mikaka's Profile

同班姨姨5個人叫左個4人套餐,加左4個白飯先講個湯, 胡椒豬肚白果湯, 好香胡椒味, 原本餓到有d胃唔舒服, 飲完個人暖番哂精神哂, 胡椒味剛好唔算太濃烈, 但可能我地全部人都唔食白果, 個個都揀哂d白果出黎, 見到煲湯好足料 鹽焗雞, 隻雞有雞味, 唔會太咸, 而且肉質好滑, 雞皮整得好爽脆~好味梅菜扣肉, 呢個正到不得之了原本黎左碟8成係肥, 2成係肉, 我都已經心心眼架啦, 但姨姨唔想食咁肥,叫人換左碟, 個呀姐好好人, 叫廚房揀過碟比我地,仲打開少少比我地睇左有幾肥先幫我地上碟,好貼心好啦講番碟肉, 個肥瘦度係靚到幾FU 1:1:1:1咁....好有層次,口感好豐富, 果然係招牌菜!!!墊底GE梅肉唔會太咸, 冇蓋過扣肉GE風頭但拎佢黎撈飯又好夠味喎, 呢碟野已經令我呢個夜晚唔食飯GE人,食左1碗白飯, 仲想添多碗紅燒豆腐, 不過不失啦, 不過夠哂大碟囉, 好似食極都未食得完咁 油菜, 同佢個名相符-.- 好油, 油到要用個咀SIR番D油出來,大家食少少好了…Read More

我本身對呢個倫敦小女孩完全冇興趣...但朋友話要食...捨命陪君子啦...呢間野...真係周圍都係呢隻倫敦小女孩...如果你係佢ge fans....一定變哂心心眼哂好啦...坐低嗌野食...一個字...貴...但始終佢係賣樣...都預左ge先講流沙包...之前聽人講話好好食...的確係好流好沙 , 夠哂熱辣辣,但我又覺得...同出面做得比較好ge酒樓都差不多姐...但價錢貴咁多喎...嗯...即刻令我聯想到...呢碟野咁hit....其實都只不過係kitty迷ge偏見再者...唔知係我對眼ge問題...定係做我地呢籠包ge師傅唔夠高技巧...我覺得kitty個樣怪怪地-.- 相機都食得麻麻地開心姐到蝦餃...我都已經對佢個樣無咁大期望....反而呢個個味又出奇地好過酒樓 (我已不自覺咁將佢同普通酒樓比)食落唔油膩...d蝦幾爽又幾夠料...同埋諗住佢個皮咁多裝飾會好厚啦...點知又唔係喎...做得唔錯!!呢碟個look...真係麻麻...要比d力先幻想到果堆蛋皮係蝴蝶結....但overall個味唔差ge...1d都唔油膩..仲炒得幾香tim!係輸個樣囉...…Read More

黎過咖啡弄2,3次,次次都嗌鬆餅加水果茶,抵食呀MA,又平又飽,又足料終於,今次有D新款式試到啦, 因為今次我跟HIGH TEA達人黎,HAHAHA佢話D ICED TEA唔錯,好,我跟!!!香蘋葡萄冰茶.....x2呀唔該~講賣相,不得之了,佢比我覺得自己好似睇緊迪士尼果個獅子王慶典果個舞台咁, 好有活力,一向覺得咖啡弄好大方,比好多料,今次都唔例外, 一睇個面,超多水果,味道方面,我只能講, 好"水果味" 可能因為佢浸太多不同種GE生果落去, 係雜果提子冰果咁GE FEEL..但D莓偏酸>< 食完一粒冇再食其他水果都好ok, 真係食完d生果都飽,超抵!!!再叫左個咖哩吞拿魚巧巴達三文治, 個人認為呢個比鬆餅更好味個包新鮮焗起, 暖笠笠, 個包面幾鬆脆, 而包身又幾in-un, 有咬感入面勁足料，吞拿魚就咁聞已經好香, 我本身唔食得辣GE, 但達人話好食,就試下啦, 又幾好喎, 唔太辣,至少我食得到, 佢入面應該係加左d洋葱, 食落好香, 成個鼻腔都滿哂果陣味, 唯一係d吞拿魚乾左d，有d"鞋"口囉但最後唔夠飽,都係好唔爭氣咁點左客鬆餅, 不過不失啦, 食到已經冇特別覺得好食.…Read More

約左媽媽放工食飯，幾年前朋友有帶過我黎，印象唔深，淨記得用個熱鍋食，同係咁叫我小心Ｄ唔好掂側邊ＬＯＬ叫左２個ｕｄｏｎ，佢叫萬豚屋，諗住叫豬肉冇死啦，２個都叫厚切豚肉（諗番覺得蠢，應該嗌２種肉 ），媽媽要香菌濃湯，我要沖繩風湯底．香菌濃湯厚切豚肉烏冬，湯底好香菇菇味，但唔會太杰太漏沖繩風厚切豚肉烏冬，係豬骨湯底黎ｇｅ， 個人黎講中意沖繩風多ｄ，味道較清，菇菇飲多２啖就會想食鳥冬算，烏冬都幾彈牙，但原本最期待ｇｅ豚肉有ｄ失望．．． 有陣臭豬肉ｇｅ味，雖然好淋，口感係唔錯，但果陣臭豬肉味太勁，加上舊肉好似白洽咁，冇乜調到味．．．食左２片就放棄了 反而個鍋真係令我好深刻，食到尾，佢都仲係熱到出煙，不停咁暖住ｄ湯 另外叫左個炸釀南瓜，入面有條煙肉包住舊南瓜ｇｅ，但有２，３舊炸得唔夠透，ｄ南瓜仲係好脆，唔係咁好食． :( …Read More

同親戚一行十九人，上左都會食飯，大約夜晚９點半，諗住快靚正食d粉面一入去，好光猛，感覺唔錯，係比較干淨的茶餐廳，打開ｍｅｎｕ，都幾多野揀，３心２意ｇｅ我，揀左好耐，仲於揀到蜜汁豬扒配菜飯，諗住有ｄ菜，易入口ｄ，我地一共嗌左４碗野，有２個都加左一碟菜等左好耐，表弟妹哂果ｄ粥同面都到齊，我個飯仲未到 心諗算啦，可能菜飯係麻煩ｄ，等下啦點知佢一上，上左碗白飯比我:(我果個明明係菜飯餐黎架嘛，咁就叫左幫我地落單果個４眼呀姐過黎，個呀姐勁唔耐煩：冇菜飯我：下，咁冇人同我講，就咁出個白飯比我？呀姐：咁你而家要唔要？火都黎埋，已經遲黎，仲要冇菜，仲要串串貢但大家都食到一半，媽咪果邊又成班長輩起度，廢事同佢撐，食完算．講番個飯，ｄ豬扒唔錯，腌得好香，但同想象之中有出入，個名係蜜汁豬扒，但佢係炸左ｄ豬扒，再比ｄ泰式醬:(不過點泰式醬都夾到，係ｏｋ　ｇｅ，　但個飯要我就咁干啃，我真係食唔落，叫左另一個呀姐比ｄ汁我，佢比左兜豬軟骨汁我，甜甜地，又唔會好杰食，撈飯係唔錯，早知叫豬軟骨菜飯好過另外，我餐飲要左杯熱柚子蜜，用匙攪一攪，個底應該大約有２ｃｍ　ｇｅ柚子蜜漿溶唔到，落左超多，就算係中意食甜野ｇｅ我，都覺得杯野甜到好漏，份量應該可以分３杯飲表妹睇相，見到帆立貝蜆肉咁多，就嗌左呢個，佢又真係咁足料，不過表妹話ｄ送係冇味ｇｅ食左半碗冇食ｌｕ叫得心粥店，２位表弟諗住ｄ粥會好靚，點知完全冇驚喜，粥底味道淡，同埋ｄ米煮得太爛，冇野咬下，比成４０蚊食個粥，唯一好處係料多囉第１碟菜真係好正常，但差不多食野，佢仲未上另一碟，我地就吹單啦，點知呀姐拎左舊好似切開一半就掉落水烚，再原舊上碟ｇｅ菜出黎－．－都唔知有冇洗過，我地食左面果幾塊，已經放棄…Read More