牙駒's Profile

本來聽聞間餐廳d野幾好食，環境又特別，就光顧一下，到場都幾好，落單時個接待呀姨好似咩都唔識咁，落單搵來搵去，一d都唔熟，算啦，當佢新員工。之後，拎餐要自己拎，叫左2個餐1小食，要我行4次，1次係叫我出去拎1杯野飲，唔講以為我自己係侍應。到食品，我老婆之前來過食麻辣三絲冷麵，佢話麵底轉左菠菜麵，辣醬變左分開放，仲要唔係之前d麻辣醬，好似變左豆瓣醬，完全唔好食。鴨肉鴨血麵線，鴨肉得2舊塊煙鴨胸，鴨血就唔彈牙仲有好多氣泡洞。香蒜蛋餅蛋餅入面果條腸本來以為係台灣腸，但食落去同臘腸冇分別，同埋一d蒜味都冇。仲有飲品，鮮芋拿鐵，係同芋頭沖粉沖既，d芋邊到鮮？仲有好普通既咸檸七，跟餐$10杯，份量一罐七起都唔夠，舊咸檸直接放杯，冇切，冇工具比，我用筷子叉住咬開吉，冰又少，七起室溫，第一次係餐廳飲到唔凍既汽水，超難飲。整體來講，除左環境設計外，冇樣野得，唔會再食。…Read More

超肚餓叫到個（究極大大拖羅丼），$248一定大份喇，點知同爭鮮飯盒差唔多份量，得幾塊普通壽司肉size既拖羅同小小肉碎，不過可添壽司飯。咁算啦，諗住唔夠飽就添飯食，點知一食，拖羅又酸又有根，一d拖羅味都冇，我好奇我係咪用2百幾買左個爭鮮減價飯盒，圖同實物完全不符，沙鍋咁大vs一個拳頭咁大 & 新鮮肥美 vs冇血色 酸 有根。另外，叫左個$68鵝肝多士，食buffet 果d一口多士2塊，加黑松露上去，完全遮曬鵝肝既風味。今次第一次食，都會係最後一次食。…Read More