MarcoKwan4143's Profile

今次係第二次食呢間井財街tipple 聽聞佢哋嘅幼薯條配黑松露醬好食到誇張 今次特登過嚟試吓！事關我係黑松露控。。。 果然名不虛傳，啲薯條勁香脆，再加黑松露醬味道又勁濃郁，兩者配埋，味道真係超加出色。幼薯條份量都ok嘅，但啲價錢有啲貴。。 仲叫咗佢哋嘅黑松露野菌忌廉湯。湯質濃郁滑順，味道好香濃，加上啲黑松露味，真係都幾好飲，湯裡面仲有啲野菌，鮮美之餘，仲好滑好滋味。 最後一道黑松露就係香煎北海道帶子配黑松露忌廉汁。啲帶子煎得恰到好處，啲肉質鮮嫩彈牙，加上黑松露忌廉汁味道就更香濃，配合埋帶子，味道就更加出色。一睇啲汁咁濃稠，就知味道好豐富，一口一啖帶子，真係一絕！ 如果大家都鍾意黑松露嘅話，真係要試下呢三個配搭！…Read More

極多報導介紹過呢間餐廳，今次黎澳門特登嚟朝聖下！！《厚蛋豬扒包》$38厚蛋非常嫩滑軟綿，豬扒鬆軟入味，外脆內軟唔會乾爭爭～個人應為加咗厚蛋之後冇得輸！《凍奶茶》$19奶茶口感順滑，都唔錯～ 不過得偷飲左朋友嘅凍咖啡，之後就後悔自己點解唔買咖啡🙊《花生奶油方塊》$25呢個冇影到相，因為一拎咗朋友旋風式清晒🤣粒粒方塊煎得香脆，花生同奶油一啲都唔慳料，粒粒都可以比醬覆蓋着，仲有花生粗粒！！食過返尋味，真係抵佢咁多人排有咁好生意！…Read More

呢間野不論閒日定假日都係人山人海，最少排半個鐘，襯住人少少我地都排左九個字試試佢《韭菜豬肉湯餃》粒粒餃都mega size咁，皮整薄涵肉多菜少，本身啲肉已經調得非常入味但其實湯餃個重點係啲湯！！湯底係魚膠淮山煲豬骨，湯底鮮甜，好彩既話仲可以好似我咁食到花膠🤤 就算食到飽一飽，都一定要飲晒啲湯！！《香辣豬肉煎餃》一樣都係大大粒皮薄涵靚，面面金黃半煎炸，但都幾多油，同埋唔知點解煎餃好似重口味啲🤔個人覺得湯餃正啲🥟…Read More

黑糖珍珠鮮奶呢個熱潮都hit左好耐，基本上個幾禮拜就會有一間新～我自己就覺得呢間係最好飲！《下站帖波霸厚醇奶》$30虎紋整得幾靚🐯用明治3.6奶，奶味同黑糖味都飲到，珍珠都算煙韌，上面仲有層奶蓋～重點❗佢冇其他黑糖珍珠鮮奶咁甜，對於我呢啲唔好太甜嘅就啱啱好👅《下站帖太極厚醇奶》$34奶蓋上面仲有花生同芝麻粉，花生同芝麻味較為突出，呢杯比較淡，唔嗜甜又鍾意花生芝麻味既可以揀呢款~店員好似真係台灣人！好客又好傾🤩…Read More