ChingYen's Profile

唔好意思～可能有啲長～之前朋友食過～大力推薦我哋要試薯條～因為只要叫一個主菜就可以免費有一碟薯條～（薯條有3款口味）當日我地一行4人諗住叫呢個優惠～我們想叫3個主菜正常就送3碟薯條～之後男店員好無禮貌又黑面對我地講～一直都要叫4個主菜先可以送～爭論了一陣～叫經理過來再講清楚～因為朋友已黎了餐廳2次～今次第3次上次朋友一行4人都係叫了3個主菜再送薯條～但經理只講之前無可能這樣落單～給我同朋友感覺是想呃薯條食咁～個刻真心嬲～唔會因為了一碟薯條優惠就爭論～因為朋友推薦食物唔錯想黎試～為什麼我們要俾錢黎受氣～我明白服務業辛苦～但可以有禮貌地婉轉說現在沒有這個優惠～可能上次同事落錯單～或者優惠已完～麻煩今次你們要跟返這個活動叫～唔係要我地了解完你餐廳所有優惠先來～之後我朋友搵到轉帳紀錄叫佢地查單～經理先覺得我朋友係講真～之後經理可能諗完話唔好意思～送我地甜品～我地無要～因為我地唔係想貪圖便宜～只是想搞清楚件事～我地都明白現在你地無了呢個優惠～就散叫～之後見到有90分鐘可添飲紅白酒～經理話需要全枱客人都要叫先可以有呢個優惠～但我同行朋友揸車唔飲得酒～經理聽完都明白～最後給了我們兩個叫～我同經理講餐牌寫清楚啲就小啲誤會～其實餐廳食物係唔錯～但服務真係令我好無言～…Read More

平時媽咪整雞翼我都可以食成十幾隻😋今次放題真係可以盡情食到夠本🥳呢間餐廳所有雞翼都用法國無激素走地雞👍🏻大家真係可以食得開心又安心😁 要留意平日同五六日會有不同價錢～我地叫左10款口味套餐🐔$188/平日$208/五六日其實仲有19款口味雞翼再加小食套餐～如果再約多啲朋友黎可以叫呢個食❤️‍🔥❣️黑椒檸檬酸酸地好開胃～❣️蒙古燒烤味孜然味好香～❣️泰式甜辣醬微辣同甜味真係好夾～❣️紐奥良香粉有少少微辣微酸～❣️黑芝麻海鮮蜂蜜醬好似食緊乳豬醬～加埋蜂蜜醬甜甜地好好食～❣️水牛城醬有啲辣，但我都食到～酸酸地辣辣地好野味～❣️死神醬咬了一啖🔥太辣🙈平時最多食到麻辣😆之後給了友人全部食完😂友人說極辣🤣啲辣椒真係好刺激味蕾🥛食完感到挑戰成功❤️‍🔥❣️ BBQ咖啡香味帶有濃郁既烤肉味道～❣️巴馬臣芝士蒜蓉味外層舖滿芝士碎～好濃郁既蒜味～❣️田園風味酸酸地好fresh🥗❣️ Free flow係任飲汽水或加$10飲凍檸茶仲可加$120 烈酒，生啤，紅酒同白酒🍻🥂🍷P.S. 10款口味我最愛黑芝麻海鮮蜂蜜醬💓鐘意食雞翼既朋友真係要黎試下🙌🏻🙌🏻🙌🏻…Read More

今日放工就去了荃灣廣場行街～行行下好想食台灣野～之後我地就行了去大壩街個邊～老厝邊其實我都食過幾次😋由佢係大角咀食到黎荃灣🥰現在係荃灣近我好多～好開心🥳起司肉鬆蛋餅肉鬆好多～蛋味香濃～芝士濃郁～配上個醬食更加出色～眷村牛肉麵湯好清甜～牛肉好多又好入味～但我覺得麵質可以唔好煮咁淋就更好食～滷肉便當滷肉半肥瘦配飯一流～便當有三樣配菜～薯仔有少少香料好入味～經典珍珠奶茶珍珠好煙韌好咬口～奶茶就對我黎講有啲偏甜～但友人喜歡～熱綿密芋頭鮮奶真係好綿密啲芋頭～加上鮮奶好夾～最重要佢一啲都唔甜好合我心意😋P.S.整體黎講啲野食好抵食～近近地去開荃灣都可以黎食下～最驚喜係綿密芋頭鮮奶👍🏻…Read More

今日出開旺角拎野～就約友人去樓上cafe～之前登打士廣場係樓上cafe地標～所以我都去返呢度😆我地選了Go Dutch～上到去坐一陣就叫野食～黑松露薯條薯條剛炸好熱㷫㷫～黑松露醬好多好濃郁😋瑪格麗特薄餅加了香濃茄醬同羅勒～好濃郁既莫扎里拉芝士🧀仲有車厘茄酸酸甜甜好胃口～煙三文魚牛油果班尼迪水煮蛋整得剛剛好有流心👍🏻加上煙三文魚同牛油果既配搭更好味～SWEET COMBO 是日蛋糕🍰今日係Oreo cheesecake 好濃芝士但有點膩🙈荷蘭小鬆餅🥞有驚喜💖小鬆餅煙煙韌韌～好濃蛋香～士多啤梨牛角包窩夫🥐濃濃士多啤梨醬～牛角包好鬆脆👍🏻P.S.總結坐得舒服😌食物都唔錯👍🏻…Read More

之前見到呢間餐廳都幾靚～就訂3:00pm食My Fair Lady Afternoon Tea☕️早到咗就去打卡位影靚相😝影完相返黎等一陣就有野食😋前菜蝦片炸得好脆好食👍🏻冬蔭鮮蝦碎蛋卷青瓜卷住啲碎蛋好清新～加了少少冬蔭好開胃～香脆雞肉棒 配香辣蛋黃醬雞肉外脆內軟唔油膩～配上香辣蛋黃醬辣辣地好野味～巴馬火腿芝士三文治巴馬火腿就咸啲～但配埋芝士同麵包食就剛剛好～青咖哩雞酥盒好鬆脆～有少少辣好香～幾creamy😋4樣咸店我最愛💗咖啡啫喱泰式奶茶慕絲杯奶茶配上咖啡真係好夾～最重要佢一啲都唔甜😋甜點我最鍾意呢個💗紐約芝士餅芝士都香濃～細細件唔會好滯～但我覺得個樣可以切靚啲🙈特濃抹茶卷蛋抹茶幾濃郁～內涵好多cream😆但好彩都係唔會好甜😝白朱古力覆盆子馬卡龍白朱古力醬好甜🙈配上覆盆子酸酸地可以中和返～馬卡龍好脆脆👍🏻原味英式鬆餅 配 菠蘿青檸果醬及奶油忌廉牛油味都好重～好鬆化😆配上奶油忌廉好好味～菠蘿青檸果醬我本身以為係果醬～但佢用菠蘿粒加辣椒青檸煮成～雖然味道係可以～好特別～但係菠蘿粒真係好難搽落個鬆餅度🙈班蘭英式鬆餅 配 菠蘿青檸果醬及奶油忌廉班蘭味好特別～平時好少會食到呢個口味～綠妍茉莉花茶茉莉花好香～有花香味👍🏻草莓乳酪特飲感覺佢係泰式風味～同平時飲開比較清新～P.S.環境真係好舒服💗望住個海食野真係好開心🥳這個價錢食到呢個質素真係物超所值👍🏻…Read More

因為之前試過呢間西餐都唔錯👍🏻就約左朋友黎食飯～當日平日去到都室內位置都多人～我地叫左個pizza同大通粉食😋龍蝦湯配黑糖麵包濃濃既龍蝦味～龍蝦肉都好多😋黑糖包都唔錯～吉列炸蠔唔油膩～炸得剛剛好～仲好juicy😋墨西哥手撕豬肉薄餅芝士好多好正～蕃茄醬加上手撕豬好惹味😋仲要菠蘿粒好甜～好好味👍🏻但餅底就硬左少少😆芝士芥末焗蟹肉忌廉大通粉芝士好creamy～芥末好特別～都好多蟹肉～食耐咗都唔覺得好滯👍🏻芒果百香果青檸特飲酸酸甜甜好清新～仲要甜度剛剛好～P.S.食物水準都仲keep 到👍🏻但個位置真係隱蔽啲～…Read More

今日同友人慶祝生日飯🥰就搵左間燒肉食🥩我早到係門口等緊朋友～店員好有禮貌見我企係度～之後知我等緊朋友就叫我入去坐住等～朋友到左叫完野食～店員就好快為我地上菜😝炸墨魚咀好大粒又唔油膩～外脆內彈牙～檸檬汁酸酸地好開胃～點埋芥末醬就更好味～明太子脆豆腐好酥脆～明太子好鮮味～配合芝麻好香～蒜片生菜店員介紹用黎夾牛肉食😋平時日式燒肉店比較少會咁食～但可以減輕油膩感👍🏻牛舌COMBO佢分了兩種～厚切同薄切🥰店員同我地講厚切要放外面燒不要太近火～厚切個形狀可以方便燒到每一邊都金黃色～入邊都唔會乾哂😋薄切牛舌口感較有嚼勁😍鹿兒島A4牛肩一睇就見到油花分布都算唔錯～厚度適中👍🏻入口鬆化軟滑好濃濃既牛香味～但有幾片油脂比較多就一定要夾埋生菜食❤️溫泉蛋味素飯配麵豉湯麵豉湯有玉子豆腐比較少有❣️店員叫我地要在飯中整個窿先放溫泉蛋～之後撈飯食～滿滿既櫻花蝦😍湯烏冬烏冬正常口感味道～牛匠彩虹水果茶果肉都很多～就比較偏甜～如唔飲得咁甜要叫少甜🙈桂花果釀四季春有濃濃既芝士奶蓋😍桂花味都好突出～又甜又咸味道我好喜歡💕飯後甜品給了西瓜我地🍉好清甜作為結尾😋P.S.服務質素唔錯～店員好有禮貌～因為我地係第一次黎店員主動教我地點燒🥰石燒爐主動幫我地換紙❣️貼心💗食物質素都平均👍🏻下次有機會再黎💜…Read More

之前同朋友都黎食過～今日同友人又想食下串燒就再黎～食物質素都仲keep到👍🏻我地叫左幾樣小食同一碟飯～仲叫了一時間任飲清飲🍶叫完任飲清酒店員會比我地選杯🍶我地選了兩個琉璃杯～好靚💗黑豚五花腩我好少食五花腩怕好肥🙈呢個燒得剛剛好～油脂分布得唔錯～唔會食到成口油👍🏻牛舌好大片又爽口～唔會有腥味～好濃厚既牛味👍🏻仲好厚切～正😋雞翼串燒就最怕吐骨～單骨方便好多～燒得剛剛好～好香口～豆腐唐揚平時好少串燒會咁大舊炸豆腐～切開豆腐吸了啲醬汁同蘿蔔蓉好甜～外表香脆內裏鬆軟～味道唔錯～汁燒墨魚嘴墨魚嘴好彈牙～醬汁又配合得剛剛好～蟹膏海鮮炒飯海鮮好新鮮～蝦同魷魚都好爽口～帶子好香甜～最突出啲蟹膏好香～融入啲飯到炒好好味～P.S.好開心無黎一段時間～質素都仲好高～食材好新鮮～…Read More

當日放工約左朋友食飯～就訂咗呢間餐廳🍽入到去侍應好有禮貌～我地選左兩個主菜同小食～餐包麵包好暖～脆脆地幾好食～配上黑松露牛油好香～西芹蘋果忌廉湯好少西餐會用呢個組合～西芹好香濃～真心正～加上有蘋果個甜味好突出😋酥炸芝麻雞翼好酥脆既雞翼～唔會好油膩～雞肉好嫩滑👍🏻香煎帶子配牛肝菌忌廉汁燴意大利粉好Creamy好香忌廉味～帶子就有少少鹹～但加埋意粉食就剛剛好～黑松露威靈頓牛柳牛柳好厚好大塊～煎個熟度剛剛好～唔會太熟或太生👍🏻酥皮都好香脆～加上香濃既黑松露好好食～P.S.餐廳好細心又有禮貌～威靈頓牛柳剛上枱～店員會問要唔要影左相先再幫我地切😊真係幾抵讚👍🏻…Read More

當日我地要去睇戲～就係附近睇下有無間坐得舒舒服服既餐廳～見到呢間新開就黎試下～去餐廳之前仲去咗買bagel🙈條路好方便好近😝上到去叫了一個定食同bagel🥯地方都幾大好舒服👍🏻溫泉蛋牛油果炙燒三文魚丼份量都幾大份🥑中華沙律，姜片，麵豉湯都係正常味道～飯加了醬汁同蛋撈勻～之後加埋牛油果食好creamy同好濃蛋香～另配三文魚都好好味～好肥美🍣加上炙過同埋好厚切～真係好驚喜性價好高😋😋😋流心芝士蛋貝果見到啲蛋汁流哂出黎👍🏻味道都唔錯～Bagel啲芝麻好香～但就無平時食bagel煙韌口感～有啲似食麵包🙈可能我對bagel有啲要求😝Cappuccino 正常一杯咖啡～咖啡都香濃～不過不失☕️Mocha 友人要飲到好尾先有朱古力味～沖朱古力個時好似無攪勻落啲咖啡度🙈P.S.整體黎講個定食力推～配合得剛剛好～性價比高～值得一試👍🏻👍🏻👍🏻其他食物都不過不失～好味～但試業中可以再改進下～之後一定會更好味😋…Read More

疫情下都好耐無去過迪迪尼🎠🎢朋友叫到就買$699「雙重暢玩」😝當日我地10:00入到～第一時間就去餐廳拎了個籌先～我地12:00再黎排隊入去～等一陣就入得啦～我地叫了兩個萬聖節餐🎃植物牛肉木耳粉絲番茄沙律配可口可樂黑醋汁味道就一般～我覺得有啲難夾到食野～唔太方便～扒三文魚蝦卷伴薯蓉菠菜苗配炒雜菜配龍蝦汁三文魚煎得都算香～蜘蛛造型既薯蓉都好滑～幾可愛～維也納牛仔柳釀火腿芝士 芬蘭鮮茄蓉伴薯蓉 炒雜菜賣相都唔錯～但我食唔到有芝士🙈牛仔柳好似豬肉～但食到濃濃既芬蘭汽水味～對比另一個呢個有啲失望😢朱古力南瓜撻配雪碧 薄荷啫喱莓子蓉個撻夠鬆化～朱古力都唔會太甜～粉紅火龍果檸檬梳打上邊兩個jack可以拎走～無火龍果味～普通梳打水～但有啲味～P.S.入到黎都係食感覺同環境～味道都正常～但唔會太大特別😝所以唔好太多要求🙈…Read More

朋友之前食過講佢地啲甜品唔錯～今次就黎試下☺️下午黎到都要等一陣位～等緊位個時店員幫我地落單先～入到去坐一陣就食得～我地叫了兩個主食同兩個甜品😋素紅酒燉牛肉飯素牛肉好似真肉～個汁都做得好出色～芝士白汁黑松露意粉黑松露好香個醬做得唔錯👍🏻但覺得個素牛肉唔太夾～我覺得加多啲菇會仲好食～洛神花士多啤梨茶一放低好香士多啤梨味～對比下洛神花就淡啲～但我淡淡地我鐘意～飲落好舒服💗藍桔檸檬蘆薈梳打普通檸檬加梳打～夏天飲幾爽😆鮮雜果厚Pancake伴玫瑰花釀醬及雲呢拿雪糕我好欣賞佢地調個醬～芒果醬有一片片芒果肉～玫瑰花醬好香花味～Pancake一入即化都唔錯～士多啤梨忌廉芭菲伴芝士蛋糕伴士多啤梨雪糕一黎度真係嘩左一聲～芝士蛋糕真係一件🙈個雪糕就一般～食完真心飽😋P.S.今餐好滿足～晚餐都唔洗食😂個芭菲真係好大驚喜❣️下次食正餐都叫少一個甜品😝…Read More

呢間上網睇完就好想黎試下～去唔到日本食下日本菜都好😝柯士甸路一向都多野食選擇～呢間係大廈入面好隱蔽～仲行過龍🤣我地叫了兩個主食同一個小食😋牛肉壽喜燒唔好睇好似好平淡咁～味道好突出👍🏻醬油調得剛剛好～牛肉同菇都吸收了啲湯汁～好推薦叫這個😋😋😋蒲燒鰻魚定食（半條）我地加了定食同貓飯～好彩只加了一個🙈碗飯好大又多😆但好好食😋湯都係正常麵豉湯👍🏻鰻魚做到蒲燒味道～可以再肥美啲就更正💗鐵板牛舌煎得好香口～可以鎖住到肉汁～但份量可以再多少少就好❣️蜂蜜梳打蜂蜜加梳打好似食緊細個啲蜜蜂糖🙈正常飲品😉P.S.今餐我同友人都極力推介牛肉壽喜燒～當日食到好飽都好想繼續食😝同埋加定食一定要轉貓飯好正～店舖就比較細～所以要等位同狹窄啲～但食物可以滿足到個胃👍🏻👍🏻👍🏻下次會再黎食其他野🥰…Read More

當日放工近近地行下葵廣～一向呢個廣場都勁多野食😋今日選咗呢間香港漢堡👍🏻睇個名都知正野黎啦💛叫了一個漢堡同熱狗餐🍔🌭哈哈笑薯餅炸得剛好唔油膩～薯仔都好香～點了黑松露醬好正😋吉列芝士條芝士可以拉到絲😝我喜歡💕配蜜糖芥末醬都夾～但兩個醬我愛黑松露多啲💓焦糖洋蔥煙肉熱狗女仔食呢個方便啲拎😂洋蔥炒得好甜👍🏻煙肉同腸仔都正常味道～HKER自家製手打牛肉芝士漢堡手打牛肉真係好濃牛味～煎得剛剛好～有鎖住啲肉汁👍🏻建議菠蘿可以煎一煎先會更好～洋蔥我覺得可以切粒方便啲食～因為個包都大～凍頂烏龍茶正常烏龍茶味～但食完啲煎炸野可解消膩感～桂花烏龍茶淡淡桂花香都唔錯～P.S.呢餐我最愛手打漢堡🥰牛肉真心正～熱狗都唔錯～洋蔥好甜🧅同埋黑松露醬💖…Read More

當日中秋行到累累地入了呢間食件撻❣️我地有啲肚餓～叫了涷撻，泡芙 同埋兩件熱撻😆店內有自助斟水～大家記得食完要自己掉垃圾🥰富士金寶蘋果批第一口好香玉桂味～蘋果唔會煮得好軟身～味道都正常唔錯👍🏻錦爽蘑菇芝士雞批食了一口好驚喜～好濃牛油味～內餡煮得好香～用白汁煮蘑菇，芝士，雞肉真係好夾仲加了少少黑椒煮～更香～重要熱㷫㷫❣️靜岡抹茶忌廉紅豆撻紅豆煮都好軟身～抹茶忌廉好香茶味～淡淡茶香❣️鮮忌廉吉士泡芺牛油皮同酥皮既泡芺～好酥軟但又有脆脆口感～入面仲唧到好滿香滑既吉士忌廉～唔會太甜💓P.S.如果下次只可買一件食～一定買雞批～之後就泡芺😝平時食開其他店既雞批都唔會有呢個感覺～撻同批個皮望落好硬咁～但入口好鬆脆👍🏻這間店好用心🥧…Read More