shan66332200's Profile

行完街想食酸菜魚，姚姚酸菜魚之前都食過一次唔錯😋滋味共享套餐($438)呢個餐2個人食都足夠，包含半隻北京烤鴨、酸菜魚、孜然椒鹽鴨架、薯仔絲半隻北京烤鴨鴨肉份量唔少，呢度鴨皮會切走過多嘅皮下脂肪，唔會食到成口油淋淋，餅皮都keep到軟熟👍🏻酸菜魚我哋揀左少辣，湯底花椒味香，麻香十足好惹味，魚肉嫩滑入味，酸菜份量多，唔會太酸，食唔停口🤤孜然椒鹽鴨架、薯仔絲鴨架加入孜然椒鹽惹味，有少少麻香～薯仔絲係涼菜，辣辣地，簡單好食…Read More

地點方便，喺尖沙咀警署隔離棟大廈，上到去見到餐廳好闊落，坐得都幾舒服～呢度嘅午市火鍋放題都幾抵，我哋叫咗個Level 2 嘅美國Prime Grade 牛肩胛肉任食套餐($198)，另外都額外加咗$40追加海鮮湯底種類多，有成20款湯底，有辣有唔辣，仲有啲係養生嘅湯底，我哋最後揀咗胡椒豬肚雞鍋，湯底嚟到見到勁多雞件同豬肚，雞肉仲要幾嫩滑，湯頭鮮甜好香🤩食材多元化，我哋都點咗好幾款，一開始緊係要試吓Prime Grade牛肉片，肥瘦平均，肉質唔錯，食落有油脂香👍🏻而無激素豬肉片食得夠安心之餘，肉香都幾好，唔會嚡熠熠海鮮叫咗海蝦、帆立貝、花膠、黑毛肚等等，賣相都唔錯～可以一試另外佢都有一啲自家製系列幾特別，例如手打梅菜豬肉丸、手打墨魚丸、手工黑松露墨魚滑、手工餃等等飲品種類都有好多，除咗有一啲大路嘅飲品外，仲有自製嘅烏梅山楂茶、台灣黑糖冬瓜檸檬茶、各類的冷泡茶，好正🥰🥰最後緊係有雪糕作結，可以揀一款，有Movenpick, Haagen Dazs, Dryers ，真係好抵食！推介～…Read More

喺大埔墟買完餸見到呢間小店keep住有人排隊，所以買嚟試試佢～ 佢主要係做外賣，有台式嘅甜品、特色多芒甜品、傳統糖水、特色飲品、餃子、粢飯等等，都幾多元化👍🏻👍🏻☁️芋泥紅豆仙草芋圓($38)足料👍🏻👍🏻鐘意芋泥一定要試！裝得好滿，芋圓大大粒，好煙靭，煮得唔會好淋，仙草都幾多，食到甘草味，勁多芋泥勁滿足😍😍，成碗食落唔會太甜，好豐富～☁️綜合芋圓燒仙草（紅豆+ 仙草＋西米＋珍珠＋芋圓） ($42)有選擇困難可以揀呢款😂咩都有啲，口感勁豐富，西米同珍珠有咬口，唔會痴埋一舊舊，好出色✨燒仙草滑溜，讚！☁️咸蛋黃煎餃($50)特登試吓呢款特色餃子，一盒有10隻餃子，煎得幾香口，餡料有豬肉、黑木耳、咸蛋黃等等組成，咸蛋夠咸香，更加邪惡😆☁️即包粢飯($25)必試！！超級好味嘅粢飯😋😋，即叫即整👍🏻糯米飯煮得軟糯，比例剛剛好，油炸鬼超級香脆🤩榨菜調味甜咸適中，肉鬆好好味，一句講晒，好味！下次都會再食呢間小店！…Read More

第一次喺元朗食omakase，位置喺B仔涼粉對面，都幾易搵裝修得好光猛，全Bar枱形式，可以近距離睇到師傅點烹製食物～我哋係食lunch，$880加一，全15品，另包埋茶碗蒸、海藻小食、味噌湯及甜品，整體感覺唔錯，食材非常新鮮😍😍🔸開胃菜海藻小食酸酸甜甜好開胃；茶碗蒸熱辣辣，入面有鳴門卷及蟹柳，蒸蛋好嫩滑，面頭嘅黑松露醬令到每一啖都好香～🔸前菜☁️北海道蠔 ，淋咗自製嘅酸汁，啖啖肉好有鮮味☁️鰹魚刺身，表面有少少灸燒過，帶出咗香味同口感☁️鱈魚白子，食落去爽口，冇腥味，加少少豉油已經好鮮☁️鯖魚刺身，新鮮嘅鯖魚會呈現鮮紅色，配埋薑蔥，食落更清新☁️拖羅蓉配自家製鍋巴，鍋巴好香脆，拖羅蓉好有油脂香，2者食更有層次👍🏻☁️鮟鱇魚魚肝，一啲都唔腥，好清甜，creamy 香濃甘香😋🔸壽司聽壽司師傅講呢度嘅壽司豉油係用左3飯唔同嘅豉油調出嚟👍🏻☁️醬油漬赤身 - 拖羅嘅背脊浸過醬油，油脂較少比較有咬口☁️中拖羅 - 油脂平均，食落軟滑香口☁️醃漬三文魚籽 - 魚籽大大粒，鮮味十足，好清甜☁️灸燒喜知次 - 燒過之後更帶到油脂出嚟，食落更肥美，肉質細嫩☁️大拖 - 吞拿魚最肥嘅位置，熟成過夠晒正，油脂豐富☁️灸燒吞拿魚面珠墩 - 比較煙靭同埋鮮甜啲☁️甜蝦 - 面頭加咗煮左2日嘅蝦膏醬，有非常濃郁嘅蝦味，蝦肉彈牙又回甘👍🏻☁️右口魚 - 油份多，食落口非常滑☁️馬糞海膽 - 鮮甜度高，海膽味鮮甜～☁️白海膽 - 顏色較淺，味道較重☁️焙茶布甸 - 焙茶味非常濃😍，茶香回甘，而面頭甜甜哋嘅紅豆就平衡返成個感覺…Read More

餐廳喺工業區，相信閒日有好多上班族嚟食飯～ 環境舒適，食物唔錯💃🏻巴馬火腿火箭菜薄餅($168)自家製Pizza係呢間餐廳嘅招牌之一，薄餅底唔會過厚，有少少煙韌，有少少脆，配上滿滿嘅巴馬火腿，再加上香味誘人火箭菜，咸香好味😋蟹肉巴馬臣芝士蕃茄忌廉汁通粉($138)巴馬臣芝士味香濃，意粉煮到仲有少少咬口，每一啖都有蟹肉，成個感覺好Creamy👍🏻Latte +$18 Cappuccino +$18呢度嘅咖啡都唔錯，唔會太苦，味道啱啱好～…Read More

一入到餐廳就有種好舒服嘅感覺，好光猛好chill~Flames 特盛早餐 ($158)放假遲起身食返個brunch, 成個set有炒蛋、香腸、炒蘑菇、sour dough 等等，夠晒豐富～紅酒燴牛面肉草菇扁意粉($148)推介呢個意粉，牛面肉好腍，有非常多草菇一齊煮，面頭仲有好多芝士，成個配搭一齊食，非常之香濃～好好味😍2個餐都有加+$15 跟餐湯同埋沙律 ，想講個南瓜湯好綿密～Flat White ($18) 凍檸茶($18)配個brunch加返杯咖啡係必須的，咖啡好飲～奶泡拉花靚✨…Read More

太耐冇食韓國嘢了，行完街搵嘢食就試試佢～A+B+C Set ($560), 有Main Course 2款，1款小食，1款甜品及飲品Main Course 🫧肉醬牛胸肉蛋包飯蛋包非常靚仔，蛋夠嫩滑，牛肉份量都幾多，係豐富改良西式版嘅蛋包飯✨🫧辛辣肉醬年糕將經典韓國食物變奏而成，辣炒年糕加上辛辣麵，再淋上肉醬，似肉醬意粉嘅味道，唔食得辣嘅都啱食～小食🫧炸雞拼盤可以自選3款味道，我哋揀咗芝士、洋蔥汁、甜辣炸雞，份量都唔少，最鐘意都係甜辣味🤭甜品🫧甘筍Oreo慕絲蛋糕造型好似盆栽十分可愛，成個甜品由面層Oreo、朱古力mousse、忌廉、朱古力啫喱組成，朱古力味濃～🫧溶化朱古力鐘意朱古力嘅人一定要飲！朱古力味非常濃郁，係平時朱古力奶濃度嘅三倍👍🏻🫧濟州綠茶鮮奶抹茶味係有回甘，唔係坊間飲嗰啲咁甜，飲落去好順滑，唔錯🫶🏻…Read More

環境好靚嘅餐廳，有分戶外同室內，今次我哋坐咗室內，個feel好正😍下次想試吓坐埋室外～Salmon Tartare ($128)賣相無得頂呀，米餅上面加三文魚他他，作為開胃菜一流～KABOOM Sharing Platter ($248)有脆皮豬肉串、單骨雞翼、春卷、泰式魚餅、蝦棗，樣式豐富好味👍🏻Lobster Pasta with Lobster Tail ($268)龍蝦肉質新鮮！食落彈牙👍🏻Pasta 質感煮得啱啱好唔會過淋，有咬口，而家諗返都想再食呀😋Sambal Stingray ($268)第一次食魔鬼魚，估唔到肉質幾特別！係一絲絲㗎～Sambal sauce 都係第一次試呀，幾惹味～值得一試👍🏻呢度另一賣點係Cocktail! 無論係飲品嘅名稱同顏值都好出眾有趣😂 味道都係非常好，十分推介呢度嘅Cocktails ~…Read More

屯門紅橋出咗名多嘢食，喺附近食完飯再嚟食個甜品👍🏻焦糖心太軟配自家製香橙Gin酒雪糕($62)呢度招牌係心太軟，心太軟呈心型十分靚仔，最經典一定係朱古力味，今次試咗焦糖味，一切開焦糖流心漿已經流晒出嚟，食落絲滑，焦糖香甜但唔會過甜，再加埋呢度嘅自家製香橙Gin酒雪糕一流，清新好味🤤蘋果金寶配自家製岩鹽焦糖雪糕($59)賣相靚，香脆餅乾碎底下係熱辣辣嘅肉桂蘋果，一啖包含餅乾碎、肉桂蘋果、自家製岩鹽焦糖雪糕，有少少冰火交融嘅感覺😬店舖用料實在，有小店嘅溫暖～🫶🏻…Read More

餐廳喺荃灣廣場地庫，幾就腳，喺附近行完街嚟食飯都唔錯😬叫咗個Pipi Pizza 2人餐，包含餐湯蒜蓉包、沙律、主食餐湯係紅湯配蒜蓉包，蒜蓉包好脆～沙律揀咗慢煮雞胸日式胡麻沙律，份量都幾多，味道正正常常主食試咗黑松露野菌燉飯，賣相幾靚，味道唔錯，食落非常creamy! 黑松露味好香😋啲野菌唔會太淋，保留到有少少爽口，加埋啲飯一齊食好好味👍🏻同埋揀咗有秘製北京烤鴨薄餅，呢個配搭係比較fushion，結合咗香港人嘅口味，食落唔會違和，餅底係屬於薄身脆脆的，連埋微焦嘅芝士食夠惹味👏🏻另外追加咗德國腸拼盤伴薯蓉，好味🤤德國腸煎到微焦，保留到肉汁，脆皮腸食落juicy，薯蓉好棉密～追加脆炸粗直薯條配松露蛋黃醬，咁嘅配搭一定係冇得輸，炸得香脆好味👍🏻海鹽抹茶芝士奶蓋（左），熱抹茶牛奶（右）我哋2杯都係抹茶，飲品賣相幾靚😙飲落抹茶香都唔錯，不過個人覺得可以再甜多少少😆…Read More

餐廳好有日本feel，店內播住日本老歌，好悠閒舒適～烤雞肉鮮茄意大利飯($98)本身以為冇乜特別嘅一碟risotto, 但估唔到食落去有驚喜，鮮茄汁酸甜適中，risotto有咬口得嚟唔會太硬，雞扒夠滑，一齊食balance 得好好～蒲燒鰻魚炒蛋漢堡配薯條($88)個人覺得性價比之選✨，漢堡有大大塊鰻魚，中間夾有炒滑蛋、蕃茄同生菜，因為鰻魚本身都好夠味，所以都唔洗另外加醬汁都好好味👍🏻另外有薯條同沙律伴碟，好夠飽～辣炸魷魚($68)炸得香口，粉漿唔會過多，點埋醬汁更惹味～香辣炸雞翼($55)另一款炸物，雞翼夠大隻，脆卜卜好味🤤熱情果沙冰($28)夠清爽，熱情果味怡人👍🏻芒果奶昔($40)賣相靚，飲落smooth~…Read More

終於試到大滾友啦，之前成日經過都冇機會試～附近成條街都係食肆，餐廳好近形點，喺西鐵站行過去好快到👍🏻裝修好有中國風，好有feel~我哋揀咗半隻花膠雞湯底，湯底幾香，雞件好滑，令我幾驚喜😍因為平時食嘅雞好容易煮得好柴，但呢度啲雞肉幾嫩滑，有雞味👍🏻花膠都幾厚，煲咗一陣之後食落真係有花膠味，同埋幾淋滑，我都幾鍾意😋😋☁️牛肉拼盤（細）擺盤十分精美，好大一盤牛肉，包括有牛舌、牛板腱、靚肥牛等等，肉質新鮮，食落富有牛香，仲有少見嘅黃喉，好爽口🤩☁️雜菜拼盤份量好足夠！新鮮！好多唔同嘅蔬菜類，例如蕃茄、芋頭、萵筍、金菇、生菜、油麥菜、粟米等等，真係好抵～推介✨☁️ 伊比利亞橡果豬擺盤靚，豚肉片油脂分布平均，食落唔似豬肉，肉味濃，夠嫩滑，烚一烚就食得～☁️ 手打鵝肝墨汁墨魚丸坊間比較少見嘅肉丸，入面真係有包住一粒鵝肝，食落都幾特別，都值得一試～☁️響鈴拼盤推介～ 應該係自家製，有一半嘅響鈴係即食嘅，外面包滿鹹蛋黃，炸得好酥脆好好味😋另一半就烚嚟食，食到好香嘅豆香👍🏻叫咗2杯Stella生啤～甜品幾有噱頭，名字叫火焰焦糖豆腐花，睇得又食得😂…Read More

餐廳喺重慶大廈入面，入到嚟彷彿去咗另一個國度，好似去咗旅行咁😂呢間印度菜非常好味，一試難忘，愛上咗印度菜🤩 食物高質，調味適合香港人～乳酪脆米球($75)印度嘅著名小食之一，外層炸得香脆，內裡係豆泥及乳酪，面頭係脆脆嘅topping，酸酸甜甜好開胃😍，要快啲食，擺耐咗會變淋～印度燒雞 半隻($108)用鐵板上的，所以雞肉可以熱辣辣上枱，雞肉係4舊大大件，建議都係要快啲食，不然雞肉會變乾，整體好惹味～瑪莎拉咖哩烤雞($118)咖喱夠香，係由多種香料製成，味道唔會太辣，雞件都幾嫩滑，一定要配烤餅😋牛油烤餅($28)每次食咖哩都必叫，所有烤餅都一定要襯熱食，烤餅點咖喱食一流🤤印度芝士餡餅($40)上到枱熱辣辣，芝士味香濃，襯熱食好鬆軟👍🏻Mango Lassi ($42)印度經典飲品，每次食印度菜必飲，芒果同乳酪配合得剛剛好，好creamy 香濃～Indian Tea ($30)推介！同港式奶茶完全唔同，有好獨立嘅印度香料味，但香料味又唔會太濃烈令你接受唔到～好好飲👍🏻…Read More

餐廳位於放題火鍋店林立嘅創興廣場，呢間係韓式燒烤放題，睇落幾新淨開咗無耐，一於試試佢～我哋食假日午市放題，連埋加一大人一位$185，個人認為幾抵食，款式幾多✨一坐低就拎咗一盤九宮格嘅肉類俾我哋，望落幾好，我哋最鍾意係五花豬腩肉、豬頸肉、排骨～ 用生菜包住，夾埋泡菜、蒜片嚟食好正👍🏻好多泡菜款式呀，有成十款，好味！一入去到見到個飲品櫃加咗分，淨係啤酒已經有7款，好啱鐘意飲酒嘅朋友們😬😬當然大路嘅港式無糖茶、紙包飲品、韓國飲品、台灣飲品，而且仲有熱嘅大麥茶同埋紅棗茶揀😍，迎合不同人嘅需要，應有盡有，任君選擇👍🏻👍🏻除咗燒烤之外，仲有一啲韓式嘅熟食，例如韓式炒粉絲、辣炒年糕、泡菜湯、海帶湯，仲有韓式煎餅、炸雞粒等等，味道都唔錯😋仲有雪糕食添！味道唔差的，性價比高～…Read More

太耐冇食酸菜魚了，行開屯廣知道新開咗姚姚，所以嚟過吓口隱，多咗好多唔同嘅菜式👍🏻姚姚酸菜魚搵北京烤鴨雙人套餐($338)包含一份酸菜魚、半隻北京烤鴨、川味鴨架，份量幾足👍🏻👍🏻酸菜魚係呢度嘅招牌菜，我哋揀左中辣，湯底夠晒麻香，唔會好辣夠惹味，魚肉用咗食落唔會有骨嘅鱸魚片，嫩滑好入味，酸菜係用咗水東新酸菜去做，怪不得比平時喺街買嗰啲酸度適中，而且更脆～估唔到呢度會有片皮鴨食，有點驚喜😍 鴨肉份量唔少，每份都會有一隻鴨髀👍🏻 食片皮鴨嘅精髓就係鴨皮，呢度鴨皮會切走過多嘅皮下脂肪，唔會食到成口油淋淋，而且皮烤得都幾幾酥脆、香口🤤川味鴨架主要係食個汁，呢個麻辣醬料調得唔錯，鴨架有保留到部分鴨肉，都好嫩滑滋味～麻辣香鍋($244)鍋底$48，然後加上喜歡的配料，要選至少5樣的配料，價格由$35-$68左右推薦！好好食～ 一定要加蓮藕片及寬薯粉條，前者非常爽口、嫩，後者裹滿了醬汁、而且有煙煙韌韌嘅口感，好味😋…Read More