tinnganfan's Profile

之前去牛大人食嘢，侍應們嘅服務都好好，所以就算一家人聚會都會去，但係今日去幫襯完，體驗有啲失望。首先都好欣賞貴價套餐會送贈一些比較優質嘅食材，但係呢啲送贈嘅食材，放到最尾忘記咗食，又唔俾帶走，真係白白放喺枱面，就咁掃落垃圾桶⋯⋯另外，全場大把位置，食完買咗單，一班人想傾多一陣偈都唔得，侍應不斷催我哋離開。侍應們嘅做法冇錯嘅，都係跟規矩做事。不過～～～在而家呢個經濟，國內嘅餐飲業服務以顧客為先，做得十分完美嘅情況下，香港這種限時餐飲規矩真的是會被比下去。今晚我們四個人，每人消費375港幣⋯相信就算不上大陸，在香港也有更好的選擇⋯⋯…Read More

完全顛倒我對火炙壽司的偏見！唔知有無人同我一樣，食火炙壽司都會食到一陣火水/煤氣味⋯⋯明白嘅，大家都係用火槍去燒一燒，但點解會有陣化學味⋯⋯⋯令我之後都唔食火炙壽司⋯但今日，經過深水埗，一個比較市井飲食文化的地方，抱著不高的期望，又就腳，就入咗去。點菜時，午市個套餐，明顯睇溜咗「火炙」2個字⋯淨係數梗有邊樣我唔想食無端端又叫咗套餐A，坐定定先發覺「火炙」2個字，心諗：算～ 叫多個軟殼蟹手卷填肚⋯點知食咗個火炙甜蛋⋯哇！無火水味！仲有燶邊的香口！咁有層次嘅！我以後應該只會去呢間先食火炙壽司…Read More

附近間間都食過，冇乜新意，見到新開了一間台山腸粉，價錢感覺好似便宜！$25瘦肉韭黃腸粉！呢個明明係大陸嘅價錢其實見到咁平，都驚驚地會唔好食，所以都係附近買多咗一碗麵，以防萬一唔好食點知出乎意料地唔錯！腸粉很博新，唔係鄠木身嗰種，接近玻璃腸的級數！辣椒有炒過，好香！佢啲豉油是在雪櫃拎出嚟，而唔係一支支就咁擺喺度⋯⋯非常注重衛生。餐廳還在是業中，暫時廚房第一個師傅，恐怕到了午市，未必能夠應付。最好提供電話號碼，讓客戶提前下單，就不用企在門口等…Read More

一間前菜很豐富的火鍋店！好欣賞！基本套餐都好多選擇！上菜份量很好，不會浪費！又有速度！飲品多選題唯熱飲選擇較少！湯底選擇多！榮升我心目中第一位任食火鍋餐廳！繼續加油！…Read More

店的門面很普通，但內藏了一位大廚師午市$48/位我以為又係碟頭飯點知！好味到我覺得附近餐廳應該無生意做！首先：份量多！一碟餸+一碗白飯+一碗湯+一杯冷/熱飲其二：好有鍋氣！廚師炒菜的手藝！同出面茶餐廳簡直是兩回事！太好味！其實好驚寫完食評會好多人⋯⋯⋯四個人嗌嘅午市，分量多到以為自己食緊晚餐！雖然環境好普通，但係都坐得舒服。而且小炒嘅味道又唔會搞到自己全身都係。本身都知道紅磡呢一區係比較平價，我以為平就唔好味，但呢一間餐廳都會令我擔心佢哋會唔會賺到錢…Read More

見食評咁高，啲圖片又咁靚，今日決定同個朋友中午一齊去試。一去到嗰度，星期六的中午，坐唔滿，個心就已經有少少覺得奇怪，跟住嗌咗個肉眼扒及蕃茄意粉。賣相10分精美，我同朋友都拎相機出來，相機先吃。個肉眼扒，我哋叫咗七成熟，嚟到，只有三成，冇問題，服務員姐姐幫我哋拎返入廚房，個師傅幫我哋整返熱，之後就變咗全熟，都好，起碼食落肚，唔會肚痾。跟住到個蕃茄意粉，我朋友話，係咪佢調理有問題，點解咁甜嘅，跟住我不咗一啖嚟食，我喺度諗緊，師廚房哥哥係咪將糖當唔鹽，因為成個意粉嘅甜度，似甜品。之後我哋問返服務員姐姐，個意粉係咪應該係甜嘅，服務員姐姐話，可能佢哋今日用嘅蕃茄膏偏甜，佢會同廚房反映。我相信都係咁岩撞到佢哋更改配料嘅第一日，所以好多調味上面未掌握得好好。但整體環境係坐得舒服的，因為冇限時嘅餐廳，而家真係好少…Read More

唔係好明下午茶時間都要限時75分鐘環境好靚、的餐桌擺設非常好，坐得都好舒服，但係限時，即係又唔可以俾人坐得耐⋯我同朋友都叫咗$118 生牛肉牛爽腩，一人一碗，份量10分足夠，呢個價錢，應該期望好高，點知未食完碗粉已經涼咗，啲牛腩有點難咬（湯唔夠熱，可能又怕太熱啲 牛肉會鞋）啲服務員好似有點分心每次要叫2-3次，仲要大大聲先聽到落單定係咁啱當時播緊嘅音樂好大聲所以佢哋聽唔到呢？食完之後，好口渴，不斷飲水，成個下晝都不斷飲水⋯⋯…Read More

上次一大班人去食，16-17人，餐廳打通咗2間房，中間有柱位係有啲怪，但在尖沙咀區，好難有咁嘅場，而且唔會趕人走或限時，好過諾士佛台嗰邊的西餐廳好多！服務方面，侍應生欠缺經驗，上菜後詢問侍應是什麼菜式，頭幾次答「唔知道」，轉頭問咗廚房再回覆我們😅而且因爲我們坐在房內，看不見放在門口的「今日推介」，侍應生應該在客人下菜前講述一次，但也没有，係我們自行走到門口拍照再參考。請考慮加以training!食物方面，是我再次光顧的原因！-生蠔肥美超大隻！一啖係食唔晒一隻！甜！有少少海水味！-黑毛豬第一次食70%熟好驚有陣豬腥味，但竟然無，好入味，而且肉質嫩到令大家質疑食緊牛！-肉眼就更加不用講，呢個價錢係低食! 以後唔會去諾士佛台了-飯前餐包的質素，好易看得出一間餐廳是否用心，不同款式的餐包，有趣又好味！已經訂了台在聖誕節去！…Read More

漁民火鍋老實說大埔的雞煲得呢間啱我食 口味嘅野 要試咗先知啱唔啱食年紀開始大 已經唔鐘意限時的任食而且女仔根本就食唔到咁多 又無得傾計第一：鐘意漁民的環境 唔會太迫 第二：食材新鮮 門口有生猛海鮮揀 唔貴！第三：就係如果佢嘅食材唔新鮮，你可以即時退 （呢個就係逐樣叫的好處）另外我鍾意漁民唔趕客人走 慢慢食 又傾下計 慢慢又食多啲 野飲又飲多咗 其實仲好做過任食 都唔明點解啲任食開到整行整市*強烈推薦食小辣+竹苼+竹蓆茅根水（自制）…Read More

在尖沙咀中午食飯時間，簡直係痛苦嘅開始間間餐廳都坐滿人，又要排隊等位好彩今日唔係好肚餓，所以四周圍望下有乜嘢新餐廳。行行下去到尖東地鐵站P出口附近，見到有個類似美食車嘅小食店。開頭以為都係賣下汽水熱狗。點知望清楚發現係慢煮工房！我叫左個 慢煮豬手沙律$42+加薯條$8=$50竟然幾好食！重點：唔肚餓嘅情況下都覺得好食！佢個沙律汁係酸酸甜甜，偏酸的，配搭啖啖肉嘅豬手，感覺開胃得來又冇咁易有飽滯嘅感覺。佢個薯條係粗身嘅薯條，即場炸，所以係好熱！一般係出面食一個呢餐，起碼都要＄100左右，而家竟然＄50可以食到，可以話係十分抵食。仲要佢個包裝係極度美式，勁有美劇feel😁!…Read More

我本身屬于輕微大食的小女子那些份量有小又貴的法國餐我是很抗拒但這一間不同！份量適中！又好味！是很家庭式的法國餐！價格好中價！我覺得呢個價錢呢個質素好好！（大廚是法國人，人好好，會出黎問下客人覺得啲菜如何！）重點：麵包可以無限添加，正宗法國麵包，外脆內軟！首先叫咗個鵝肝醬的小食，外型勁似焦糖布甸，旁邊的脆脆也是可以添加，因為本身鍾意食鵝肝所以我覺得好好味！仲可以用來擦麵包！跟住叫咗一個：上面係白色，下面係墨綠色嘅前菜上面白色嗰啲係魷魚，下面墨綠色嗰啲好明顯係菜，但食唔出係乜嘢菜。兩者放埋一齊，竟然好好味，因為你唔知自己食緊乜，感覺很神奇。（相片是已經食淨少少才影的）主菜叫咗一個炆羊肉，一個野菇炆魚我自己本身鍾意炆羊肉的味道，因為佢啲羊肉份量都多嘅，輕微So, 而佢配嘅醬汁係比較酸酸地，中和返，口感唔會好肥膩，好好味！另外野菇炆魚，個魚煮得好嫩，好想知佢係點整，因為佢外面係煎過，但入面啲肉又好嫩。不過我唔鍾意佢的野菇味好重，如果鍾意食菇味的就會喜歡。咁主菜就一定有配菜啦，佢唯一令我印象深刻的就是綠色的薯蓉，好好味一定要食！其實食埋薯蓉，已經好飽。但朋友仲叫咗個芝士條，係純芝士條，味道十分重。但佢係超級正宗嘅芝士條，我唔會食完飯先食咯，我會係食飯前食芝士條配香檳，咁就絕配！其實唔叫芝士條都得，因為我地3個人仲叫咗一人一杯酒，埋單都係每人$300左右！…Read More

10點幾起身時飲咗包豆奶同一杯水空住肚餓爆等到1點去食餓到咁 都可以覺得咁難食午市，加埋我，全餐廳10個客都無己經知中伏 呢個伏 好貴叫咗 ：豚肉拉面 $78面： 普通硬加：黑木耳$101: 無得揀湯 （清湯/普通/濃郁）2: 無得揀面 （幼/普通/粗面）我個面，好硬；啲湯、好淡 （而且係味精湯！）啲豚肉，好肥；黑木耳，凍的最好食，竟然係荀😑…Read More

鵝肝好好食呀!!!!之前都食過佐敦恆豐酒店的鵝肝, 煎得唔夠香，仲要三個人食咗八百幾.....呢間低食好多！每人$207。鵝肝煎得好香，配長腳蟹食，仲好味！大家可以試下﹗開盆推介﹕長腳蟹，冷面，青口 (蝦可以不食)主菜推介﹕鵝肝，羊架 (龍蝦無味的，因為只是用湯滾一滾, 無味道)甜品推介﹕雪糕 (燕窩燉蛋可以不食，無燕窩可言, 仲要排勁耐排先有得食)3個人以上有紅酒送, 支紅係新酒，但不太酸，容易入口，不錯。唔想等就請早一個星期預約！…Read More

其實都好一般，唔係話特好食間野唔係話特別好坐，因為之前去的都有SOFA坐, 呢間無~~燈光黃黃地，OK LA~傾計的話！規舉: 每個人都一定要落order, 套餐每人$88 (幾多個人都係同一個價)食物方面:印象深刻的係個著條, 有蜜糖, 幾好食！其他, 同飲料都好一般.....…Read More

湯﹕海鮮龍蝦湯好特別，龍蝦湯的口感好濃郁, 味道啱啱好！啲湯入面加咗蝦、蟹子，食得時好意得，一粒粒蟹子好似食緊爆炸糖，我仲食到好似加咗啲酸酸地好似沙律的東西, 食完好開胃﹗GOOD!頭盆﹕芝士焗生豪呢個菜反映咗個廚師的心思，因為以前食芝士焗生豪, 啲生豪都係痴住係個殼度，食得好麻煩，而呢間的芝士焗生豪就唔會，廚師會一早幫你整開, 食得好方便, 再加上有好多汁同芝士，正！第一道菜﹕黑松露帶子肩扁意粉味道好好，一般食意粉都好驚要加勁多芝士粉先有味，呢個唔使！啲意粉好入味，同啲汁好夾，唔錯！但都好似食到落咗好多調味料，啲汁有少少濃郁, 鍾愛食清淡的人就不太適合。第二道菜﹕香燒羊架(+著皮)呢個好好食！無乜SO味，我個FD唔鐘意食羊都話好食，啲肉又好軟，GOOD!!甜品﹕原味木棣蛋糕呢個一定要食！最到好飽都覺得好好食！餐飲普通~最大問題: 間鋪好細，最多只能坐十六，環境好暗, 真的得一枝得一個廚師一個侍應, 食物等得比較耐, 但服務好好！最好預約，咁先有坐海景位!!…Read More