or#ta67672765's Profile

之前係open rice 睇，有好多好評，咁啱路過就行入去試吓。過咗中午時間，2:00入去。1個人都冇叫左一個芫荽牛肉拉麵。真係好多芫荽。不過個麵麻麻哋。幼麵，個麵林到無朋友。牛肉得2塊同2舊牛筋。整體上非常麻麻地。試完一次就算。…Read More

夜晚突然有啲想食sushi, 本身打算去yoho 買, 喺foodpanda search到依間, 之後OpenRice 見到超多好評, 打算外賣自取試吓, 見到好多評價都話非常新鮮. 落完單, 去到等咗勁耐先有得拎外賣. 整體上正正常常, 麻麻地,無評價上所講嘅「好新鮮」。個角切魚生飯有啲臭臭地. 一分錢一分貨, 依間野價錢平, 唔好有太大expectation. 其實差唔多價錢, 我會情願係一田買. 起碼唔洗等咁耐. 最後個服務態度可以, 友善同埋有道歉話等太耐…Read More

我住嗰區，可以叫日本嘢食唔多第一次試依一間。因為餐廳食評唔多，所以唔知道啲食物好唔好食，抱着試一試嘅心態。食物比想像中好。本身以為D sushi 會同超級市場買嘅差唔多。食落新鮮。幾鍾意佢個豉油用一個細膠盒裝，食嘅時候好方便。我叫左5種sushi, 油甘魚壽司，三文魚壽司，吞拿魚壽司，中拖羅壽司，三文魚子壽司。整體感覺唔錯。新鮮。另外叫咗個蟹籽沙律，比想像中大好多。喺元朗值得推介嘅一間餐廳，CP值高，外賣可以試，價錢底。…Read More

今次係叫外賣，由落單到手差唔多等左40分鐘。個包裝幾好，有封貼，包裝比想像中好睇。打開之後D雞仲係熱，滿意。今次叫咗無骨炸雞，2種味道。調味可以，甜辣炸雞個味道好食。但係最大問題係，我唔知道無骨炸雞即係全部都係雞胸，全部都係雞胸，全部都係雞胸。我個人比較鍾意食雞髀。所以如果唔好雞胸既人，記住一定唔好叫無骨炸雞。下次可能會叫普通嘅炸雞。元朗炸雞外賣既唔多，而另外一間D炸雞次次都係凍嘅。依一間整體感覺良好。…Read More