Danacaneat's Profile

最近出trip機會多咗，所以都好少喺香港食好西，咁啱約咗個好朋友，即刻去咗間book mark咗好耐嘅韓燒！呢間餐廳地點好方便位於旺角，主打係正宗韓國燒肉料理，今次我哋都order咗幾款菜式試吓。首先我哋order咗雪梨水冷麵，雪梨湯底超香甜，而且入口涼浸浸，配合QQ既冷麵，超適合而家炎炎夏日食用。我哋另外都叫咗黑毛豬盛合，和牛西冷，同埋海鮮拼盤！首先值得一讚嘅係店員超級細心，全程都會觀察我哋嘅狀況，必要時都會幫手甚至乎燒俾我哋食，完全唔需要同佢哋講換網面。黑毛豬盛合超級抵食，一次過包晒五花肉豬腸同埋豬皮，五花肉油分極高，而且入口豬味濃郁，去必食之選，豬皮經過佢哋嘅特製醬汁滷過，入口QQ，同韓國食嘅真係冇差別！和牛西冷係我朋友推介之選！一上枱超級大件，兩個女仔一定食唔晒，而且有專人烹調，絕對唔擔心浪費咗咁高級嘅肉。經過專人嘅悉心烹調後，每一嚿肉嘅熟性度剛剛好，完全係入口即溶，係食肉獸嘅最愛！海鮮拼盤種類，好豐富，而且每一款海鮮都好好食，我同朋友仔兩個人食，真係食唔晒攬住個肚走！總括嚟講呢間餐廳我自己同朋友仔都極力推薦，大家如果經過嘅話記得去試吓，千祈唔好錯過！…Read More

早幾日同朋友仔去尖沙咀食咗間傳說中好好味嘅炸雞店，我同朋友食完之後都豎起手指公話正，一定要同大家試吓！呢間餐廳係來自韓國嘅，喺當地已經好出名，佢哋不論炸雞同埋其他韓式食品都好高質。今次我哋叫咗佢嘅帕布羅炸雞，韓式牛肉飯卷，辣炒年糕同埋黑芝芝波。頭先值得一讚嘅係餐廳可以選擇半份炸雞，如果果兩三個朋友仔嚟食嘅話半份真係啱啱好，又可以叫多幾款小食，真係一舉兩得。一上枱發現半份其實都有七舊炸雞，都好抵食。帕布羅炸雞原來係特製大蔥醬油醬汁，大蔥入口都好爽脆，而且配合香甜嘅醬油真係超惹味。佢哋嘅雞肉鮮烤焗後炸嘅方式製成，能夠保留到肉汁，每一口都好Juicy！韓式牛肉飯卷有芝麻香味，而且佢嘅配料都唔啱少，味道同喺韓國食嘅一模一樣樣，都幾抵食。辣炒年糕口味有為香港人調整，入口唔算好辣，年糕全部都煮到好QQ，絕對唔會Over Cook或者太硬。黑芝芝波一入口啲芝士就爆曬出嚟，仲要拉絲效果勁明顯，波波仲用咗芝士粉覆蓋住，芝士狂熱分子真係唔好錯過！總括嚟講呢間餐廳真係高質，我同朋友仔食過都覺得可以再去食吓，佢有其他款嘅炸雞我都有興趣，大家如果有興趣嘅話記住唔好錯過一定要去試吓！…Read More

早兩日食咗間之前有朋友仔介紹嘅打卡餐廳 ，覺得真係好社交媒體網站able想推介俾大家！我今次去咗杏花邨嘅分店，分店位於地下嗰層一出地鐵落一層就到都好易搵。佢哋嘅裝修用花做主題，超有少女心，而且價錢都好大眾化，一啲都唔貴。菜式方面以西餐為主，今次我哋都食咗幾款，有意外驚喜！首先嗌咗個墨西哥牛油果煙鴨胸沙律清腸胃，佢嘅份量都唔少，而且沙律菜同牛油果都好新鮮，開胃菜絕對一流。跟住我哋嗌咗個晚餐套餐，裏面有湯頭盤同埋可以加錢叫特飲。是日餐湯吃蘑菇湯，顆粒感好重，而且都好creamy都不錯吃。主菜係香煎比目魚配檸檬牛油汁。比目魚外皮脆卜卜，肉質好滑溜，每一啖都充滿魚油香，配合返檸檬牛油汁可以平衡返油膩感，絕對係驚喜之作。佢嘅配菜都好高質，薯蓉質地好滑，冇顆粒感，而且入口清爽，絕對值得一試。我同朋友仔超級大推介佢嘅飲品系列，我哋分別擺咗佢嘅手工黑芝麻特飲同埋紅寶石巧克力草莓鮮奶。手工黑芝麻特飲超級香濃，未入口已經聞到一股濃濃嘅芝麻香味，而且咖啡師拉花勁靚，打卡一流！紅寶石巧克力草莓鮮奶好香甜，而且都好足料，都係唔錯嘅選擇，呢間舖頭真係好適合朋友過嚟傾偈打卡，大家如果經過都可以試吓！…Read More

最近同朋友仔去咗一間位於銅鑼灣嘅泰國菜，啲嘢食除咗好高質係泰國人主理之外，仲有個吧枱仔可以飲杯嘢同朋友chill下，一定要同大家推薦下！今次呢間餐廳位於銅鑼灣希雲街附近，環境屬於旺中帶靜，雖然店舖唔係好大，但係好開陽見到戶外地方，同朋友過嚟飲杯嘢真係好舒服。今次我同朋友嚟叫咗好多唔同嘅菜式，識到我同朋友都攬住個肚走。辣粟米沙律去泰國傳統嘅街頭小食，喺香港好難食到，店面難得使用新鮮粟米製成，食到來自粟米嘅天然香味，入口甜辣，絕對值得一試！蟹肉奄列蛋味好香濃，而且裏面嘅蟹肉需要擔心有蟹殼，配合返辣椒醬好開胃。秘製泰式生蝦入口好鮮甜絕對唔會霉，配合返佢哋嘅泰式海鮮醬真係好似置身喺泰國一樣！哈蝦小丸子即係炸蝦丸，佢嘅蝦肉都好飽滿而且都有濃郁蝦香味，值得一試。冬陰功平時成日都見到，難得見到泰國家常湯品肉碎粉絲湯當然要試吓。一入口芹菜嘅香味撲鼻而來，配合白飯啱啱好，絕對係只療癒感滿滿嘅菜式。泰式乾炒河嘅河粉係用返泰國嘅令身玻璃河粉，入口唔會太鹹仲好香口架。總括嚟講我覺得呢間餐廳絕對好適合三五知己一齊飲完酒食吓嘢，仲要位於鬧市，銅鑼灣都唔好錯過！…Read More

仲有幾日朋友介紹咗一間觀塘新開嘅湯咖喱店，價錢唔貴之餘質素都唔錯，所以就同朋友去試吓！呢間店位於觀塘工業區附近，距離地鐵站都唔係好遠，啱晒收工去食。店舖除咗湯咖喱之外亦都有咖喱烏冬同埋日式刨冰。今次我同朋友試咗帶子湯咖喱，飛驒牛漢堡扒咖喱烏冬，同埋烏龍茶刨冰。湯咖喱同埋咖喱烏冬嘅份量都好多，湯咖喱附送嘅白飯超級多，男仔都未必食得晒！湯咖喱嘅味道都好濃郁，送飯一流，佢哋嘅食材好豐富用料都好高質，帶子每一粒都好大粒，而且唔會太老，仲保持到QQ嘅口感，配合埋湯咖喱嘅香味，令到你一口接一口。飛驒牛漢堡扒咖喱烏冬咖喱味比起湯咖喱更加濃郁，香濃嘅醬汁掛起滑溜嘅烏冬上面，超級好食！飛驒牛漢堡扒肉香好重，而呢個價錢係計，絕對值得一試。烏龍茶刨冰係另一個驚喜之選，烏龍茶糖漿嘅味道唔算太甜，但係超級香濃，配合埋麻糬令到入口有多重口感，絕對係透心涼之選。總括嚟講呢間餐廳我覺得性價比都唔錯，如果喺觀塘附近行街嘅話絕對可以一試！…Read More

最近同朋友仔食咗一間好高質嘅日本串燒店，位置喺銅鑼灣鬧市，座位空間仲好闊落，好適合同三五知己聚會傾偈，一定要介紹俾大家！呢間餐廳標榜串燒即叫即燒，而且用上日本備長炭作為燃料烹調，另外仲講明用上嘉美雞同埋空運食材，絕對冇得輸。我同朋友仔今次叫咗好多嘢食，食到攬住個肚走。前菜方面我哋叫咗個薯仔沙律，沙律入口微酸，而且口感軟滑超級開胃,配合埋流心絕對一絕。甘口嘉美雞全翼用上炸既方法烹調，入口勁Juicy而且肉質好彈牙，配合剛剛好厚度帶點甜味嘅粉漿，絕對係相得益彰，係必叫之選！味增松板豬食落勁香口，喺味增加持底下，令到豬肉食入口冇咁肥膩，而且豬肉嘅香味好岀，我同朋友都好推介。除咗肉類之外，蔬菜類嘅串燒都好有驚喜，我自己最鍾意佢嘅牛油果卷！牛油果卷係用肉類包過住牛油果烹調，令到牛油果入口多咗一層肉嘅味道，牛油果果肉入口即溶，配合埋海苔真係勁好食！甜品方面，我哋叫咗焦糖番薯配雪糕，焦糖番薯燒到勁靚仔打卡一流！而且入口香甜，脆脆嘅焦糖配合香軟嘅番薯，絕對位呢一餐畫上一個完美嘅句號。…Read More

早幾日返完通宵，朋友仔話不如一齊去飲早茶，即刻諗起大帽山附近嘅端記茶樓，一直都未有機會食過，擇日不如撞日梗係去試吓！一上到去環境好舒服，同大自然融為一體嘅感覺真係好耐都冇喺香港感受到。雖然係自助服務，但係喺店舖不論係店員定係顧客都好有人情味，呢一點係香港已經難能可貴。今次我哋叫咗幾款點心，包括叉燒腸，蝦餃，燒賣，金錢肚，鹹水角同埋椰汁糕。雖然食過嘅朋友仔對佢嘅評價好壞參半，不過我自己覺得總括嚟講都不過不失。我自己最鍾意佢嘅叉燒腸，腸粉嘅粉漿唔會太厚，而且加入咗佢哋自製嘅叉燒，入口新鮮有驚喜。金錢肚都好好食，入口黑椒味道濃郁，有少少美中不足係蘿蔔比較多根。朋友話伏味濃既鹹水角，我覺得入口都唔錯，外皮都幾煙靭不過有啲痴口，起碼唔會過硬，可以一試。總括嚟講今次去食，我覺得食品質素都唔算好伏，而且亦都有好多人特登揸車嗰隻行返過嚟食，我覺得有機會過嚟感受吓香港碩果僅存嘅鄉村風味，都係一個唔錯嘅選擇！…Read More

最近有朋友仔生日，所以同佢去咗一間最近超人氣嘅韓國餐廳食飯。呢間餐廳嘅裝修，我覺得好適合閨蜜過嚟食飯，佢嘅私隱度好高，唔使book房都可以靜靜地幾個人傾偈。今次我同朋友都點咗個套餐，套餐入邊有好多嘢食，包括前菜沙律，醬油海鮮，豬牛肉類拼盤，飯類飲品同埋甜品，超級豐富，食完我同朋友都勁滿足攬住個肚走。佢哋嘅韓式伴菜種類都幾多仲可以無限添加，泡菜入口唔算好難，反而酸酸地令到你更加有胃口，我個人都幾推薦。醬油海鮮除咗有醬油蝦之外，仲有醬油帶子，兩款海鮮都好大隻，絕無欺場，入口鹹鮮送飯一流。今次套餐嘅肉類，總共有四款，包括牛小排，肉眼，五花肉同埋豬梅肉，每一款睇落去有肉質超靚，而且份量都極大好厚身，就算兩個男仔食都一定夠飽。店員仲會詢問你需唔需要代勞幫手燒，佢哋嘅手勢極好，每一片肉都比佢哋燒到外表香脆裏邊軟。我自己最鍾意佢嘅牛小排，絕對係入口即溶，而且牛味濃郁，絕對係必食推介 ！食完兩份已經好飽，之後嘅八爪魚飯估唔到份量超級多，一入口微微嘅辛辣包裹住你嘅口腔，而且八爪魚肉質都好qq ，就算好飽都會忍唔住食完一口接一口，最後嘅甜品都好出色，係牛奶Tiramisu，入口奶香味十足，為今次嘅盛宴畫下完美嘅句號。嚟講，我覺得呢間餐廳同朋友嚟閨蜜活動，或者慶生絕對十分適合，而且食物質素都唔錯，大家如果有興趣嘅話記得嚟試吓！…Read More

銅鑼灣世貿中心裝修咗之後開咗好多新餐廳，我今次食嘅呢間餐廳聽講係啱啱嘅5月1號新開張，所以都有開業優惠全場八折！唔講唔知，原來呢間喺日本係老店已經超過一百年歷史，而係香港開既呢一間餐廳係佢哋喺海外開既第二間分店！餐廳除了使用各地空運到港的刺身食材，於香港分店首次加入了本地元素，部分料理使用香港本地海鮮製成，聽落好似好吸引咁，等我都唔執輸試吓先！豆腐沙律份量好多，而且豆腐有濃郁嘅豆香，新鮮嘅蔬菜配合佢哋自製嘅沙律醬汁，令你胃口打開，超好食！日式餃子皮薄餡靚，一口一件啱啱好，入口唔會醬住我個人都好推薦。炙燒壽司盛全部用料豐富，每一片魚生都大大塊，炙燒過後焦香十足，配合微酸既醋飯，係必食之選！雜錦海鮮天婦羅丼一樣都係分量好大，兩個人食岩岩好，天婦羅既CP值都好高，絕對值得一試。總括嚟講餐廳位置一流，而且食品質素都唔錯，大家如果經過銅鑼灣可以試吓！…Read More

最近同朋友仔去旺角行街，佢介紹咗一間好有特色嘅海鮮丼飯餐廳，一場嚟到梗係唔好執輸去試吓啦。呢間餐廳地點方便，正正就喺旺角女人街後面，餐廳主打日式丼飯，另外都有啲好特別嘅壽司款提供。今次我就同朋友仔去試咗虎撚四皇丼，虎士山丼同埋佢哋嘅新產品卷牛牛牛牛牛卷！虎撚四皇丼入邊有左口魚邊，三文魚，蟹棒，蟹籽同埋赤蝦，用了十足之餘，仲好豐富，自選醬汁方面我選擇咗芝士醬汁，海鮮配合濃郁嘅醬汁用炙燒嘅方式呈現令到口味更加昇華，焦香嘅味道，令你忍唔住一口接一口，推薦之選。我朋友就叫咗虎士山丼，裏面有三文魚蓉，吞拿魚蓉，帶子，蟹肉，三文魚子同埋黑松露，配合埋明太子醬汁。黑松露嘅香味首先撲鼻而來，同埋唔同種類嘅海鮮同埋醬汁，一次過可以食到唔同嘅鮮味，我個人都好推薦。牛牛牛牛牛卷喺餐廳嘅新產品，我開頭見到已經好想試，估唔到上菜時令人好驚訝！店員會喺送到上台，之後點着呢邊嘅火種，超級surprise同IGable，牛肉卷配上澎湃嘅炸蒜片，每一口都會食到濃郁嘅香味，我覺得都不錯吃。整體嚟講，我覺得呢間餐廳嘅CP值都好高好豐富好澎湃，大家如果經過旺角都值得一試！…Read More

好耐冇同朋友仔一齊去歎 Cafe！今天朋友仔介紹咗一間位於上環荷李活道嘅Cafe，佢哋主打土耳其style風格，除咗可以打卡影靚相之外，食品質素都唔錯，所以就去試吓！而家Cafe位於上環嘅巷仔裏面，一打開門佢嘅植物牆超吸睛，配合一啲中東style嘅圖騰，打卡絕對一流！喺食物方面除咗輕食之外，亦都有pasta同埋調製飲品。今次我哋就叫咗路易斯安那蟹餅配芒果莎莎，喇沙海蝦意大利粉同埋牛油果帶子酸種多士配蟹肉他他，另外飲品方面就叫咗開心果Latte同埋提子梳打試吓！首先佢哋嘅食品擺盤超級靚，未食落肚就已經賞心悅目！路易斯安那蟹餅配芒果莎莎一入口蟹肉超級飽滿，每口都食到蟹肉嘅鮮味，配合開胃嘅芒果莎莎，作為頭盤絕對冇得輸！牛油果帶子酸種多士配蟹肉他他雖然佢都有蟹肉嘅成份，但係可能佢嘅味道同埋口感係餅好唔同，香滑嘅牛油果配上大大粒嘅帶子同埋鬆軟嘅麵包，絕對係人間一大享受。喇沙海蝦意大利粉我相信係佢哋嘅自製菜式，喺坊間亦都好少機會食到，一入口超香濃嘅喇沙味道喺口腔湧出來，微微嘅辣度估唔到同意粉都配合相得益彰，配合返開索晒汁嘅豆卜，同埋彈牙嘅大蝦，絕對值得你過嚟一試！佢哋飲品嘅質素都好唔錯，我同朋友都好推介佢嘅開心果Latte，堅果味道濃郁之餘亦都有好重嘅奶香味，提子梳打亦都好清香，唔會有藥水味，我覺得喺呢度同朋友仔消磨半個下午絕對值得，大家經過記得要試吓！…Read More

早幾日同朋友仔行街，12號頸橋開咗間新開嘅港式火鍋店，鍾意打邊爐嘅，我哋當然唔執輸去試吓先！呢間火鍋店嘅裝修風格，用港式大排檔做主題，無論係裝修定係餐具餐牌都好懷舊，配合埋佢哋嘅8-90年代歌曲真係打卡一流！首先我哋叫咗心太軟試吓，佢哋嘅心太軟唔係西式嘅甜品小食，而係將腐皮卷好油炸，外皮鬆脆入邊香軟，配上芝麻醬口感一流。餐廳除咗主打個各類型海鮮之外，另外仲有本地嘅手切牛肉，佢哋另外仲有開放式廚房睇住師傅即叫即切超級新鮮。湯底方面我哋選擇咗椰子雞鍋，店員喺我哋面前將新鮮椰青打開直接倒入鍋入邊，絕無欺場！雞肉方面，份量都幾多，CP值高。由於今次得我哋兩個女仔關係，所以唔係叫咗好多嘢食，我自己推介佢哋嘅大沙巴蜆，隻隻都好新鮮好大粒，入口有海水嘅鹹香，肉質仲好飽滿，絕對係必食之選。另外貢丸入口肉味濃郁，而且有肉汁，我都好推介！我餐廳我覺得都不錯吃，最啱同三五知己一路打邊爐一路傾偈，如果係八九十後既你仲會有集體回憶添，大家有興趣嘅快啲嚟試吓！…Read More

有朋友仔問香港區有冇啲坐得舒服又氣氛好好嘅大排檔嘢食，我最近同朋友仔食過一間喺銅鑼灣嘅，感覺都唔錯，可以推薦俾大家！呢間舖頭位於銅鑼灣謝斐道地舖，地點位置一流，約朋友食飯絕對唔使驚搵唔到。舖頭主打各類型嘅港式大排檔風味小炒，而且飲酒嘅話更加有戰鬥碗提供，同朋友飲返兩杯真係啱晒！今次本身想同朋友仔嚟食佢哋嘅煲仔飯，不過因為生意太好賣晒嘅關係，所以我哋都叫咗其他小菜試吓。椒鹽脆鮮魷入口粉漿唔會好厚，而且肉質都好QQ一咬就斷開，脆卜卜咁最啱就係送酒。拔絲咕嚕肉係佢哋其中一個招牌菜式，佢哋將咕嚕肉嘅醬汁炒到有絲嘅效果令到醬汁充分包裹住炸肉，咕嚕肉嘅脂肪含量比較低，入口啖啖肉，亦都冇咁有罪惡感，值得一試。菜心炒牛肉嘅牛肉超大片，CP值極高，而且佢哋嘅菜心入口都好爽脆，送飯絕對一流。總括嚟講呢間餐廳，我覺得質素都好好，好適合約埋三五知己一齊一路傾偈一路食，大家如果去開銅鑼灣一定要試吓！…Read More

講起酒店自助餐，我自己最鍾意就係北角嘅Hyatt Centric酒店裏面嘅The Farm House!我自己食過幾次，每一次嘅質素都好高，今次特登同屋企人再去食過，果然冇令我哋失望，等我帶大家睇吓我哋食咗乜嘢啦！佢哋嘅自助晚餐主題係韓國食品，一入到去選擇一如以往，超級豐富！冷盤區有好多唔同種類嘅海鮮供應，當然仲有我自愛嘅蟹腳，店員仲會好熱心如果見到都會即刻補返，而且佢哋嘅蟹腳質素都好好，隻隻都好飽滿，我食到勁滿足！熱盤區裏邊有好多種唔同嘅環球美食，由於今次佢哋主打韓式美食，所以有好多唔同嘅韓國菜選擇，連我最鍾意嘅三層肉同埋韓式燒肉都有，仲要油花同埋肉嘅比例啱啱好超級靚！另外最估唔到嘅係佢哋竟然有我最鍾意食嘅芝士焗龍蝦，仲要即場喺你面前火炙，真係睇見都流口水！有人話食自助餐，最緊要係食佢嘅甜品，呢度嘅甜品每一次嚟都令我覺得好驚艷！佢哋嘅旋轉式雪糕機永遠都令到我企喺度唔想走開，裏面嘅味道選擇豐富更加有好特別嘅港式味道，而且我自己好鍾意佢嘅雪糕入口唔會好甜，令到你忍唔住一口接一口係邪惡之選。另外，佢哋其他嘅甜品選擇都好豐富，為咗配合返韓式食品呢個題材，佢哋仲有現場製作嘅韓式打糕，入口QQ絕對值得一試！總括嚟講呢間餐廳嘅食品質素，每次都令我好滿意，朋友仔每次問親我酒店自助餐嘅選擇我第一件事都會諗起佢，大家如果想食自助餐嘅話，記得一定要試吓佢唔好錯過啦！…Read More

唔知大家平時去日本會唔會鍾意去Cafe坐下呢？我成日都好鍾意去日本嘅Cafe特別係有西洋風格嘅，佢哋啲裝修好靚之餘，通常嘢食嘅質素都好高，而且帶有日式風格嘅洋食真係好啱我嘅口味。最近銅鑼灣新開左間日式洋食風嘅Cafe，聽朋友講佢哋食過另外一間分店質素都好好，我就當然要去試吓啦！舖頭嘅裝修風格同日本真係好似超級靚，每一個位置都係一個打卡點，而且仲有幾個售賣點放咗好多日本產品售賣，個感覺真係好似去咗日本咁架。今次我就叫咗幾款嘢食試吓，包括有日式紅酒燉牛面肉蛋包飯，南蠻炸雞，南蠻他他醬配日式豬扒飯，同埋日式布甸船。飲品方面我同我朋友分別叫咗冷壓蘋果汁同埋草莓沙冰。佢哋嘅飲品都好高質，蘋果汁一入口，就知道一定係鮮榨果汁，而且冇落糖超健康，草莓沙冰入口好香甜，絕對唔係坊間飲到嘅藥水味，的的式式打卡一流。日式紅酒燉牛面肉蛋包飯上枱之後店員會喺我哋面前即場切開，奄列介乎喺半熟狀態，入口勁滑溜而且蛋香十足，配合返用醬汁炒過嘅炒飯勁好食！紅酒燉牛面肉亦都煮得好淋，入口係香醇嘅感覺，絕對值得一試。南蠻炸雞雖然有加入醬汁同埋他他醬，但係入口依然勁脆，而且每一塊都好大嚿CP值好高，我最欣賞佢嘅他他醬汁唔會太酸，唔會腸，過咗其他醬汁嘅味道，呢一點好欣賞。南蠻他他醬配日式豬扒飯嘅炸豬扒入口超級鬆脆，但係唔會有好多炸粉，我自己超鍾意！配合返佢哋嘅特有醬汁同埋珍珠米，我覺得不錯吃。最後當然係一定要留肚食返個甜品！我哋叫咗個日式布甸船兩個人一齊share，一上枱超開心，布丁好大舊，而且一睇就知好QQ。一入口佢嘅蛋香濃郁程度直頭爆燈，而且佢嘅焦糖唔會太甜，令到布丁本身香甜嘅味道更加突出，真係超級好食！另外一款甜品入口好得意，裏面內涵嘅質感介乎喺雪糕同埋cream cheese之間，忍唔住食完後一口接一口，絕對係必點之選，鍾意食甜品既你一定要試吓！…Read More