小咀叼's Profile

家庭式小店，老闆有禮。住附近，不是常來，但每次都食得很滿足，紅燒牛肉每次必點，牛肉好軟滑、有一點點BB辣，湯底似是鮮淆而不是味精湯，手撕雞都不錯但都不及牛肉好味。食物款式選擇不多，算是貴精不貴多吧？豆漿很淡沒甚麼豆味，除了拍青瓜就沒有其他菜類選擇了，而且拍青瓜帶點辣，建議另做蒜蓉口味，配合不同口味的食客。如可以有油菜就更好了，入貨量不用多，賣完即止。小小建議，希望日後可以作出改善。會繼續支持社區小店。…Read More

好耐之前新開張嗰時黎過1次，好多菜色都比較辣，因為唔食得辣之後就唔敢再黎，今日心血來潮想食酸菜魚，係openrice search見到新餐牌寫住＜辣唔辣由你話事＞，貪佢地方幾好坐於是比次機會自己亦比個機會餐廳，希望以後會多一個選擇，點菜時講明要不辣，係少少辣都唔要，店長叔叔好明確表示知道，到上菜時就發現唔對路，睇賣相都覺得有少少辣，店長叔叔再強調話唔辣架，但一食落口就知伏左，味道係正正常常，其實啲魚係幾滑的，但並非走辣囉！食到我同我媽都頂唔順，佢食左少少已開始咳，唔敢再食，我就有喉嚨唔舒服。菜花比較油，亦非走辣！走前同店長叔叔投訴，佢話會反映比廚房知，下次再黎會改善，但我話應該唔會有下次了！其次係份量少，加$12轉米線，份量少到一個女仔都唔覺飽！再其次係冷氣唔夠，尤其窗邊位更甚，原本貪佢地方闊落先黎，今次真係一個錯誤的決定…Read More

兩年多前經過太子分店，一試之下非常驚喜，啲雞好滑，個湯底好飲，即時買外賣比家人試。後來知道旺角都有分店，每次出開黎都必食黑蒜湯底，可惜近年水準一次比一次差，啲雞件冇以前咁滑、啲米線又唔夠爽口，今日嗰碗湯又唔夠熱，個米線係碗裡直頭係＜一pat麵餅＞咁款，要自行整散佢，啲雞件又斬得衰，幾嚿都痴埋一齊，仲枉佢加左價！有次去食，埋單時價錢比menu價錢貴左（初時我仲以為自己聽錯），我問個收錢女仔，佢目無表情只重複個價錢，禮貌欠奉！食物水準下降之餘又貴左，唔怪得近來少左客，以前見lunch time要排隊等位的，希望店主睇到各方評語後提升返食物同員工質素，我都好想繼續幫襯你地，唔好再令人傷心。。。…Read More

帶小朋友入大埔農莊玩，搵到呢間環境優美的餐廳，就順道慶祝埋老公生日，訂了室外的屋仔用餐，有食私房菜的感覺 不過坐室外比較適合秋天天氣，4月時份如果唔開冷氣會有啲焗，一定要開晒兩邊側門先通風，但就更惹蚊。職員很熱情跟你溝通，亦主動幫你拍照，態度良好。食物方面比預期遜色，跟期望有點距離，價錢唔平，這價錢會有其他更好的選擇。…Read More

難得跟家中長者出來食餐生日飯，千揀萬揀竟揀中呢間 最難食係個豆腐，整碟完完全全冇味，係一啲味都冇！估計應該係用水烚熟所有配料然後埋獻就算，真係第一次見識到完全冇味的食物！！碟菜都有啲老，龍蝦一般般又係比較多獻，相比下乳鴿算最好食但係偏咸些。個男部長態度有啲晦氣，不禮貌地將單據放在枱上，見佢跟其他客人說話態度都冇乜禮貌。三個人食左$706，一肚氣咁走，平時老人家慳慣食剩會打包，但連佢都話唔想攞走，睇見就嬲咁話！…Read More

11點幾去到已有3枱人食緊，得我一枱落order但都可以落錯單 好彩唔趕時間可以再等！坐的位置地面好跣，店員已提示小心但真心唔明點解唔係營業前處理好？食食下的時候清潔姐姐先係度抹地，大家邊食佢就邊抹，感覺唔多舒服。午市極上壽司（$98）原來唔包前菜及湯，壽司好細件，當日胃口麻麻但食完都唔覺飽，新鮮度又不是非常出眾，非常不值。收呢個價錢我寧願去食迴轉壽司好過！…Read More

味道: 火山排骨的實物賣相跟餐牌上的賣相有點距離，係有少少失望，但是幾好味。如果炒金邊粉的酸甜味可以濃一點點會更好。青檸荔枝沙冰好飲，反而果汁類就普通環境: 滿意服務: 扣分位~ 訂位時指明要卡位，但入座時竟安排普通4人枱，要主動出聲先可以轉返卡位。加分位~ 食唔晒打包，女店員主動幫忙入盒（而且仲汁還汁、餸還餸一盒），夠貼心衛生: 滿意抵食: 唔算非常抵食，但位處如心廣場又有靚裝修，都要咁上下了建議: 希望餐牌可以加多幾款走辣的小食/主菜（我明我明，食泰國菜就係要食辣😅 但老人家及小朋友食唔到辣，有多些選擇就更好），另外唔明點解椰青要咁貴（$68/個）？價錢令人卻步…Read More

想食清啲就黎左呢度，叫了一碗《海南雞絲扎肉金邊粉》，普普通通ookk咁啦，無乜特別。最特別係喺碗裡發現一隻小蚊滋，不過心口掛了勇字所以照食，都費事投訴……老公就叫左《馬拉盞豬頸肉炒米粉》，等左好耐都未到，催單後先話唔好意思請再等一等，估計係漏單，但當時已過了午飯高峰時間終於等到炒米粉，一睇賣相就大失所望，啲豬頸肉好乾（非平時食炭燒豬頸肉嗰種質素），其中有些仲韌到好似緊香口膠咁搵唔到會再來的理由！…Read More

想係香港食葡國菜選擇不多，今次就趁生日黎呢間試下，點菜前做足功課睇食評……點了必食的馬刀貝、 八爪魚沙律，都好味符合預期。但炸馬介休、葡國雞就有一點失望了，蒜蓉什菜就更更失望，只係將蒜蓉鋪在白烚的蔬菜上而已，早知點多個沙律好過 這裡甜品選擇很多，最後點了生果撻及apple crumble（餐牌上冇寫的），兩樣都不錯。菜式價錢絕對唔平，想食葡國菜的話，過大海食計埋交通費都冇咁貴！…Read More

無意中發現有此主題餐廳，係冇得飛的日子，就趁生日來自我安慰一下😝😜 飛機餐的份量看似不多但原來都👌夠飽（大食人士除外），只是欠一杯餐飲（真正的飛機餐一定會有杯果汁或餐茶，但這裡要加$20才有餐湯+餐飲）。三文魚味道不錯，只可惜餐包及意粉未能有一致的水準。黑毛豬鞍扒就不過不失，收$185就相對地不太值得了。最喜出望外反而係甜品，味道剛好。 值得留意的是餐廳廁所（在室外），不論門口或廁所內的大小都似足真機艙，到底該不該讚呢？🙈🤣…Read More

黎開呢頭，見呢間食評唔錯又好想食喇沙，就算天氣熱都想黎會一會佢，可惜一切不如預期……碗喇沙味道合格（但又未算好高分，略嫌份量不多，只是碗大而已），海南雞就比較失色，肉質唔夠滑嫩，即使係近脾位的肉質都唔滑，但論最敗筆都遠遠不及杯咸檸水……完全冇咸檸味，只得嗰2小粒咸檸檬（註: 2小粒加埋先=半粒咸檸檬），死篤爛篤都出唔到味，完完全全只係飲緊杯清水唔明白為何有如此多好評？？題外話，用膳中途隔離枱位女士點了肉骨茶及檸茶，上菜後好快就聽到佢話骨肉茶有酸味（疑似變越了）、檸茶有漂白水味（職員聽到都好愕然），唔知係位女士味覺有問題還是食物本身……？雖然佢食了兩啖就起身走人，但我見佢有比錢的，不是想食霸王餐…Read More

去完二手寄賣店，無意中經過又剛巧肚餓就即管試試，見午餐價錢都ok抵食，平均$6X，但一般拉麵店一碗拉麵冇可能咁平，於是心諗食鰻魚飯穩陣啲，質素ookk可接受，但食得出鰻魚的質素只屬一般（始終一分錢一分貨），前菜普普通通冇驚喜，另加小食枝豆（$8/份），差不多食完碗飯先上枝豆，奈何不是慢工出細貨，而係一睇就知overcook，好老好乾，好多枝豆已經焗到爆晒口（通常微溫已足夠），食左幾條已食唔落去………Read More

無意中經過見到間新開餅店，見櫥窗有櫻花味同伯爵茶味的曲奇餅，覺得幾特別又比較少見但試味後味道唔算太突出，反而最鍾意朱古力味，面層的朱古力唔會死甜，餅的質感好鬆化唔覺油膩(本身好怕好重好重的牛油味)，試食時店員告訴我是少甜配方，心理上就唔會有太大的罪惡感，$45/半磅，最後一口氣買了兩包不同的口味(包括朱古力味、合桃味、士多啤梨味、伯爵茶味、原味)，下次經過一定會再來。未知餅店稍後會否推出各類麵包？有點期待…Read More

如題，當你越趕時間，你需要嗰班車總是遲遲不來、當你越肚餓時，你需要的食物總是遲遲不上枱！越窮越見鬼……你懂的昨天趕往睇醫生前，見就腳就黎左呢度。點了午餐的刺身飯但等極都冇(當時是下午2點半左右，人流極少)，眼見旁邊兩枱人客遲過我入坐、遲過我點餐但食物都已上枱，於是找來年輕女店員問問，她說幫我去廚房問，親眼見佢問完後完全冇回覆我、向我解釋的意圖:( 再等左陣，見到其中一枱食客已食飽了，我的飯先送來，食到半路……發現飯中有疑似蝦腳定小X腳的東西，心裡盤算應該當佢係蝦腳繼續食(但有此勇氣嗎?)還是當佢係小X腳就此打住？但大拿拿$118/餐，還未飽腹下我又不甘心就此作結！女店員幫我找來負責人叔叔理論(利申: 我由始至終都冇講過這條小東西是小X腳，我只是想知道自己應不應該、可不可以安心地繼續食而已，我只想來享受美食而不是來找麻煩的)，店員叔叔的第一個回應竟然是: 會唔會有可能係木匙羹上的刺? 佢話担心木刺會拮親我(其實我担心這是小X腳多一點，佢再細看話應該不是昆蟲腳(因為腳上冇尖刺)，但佢不敢肯定於是找來廚師問問(佢認為廚師的專業知識能分辨這是蝦腳還是昆蟲腳)，廚師叔叔也來研究一番後話應該係蝦腳(對話中他承諾往後會小心注意)，我半信半疑下還是不敢食，最後佢地肯換新一碗同等份量的刺身飯比我，我認為可以接受。不過在食第二碗飯時，再次發現刺身上有一小塊蝦殼(但第二碗是冇蝦的)，很“有趣”吧？希望師傅們往後會認真注意此問題題外話: 埋單時店員叔叔主動打了個9折，不過都補償唔到已受影響的心情及浪費了的時間…Read More

環境舒適，相當適合朋友聚餐、情侶約會。見好評如潮所以都幾滿心期待，當晚的食物中最滿意首推日本南瓜焗海鮮飯，未食已聞到陣陣的香味，雖然南瓜味道唔算好甜但我們四人均一致好評，不過亦一致負評香芒軟殼蟹米紙卷，米紙卷皮太厚太硬、軟殼蟹的份量少到感覺唔到(實物賣相跟 menu相差甚遠)，事後朋友跟店員反映情況以作改善，她說其實食完第一嚿覺得唔妥可以出聲幫我們更換喎(餐廳真係會咁大方?? 希望她講得出做得到啦)，基本上整體都OK可以再去試試其他菜式…Read More