Drup Drup's Profile

食咗1、酸菜魚，湯底好好味，酸酸哋，唔辣，4個人個個都有飲湯底，不過盲嘈魚唔夠生猛新鮮，食起來缺乏鮮味；2、鹽水芥蘭苗，幾清幾爽口，可惜準確講系芥蘭嘅嫩葉，同高級潮州酒樓嘅芥蘭苗相去甚遠；3、炸龍躉魚皮，好麻麻，有D梅香鹹魚嘅味道；4、芥辣沙拉排骨，唔算辣，肉質幾鬆化，幾好入口；5、炸馬蹄糕，炸皮內嘅馬蹄糕水分充足，當飯後甜品，彷如一股清泉入口，食落頗舒服。…Read More

新屋入夥果次，同一班親戚食咗餐，好食、得體，食過翻尋味。之後於是同太太再嚟，兩個人食咗個芋頭鴨同埋蟲草花炒聖瓜，味道好好、好特別，完全唔系一般連鎖店嘅貨色。美中不足嘅系餸菜分量唔細，價錢唔平，人少嘅話，可以試嘅菜式就唔多喇。…Read More

果次享道食野，聽到個阿姐贊自己餐廳嘅粥好食，而且留意到佢就係食緊佢贊嘅粥。其實佢地并唔系黃婆賣瓜，鄙人亦確實覺得呢道D粥，我食過嘅計入到三甲之列。以前D即炸油炸鬼都好好食，可惜裝修過後就唔賣喇。湯米粉和炒飯我都食好多，食落肚有自家私房菜之感，唔會太重味精。至於碟頭飯就麻麻地咯。…Read More

偶爾都會搵理由去上環，就係想順便幫襯下生記。鮮牛肉魚腩粥、清湯牛腩面、仲有煎魚餅都係我嘅至愛。食唔到禁多，又想食，唯有就嗌袖珍粥喇。粥底好靚，系我享香港食過算最好噶，美中不足系，全部野都咸得滯，同埋好似星期日休息，部份遊客無緣喇...…Read More

港九新界幫襯過嘅食肆不計其數，有令人再三回味的，亦有一食就打靶的...唯獨呢間令我有種衝動，首次上openrice講講自己嘅感受。4個人嗌咗7個餸，臨尾先知侍應寫漏一個，真系好感激佢，事關我哋都覺得，個個餸都係一個味。具體D講，冬陰功湯太酸了，冇乜鮮味，蝦肉系霉噶，加上侍應筆湯筆到成臺都濕曬，食慾大減。炸釀雞亦同炸牛腩都好辛苦尷硬食落肚，唔想sai野，聖子算系最好入口果個餸。呢餐食咗近7百蚊，唔算好挑剔嘅外母被問到幾時再嚟，佢毫不猶豫就比出個否定嘅回答...…Read More