anniepiglet's Profile

見到個個都讚。充滿希望去食，但換來的只有失望。值得讚嘅係佢嘅蟹真係甜，好食。另一款餐是大頭蝦，大頭蝦無膏仲要無味，反而隻細燒蝦仲有甜味。到佢嘅日本宮崎A4和牛就唔覺得咁出衆，完全無牛味。個豬就更加唔好食。唔係講到嘅咁滑。加68蚊可任飲無酒精。再值得一讚是服務好同裝修好靚。但差唔多1300蚊兩個人就真係唔太值！…Read More

沙田新開嘅‘’料杯杯‘’，行過路過，天氣又咁熱，更要試吓。我就要咗杯紫糬芋泥奶茶，入面有牛奶麻糬，紫芋泥，仙草凍同燕麥，奶茶香滑，口感豐富，要少冰又真係能做到！而且甜度剛剛好，飲完大滿足呀！另一杯就是冬瓜青茶，又是勝在唔太甜。兩杯加埋75蚊。OK。會再幫襯呀！…Read More

第一次幫襯荃灣嘅點一龍點心放題可能是星期一，全場多唔過十枱，但又因為咁就可以靜靜地同朋友傾計食點心。原整限時90分鐘，但人流唔多佢任我地坐👍👍個人覺得好抵食，188蚊仲有9折（好似是星期一至四，二人同行成人就有）。你話多唔多選擇呢？讚真，只食點心甜品都好飽，啲粥粉麵飯包類完全無點過！最重要係所有點心都即叫即蒸，上枱時夠熱春卷都脆卜卜😋😋😋朋友只是覺得芝麻卷唔夠薄，我就覺得最緊要唔好死甜，剛剛好！我就覺得腸粉皮都唔同薄，所以點一個試吓就好喇！仲有，除了茶，仲有汽水（好似任飲），喜歡點心嘅朋友值得一試。鮑魚穌每人一隻架咋！鋪頭環境乾淨企理，連洗手間都合枱呀！…Read More

約咗朋友食飯未夠鐘，行過路過唔好錯過，買少少小食試試先!!店員好好人，見我想食炸魚蛋併蒸燒賣都肯轉比我!!(因為原則是炸魚蛋併炸燒賣或蒸魚蛋併蒸燒賣架)醬汁都有唔同口味，魚蛋我就揀咗沙嗲，燒賣就要加辣油!店員話個辣油係自家調制架!!蒸豬肉燒賣真材實料，最重要係佢個豉油加辣油，唔係死辣果種，但就有種食完再想追食嘅感覺食完個口仲有少少辣，好呀！之後再食沙嗲炸魚蛋，即時新鮮炸起，個沙嗲汁好有花生香味所以除了用料，個醬汁都好重要架!!下次再去要試埋魚肉翅先!!!…Read More

位於荃灣廣場呢間嘅韓燒，我都唔止第一次黎，其實我覺得唔錯，但就唔明點解咁少人幫襯!!今晚同男友兩人又黎食飯，第一次叫呢個泡菜餃子，咬落去好有空氣感，泡菜味味會太辣，脆卜卜皮，唔錯唔錯!!第2樣叫了個泡菜豆腐豬肉湯，第2次叫了。上次試過食完番尋味，男友就覺得辣，我就覺得啱啱好!!豆腐超滑，湯入面又多菜，如果唔係叫了煎餅，真係想叫碗白飯送湯呀海鮮煎餅，因為叫了好多泡菜，所以呢個點了海鮮味，入口脆邊，海鮮份量都算合格黎韓燒更要燒燒佢，點了羊鞍同厚豬腩，店員推介牛肋骨，但唔食牛所以無點。厚豬腩夠厚切，其實佢嘅豬頸肉都好好味架。至於羊鞍一碟3件，唔記得影相呀！調味唔濃，有少許羊味，我喜歡呀最後順帶一題，呢度嘅泡菜每次都有三款。聽店員講是自家制，唔係交貨黎，因為我真係超愛佢地整嘅泡菜呀！仲帶包肉嘅生菜同樣新鮮無輪泡菜同生菜都係任食架!!!但大家當然唔好浪費喇，食得哂先好叫呀！仲有仲有。星期一至四晚市好似有6折!!仲抵食。今晚唔使四百蚊埋單!!…Read More

今次已經是第2次黎。第一次是朋友介紹黎食lunch，已經覺得唔錯，環境寧靜。因家人是素食者，所以試菜後已決定帶家人一試。可能我地晚上6時已到，人客唔多。之後到見有外藉人士黎食。睇睇個餐牌先，其實價錢都算唔平，但店員推介蛋餅，所以家人就點了蛋餅，而我就點了意粉!我點了中湯，我覺得真材實料，味道很好。飲落好有滋潤感。家人就點了西湯，佢都話南瓜味濃，不稀不杰剛剛好沙律清新，用料新鮮，加入蘋果好爽口最喜歡呢個小食:豆皮搥。用了豆皮卷成一隻雞脾仔，外面煎香了，不得了...一試就喜愛上。另外，還送上羅漢果熱飲，家人十分喜歡。家人叫的蛋餅更不得了，因外面賣的蛋餅通常有洋蔥或蒜，所以素食者都食唔到。但呢間蛋餅完全無落洋蔥同蒜，好有驚喜。超好味，餅底脆脆的......家人都話正呀！而我點的意粉就相對失色。我略微覺得乾了少少。但整體合枱最後仲有甜品:椰果黑珍珠。第一次熱食黑珍珠又唔錯，甜度剛好，而加入蘋果後多點口感。整體滿意是日晚餐，家人亦食得開心，因為食材都是用上新鮮食材，而不是用素肉代替，所以較健康同清新嘅素食!…Read More

去APM最煩就是搵食，因為次次去都唔知食咩好。今日去完觀塘海濱公園，之後就到APM搵個下午茶!!揀咗好耐，見呢間有下午茶就入去試試。我同男友各叫了一個下午茶餐。佢一見到豬潤公仔麵就兩眼發光，其實可以揀通粉/米粉都得嘅!!一送埋黎我就好後悔無叫，因賣相唔錯仲聞到豬潤香，我更係即刻試吓先。嘩!!好味呀！個湯底都係豬潤湯底呀！再配埋啲芹香，好好味呀！但我都要忍住比番男友豬潤麵係配炒蛋多士，我就略微覺得酒油了少少，但都唔錯嘅而我就叫咗炸脾配薯條。炸脾都做到皮脆肉嫩，勝在新鮮炸起，無咩雪味，又是不錯選擇茶餐當然唔少得野飲。餐茶絕對合格。凍檸茶夠茶味最後。下次我一定要叫豬潤麵。…Read More

今晚一如既往幫襯simplylife，晚餐點了個羊膝配薯蓉及雞胸闊條麵。跟餐配上蕃茄湯和麵包，再加一杯鮮果茶!!愉快的晚餐後男友提議點一個甜品，因為都飽飽地所以就出去揀一片蛋糕。見有朱古力千層班戟和紅莓千層班戟，見在櫃內賣相唔錯，又心想紅莓千層班戟未試過，咁就一於點紅莓千層班戟喇!!點知，個班戟一上枱，只見碟面濕濕的，個班戟溶溶的。撕走蛋糕紙後，只見班戟似在溶化中……跟著一切落去，整片班戟散哂，簡直慘不忍睹。口感又凍又酸，班戟皮唔幼滑，好似雪咗好耐硬硬咁，可能有生果係入面，整個班戟濕濕的。大約$38唔算貴，但實在令人失望。同男友快快食完了事。下次唔會再食，食番蛋糕就算了。其實simplylife食物一向唔差，呢個班戟簡直是劣作，唔好再賣以免影響自家品牌。…Read More

好耐無食放題，難得有一大班大食鬼一齊食，又有人想食放題，於是就拿拿臨book。可能是星期六嘅關係好多間都full book。咁我眼見openrice有網上訂位服務，咁我就試吓喇。訂枱程序相當方便，㩒幾個制就攪惦，仲要之後有提醒你訂枱時間。食飯當日餐廳仲有人打比你confirm booking。第一次食放題會加埋蒸氣煱都幾特別，因為唔食魚生都仲有好多熟食比你揀。唯一餐廳嘅枱都比較細，所以食得都好趕，因為要盡快清咗枱面嘅野先有位放食物，所以都無咩時間影到相。但食物質素平均，天婦羅望落似厚粉，但食落都相當鬆脆同唔油。燒烤都唔錯，唯一無羊架就有有失望。焗蠔同焗帶子都唔錯。我地一行6人都有食蒸氣煱，基本上食材新鮮。最估唔到最後嘅粥底係好好味。因佢預先已加咗南瓜同薑片。抵讚👍服務態度非常好，店員見我地有點迫，主動比埋隔離張2人枱比我地擺食物，當然佢有講明有客就要比留張枱佢，好滿意佢嘅細心。飲品方面同樣照顧每一個人，竟然會有熱飲櫃，我唔似凍嘅就啱哂喇!!梅酒清酒都係任飲架!!甜品就有雪糕，雪糕糯米糍，布丁，奶凍。但講真，食物種類多，真係要留位先食得落呀!…Read More

去開荃灣,朋友想食韓燒,又想食燒餅,所以就一早book定位。點知去到見餐廳入面無咩人食,大家心想:咁少人?會唔會中伏架??我地見有套餐.就點了兩心餐再加散叫!泡菜自家制,辣得黎帶少少甜!正套餐點了豬腩同雞,份量好夠牛肉是散叫的。記得烤肉要配醬料和生菜包住食呀！炒年糕好好味,唔會太辣,散叫的芝士盤,套餐的。但個大覺得有點膩。好喜歡芝士的不妨一試。炒粉絲散叫。好香麻油咪海鮮燒餅,好食但就是海鮮少了點。整體食物都唔錯,最喜歡佢嘅醬料,點肉一流。重點是泡菜任加,包炸肉食嘅生菜好新鮮仲要是任加。環境方面,抽煙系統一流,食完絕對唔借成身油煙味最終4個女子飽到好滿足。所以好唔明點解咁少人入去幫襯!…Read More

朋友想食私房菜,我無咩心水就上openrice睇第。見食評同食物賣相唔錯,所以就book咗今晚試試。當訂好位後,就收到whatsapp叫我點餐,我覺得唔錯呀！唔使到時左揀右揀!!環境唔錯,播著唔太嘈既音樂。氣氛好舒服,我地要了支白酒,一坐就不停傾計同等食我地叫咗個三人share menu西班牙風亁火腿配哈蜜瓜拼盤,估唔到份量都好足夠呀！沙樂美腸田園沙律配無花果乾柚子黑醋汁,呢個我幾喜歡,沙律都好新鮮,喜歡無花果乾同埋用料新鮮。黑松露蘑菇湯,黑松露好香好有口感,夠熱,唔錯喔！法式龍蝦濃湯,我只試咗一啖咋,感覺唔錯。其實仲有自家制包,但唔記得影,外脆內軟,好香夠熱,唔錯。煎封法國鴨髀配自家制雜苺汁,個雜莓汁令到個鴨脾無咁膩,配得好好。鴨肉煮得好“林”,但唔係去到爛既感覺,所以唔錯。日本水飼豬架配蜜糖芥末汁,芥末汁味唔濃,個豬架好多汁,唔會乾哂,朋友話有點似食燒肉扒法國春雞伴黑松露忌廉汁,個汁做得唔錯,但個雞就有少少老,我覺得一般喇!廚師精選甜品,甜品唔錯,豆腐雪糕好正。個焦糖敦蛋就甜了少少。可以事先要求寫字,好正整體我地都好滿意,整晚只有兩枱客,所以可以好舒服咁傾計,services都唔錯呀,又唔會限時,最後還送了3張優惠卷下次再用。我諗我都會再黎!…Read More

由榕樹灣碼頭一路行入大街,經過呢間餐廳,就見佢門口display咗碟焗蠔,青口等等..而有位叔叔都好落力叫我地入去試試。反正男友喜愛西餐,所以就試吓!佢地推介我地食豬仔骨,我地就另點焗蠔!因豬仔骨是set lunch,所以有湯。個湯好夠味,蒜蓉飽又熱又脆!個菠菜焗生蠔黎喇!!有4隻同6隻叫。我地要了6隻既!隻隻都好飽滿好香噴噴架!真材實料好creamy,好味到我連個汁都飲埋!!無叫錯,一定要食呀！豬仔骨大大份,好食過outback,唔會overcook 咗,味道唔錯,我地配了意粉,兩個人都好夠!環境方面因係下午就唔覺點浪漫,但我相信晚上會好好多。店員都好好招呼,所以我亦見有好多當地居民幫襯。…Read More

好耐無去過南丫島,今日同男友兩日一夜當渡假。因為是星期六入宿,所以酒店送了兩杯welcome drink,再另加一張50元玩金卷,我估都係想鼓勵你在餐廳消費。因為天氣好熱,行到去酒店又攰,放低野再行番出去諗起都攰。所以最後決定留係酒店晚餐。一坐低就有兩杯welcome drink,唔使揀就仲好,一杯是fruit punch,一杯係薄荷飲品。味道唔錯,唔太甜。因為餐廳晚上7點last order,所以我地食飯時都架天黑!室外有好多風扇,但惹蚊既朋友就做好防蚊準備!佢地既仕應好熱情招待,仲介紹我地食岩鹽燒大蝦同意粉。講真。餐牌選擇都唔算多。所以就信佢一次。點了兩款意粉同一個大蝦。個岩鹽燒大蝦真係好正。係燒緊時已聞到好香。仕應仲話趁熱脆卜卜就連殼都可食埋。嘩!!果然係!!其實我地都覺得隻蝦似炸多過燒,但隻蝦真係好鮮味,又食到少少岩鹽既味道,好食!點了一個蕃茄意粉,味道唔會太酸或太甜,有蕃茄味。個意粉剛剛好,口感唔錯白汁意粉。佢講明係素,但就配咗好多芝士,但又出奇地好食所以我覺得無黎錯食呀！…Read More

今晚一行6個人聚會,朋友一早訂定位,所以去到都唔使等就安排入座。可能是星期五的關係,店內都比較多人同好嘈。因為掛住傾計,有啲食物相都唔記得影了大家每人點一個餸,但今晚既食物有少少失望小籠包ok喇,無咩大驚喜叉子燒餅好好味,一定要叫但比較細碟無咸味既上海粗炒,好淡...好失準炸子雞,好味好滑唔記得咩骨,但好好味得咗成個鍾先做起既漁香茄子,味道少少酸。因等得太耐,叫佢取消咗佢。但跟住又上菜無咩特別縮水版豆沙煱餅,唔算好有水準,唯一唔太油最離譜係呢碗酒釀丸子,得半碗!!!整體黎講有少少失望,份量細且有啲食物失準。希望下一次有機會再去時會有改善!!…Read More

今晚係荃新天地晚餐,行過“我鐘意”正睇緊餐牌時。門口仕應好禮貌地介紹:set dinner第二份係半價!!咁未試過就入去試吓喇!!星期一至四都有唔同優惠架!!我同男友點了兩個set dinner!我地各自加十蚊就轉要周打蜆湯同黑松露忌廉湯!周打蜆肉果然好多蜆,黑松露湯望落好飲稀稀地,但飲落味道又唔錯,有陣陣黑松露味!!蒜蓉飽亦夠熱夠脆!讚煙三文魚薄餅,最愛有火箭菜,而且每格薄餅都有煙三文魚上面,夠熱夠脆,再讚咸豬手開頭都有點擔心。因見食評話好咸,但我同男友都覺得啱啱好,加埋蜜糖芥末醬,好好味好夾呀！就連配菜都係熱既。讚呀加錢轉飲埋熱果茶,我就喜歡佢唔太甜,少少酸可解油膩。但可能會有人覺得唔夠濃!!最後埋單264。兩個人唔算貴。仲要好飽,攪到想試甜品都唔得。下次要再黎喇!!最後,餐廳唔多人,可能係閑日喇,服務好好,食咗餐舒服既晚餐…Read More