Austinpoon's Profile

有次約左朋友食飯，但又唔想去咁遠，見到綠楊坊開左He She Eat ，以前成日經過都覺得間鋪好少女系，應該好啱同女性朋友過黎食飯打卡，於是就試下呢間鋪整野食既味道如何啦！我地叫左個套餐「脆薯格配酸忌廉，泰式辣醬」，坐左一陣，薯格就到左啦。薯格一入口，發現係啱啱炸好，好新鮮，雖然睇落有少少油膩，但食落一啲都唔會咁覺得，食落好乾爽好脆口。另外仲配埋酸忌廉同埋甜酸醬，令到成個薯格唔會太單調，可有試下配唔同既醬料試下。扒虎蝦芝士汁鮮蛋意大利麵，我極力推介，意大利麵吸收哂芝士汁既味道，啖啖都有香濃既芝士味同蛋味，而且芝士汁令到個麵唔會好乾，個虎蝦都好大隻，配埋意大利麵，口感更佳。後來我地仲叫左燒鰻魚滑蛋意式紅飯，一上枱除左大大塊鰻魚係面外，仲有好香既蛋味，佢地意式紅飯係用左鮮蕃茄黎煮，令到啲飯有淡淡既蕃茄味，但又唔會覆蓋燒鰻魚既味道，配埋滑蛋，成個飯有入口即溶既感覺，都值得一試再試。之後我地仲點左慢煮BBQ豬肋骨配薯條，配菜同薯條一樣咁出色，都係好新鮮好脆，相信應該都係炸完就上碟，而個豬肋骨更加有驚喜，一黎到個份量大到唔敢相信，一切落去就發現肉同骨已經煮到分開左，唔會怕啲肉係哂啲骨到呢個情況，食落口食到好濃好濃既BBQ醬，而且又啖啖肉，真係好想叫反幾碗白飯配就一流啦。飲品方面，我同朋友分別叫左燕麥乳酷奶昔同埋柚子沙冰配綠茶雪糕，燕麥乳酷奶昔味道比較偏淡，唔會好甜，飲落有淡淡牛奶既味道，好適合食飯既時間清一清個味蕾。而柚子沙冰就比較甜少少，柚子味都好足，配埋綠茶雪糕，酸酸甜甜咁攞黎開胃消暑就一流啦。…Read More

好耐無打個邊壚 星期二約左個朋友刷餐勁我自己就好鐘意食放題/任食 貪佢消費無壓力今次簡左間係荃灣大鴻輝既日式火鍋一坐低就叫左個鴛鴦湯底我食麻辣 朋友食日式甜鼓油跟手出去攞野飲 飲品種類都算多 除左可樂仲有幾種唔同既罐裝飲品跟手睇埋d丸類都算多 大大話話都十幾二十種另外不得不提 佢d菜種類真心多 而且勁新鮮牛肉質素唔錯 豬肉都幾好雞肉就最正 無油 但都幾juice另外仲有炸物食 炸物香口 脆漿薄身整體唔錯 而且環境幾好 鐘意打邊粒既可以一試…Read More

荃灣既車仔麵出名多選擇 其中仲有兩間係米芝連一星級 所以係得荃灣開既車仔麵 質素都唔會差今日行過大壩街 見到有間新開既車仔麵 決定試試裝修有懷舊既香港特色 綠色鐵籠同舊海報都好靚野食方面都好多選擇我簡左牛雜、咖哩魷魚同豬大腸仲加埋個孖寶辣汁份量超夠，內臟食落無異味，牛雜十分入味辣汁唔會一味死辣 好香咖哩魷魚爽口 咖哩味濃我朋友叫左咖哩魚蛋、花枝條同牛柏葉朋話咖哩魚蛋味道好濃牛柏葉爽好花枝條超好味 我試左一條好覺得好鮮味好食整體感覺幾好 荃灣又開多間唔錯既車仔麵又多一個新選擇…Read More

今日同朋友黎到荃灣最多野食既街 見到咁多人排隊就去試下我地一坐低就叫左杯青檸梳打同咸檸梳打 而架出去飲一杯青檸梳打都成二十幾蚊 但越味皇價錢平 都係十三蚊一杯 仲要係全罐梳打因為我好鐘意食越南小食 所以毫不猶豫地叫左雜錦拼盤 佢既春卷炸得好脆口 而個餡都好足料 蒸既只係個外皮有唔同 個餡都係一樣味而個蔗蝦全部都係蝦肉 好香好濃 我同個朋友大家各自叫左一碗粉 叫左豬扒湯檬同埋越味皇火車頭湯河火車頭湯河好足料 裏面有牛丸牛肉生牛肉蘿蔔牛筋 每樣材料都好好味 而且湯粉分量足夠 最後叫左越式燒魚 外皮燒得好香脆 內裏魚肉嫩滑 魚味香 食落去冇腥味…Read More

今日黎到屯門食全雞脾餐，第一次食雞脾餐，仲要一次過食三款唔同口味既雞脾，分別有皇牌生炸雞脾、滷水雞脾、沙薑雞脾、脆薯角、燒汁炒烏冬、水蜜桃紅茶。 今次食雞脾有d驚喜，因為食雞脾好怕有種雪藏味，但呢三款雞脾食落係完全冇雪藏味，非常讚。冇雪藏味之如仲要食落好juicy ，仲要係有肉汁漏出黎，滷水汁同沙薑汁雞脾都好夠味，唔會太咸至於皇牌生炸雞脾，表面睇落好靚仔炸粉又夠薄，又冇炸到過火，炸完又唔係油淋淋，雞脾成隻手掌咁大，食落又冇油淋淋既感覺，味道好好食皇牌炸雞脾最緊要配埋水蜜桃紅茶，水蜜桃紅茶又唔太甜岩岩好，兩個好夾脆薯角好脆，平時食個表皮表較硬，呢度食既竟然唔硬，食既時候仲有幾種調味粉可以配答本人就揀左香草辣粉、海苔椒鹽，香草辣粉既香草好香又冇蓋過左種辣味，海苔椒鹽唔太咸，仲有幾種辣味既調味粉選擇。燒汁炒烏冬亦十分惹味，係9點半前叫套餐仲可以有台式飲品，我今次就係蜜桃茶另外一題唔熟路既可能要睇一睇地圖搵先搵到，鋪頭門面雖然細，但服務態度好，真心推介食雞有雞味，唔係食雪藏味，一定會再食。…Read More

難得約左個好耐無見既朋友係旺角聚下，想搵個可以坐住慢慢傾計既地方，無意中搵到呢間Urban café，見到就決心試下啦。  我同朋友兩個人叫左個二人套餐，套餐包括兩碗沙津、兩碗湯、一個前菜、一個飯麵加兩杯飲品，如果唔夠仲可以加少少錢叫多個小食拼盤。  佢既沙津比我既感覺好清新，有唔同既菜之餘，只係用少少既沙津醬點綴，沙津菜既味到依然係到。而佢碗湯十分之濃郁，一入口一啖一啖既粟米味係口入面，好香好濃郁，雖然外表睇唔出咩特別，但一定要試下。  前菜我地揀左西班牙黑毛豬肋骨，份量好多好大，而且好入味，相信佢地應該燒左好耐先會令到塊豬肋骨咁入味，啲肉質咁鬆軟，我最討厭啲豬肋骨太硬同埋乾，但呢到完全無呢個問題。  之後係黑松露野菌大啡菇露荀配忌廉意大利飯，我就特別喜愛呢個，一黎到枱到已經聞到淡淡既黑松露既香味，入到口更加不再話下，個陣黑松露既味道好食到難以形容。我更加留意到佢煮呢個意大利飯既時候，刻意煮到啲飯大幾9成熟，令到啲飯有一陣陣淡淡既米香。我十分喜歡呢一點。  飲品方面，我地分吃叫左Oreo脆脆特濃朱古力及拖脆特濃朱古力，兩杯既朱古力都好濃郁，拖肥特濃朱古力就比較甜，我就比較喜愛自己個杯oreo特濃朱古力啦，飲飲下有少少oreo餅乾碎咁，oreo同朱古力有幾配我相信大家都唔需要多講。  最後我地都叫個小食拼盤，個拼盤既野食都係即炸，熱辣辣，薯角係我食過咁多間最脆最好食，脆到難以置信，好似食緊薯片咁脆，而啲雞球有少少芝士味，都相當惹味，加少少錢絕對值得。  呢到環境其實幾熱鬧，但好輕鬆，好適合同朋友黎個聚食，食下tea。呢到既環境一定包你充滿驚喜。…Read More

第一次試呢間燒肉放題，入到去同一般燒肉店冇咩分別坐低冇耐未開始點餐，服務員除即就拎左一碟肉黎，先有幾樣野可以試食左先再點餐（都幾貼心），呢碟肉有五樣野，份量唔多每樣兩件，有一口牛、雞翼、唐辛子豬頸肉（推介調味料濃，又唔會太辣，好爽口）、同埋兩款豚肉。呢到係利用電子屏幕點餐，方便又易用，出餐快。刺身壽司類：分別有帶子、北寄貝、甜蝦、三文魚、蟹柳彷飽魚等，雖然種類唔多，但刺身新鮮鮮甜，甜蝦肥美。壽司細細件，一啖一件口感岩岩好。炸物：炸蕃薯、炸鮮奶、炸雞、炸多春魚等，炸物又唔會太厚炸粉，食既時候又冇成口油，炸蕃薯同炸雞（好juicy ），鍾意食炸雞可以encore 。海鮮：蝦、元貝、廣島蠔、錆魚、蜆等，本人喜燒食蝦同廣島蠔，蝦新鮮爽口蝦頭有少少膏，廣島蠔size唔係好大，但食落口感好鮮甜，食完一定再想食。錆魚燒完都唔乾身，食落重魚味唔腥。元貝、廣島蠔、蜆，金菇菜....都會用個小盤仔網住，燒得方便食得開心。野食種類都算多，最重要係食完燒肉，身上面都唔會好大燒烤味，又冇乜煙霧瀰漫，值得一讚。…Read More

今日同兩個朋友行過荃灣最多珍珠奶茶既地方 見到新開既沐白小農 對於好鐘意台式飲品既我 當然要試一試飲得台式飲品當然要試呢排好出名既黑糖波霸鮮奶 啲黑糖珍珠食落去仲係熱 係大珠好彈牙 同埋牛奶好濃好香滑 配合埋黑糖珍珠唔會好甜 又唔會太大杯👍🏻另外一杯係大甲芋頭鮮奶 我見到佢一大匙既芋頭等於半杯 真係好足料 飲落去仲有好濃既芋頭蓉細細粒 對於芋頭愛好人士 呢個飲品係一大享受除左呢兩杯特色飲品 叫左沐白紅茶鮮豆乳 佢個味道同我之前喺台灣試過嘅紅茶豆漿係一樣味 我仲叫咗微甜 口感好清新唔會好濃既茶香 反而豆乳味比較強烈 但整體來講係好味嘅 我覺得反而適合早餐嘅時候飲 試過幾杯飲品都覺得沐白小農出左唔同既特色飲品 除咗外觀睇得 味道都好好味 …Read More

同朋友仔都好想食泰國菜，行行下街醒起最近置樂新開左間泰國餐廳「象泰宴」，所以就決定去食下嘢。餐廳入面好有泰國氣氛，而且啲坐位好闊，唔洗逼住逼住。我地一黎就先試左個蝦片，唔會話好多油既感覺，但夠蝦味，仲好鬆脆。之後到冬陰公，係超足料，入面仲有大隻既大頭蝦，呢個冬陰公好夠味，同香港一般唔同，唔係好奶個啲冬陰公，而係偏酸辣既冬陰公，係好似泰國個種。之後我地食左必食既生蝦！好新鮮，蝦係好大隻好肥美，唔會有雪過既感覺，而紅色係比綠色既辣，但都一樣好好味。另外我地仲叫左焗黃咖哩包軟殻蟹。咖哩係偏甜的，配住外面脆內面軟既面包再夾住軟殻蟹食係好滋味。好味到我同朋友仲食曬個包！仲叫左個馬拉盞通菜，平時通常都會偏鹹，但係今次係岩岩到，唔會偏鹹，一啲都唔會話食完好口渴，仲有落左炸左既蒜頭，加左唔少香味。最後我地叫左芒果椰汁糯米飯，芒果無酸，係好甜，而且糯米飯係紫糯米，配上椰汁，係超好味，有係泰國既感覺呀。…Read More

行下行下街俾餐廳的霓虹燈吸引左，就揀呢間餐廳打邊爐。住屯門咁耐都好少有d好有特色既餐廳，餐廳由內到外都有懷舊的海報同霓虹燈設計，可以同朋友等緊位或者食完野影d靚相，係唔錯既選擇。我同朋友兩個人，七點半左右等一陣就有位，入到去環境都好懷舊，連餐具都係懷舊風格，有回到舊時香港的感覺。醬料方面都有不少選擇我地雞煲叫左bb辣之後，竟然有餐食小食炸燒賣同炸魚蛋！！新鮮熱辣辣炸出黎超好食！雞煲到既時候同以往食雞煲唔同，係會有個計時器同時職員會提醒你唔好開蓋，一陣會再過黎。一開蓋係超級香，職員仲會夾d花膠俾你食左先，服務超好！而且雞係超入味仲一啲都唔老，雖然係bb辣，但係都食到辣既香味，超正，仲有重點唔係得雞，係仲有豬皮同豆卜，豆卜唔洗講入曬味好食，連豬皮都好入味但係仲保留到爽口既感覺，係之前食既雞煲都未試過係咁爽口，一定要試下！食緊既雞煲既時候，職員都會提醒你揀個湯底同d野食，咁就唔洗等咁耐，佢地仲會不定時幫你睇下個雞煲，驚你會痴底，超窩心！同平時既雞煲唔同，並唔係用翻雞煲個湯底，而係另外揀湯底，我同朋友就揀左特濃花生沙嗲湯湯底。一黎其實已經聞到好香既沙嗲味，仲夠曬濃郁，配牛真係一流，無得輸，仲要安格斯牛肉係任食！仲有餐廳都會因你既人數而上適當數量的食物，減少浪費真係要一讚，上菜亦都夠快！而我同朋友另外再試左頂級牛小排，我同朋友都私心推薦大家一定要試一試，因為真係好嫩滑一啲都唔酥，係好好食！好味到係唔洗沾醬汁食的。而野飲係有汽水任飲的，但我同朋友試了餐廳的咸檸七同冰糖陳皮燉檸檬，都不錯，係打邊爐既餐廳真係好難搵！最後提提大家記得留一留肚食甜品呀！…Read More

深水埗長沙灣一向都係美食集中地,今日係明愛醫院附近收工,同女朋友諗住係附近搵食.一路沿青山道行,好多都係茶記呀小炒咁,女朋友突然話想食西餐.一路行行下行到昌華街,斜路仔上兩步就會發現一間風格係長沙灣比較突出既西餐廳. 門面好乾淨,招牌黑色凸字底燈, 有室外座位.入到去有10張枱左右, 間格用左好多玻璃, 可以直接見到廚房入面情況. 門口餐牌有好多吸睛既海鮮拼盤推介, 但天氣凍始終都係想食返D熱野. 晚餐餐牌有好多鐵板餐既選擇, 諗都唔諗就入去坐低左.我揀左B餐安格斯西冷,女友始終鍾情海鮮,叫左個大蝦濃汁海鮮扁意粉. 餐湯係菠菜湯,重點係餐湯跟牛角包!!! 講返個湯, 奶味好重,女友飛佛, 比佢搶哂黎飲...牛角包熱辣辣好鬆脆, 點菠菜忌廉食都好夾!女友既扁意粉黎先, 聞落好香, 海鮮份量比預期多. 雖說是大蝦汁, 但食落有D龍蝦汁既味道. 隻蝦吸左D汁既味道好夾. 意粉煮既時間都幾岩心水, 唔會太熟.之後到我既鐵板安格斯, 叫左5成熟. 一黎落汁前切左舊, 肉味好濃, 可能係牛部位既關係. 配菜係小蘑菇同薯條. 薯條炸得好脆, 落左汁食落都唔會淋哂, 蘑菇無咩草青味. 野食份量好大, 兩個人食都好飽, 跟餐可以加雪糕, 但太飽無試到, 下次一大班人黎會試.推介熱辣辣鐵板餐, 牛角包…Read More

一班朋友打算去打邊爐,見醉胡爐既評價都不錯,就決定試下幾鍾意依度既環境,每檯都有屏風隔住,傾偈都傾得暢快D 佢依度既湯底同火鍋料既質素都好好,先講湯底,佢個冬瓜花膠雞翅鍋真係好出色入面有鮮雞,花膠,瑤柱,金華火腿,素翅等等食材,唔叫火鍋料,只食湯料同飲埋湯都飽左一半雞有鮮味,食得出唔係冰鮮貨,花膠都夠厚肉, 認真推薦煲到咁上下侍應就會幫你將冬瓜切件, 冬瓜吸哂湯既味道好好食 而火鍋料,作為牛魔王既我,最鍾意就係胡爐牛拼盤, 入面有牛舌,兩款手切肥牛,牛胸爽同埋霜降牛粒手切牛既油花分佈均勻, 色澤同埋肉質味道都非常好,牛肉味又濃,唔會過肥過靭,好食! 依度既丸類同餃類都係自家製,有唔少款式都幾特別,絕對唔係買返黎既現盛貨講比較普通既手工雲吞先,雖然係周圍都有既雲吞,但佢地既真係特別足料,勁多蝦肉,係新鮮彈牙既 另外我地仲叫左半份黑松露墨魚丸同黃金墨魚丸,就比較特別,分別加左黑松露同鹹蛋黃,味道都不錯,仲有個黑松露蟹肉餃,一樣十分足料,好香黑松露味，不過蟹肉味就顯得無咁明顯啦 雖然依度價錢唔平,但係食物質素絕對有保證,值得再訪!…Read More

近期成日聽到有朋友介紹食鰻魚既好地方 我本身係食鰻魚既愛好者 會周圍食唔同類型既日本野 今日就食呢間係佐敦既鱻88 呢到環境好寧靜 好適合朋友聚會 首先叫左個活海鰻博多 分左兩種食法 第一個就係燒鰻魚 食到鰻魚嘅原汁原味 另一個食法係鰻魚配上大蝦 大蝦嘅鮮味配上鰻魚都係另一種特別嘅又好夾嘅食法另外叫左長芋蕃茄海帶沙律 開頭睇落去以為係三文魚原來係蕃茄 再配搭長芋同海帶口感好清新因為呢度主打食鰻魚嘅產品 所以叫左呢度嘅特色菜 鰻魚玉子蛋糕 蛋糕好鬆軟 甜度適中好適合食完主菜後作為飯後甜品黎到主菜就係好食既刺身 有真鯛 赤貝同帶子 所有嘅刺身都好新鮮 啲海鮮唔會有腥味 魚同帶子都係入口就會溶化 食完之後海鮮既香會殘留係個口中而我最鍾意食嘅鰻魚飯 仲要係三食添 第一個食法就係普通咁食 第二個食法真係會加啲配料例如紫菜同脆米 最後一個食法就係可以加湯 配上鰻魚飯 雖然我唔知嗰啲係咪叫湯 呢度嘅鰻魚係好特別 佢嘅鰻魚會煎到脆身 食完回味無窮 呢度係食鰻魚嘅首選…Read More

早兩個星期前 我和朋友經過荃新天地發現開咗間新嘅拉麵店我叫咗一碗豚骨拉麵 我見應該係呢度嘅招牌菜 同埋叫咗個餃子叫完嘢食就上咗一碟前菜 分別有蘿蔔絲、海帶絲同埋黑豆 味道都還可以餃子都係一般貨式 煎得不夠香口餡料都是大眾貨式 味道一般豚骨拉麵都等左一陣先到 食拉麵緊係試啖湯先湯頭夠香濃 豬骨味夠 略嫌有點油膩麵質軟硬度適中 做到基本要求日式叉燒都係有點油膩 焦香度麻麻整個拉麵都是普普通通的感覺 沒有太大驚喜貨錢亦都遍貴 同等價錢豚王及一蘭拉麵質素可能會更好…Read More

星期日同女朋友係尖沙咀行完街佢話想食日本野上網搵左陣 見到呢間日本野好似唔錯 就決定去試試門面同裝修格局都好似日本居酒屋坐低就送左兩碟前菜俾我地食分別係中華沙律同螺肉 坐左陣 叫返支啤酒同埋支豆食住先飲下酒再諗下食咩支豆有灑鹽 同係日本食居酒屋一樣配埋啤酒 風味十足諗左陣 最後決定叫個蟹子沙律,燒三文魚頭同黑豚火鍋 二人前沙律菜夠新鮮,沙律醬份量剛剛好,整體感覺Balance燒三文魚頭一上黎 已經聞到陣陣魚香火喉夠 外皮燒得香脆 內裏魚肉香滑魚頭夠哂油脂 好味黑豚火鍋 除左豚肉 仲有雜菜拼盤同埋豆腐跟埋一齊火鍋湯底用上清湯 一開始味道較平日的港底火鍋清淡但當加入多種蔬菜同豚肉之後 湯頭清甜 食到食物既真味各種蔬菜都十分新鮮 豚肉有口感 肉味濃郁食完所有野 仲送埋雪米糍俾我地做甜品 整餐相當豐富…Read More