回憶. 但這次真的要跟大家分享一下, 以免成為下一個受害人.本來預訂了兩打生蠔, 跟友人慶祝一下. 點知最後得番個"慶" 字!!! 原定了6-9PM 送貨. 司機5點多打來, 我話六點後先有人, 咁佢話六點半送嚟啊! OK, make sense!趕到家, 6:35pm, 見到有張沒留電話的字條, 說已走了, 叫我們打電話去, 他們會再安排送遞. 請注意, 是沒有留電話的. 我們最終打到ocean three (下稱o3), 他們說會跟司機再安排. 7:15, 音訊杳然, 好吧! 再打給o3, 小姐說司機沒跟你安排嗎? 後來她說司機已去了將軍澳送貨. 會儘快送來. 再等, 7:45, 電話也沒有, 我們再打給o3, 小姐說再跟進. 後來回電說他們不能這麼快送到, 10:00 可以嗎?? 我沒好氣的回答, "小姐, 10點鐘先吃飯, 你自己ok 嗎?" 再者, 送將軍澳不是送上水, 或澳間吧! 三小時才回來嗎? 還有, 送貨時間為6-9, 我真係摸不著頭腦....她連忙說再安排. 過一會後, 她再來電說真的沒辦法. 可否明天送. oh !!! 訂單中不是說, 生蠔必須即日吃嗎? 還有, 在沒冷凍的情況下, 叫我明天食. 你認為我的胃真的那麼強, 承受得了嗎?? 是否想送我病假幾天? 真的很感激, 不用了. 當然, 那時的我很生氣, 等了又等, 最終換嚟sorry, 嚟唔到. 大佬呀! 你個公司官塘有店, 不可以馬上安排嗎?? 一個職員說, 店關了. 後來另一職員接過電話, 又說生蠔很有限, 未必有我要的款式. 我更"慶"了, 你以為客人是白癡嗎? 若你們bull shit 理由, 唔該諗得好d 和一致點. 當然, 若o3 真的有誠意去處理, 他們可以offer 官塘得咁幾種蠔, 問我可否. 明顯地, 他們只想耍我....更可笑的是, 她說你下一次訂, 跟我們說聲, 我們會用自己的車送給你. oh, 即係你們一早知那速遞有問題啦! 另外, 你以為我會再跟你訂嗎? 相信沒有客戶可接受這對待. 也沒有人會送上門再受一次氣囉. 最後, 我要求他們老闆處理這投訴. 當然到現在也沒有處理. fine! 這樣一來, 我對o3 這公司可打入冷宮. 本來也幫襯了不少次, 現在好了. 可給我機會試試另一些. 反正他們不愁沒客. 相信客人訂食物, 也只希望開心吃一餐, 不是要惹自己生氣. 很冇謂. 所以特意提醒各位蠔人好了.ps. 剛睇到原來之前也有其他受害人, 希望大家引以為鑒. 冇謂慶祝變"慶爆"! …Read More

記得曾有推介這裡的奶茶, 身為奶茶精的我, 當然唔會放過, 剛巧要到訪妹妹屋企, 經過呢頭, 一定要試試啦!下午茶餐, 多到眼花撩亂, 除了1-1x 咁多個外, 仲有abcde.... 餐. 幾經辛苦, 把卡路里拋諸腦後, 先揀咗呢個超豐富的下午茶餐. 包括炒旦, 茄汁焗豆, 雕咗花既珍寶腸, 奶醬豬仔飽和奶茶. 最欣當係珍寶腸和豬仔飽, 好有誠意, 界刂咗少少紋, 煎出嚟靚仔好多. 奶醬豬亦烘得好脆, 抵讚! 敗筆既竟然係最有期望既奶茶. 老實說, 有點澀, 奶亦唔夠, 飲了一半, 放棄了.... 唔想再浪費quota. 呢份咁豐富既下午茶, 只係$17, 真係抵到無朋友. 若唔係要咗奶茶, 相信評價會更高. …Read More

呢間甜品舖是至愛之一, 最like 既係佢既咖啡果凍伴雪芭. 每次都必叫. 今晚又嚟到, 當然例牌叫呢個, 點知店員話個咖啡果凍賣晒, 話換兩粒其他果凍俾我們... 但一想到d 味道唔多夾, 就耍手兼擰頭啦... 問佢可否換其他野, 店員最後都好好, 話俾多個雪芭我們, 雖然多咗d, 但都好啦... 一嚟到, 有成四球, 我都係第一次食咁多個雪芭, 勁開心呀! 雪芭咖啡味濃, 又有粒粒果仁, 加埋咖啡果凍粒粒, 一軟一堅, 就係好正! 四個雪芭, 雖然好似好多, 但不消十分鐘, 已被我們籤滅了. 超滿足! …Read More

見新開張, 都幾多人等, 咁就試下啦. 見枱枱都有個鍋, 以為係打邊爐. 原來更加特別, 係先點一個有炆送的鍋. 侍應會送上所點的材料和菜蔬, 再加上醬汁炆煮. 係大家食完個鍋之後, 先再加湯和其他火鍋料打邊爐. 呢個食法, 之前只係香辣蟹都食過. 都其特別.先點涼菜, 口水雞, d 味道有少怪, 唔知點形容, 係辣以外, 有種怪味, 嘛嘛地. 麻辣涼粉, 呢個好香, 涼粉好吸味, nice! 涼拌海帶, 以為係唔辣, 點知都有少少辣, ok 啦, 海帶好爽. 唔錯. :)蒸白菜豬肉餃, ok, 皮唔算好厚, 有少少肉汁, 幾好. 我們點了三個送來炆, 有雞, 白鱔和鱘龍魚. 雞和白鱔都幾新鮮, 不過鱘龍魚好似鯇魚咁, 我估都係被騙啦... 醬汁要了一般的燒汁, 顏色好深, 但味道頗淡. 鍋食到七七八八時, 店員為我們加湯, 我們再加白菜, 寛粉, 豆苗, 腐竹和羊肉. 菜和腐竹ok. 本以為寛粉會似肥羊粉, 又唔係喎, 冇咁滑架, 但都幾煙un, 都係肥羊粉好味d. 羊肉有少少羶, 但湯都濃濃地, 可以接受. 總的都係一般, 因為幾樣材料煮在一齊, 失卻了各自的特色, 醬汁味道較失色. 另外, 侍應很新, 招呼麻麻, 打翻一個小碗, 數名侍應一起處理, 都幾搞笑... …Read More

由於某團購可以以半不多半價來買優惠券, 又未試過真正食一次呢度既pizza, 因為兩個人, 食一個都有點吃力, 又不可以點太多其他的食物. 今次就豁出去, 試下呢度既pizza la!睇食評見巴拿馬火腿pizza comment 唔錯, 就點呢個啦! 仲要多兩個律, 分別係雞肉凱撒沙律和蕃茄mozzarella cheese, 可以平衡一下嘛. 沙律先上, 凱撒沙律都幾fresh, 個醬汁唔太杰身, 幾好. 不過食食下, 咬到有d 好似鹹魚的粒粒, 就太鹹了, 感覺唔係幾好. 蕃茄mozzarella chesse, 呢個點少少黑醋, 個蕃茄好新鮮, 加味輕既mozzarella chesse, 的確幾夾. 兩個沙律仲有d 伴碟既麵飽波波, 加少少醋, 幾脆和鬆軟, 都唔錯.最後上既當然係pizza, 巴拿馬火腿幾香, 放在舖滿蕃茄醬和香草既pizza面, 再加芝士, 都幾夾. 餅底幾薄, 唔油, 所以兩個女仔先可以食得落, good! 不過唔知係唔係巴拿馬火腿唔可以焗太久, 個pizza 唔係咁熱喎. 呢度都失少少分. overall, 都ok 既!但有個好差既地方係, d 侍應只招呼老外, 我見有香港人問有冇枱, 他們答要等半小時. 但下一pair 人問, 有個係老外, 佢地就俾枱佢, 有冇搞錯?! 真係有d 睇唔過眼. 因為用半價coupon, 兩個人只係$160, 以呢個價錢和質素, 算係唔錯啦! …Read More

呢間食肆近來人氣急升, 據知booking 長期full, 要等成個月先book 到. 大日子臨近, 想搵間新食肆慶祝下, 就胆粗粗早幾日打嚟試下. 侍應話fully booked, 但係可以留低資料, 若有人當天cancel, 可留位俾我. 就係咁, 終於唔洗預早好多book, 就可以一睹呢度的風彩....訂了早輪, 6:00pm-8:00, 有剌身拼盤送, 包括帶子, 三文魚, 甜蝦剌身和卷物. 雖然係送既, 但剌身都幾新鮮, 係帶子味道差咗少少, 唔係太鮮甜, 其他都唔錯. 跟手點了d 小食, 胡麻豆腐 (夠豆凍的百福豆腐, 唔錯), 青瓜(清新), 和風沙律(清清地)食咁多燒肉, 有d 凍豆腐, 青瓜咁中和下, 真係幾舒服. 肉類方面, 點了 :芥末一口牛 : 冇乜芥末味喎, 但都ok 好味既.芥末一口牛舌 : 牛舌質感唔錯, 好嫩, 軟綿綿咁. 鹽燒牛舌 : 呢個冇用source, 我覺得仲好味d, 加少少七味粉, 自己調下味, yummy~鹽燒牛胸腹 : 呢個係最晚最正, 一上枱已覺得幾靚仔, 脂肪分佈都幾均勻. 牛味都幾夠, 要encore 添! 果汁牛胸腹 : 呢個肉質係一樣, 不過調了味, 有d 甜甜地既source, 都係鍾意自己調味多d.燒汁牛肋骨 : 呢個燒完好juicy, 唔會乾爭爭.黑椒雞軟骨 : 第一次燒雞軟骨, 仲驚燒唔熟, 又唔會喎. ok, 幾惹味.蒜味雞 : 味道可以.意大利香草雞 : 香草味幾濃, 唔錯!黑七味雞中翼 : 呢個係最差既, 又咸又辣.... 鵝肝鴨胸卷 : 呢個都幾好味, 鴨胸卷住d 鵝肝醬, 不過燒時好易跌咗鵝肝醬出嚟..... 但幾好味, encore 咗! 鴨舌 : 呢個都ok.虎蝦 : 一人送一隻, 都幾鬼大, 味道還可, 但唔係好特別. 始終都係雪藏貨, 差少少既.帶子 : 呢個唔錯喎, 點些wasabi + 豉油, good!香草蝦 : 呢個係蝦中間加咗d 牛油香草, 味道一般.南瓜 : 超甜冬菇 : ok粟米 : 又係超甜, 見隔枱點了十幾廿件... 好嚇人...生菜 : 呢個仲跟埋面豉醬, 包住d 肉嚟食, nice! 雞軟骨餃子 : 呢個放得耐咗, 凍晒, 味道嘛嘛....埋單$228 加一, 食兩個小時, 時間趕急了點, 若有三小時會好d. 侍應服務ok, 見佢主動替其他食客換網... haha, 不過冇問我們... 都ok啦. 食物質素, 老實說, 味道分別不是很大, 盛八會較好. 但當然一分錢一分貨. 以放題而言, 呢度算ok 啦. 不過要等一個月既話, 未免太誇張了吧! …Read More

呢間食肆近來人氣急升, 據知booking 長期full, 要等成個月先book 到. 大日子臨近, 想搵間新食肆慶祝下, 就胆粗粗早幾日打嚟試下. 侍應話fully booked, 但係可以留低資料, 若有人當天cancel, 可留位俾我. 就係咁, 終於唔洗預早好多book, 就可以一睹呢度的風彩....訂了早輪, 6:00pm-8:00, 有剌身拼盤送, 包括帶子, 三文魚, 甜蝦剌身和卷物. 雖然係送既, 但剌身都幾新鮮, 係帶子味道差咗少少, 唔係太鮮甜, 其他都唔錯. 跟手點了d 小食, 胡麻豆腐 (夠豆凍的百福豆腐, 唔錯), 青瓜(清新), 和風沙律(清清地)食咁多燒肉, 有d 凍豆腐, 青瓜咁中和下, 真係幾舒服. 肉類方面, 點了 : 芥末一口牛 : 冇乜芥末味喎, 但都ok 好味既.芥末一口牛舌 : 牛舌質感唔錯, 好嫩, 軟綿綿咁. 鹽燒牛舌 : 呢個冇用source, 我覺得仲好味d, 加少少七味粉, 自己調下味, yummy~鹽燒牛胸腹 : 呢個係最晚最正, 一上枱已覺得幾靚仔, 脂肪分佈都幾均勻. 牛味都幾夠, 要encore 添! 果汁牛胸腹 : 呢個肉質係一樣, 不過調了味, 有d 甜甜地既source, 都係鍾意自己調味多d.燒汁牛肋骨 : 呢個燒完好juicy, 唔會乾爭爭.黑椒雞軟骨 : 第一次燒雞軟骨, 仲驚燒唔熟, 又唔會喎. ok, 幾惹味.蒜味雞 : 味道可以.意大利香草雞 : 香草味幾濃, 唔錯!黑七味雞中翼 : 呢個係最差既, 又咸又辣.... 鵝肝鴨胸卷 : 呢個都幾好味, 鴨胸卷住d 鵝肝醬, 不過燒時好易跌咗鵝肝醬出嚟..... 但幾好味, encore 咗! 鴨舌 : 呢個都ok.虎蝦 : 一人送一隻, 都幾鬼大, 味道還可, 但唔係好特別. 始終都係雪藏貨, 差少少既.帶子 : 呢個唔錯喎, 點些wasabi + 豉油, good!香草蝦 : 呢個係蝦中間加咗d 牛油香草, 味道一般.南瓜 : 超甜冬菇 : ok粟米 : 又係超甜, 見隔枱點了十幾廿件... 好嚇人...生菜 : 呢個仲跟埋面豉醬, 包住d 肉嚟食, nice! 雞軟骨餃子 : 呢個放得耐咗, 凍晒, 味道嘛嘛....埋單$228 加一, 食兩個小時, 時間趕急了點, 若有三小時會好d. 侍應服務ok, 見佢主動替其他食客換網... haha, 不過冇問我們... 都ok啦. 食物質素, 老實說, 味道分別不是很大, 盛八會較好. 但當然一分錢一分貨. 以放題而言, 呢度算ok 啦. 不過要等一個月既話, 未免太誇張了吧! …Read More

有時星期六下午心思思, 就會跑到老遠的永年士多, 食番碗車仔麵. 老實講, 真係好鬼遠, 不過真係幾好味, 冇計啦....今次又老遠跑入嚟, 三點幾, 都要排隊, 據聞什麼時候都要排隊, 唉!點了:冬菇: d 冬菇炆得好鬼入味, yummy! 豬皮: 好爽, 平時食既成日都淋到死, 呢度的好爽口豬腸: 呢個係我的favorite, 最怕有時食到的有陣up 味, 平時好少食. 係友人推介, 先放胆一試, 真係幾唔錯. 又好入味, 推介!牛肚: 呢個係一塊塊的去煮, 要時先剪俾你, 所以唔會繪晒水, 相對豬腸, 呢個唔太特別. 要咗米粉和加咗辣汁, 好惹味呀! …Read More

剛開張時, 由於唔記得餅店名字, 在九龍城轉了幾個圈, 都找不到. 激死! 終於做定功課, 弄清楚名字, 剛好係八點前趕到, 不致再緣慳一面.見大家最推介的係chocolate truffle 和拿破崙, 打算認這兩款. 可惜拿破崙只餘下士多啤梨, 我較好芒果, 所以放棄了. 只試了chocolate truffle, 這個果然係不二推介. 賣相精緻, 表面淋上一層薄薄的朱古力漿, 還有少少的雲石紋, 不知是師傅的朱古力漿開得唔勻, 還刻意弄成, 但一於少理, 覺得靚就得啦. 味道方面, 好滑的mousse, 有少少似食緊雪糕的感覺, 朱古力味也十分香濃. 食多啖, 少驚覺內裡有薄脆, 好crunchy, 又滑又脆的感覺, 實在不俗. $35一件, 的確是貴了點, 記憶中跟酒店價格相若. 但物質不俗又的確係事實. …Read More