or#Tm65363849's Profile

九龍城唔只有泰菜！呢間開咗70幾年嘅清真中菜都好出名。餐廳更攞獎攞到手軟，牆上掛滿獎牌。冇得訂枱，只有walk in. 星期日夜晚等位都算快，等咗30分鐘就可以入去。入面座位都算闊落但唔適合坐低傾計。人好多但冇開風扇/冷氣，我男友一邊食一邊飆汗。我哋啦啦聲食完就起身走人。可能餐廳就係唔想d客坐太耐。菜品似上海菜，種類非常多！選擇困難症嘅人就大鑊。另外上菜快到好似快餐咁。飯菜份量十足。咖哩牛腩好蚊得淋，羊肉好有羊味！酸辣湯好足料但可惜唔夠熱。孜然羊肉炒飯好有鑊氣，好好味！反而牛肉餅就普普通通，冇咩驚喜。爆汁但冇咩肉味，醬料味太濃。但美中不足嘅係所有菜都偏鹹！好似拉麵湯咁鹹，真係要不停飲水。…Read More

行上環見到新開咗一間餐廳。店舖唔大，但都坐得舒服。值得一讚嘅係服務生非常細心！提醒我哋炸饅頭同軟殼蟹嘅味道一樣，問我哋想唔想換個餸叫。值得推馬拉炒麵，炒得好有鑊氣，麵又彈牙，靈魂醬料甜辣適中。好味到我想買佢d醬返去煮！…Read More

同屋企人去食，試個新年$888雙人餐menu，另外加多2個菜。食物超大份，用料都足夠，但味道就中挺啦。$888雙人餐呢個價錢可以食到更好味嘅越南菜。推薦荷葉飯，入面多料，飯嘅軟硬剛剛好。河蝦都新鮮。個燒骨就冇咩燒嘅味道。牛仔骨得個甜味，又好多肥膏。重點係味道更似中菜，好彩係團年飯，食中式越南菜都冇咩唔夾。…Read More

屋企附近新開嘅餐廳，同屋企人去食晚飯試下。叫咗熱門菜蜆湯麵。蜆肉都幾多，不過臭臭哋， 隻隻咬落去一口沙！根本冇法吞。湯一陣腥味，屋企煮嘅勝瓜沙白湯鮮過佢多多聲！麵上算可以，幾彈牙。但係食完麵之後碗底一層沙。我果個辣牛肉湯飯同喺hktvmxxx買嘅即食辣牛肉湯同一個味道！仲要一塊牛肉都冇。嚴重懷疑佢哋用預製菜。$88蚊我不如買兩包辣牛肉湯返屋企泡飯好過，食可以食4餐。真係唔明點解仲有客人去呢間野。係唔係其他分店好味d？…Read More

店舖係細街，地方唔大。12點半出面排隊排咗10幾個。只能等外賣（等咗30分鐘到）。想試胡椒湯麵，點知已經賣晒！所以外賣咖哩豬軟骨黑豉油撈粗麵。果然冇失望。咖哩正常地好味。驚喜係個撈麵，非常有鑊氣但係唔油，好好味！下次一定要試胡椒湯麵！…Read More

接男友放工，係附近搵到呢間餐廳。餐廳唔大，環境座位都好舒服。前菜同主菜用唔同嘅餐具，服務非常到位。好難得有普通西餐廳做到fine dinning嘅服務👍每道菜嘅Plating都用心思。份量同味道都啱啱好好👍…Read More

辛苦成個上晝，放lunch諗住食好d，第一次入來呢間cafe。叫咗個大南早餐，諗住快靚正cafe入面加埋我得3個客，其他2枱都食緊野，得我一個order 野食。結果，個唔使點煮嘅all day breakfast 等咗30分鐘都冇來。係伙計多過客嘅情況都可以漏單，真心失望！搞到我要15分鐘之內食個lunch。食物幾好食都唔會再來！間野通風設備都好需要改善，地方唔大，又係open kitchen 搞到成間cafe都好大油煙味。…Read More