上星期六同朋友一齊去到大角咀 友人提議到魚鱻食下午茶 心諗都不過係食米線唧 又冇咩特別 平時都會係荃灣食啦 都係一般唧 係荃灣度食既魚餅同埋墨魚丸都唔係咁好食 所以都冇乜興趣 但係友人又話呢間會唔同 有好多唔同既小食好好食 既然友人咁堅持就是但啦 都係食個下午茶唧 一入去坐低之後 真係見到周圍貼左好多唔同既小食 仲真係有下午茶喎 比平時既米線平少少但係又加多左可以選擇墨魚蝦卷或者雞翼 噢~ 原來星期六日會加$2 不過都OK既 友人其實係想食呢度既小食 咁所以都只係叫左一份下午茶配份墨魚蝦卷 友人第一時間就叫左一份吉烈豬扒 一份手打墨魚丸 仲有一份雞翼 我其實對呢度既墨魚丸冇乜興趣 因為係荃灣果間既墨魚丸都係好多粉 一D都唔彈牙又冇味道 果度既侍應見我好似冇乜興趣 就走黎講話呢度既墨魚丸唔同出面果D 呢D係佢老闆親手打出黎 特別彈牙好味 我就話我係荃灣都食過啦 都唔好食既 又淋又粉都唔好食 佢地就講我知原來果度係老闆以前既舊鋪比左人做 冇關係架喎 話係咁講 但係都對墨魚丸既味道有D保留 咁後黎個侍應又講笑咁話如果唔好食就佢請我地食 友人又猛話好食 咁就試下啦 小食黎到後 我當然自試下個]雞翼 因為我本人就最鍾意食雞翼 呢個炸雞翼炸得岩岩好 唔會太乾太燶 食落又好有肉汁 真係好好味 之後就係個蝦卷 都幾脆幾好食 係出面真係未食過 都幾得意 之後就係個吉烈豬扒 心想一定係好乾好硬 但係見友人食得好似好好味咁 就夾一件試下 又好鬆軟又香口喎 最緊要都係都好大件好抵食 呢個果然係比到一個驚喜 最後就係試果粒墨魚丸 一入口果然非常彈牙香口 真係仲有D墨魚味添呀 唔怪得佢地連侍應都咁大口氣 唔好食既就請我地食啦 我諗佢地真係對佢地既小食好有自信喇 果真呢次既下午茶令我有一個好大既驚喜 下次會再同友人試試其他小食先...…Read More
Yu Sin's Fish Shop Specialist
2009-09-16
The above review is the personal opinion of a user which does not represent OpenRice's point of view.
Like
Recommended Dishes
墨魚丸
吉烈豬扒
雞翼
Date of Visit
2009-10-10
Spending Per Head
$35 (Tea)
