chiukwoksui's Profile

唔講服務，衞生，位置（好羨慕話睇日落好feel而俾like嘅人咁易滿足），淨講野食。兩個大叔費事諗，就叫二人餐，整體份量叫做夠。個湯係迷你，似粉裝杯杯湯，所以好飲。一人兩舊鐵板肉，乾，辣，唔識分係乜肉。咖哩角同兩款薄餅，淋嘅，方便無牙婆。咖哩肉有三兜仔，辣，唔識分係乜肉。Mango lassi，杰，加冰，溝唔埋最後變咗水汪汪。加咗個菠菜芝士，鹹。食飽果晚要隊兩枝寶礦力囉。會唔會二人餐先有咁好嘅待遇呢？…Read More

平時好少入屯門，今日見客個客就揀咗呢度，咁好正常梗係早少少開定位等客啦。一間睇落正常嘅酒樓，就正常咁搵張枱，正常咁開茶，正常咁用滾水淥下啲碗筷。一枱四位，我梗係正常咁洗晒四個位啲碗筷，當然會正常咁檢查下碗筷嘅衛生情況⋯⋯咦，見個碗有啲污糟野禾，就正常咁自己去隔離空枱換啦⋯⋯咦個杯又係咁禾⋯⋯最後一枱四位，我正常咁換咗三份之一嘅碗筷囉。X X X啲野食就⋯⋯都一樣咁正常囉。X X X個客話呢間酒樓係佢個朋友開嘅，咁一切都好正常囉。…Read More

叫了一碗麵（唔記得乜麵），同埋一個鰻魚飯碗麵，同碗飯，的確係好好味。不過...個鰻魚飯細到呢...手掌咁大。以為個餐牌會寫住「實物同大小」。兒童餐size囉。味道無論係幾好...但係我想食飽囉。好彩，有玩具玩。生蒜夾，酸薑，任食任玩，抵返晒。…Read More

星期六晚八點，海運處處是人，在躊躇那裡用膳之際，見到呢間野有位禾。開頭以為係點品店，個女點員見我望望下就話：「試下海景餐吖，裡面真係有海景架」。就落疊。海景對辦。開頭都幾開心。頭盤...其中一樣係番茄加罐頭吞拿魚加魚子。唉。之後塊薄扒好生。咁薄都仲可以咁生，服。淨係得黑松露醬果啲味。唉唉。個甜品...少少生果加雪糕加白色果啲好似mousse食落似綿花但係唔甜都唔知係乜野，不如淨係俾雪糕我好過。唉唉唉。傳統智慧，繁忙時間坐唔滿的，總係會有啲嘢。唔駛check openrice食評都知。…Read More

神推鬼X之下就坐，發覺唔係幾對路，但係費事閃，就柯打兩樣野咁多試下：1. 特價廿五蚊半磅三文魚刺身；2. 一舊水鬆啲嘅雜錦壽司感想：1. 三文魚無味禾2. 連果杯綠茶都無味禾3. 壽司飯一pat野咁，又散唔對路之下即手機上網check食評，原來一眾巴打已劣評，今次真係自己攞嚟衰。最後，埋單時見到壽司仔戴著膠手套抓頸背，唉……Read More

在下居於樓上，眼見該舖位易手不斷，忽見變成米綫店，即管試試。以為只是一般米綫店，一看竟有脆皮羊腩，當然要試，一嘗之下…好食到不得了，仲要卅零蚊有交易！唔駛講野，自己試！總之正，已成在下飯堂！…Read More

兩人．柯打左：1. 馬介休波ok 啦，不過唔夠魚肉禾2. 沙律菜類只得生菜，又鬼死咁多粟米，附以黑醋就想扮葡餐？no way3. 意大利飯本來想食羊膝入左單又話冇，就叫左個飯米，都唔係果種米葡國臘腸又得丁屎咁多總結：1. 扮得好辛苦的葡餐2. 揀葡菜館最緊要睇下係咪鬼老開（或者有冇鬼老幫趁）3, 食葡餐比多少少（都係百鬆ｄ遮）已經有好好食既，無謂貪平…Read More

能說正宗檳城福建話的老闆娘，食物怎會不正宗？亦是普通價錢而已。我敢說香港地再沒有另一間食肆有此水準（高級餐廳我沒機會試），若你不喜歡正宗口味，拜託你以後吃港式馬拉菜便算。（唔識欣賞炒棵條不如去第二處食乾炒牛河算罷啦）推：1. 架央多人手做四粒鐘先得果一細樽架央，咁好心機，一件加架央多都係收你十零蚊，好食過你某某豬膶麵果d 架央多好多啦2. 檳城炒棵條真係有螄蚶呀，夠晒鑊氣，去邊度搵？兩丁友去，食得唔多，下次一定要試埋蝦麵，雞飯，肉骨茶．．．諗起就開心．．．…Read More

昨晚一行三人在此用膳。點了三客$38 的套餐，計有：生牛肉湯河咖哩雞翼飯鮮茄牛腩飯春卷炸海鮮卷油菜鹹檸七ｘ２珍多冰1. 招呼不周，得兩個樓面，叫左五六次先有人理2. 小食得兩舊，油菜得兩條3. 地下黐立立，珍多冰仲...…Read More

兩個人，食晏，慕名而來，叫叉燒飯、炸醬撈同腐乳通菜。叉燒飯都唔錯，不過呢個價就點計都係貴，去寶靈街陶園好過。我每次去粥粉麵舖都鍾意叫炸醬撈，算係一個測試指標去衡量食肆水準，一試點知．．．鹹到ｘ街！！一點幾食晏，依家夜晚九點重好頸渴，訓晏覺果陣鹹到發夢狂飲水！！我卅幾歲人都未食過咁鹹既野，肯定超過成人一日所需要既鹽份！！三個字－－無下次！！…Read More