HenryLiu5949's Profile

自從係度試過咖哩同naan之後，好鐘意食印度菜 。去過各區既老牌印度餐廳，去過重慶大廈出名既印度餐廳，結果全部失望而回呢度所有食物都好出色，湯、飲品、前菜……主菜咖哩十分正宗，唔係淨係出面通常既雞牛羊三種咖哩，而係有好多種不同既咖喱瑪莎拉、菠菜咖哩、腰果咖哩……係度可以試曬唔同種類既咖哩而呢度最好食既係naan，其他餐廳全部都食唔到。呢度既naan夠薄，唔會好似食麵包，而係有少少烤到少少香脆好。估唔到最普通既naan，可以做到咁唔普通。我個人推介叫plain naan，配合咖哩可以食到原味…Read More

一路經過舖頭以為係韓式超市，原來入面有熟食外賣，係香港要食到正宗韓國菜好難，全部都係港式連鎖店難得搵到一間正宗韓國菜，味道甚至好過尖沙咀啲韓國菜，啲韓式配菜十分出色，泡菜十分好食要食韓國菜梗係食正宗…Read More

平時勁鐘意打邊爐，行過見到個醉雞肥牛鍋好吸引，決定入去試下一黎見到唔係用固體蠟用gas爐，抵讚可以控制火力，唔會淥到過熟湯底揀左醉雞湯底，好香好足料，有蟲草花、芫茜、海帶...唔係大xx果d味精湯底碟醉雞先係重點大大碟有好多酒浸住，淥完仲好滑好入味！平時醉雞淥完無曬味，呢間既醉雞質素好過曬出面d火鍋店，好驚喜肥牛就同餐牌張相差唔多，唔太肥，其他配料質素都唔錯。加$10醬料，但湯底都好夠味，下次可以唔加加$18鴛鴦檸樂，有兩大罐可樂成個餐好豐富，平時d一人火鍋係唔夠飽，但今次食到好飽兼食剩半個烏冬有火鍋店質素既一人邊爐一定會再encore…Read More

去過水飯鏜都知經常大排長龍，極高水準。知道佢哋轉左去安定，特登黎一試，霸王雞好滑，蔥油好香加埋辣味，十分惹味！同佢哋d雞扒豬扒都好足料，又厚又大份。推介！今次冇機會試，下次要再黎食過！普通茶記咁既價錢，極高既食物質素…Read More

之前試過太子7sis既涼皮，依家屯門都有喇叫左雞嘆撈中辣，雞絲夠滑辣度就一般，食開譚仔三小既應該冇問題涼皮就似腸粉多d, 唔夠太子既滑配料花生同黃豆夠脆，青瓜夠爽整體都唔錯，可以一試！…Read More

個人不嬲覺得韓國食物係劣食，炸雞，部隊鍋...有日經過東大門就試下啦，諗住係街市質素唔高，都係果d韓國紅色辣醬啦...叫左個牛肉雜錦飯，一食落發覺質素比得上高級韓國餐廳，配菜好足料，有甜酸蘿蔔，芽菜，大豆芽，菠菜，白菜，紫菜...而且d配菜好好食，我反而覺得配菜先係主角，牛肉係配角。佢令我對泡菜改觀，原來泡菜都可以好好食！下次會再試其他…Read More

天氣熱突然間想食冷面, 同埋手撕雞之前食過隔離阿土伯, 但台式口味唔係好岩胃口, 想食港式冷面本來睇中閃電雞撈, 但去到好似已經執左, 但行行下發覺come撈可以滿足曬我三個願望於是叫左口水雞+撈面, 先講口水雞, 份量足, 夠麻夠辣, 但食得多有點鹹, 雞肉唔夠阿土伯好食撈面同其他港式撈面差唔多, 總括而言, 可以一試。…Read More

區內良心店不吃不可外又一高質車仔麵店, 試左濃湯, 佢個滷水好味, 推薦滷水既餸, 一定要加沙嗲醬, 試左要辣, 辣得黎又夠惹味, 下次試埋其他餸最緊要間舖唔黑, 有良心, 支持!…Read More

家庭式經營既日式小店, 價格比較親民, 所以味道同質素唔係走高檔路線。感覺似係去左日本學校既飯堂咁, 佢既炸物都唔錯, 推介炸蝦同炸雞。炸蝦係自家制, 有d似天婦羅, 唔係一般急凍炸蝦炸雞有d似日本食到既唐揚雞, 少少偏咸, 岩配飯/拉麵…Read More

由舊舖開始一直想試好耐, 第一次食左佢平價果個牛扒飯。燒汁味道係唔錯, 但牛扒就有d韌, 可能煮耐左啦。今次再試佢個漢堡扒, 十分失望, 漢堡扒份量係好大, 差唔多係出面burger既兩倍。但份量雖大, 燒汁同漢堡扒味道唔夾, 漢堡扒煎得唔夠之餘又乾身, 感覺似獅子頭。好喇, 到入面d芝士, 係唔溶既!!! 食落去又唔香, 只有滯。平時食飯點都會清曬d餸, 對住呢舊野, 又滯又難消化, 我都放棄左。…Read More

咁岩係附近, 一心支持下黃店開頭見到煮野食果面舖位比較細同舊, 點知入面有個新淨d既舖。野食方面, 諗住野食都係一般, 叫左d大路野。 老細問我要唔要辣, 咁我要啦, 一食落去佢個秘製辣醬又幾正, 味道唔錯…Read More

睇openrice見呢間小店既鰻魚飯幾足料,價錢合理就走黎試試初初睇舖頭名仲以為係食潮州粉面, 入到去見到餐牌,中韓台式野都有, 心諗都應該係茶餐廳咁上下質素既港式日韓菜。既然一心諗住入黎食鰻魚飯, 我就冇試其他野點左一個鰻魚飯+一杯台式飲品鰻魚飯黎到,鰻魚十分大條,絕對超值。仲有滑蛋係下面同一片紫菜。一食個鰻魚真係不得了, 鰻魚唔單止大條而且十分肥美, 最重要既係條鰻魚係即烤既, 熱辣辣外面仲有少少焦脆,下面既滑蛋亦好高水準, 不過片紫菜就唔脆。仲有抵讚既係,鰻魚汁係分開俾你, 一來唔會整腍條鰻魚,二來可以按自己口味添加。69蚊咁既鰻魚飯真係超值, 係吉野家既又貴又細條又唔好食。質素同日本食差唔多, 而最重要既係抵食!下次會試下佢拉麵既質素如何!…Read More