daisy122's Profile

自從朋友帶過嚟食咗一次之後念念不忘。上星期放工即刻即刻去去點知餐廳休息一個禮拜。 今日去之前打電話發現正常營業好開心!呢度每日都有一款特價小食特價送同特價飲品。今日係口水雞滷水蛋同利賓納。我叫咗手工餃子滷水蛋中酸辣米線。手工餃子係菜肉餃，個味道甜甜地又唔會太鹹啲菜又爽脆。滷水蛋略為唔係好夠味，不過撈埋個湯底都搭救到。最鍾意食個酸辣湯底，佢係比較酸嘅。佢仲有好多唔同嘅菜式選擇，毛血旺好似好吸引可惜我只係得一個人，如果多人都可以試吓其他嘅小菜。…Read More

又到左星期六阿媽唔想煮飯嘅日子，見到富臨有片皮鴨食就同埋阿妹一齊去。滿心歡喜叫餸嘅時候部長竟然話片皮鴨賣晒😭😭😭下次想食記住早啲去。唯有叫其他嘢食好彩都好多選擇。蔥爆頂級牛仔骨（$78）牛仔骨好野味有少少辣，正😍薯仔煎得好香好入味。蠔油八頭鮑魚扣金錢（$38x2)呢個每人限叫一份，味道一般，鮑魚唔夠入味唔夠熱，可惜。本地牛丸浸莧菜（$88）牛丸好彈牙好鮮味，個湯有中國芹菜莞茜味重，唔錯唔錯。最後等左一陣先上既乳鴿（$38x2)不枉我地等到最後，好juicy熱辣辣啖啖肉，乳鴿皮燒得好香口😍😍😍同屋企人一齊，又食到好西，好開心既一餐🥰🥰🥰…Read More

我地三個人六點就去到 入面冇客😎😎實在太肚餓，見到有set諗都冇諗就叫左個三人前佢係有五款肉，有牛舌，西冷，牛肉眼，牛排肉同肩胛肉。Omg!!實在太好食，牛舌好厚身爽口，其他肉入口即融又有牛味，不過朋友食得清d就會覺得肥左d。狂風掃落葉之後食到好飽好開心，淨係影得一張相🤦‍♀️🤦‍♀️好的失敗。仲有前菜，係枝豆都好好食（不過要收錢嫁🙈）同埋阿waiter哥哥都好勤力加叫茶，要讚一下…Read More

落左成個禮拜雨，難得於有晴天，就決定要搵個地方好好chill一下。 朋友住在西營盤，提議到呢一間cafe。一入到去已經被佢高樓底簡潔既裝修吸引。在樓下order了就可以上樓上坐低等。首先黎既係cold-blew coffee，唔酸味道唔濃岩哂我。再配埋Hideout breakfast 份量岩岩好，最出色既係個牛角包，真係好好食，好香既牛油味又唔會太漏。朋友食左少少野，叫左份signature Croissant，有兩個牛角包啊😍😍😍唔太肚餓既可以叫呢個。位置雖然唔多，但都可以坐左幾鐘，可以揀坐係窗邊望到出面既藍天，過左一個悠閒既下午。…Read More