Terence黃's Profile

我記得之前寫過一遍關於牛屋的好評，但其實有啲細節沒有提及，就係伙計態度。先講食物，我今次一樣，午餐時間到，唔算多人，坐低未睇餐牌，伙記已經大叫問飲咩湯，咁成個餐就咁互叫之下完成點餐。叫了一個西冷意粉，紅湯和凍檸茶少甜。食物質素冇問題，湯好飲，個餐包好淋，而且預先加左牛油響入面，好味。牛排好淋又夠牛味，意粉如果𨍭返幼身會好好多。$98咁嘅質素其實抵。但伙計由我坐低到離開都不停吹水，而且好大聲，大部分都夾住粗口，印象中上一次已經係咁，作為食客係感覺唔好，今次仲係伙計嘈交，不停粗口，又話出去隻抽之類。我唔理你講笑定講真，食客感覺唔好就一定。今次掛住吹水，唔記得出杯野飲比我，冇少甜到。🥹好希望呢間餐廳可以繼續做落去，但要改善伙記態度呢個問題，唔係就好多人寧願返大陸食飯⋯🙏🏻…Read More

做完運動，諗住去食個飯，經過見到呢間野，食burger都好喎，但入面冇人，而且價錢都好平，諗住伏多，但都膽博膽試下。叫左一個經典牛漢堡和雙層牛堡，一份薯條和汽水。堂食坐低等，先來薯條，嘩，好大份，而即叫即做，好味而且薯仔味重。之後來個經典牛堡和雙層牛堡。竟然同張相一樣，冇呃人。食落好好味，牛扒好多肉汁，滴到成枱都係。所有配料都好味，煙肉唔硬而且香。今餐好滿意，咁嘅質素竟然$4x。總之性價比好高，希望多啲人食。…Read More

今日十月十一係小弟生日，而且仲係感謝祭，當然要去食下幫襯下，太太帶左我去試呢間，一直都好想試。因為做左功課，坐低冇耐已經可以點餐了（只有英文字嘅餐牌冷冰冰的）。點了一個紅蝦意粉，卡邦尼意粉，慢煮牛扒。先來餐包，好味，包好軟好香。之後好快已經上左個卡邦尼。同一般餐廳食嘅好唔同，好有蛋味，每一條意粉都浦滿汁，煙肉好香好濃，非常之高質，意粉口感好特別，但偏硬。食緊卡邦尼時已經上了個紅蝦意粉，嘩，個鼻已經聞到非常濃烈蝦味，趕緊一試，不得了，蝦味非常香濃，紅蝦肉質綿密且鮮甜不膩，有著一般蝦類無法比擬的鮮甜美味，入口還會散發出獨特的海洋鹹味與甘甜，印象非常深刻。之後上的慢煮牛扒，吃落好冧，但太過冧，感覺似牛腩，呢個比較失望。食完正餐便點了幾款甜點，總體而言很不錯的，但不會使你印象深刻。總結：意粉非常高質，而且請左好多年青員工，加油呀！…Read More

自從上次食完，都差唔多幾個月，一直好想再去試。今日又係專登搭車入去食，食完又撘返車走，但最後都係冇令我失望。所有野食都好味。兩人叫左一個all day breakfast,一個自家製羅蔌醬煙肉意粉。all day breakfast 一如以往又係咁出色，個包又軟又脆，食物好新鮮，但食完之後唔覺得好漏，可能因為落得少油？至於個意粉，個醬好好食，有花生碎，所有醬汁都輔滿每一條意粉之上，煙肉又好香。非常期待下次再去。…Read More

食飽午餐附近行吓街，之後想坐低飲杯野食下輕食，附近想去嘅餐廳都好多人，左揀右揀，最後搵到呢間。本身預咗貓cafe野食可能一般，點知非常以外地好食，黑松露炒蛋多士，心太軟，西班牙咖啡，紅苺石榴冰茶，全部都令我覺得好以外，好有質素。尤其係黑松露炒蛋，好香好滑，不過下次會試吓齌啡。至於貓貓，好多都好親人，有一隻(Cola)仲會跳上你大腿比你摸，貓貓走來走去好熱鬧。如果喜歡貓嘅絕對要去試吓。缺點：食物比較慢，如果剛剛坐滿，響外面等可能會好耐。…Read More

五.一當然要幫手襯黃店，之前一日上網睇中呢間，專登撘車去食，去到大約中午兩點，門口已經排緊十個人，都算超多人，等左半個鐘先入到。叫左個大烤菇牛肉漢堡，大概等左差唔多十五分鐘先有得食，個包唔單止賣相非常吸引，而且非常好食，牛扒好多肉汁，好有肉味，個菇都好juicy，每一啖都非常享受，最想講嘅係個包，嘩，咬落去脆仆仆㗎，薯條就一般水準，但都好好味。所有食物都係即叫即做，所以會等耐少少，但食完之後絕對覺得值得！…Read More

五.一黃金周當然就要懲罰黃店，之前一日千挑萬選，揀了呢間食早餐，果然冇揀錯，不狂我專登撘車去食。去到等左幾個字先入得，兩個人叫了一個all day breakfast, 一個三文魚旦沙津三文治，兩個美式咖啡。All day breakfast 入面所有食物都非常美味，個蛋好滑，但一啲都唔「溜」，個腸仔好味之終一啲都唔咸，試吓個三文魚旦沙津，非常之夾，食完仲係好餓唔夠喉。個咖啡唔洗講都係好香。一個非常之滿足嘅早餐，一定會再去😊…Read More

本身都好喜歡食船面，因為在泰國食過幾碗非常好味嘅船面，一直念念不忘好想響香港試返，但試過好幾間都失望而回，但呢間船長雖然都冇泰國咁好食，但還是很出色的。今日中午去，兩個人叫了一碗招牌船長船面，同牛肉船面。一個係配了黃面，一個配了金邊粉，兩樣都很好味，黃面非常有蛋味，但我比較喜歡金邊粉，因為和船面嘅湯非常夾，非常入味。因為我很喜歡喝面湯，如果可以多啲湯就更完美。之後還叫了兩款小食，兩味炸魚旦和炸鷄翼，兩樣都非常好味，魚旦好彈牙！除了食物好好食之外，地方也很清潔，而且服務質素也很好，最重要係：黃店😉…Read More

專登去食，知道近排好多人，所以喉住2-4pm時段去，希望唔洗排隊🙏🏻果然唔洗排隊，但都差唔多80%満。叫左個T-Rex pizza,因為pizza我比較喜歡有肉⋯但心思思想試吓佢個蘋果，下次先。之後仲叫左個黒椒雞翼，Carbonna 意粉，叫左杯lemonnai.全部都好好味，非常喜歡佢個pizza同雞翼。…Read More

每星期專登坐車出去幫襯下啲良心小店，今次搵左呢間。三人行叫了三個定食：窩蛋和牛飯定食、赤貝帶子飯定食、燒汁鰻魚飯定食個湯唔咸，味道剛剛好，入面算幾多餸。窩蛋和牛飯的和牛好淋，味道好好。赤貝新鮮，老闆話即叫即開，只是赤貝切得比較幼，如果可以大塊一點咬口會好好多。最後要講個鰻魚，好正，個汁好好味，而且份量都多，唔怪之得咁多人推介。三個定食啲飯都好味，不過飯的份量比較少，可能想你叫多啲小食呱希望多啲人幫襯，始終小店經營困難。我會再去…Read More

專登一個人去懲罰佢，一入去男侍應指我坐喺門口，之後問我飲咩湯（未叫嘢食）😓，我叫左個午餐扒餐加薯菜，扒好唔錯，幾淋而且味道不錯，餐包好味，湯也是不錯的但薯菜少了一點，薯條大嘅十條多啲，但$44蚊有湯有包有主菜又有飲品，仲要幾好食，今時今日香港好難搵。🉑️惜男侍應（估計係老闆）一入去好似嬲左成村人，其間對其他食客態度都係比較差，唔知係咪心情唔好定不嬲都係咁。會唔會番食，um, 都可以比機會的。希望下次好一點。…Read More

食之前冇睇食評，食完之後睇下，驚訝咁多負評。我們兩人叫了一個叻沙海鮮米缐，一個麻辣海南雞河，一個紙春卷。叻沙和春卷都很不錯。叻沙味很好。海南雞河就一般。但整體是滿意的。:)…Read More