I_am_stacy's Profile

麵包質感軟滑,夾住香濃嘅鮮奶油,口感獨特而美妙。外觀整齊簡約,但絕對唔單調。若加埋少少果醬或蜜糖會更添層次,不過原味已經足夠出色。呢個簡單嘅小點心證明咗即使用最基本嘅材料都可以煮出優質嘅美饌。作為一個平價又實用嘅小吃,鮮奶油三文治絕對值得一試。…Read More

今日唔算太肚餓，叫咗蒜香班頭腩蒸飯，雪山叉燒包，蜂巢芋角，同埋比較出名嘅黑松露燒賣。個蒸飯呢就送中湯同埋菜。菜嘅份量比較少，但味道尚可。而中湯就不錯嘅，味道還好。個蒸飯就麻麻了，嗰班頭腩沒有太多肉，比較多骨同多肥肉，送上嚟都幾熱㗎。我覺得個燒賣都幾好食，建議大家可以試吓。雪山叉燒包，外皮唔趣，送上嚟仲係扁扁的，但係味道都還可以蜜汁同叉燒比例都幾好。而蜂巢芋角建議可以唔使嗌，比一般煎堆仲要鹹，不過如果鍾意食芋頭應該都可以嘅。總括而言係一個麻麻哋嘅體驗，不過呢度嘅服務員態度都幾好，環境都幾闊落，幾乾淨幾光猛。…Read More

趁着聖誕節，約朋友一齊去食呢間book mark咗好耐嘅餐廳！因為我係幾鍾意食壽司，不過我係唔食生野嘅，所以呢間餐廳係幾適合我！本身有啲驚聖誕節間間餐廳都會好多人，所以就閒日2:30pm左右去，果然唔太多人，坐耐啲都唔會好辛苦！我哋嗌咗五樣嘢食。龍捲風沙律睇落雖然普普通通，但係調味同口感都做得好好，生菜好脆好新鮮，仲有中華沙律、蟹籽同蟹柳，呢幾樣食材既口感都唔一樣，所以咬落去每啖口感都好豐富！而醬汁都好輕盈，就算份量比較大，食完都仲係好fresh唔會好膩！仙台牛舌係佢哋嘅新菜式，我本身唔係太鍾意食牛舌，因為覺得佢個口感好奇怪，但係呢度啲牛肉汁好濃味好香，我覺得佢嘅口感同牛肉有啲似，不過會再煙靭啲。我諗如果好鍾意食牛舌嘅一定會好鍾意！然後就係食佢哋嘅主打菜式---卷物！我哋揀咗蜘蛛，同埋搖滾樂。賣相好好睇，而且味道都好好！蜘蛛係軟殼蟹，搖滾樂就係鰻魚同埋炸蝦。雖然兩樣味道係唔太一樣，不過有個共通點就係好口感好豐富！因為今日入面會有牛油果或者芝士呢啲比較creamy嘅材料，同主要食材配合得好好！每一啖都好滿足好好味！最後再嗌左一個芝士年糕～份量都唔細㗎，好足料！口感啱啱好，唔會太脆，唔會太淋，為呢一餐作咗一個好好嘅結尾！…Read More

今日同一個好耐冇見嘅朋友一齊去呢間餐廳度食嘢，主要係食西餐嘅，我見到有生蠔只係$15，梗係入去試一試啦。我同朋友叫咗兩個晚餐配兩隻生蠔，都係$300左右，性價比極高。首先係夏威夷海鮮薄餅 （12吋），薄餅皮比較薄，又鬆脆，一啲都唔油膩。呢個薄餅最大特色係佢嘅醬汁，甜而不膩，同上面啲蝦啊魷魚啊好夾。第二個主菜係香煎澳洲肉眼牛扒，我嗌咗五成熟配燒汁，建議大家跟我揀意粉，意粉配少少蕃茄醬都幾好味。肉眼牛扒夠厚身，肉汁都算豐富，可以一試。生蠔來講，加$15就有一隻，真係算性價高，雖然我唔係一個生蠔愛好者，淺嘗都覺得幾好食。晚餐仲配有餐湯同埋蒜蓉包，蒜蓉包都一啲都唔Hea，蒜蓉味同埋包嘅味道都幾好。最後，呢間餐廳都算非常乾淨，但係就冇乜人嚟食喎唔知點解，十分推介大家來試吓。…Read More

九龍城太多泰國菜！成日都唔知邊間好啲 但今次呢間真係幾值得推介 好高性價比 環境同味道都很不錯！我地叫咗蛋包Pad Thai 溫度味道都好好 佢地既pad thai就係一般泰國pad thai 無加/減啲配料 個粉口感岩岩好 加埋蛋絲食就多咗啲風味 啲蝦都好爽好彈牙 整體都好好！之後有咖喱軟殼蟹 份量唔細 所以都好抵食 而且每隻軟殼蟹下面仲有一細舊蒜蓉包 咖喱係唔辣既 但好creamy 甜甜地 配包同軟殼蟹食好正 蒜蓉包既蒜味唔重 但就好岩我自己口味 又唔會烤到太脆會割口嗰種我地仲有order一個小食拼盤 係好似afternoon tea stack起曬嗰種拼盤 小食就中規中矩 有蝦餅 魚餅 雞翼 春卷 泰式鳳爪 蝦片 春卷好一般 唔知點解一咬就咬到一堆類似麵團既野 唔脆口 其他小食都正常發揮 都okay既～餐廳環境好好 亦都係黃店！我地5個人食都只係$625左右 推介大家去試下！…Read More

喺openrice買咗一個$98 2人dinner set 有5樣野食+2杯特飲 超級高性價比 而且味道都唔錯！主食有一碗生牛肉湯河同扎肉撈檬 兩碗都好大碗 生牛肉湯河都幾出色 湯底好香 有唔同香料味 唔係淨係得咸味 溫度都幾ok 未至於即刻整熟d生牛肉 但3min左右就熟曬了 生牛肉都好好 一啲都唔靭 出面有d牛肉係咬極都咬唔斷 呢到係冇呢個問題既！而pho都唔錯 口感偏硬少少 但都好順口 整體黎講係碗好好食既生牛肉pho!!!撈檬就比較一般 佢地既扎肉好似無咁有肉味 我個人覺得麻麻 配撈檬真係一般 份量太大有啲難食曬 小食有生菜 黃金炸魚皮 扎肉米紙卷 炸魚皮都幾出色 份量唔細 每塊魚皮都有滿滿既咸蛋黃醬 但都唔會過咸 當然食多幾塊就會開始咸 但配埋其他食物一齊食都ok既～ 扎肉米紙卷既filling基本上同岩岩碗撈檬係一模一樣 只係多咗一片生菜同米紙 所以味道同係一般 不過每舊都好扎實 可能其他米紙卷會出色啲 特飲有越式同港式飲品 選擇都唔少～ 味道中規中矩 整體來講呢個set真係好抵 睇番menu見佢地本身價錢都唔貴 好多都below $50 好推介大家去試下！…Read More

食完lunch完仲未夠飽 就去咗大角嘴呢間一直都好出名既甜品店！堅尼地城分店我都去過 但呢間空間感大好多 坐得舒服啲 都光猛好多 同堅尼地城店感覺完全唔同呢～第一次食佢地既tea set menu 價錢好抵 大部分都係below $60 而選擇都唔少 我地揀咗waffle ($3x) 同烤棉花糖多士鍋($5x) waffle既syrup有好多款可以揀 我地揀咗honey 佢同waffle同froyo都好夾！佢地用既honey似係d人用黎沖蜜糖水嗰隻蜜糖 所以有淡淡既花蜜香 唔會淨係得甜味 配埋froyo酸酸甜甜既味道 令成個dessert冇咁heavy! 佢地既froyo唔會太杰唔會太稀 岩岩好～ 而waffle既口感都好好 唔會一切就散 有少少外脆內軟既感覺 係好食既waffle!而多士鍋就要用多少少時間先上到菜 但黎到既時候係熱辣辣架 多士粒數量唔多 不過做tea黎講都足夠既～ 不過棉花糖淨係痴到最頂既4粒多士粒 下面既就無棉花糖既～ 但佢地本身都有少少caramel syrup 所以唔會無味 加上都有一個froyo 兩樣加埋都好夠味好滿足！不過如果計性價比我覺得佢地個waffle會高啲 話曬都係皇牌！雖然賣點唔多但好好味架 大家可以去試下！…Read More

之前係IG見到foodie話呢間餐廳晚餐$100就有 仲有好多甜品 所以就慕名黎試下～餐廳空間唔算大 但都唔會好逼 少少modern既feel 打卡黎講一般～ 不過食物選擇都唔少 唔計set dinner 9成都低過$100！份量岩岩好 味道都好唔錯呢～Carbonara 係好creamy好多醬汁嗰種但唔會多到覺得好膩 上面仲有半熟蛋～ 而黑松露雜菌risotto既味道岩岩好 唔會太乾唔會太濕 雜菌都幾有口感 Honey mustard雞翼都唔錯 幾入味 外皮有少少脆卜卜 個汁都調到酸甜適中 整體黎講佢地咸食既味道都好恰到好處 雖然無話咩好驚喜 但好岩香港人口味 最後食埋tiramisu 餅底係一般餅乾既感覺 唔似平時浸咗espresso 會軟林林好似蛋糕咁 但我個人覺得幾好 朋友就覺得麻麻地 上面既cream比例有啲多 食食下會好似淨係食緊cream咁 但味道比較一般 不過佢地仲有好多其他甜品 應該會更出色的！最後幾樣野食+一杯飲品 每人都只係$105 真係好抵食！夜少少鋪頭開始多人 即使平日都建議大家book個枱！…Read More

以前成日覺得Pizza Maru份量太多，對兩個人黎講會太多，但呢晚真係太想食，所以兩個人都照去！我地嗌咗一個seafood bimbimbap同kimchi chicago seafood pizza。bimbimbap好快就上菜，其實今次係第一次食佢地既bimbimbap，份量合理，唔會太大份，佢地既海鮮尤其是係鮮蝦好甜好爽！芝士都係恰到好處既份量，如果紫菜可以多啲就更好了！食完都唔會好劑或者已經7成飽既感覺，下次可能會再encore！而kimchi chicago seafood pizza就係一如既往既好食TvT 雖然嗰晚好似上菜耐咗少少，但waiters好主動跟單！pizza一樣係有好爽甜既鮮蝦，蟹棒都好靚好有口感！mozzarella cheese都係唔洗講既足，拉絲拉到停不了！配埋少少火腿、粟米、薯角等等，唔同味道唔同texture既配料令人食落會感到好滿足！批邊既almond honey係我最鐘意同無法抵拒既food of pizza maru TvT 雖然我覺得個批邊如果少d mozerella可能會易入口啲，但本身已經好好食了TvT 最後我地食到好飽好飽好飽，只有一塊食唔曬，waiter仲講笑話I see you guys have tried your best! 多啲外國人侍應的確令成個氣氛chill d，但我對於佢地外國同local侍應既ratio都幾意外 哈哈…Read More

今次係食restaurant week 2022 lunch menu，$148/head。餐廳環境比較普通，雖然有outdoor位可以望到維港，但整體環境同我想像中好chill既感覺有啲唔同。Starter有Parma Ham with Melons同Salad，選擇比較少，但都ok既，而且有餐湯。Maincourse就嗌咗一個fish and chips同roasted chicken，兩道菜都係上菜需時既，但食得出係即叫即整，尤其係fish and chips，好crunchy，熱辣辣～兩道菜味道同賣相都還好，如果一般黎食個飯都好既，但如果係特登黎celebrate一啲日子就個人認為麻麻～Menu本身唔包dessert，所以就諗住+$30要件cake，可惜已經賣曬lu~ 值得加分既係waiters waitresses都好friendly好helpful^^…Read More

好多人都係比Carbon個好巨既brunch plate吸引，但其實我最鍾意既係佢地既餐廳環境！餐廳主要係鋼琴黑同鏡面設計，好modern好型格架^^我食既係restaurant week 2022 menu, $198/head。係一個唔馬虎，好有心思既menu！我地個starter係potato chip with salmon sauce。薯片係新鮮薯仔炸佢薄脆，seasoning都岩岩好，一啲都唔咸又唔油膩！配埋salmon sauce既鮮甜都好match~Main course我地一個嗌牛一個嗌魚。我地都覺得三文魚好食啲。佢層皮同肉應該係分開煎的，層皮好脆！而三文魚肉雖然好大舊，但係肉質一啲都唔靭。白汁又中和三文魚嘅油膩感，份量好大好滿足！至於牛肉就比較heavy，主要係因為個肉汁好濃。去到dessert，佢哋嘅affogato真係好 好 味。無論係賣相定係味道都係好高水平！佢哋將expresso，雪糕，拿破崙脆脆分開上，所以每樣嘢係食前一刻都係喺最理想嘅狀態。另外一份甜品係cheese cake，味道都唔錯，但可能因為啱啱食太飽，所以affogato會比較易入口同埋順~總括嚟講係一間無論餐廳環境定食物質素都好好嘅餐廳，而且價錢亦都好合理，一定會再嚟食！…Read More

前排朋友生日，喺kkday book咗一個afternoon tea package~ 未計service charge $256，好抵好吸引！除咗本身座落喺Murray，我覺得好正既係佢既tea set有2個sessions，我book既係4:30-6:00，好少tea session有咁後既session，如果晏就有其他planning，呢個session真係好適合！食物方面，種類其實有好多，2咸7甜，drinks都成頁menu既選擇，女仔黎講一定好filling，甚至有機會食唔曬呢！上菜速度還好，但黎到後食物仲好溫熱！我最鐘意既係佢地既scone! 無論係texture定味道都恰到好處，牛油味好夠，配埋clotted cream都唔會好濟，佢地仲有原味同提子乾scone~佢地既hazelnut puff (mini paris-brest)都好好味～個cream唔係好杰身嗰種，好易入口，甜度適中，但我朋友就話有啲甜，好能岩啲本身鐘意食甜野多啲既人！但佢地既yuzu madeleine 我地都覺得麻麻，madeleine上面層yuzu + 應該係white chocolate太厚，完全搶咗madeleine既口感，有啲似食緊一塊白朱古力咁。最後食既係passion fruit mango verrine，個white chocolate yoghurt都係白朱古力重好多，但其他fillings都唔錯, 個ginger crumble既薑味都好明顯，幾特別～預約既時候有同佢地講想有birthday note，最後都有一塊birthday plate既～ 佢地既waitresses都幾helpful，不過order野飲既時候我嗌咗要additional charge既飲品，但menu同waitor都冇特別提示我，最後知道時都有少少驚訝。餐廳環境比較一般～都係一個好好既experiences~…Read More

趁住Restaurant Week，同朋友一齊試吓呢間餐廳，餐廳好有d typical既外國風情，好舒服好chill。雖然有地鐵站行上嚟有少少辛苦，但係上到嚟環境好舒適，又唔多人，好適合weekend過黎放鬆下～我地食既係Lunch Set，Starter同Main Dish都有四個選擇，算係選擇比較多！佢哋嘅Starter完全唔馬虎，三份都各有特色，佢哋個bread sauce超級好味，甜甜哋同炸麵包好match!佢哋嘅意粉portion 唔係好大，好適合胃口唔係太大嘅朋友仔，味道正正常常，不過carbonara個beacon好趣好香好好食！嗰日甜品只係得一款，係White Chocolate Pudding，不過味道有啲太甜～但嗰日我哋有朋友生日，佢哋有特別為我哋寫birthday note同唱生日歌，氣氛好好呢！…Read More

大角咀呢排越來越多新嘢食，今日同男朋友一齊去大角咀食呢間bookmark咗好耐嘅餐廳 — 日嚐～本身以為呢啲咁多foodie推介嘅餐廳會有好多人排隊，我哋星期日大約1:30pm去到，見到一條小小嘅人龍，但係等咗大約10分鐘就已經有位！好好彩！呢間餐廳係食日式套餐既，都算有唔少嘅選擇，仲可以比大家自由組合主食/前菜/小食，好啱啲好想一次過食到唔同食物嘅人！我哋叫咗肉桂蘋果蓉黑毛豬set （$78） & 封門牛柳set（$98）。黑毛豬完全唔韌，每一啖都好結實，加埋啲肉桂蘋果蓉，鹹同甜嘅組合令人食完一啖再想食下一啖！感覺完全唔之餘又好有滿足感！而封門牛柳set就係配上蘑菇汁既，如果平時好鍾意去KFC食蘑菇飯，呢個汁你都會好鍾意！封門牛柳同黑毛豬一樣，肉質都係好結實。但我個人比較鍾意黑毛豬～大家有機會都可以嚟試吓㗎！…Read More