靖仔的个人专页

真實食評嚟！幫襯過好幾次，食物質素有保證，又抵食～重點係我想講，店員超好人！！！我一個人入座，剛好拎住袋嘢，店員主動借出一個勾仔幫我手勾住啲嘢掛喺枱邊，真係好細心！！店仔雖然細細，坐得係逼些少，但真係人情味搭救！講返食評，紅燒肥腸米線$38，叫咗BB辣。辣油香口惹味，食完唔會好頸渴，酸菜亦好好食，肥腸夠入味，米線唔淋又唔硬，剛好！另外我叫咗香辣青瓜$15，都係BB辣，仲送杯茶，晚餐嚟講啱啱好！荃灣隱世小店推薦！…查看更多

想忙裏偷閒，揾個地方放鬆吓心情。平時鍾意影吓花花，估唔到呢度可以與花為鄰之餘 、仲可以食到唔同嘅花。玫瑰、三色堇、香堇菜⋯我同一齊去嘅朋友真係有每種花都試吓食😂食物方面唔淨係樣靚，味道方面都唔錯。以花入饌，食嘅係浪漫，朝飲蘭露、夕餐秋菊，好似特別文青。想影靚相日間去比較好，尤其午後陽光柔和，襯托返花花嘅靜好。…查看更多