nc_vhk's Profile

唔係平民路線既車仔麵，但絕對係》對得住價錢既車仔餸呀！叫咗3碗，揀咗好多款餸，牛腩、牛筋、牛肚、豬腸，焦糖雞翼、墨丸、湯餃、豬紅、炸餃單點～老老豆豆，除咗牛腩，牛肚，豬腸唔夠淋外，其他餸都好食！ 但隻佬話有啲𡁻口先係正，話我呢啲無牙婆唔識食😅 咁我都真係鍾意淋啲既～特別推介炸餃，根本就係招牌啦！ 同湯餃一樣皮簿多餡～ 但炸既再正一截😱 放底咗2-3分鐘再食都仲係juicy熱辣辣！皮無重疊位所以炸完唔會硬屈屈，係脆架！ 個仔平時對餃子麻麻，竟然都話正！ 焦糖瑞士雞翼又係估佢唔到，以為普通滷到淋晒架啦，點知塊皮仲有啲咔滋咔滋既口感，唔會一咬就散！金湯飲完都唔口渴，開頭見黃色以為有味精，但應該唔係。拉茶同檸茶都好飲，夠茶味但唔會澀，唔洗加冰無溝淡晒仲好～難得檸茶好飲過拉茶。星期日晚市都唔多人… 希望呢啲小店做得住～…Read More

點咗蛋牛治，原來係沙嗲牛蛋治，新鮮有汁，唔錯。重頭戲：失望西多。餐牌寫西多士，個人認知既西多士係一定有花生醬既，點知… 原來而家要寫明《花生醬西多士》先會有醬架！呢間既只係2片炸包+pat牛油，見到時極失望、忍唔住問阿姐，你地啲西多無花生醬架阿姐：啲客唔鍾意咁多醬，有人投訴太多嘩，都唔洗完全無架，點食呀！話要花生醬要+$1！ 我俾！！之後就變咗圖中既花生醬浸西多啦！感動！$1可以有咁多醬～再黎奶茶… 淡，唔香，唔滑，$19大元親友都係做飲食，話咁既西多真係賺到盡～…Read More

叫咗黑毛豬+咖喱吉列豬，2款都好大份，真心滿足+覺得店家有良心！黑毛豬肥瘦適中，唔會柴，但個燒汁無加分，淨食黑毛豬都夠晒味吉列豬排炸得夠鬆化，唔會乾～食午餐，大概1點到，攞完籌等梗位已幫你落定單，坐低就好快有野食啦小朋友食唔到辣，問完待應日式咖喱辣唔辣，待應主動幫我地汁另上，食到咁上下又問返我仔，食唔食到呢個辣度，話下次可以轉胡麻醬/燒汁都得，謝謝…Read More

放在雪櫃的開心果泡芙，問店家就會幫你打包$15件！一講泡芙只想起濕軟既表面+軟淋淋既cream~ 點知佢係似菠蘿包皮脆脆的，好正！ 餡料都唔孤寒，唔會好似一般餅店得1/3既餡！ 夠開心果味，仲要個cream夠挺身，夠硬，難得！細細一個，但物有所值～…Read More

之前見到有食評話差晒，其實想轉其他餐廳，但外甥話以前食過都唔錯照去，一試究竟！抱住會中伏既心態去，去到附近真係大部分餐廳都坐得1/3，今日係星期五… 有點唏噓🥲叫咗7樣，都係以前食開既，其實保持到喎，都係熱辣上枱，味道無變！椰青2個都新鮮，嫩既！生菜包加生菜都無加錢，青咖喱一如既往濃郁！唯獨真係個$1蚊餅… 明顯厚皮+蝦肉較鬆散，不在狀態！我地懷疑係咪$1所以咁仲有個簿餅唔鬆化，好實… 心唸搵日黎食返個午市加蝦餅，睇下係咪都咁先，呢個就下次再續，之叫黎食午市都可能係半年前既事總括黎講，個人覺得味道大部分都係好食既，同以前食開無分別，繼續好食最愛既蝦餅弱了，希望會改善…Read More

之前嗰次差評！今日係好評！好食就俾返個讚你！自上次差評後，其實都有幫襯過，總之嗰位染紫紅頭的女孩不在先敢買。新年期間買過幾次日式炒麵，啲細路都滿意，連朋友個仔係台灣返黎都一定要食下，好彩無令佢失望。今日試多個鰻魚炒飯，叫佢多汁真係有加料，夠味。叫得咩汁炒飯炒麵，其實都係想要個味道既姐，真係唔好慳嗰少少…$45個飯唔係話貴但都唔係平，個飯無再生米呢個好基本！但叫了多汁，佢夠味之餘唔會淋patpat ，即個飯本身都煮得夠乾爽！俾錢都係想食個正常、熱辣辣既飯，請保持！不要驚嚇或驚喜，謝～…Read More

試過打落店，長響無人聽架，唔好話我唔反影！老公經常點這個飯，一向都無咩問題… 平時係個男仔炒既。今日見個男仔都係度，但好似係轉咗女仔炒，我唸都無事吧… 點知攞到返屋企一打開完全唔同樣，啲豬肉放面？飯一陀既！唉，都係食咗先講啦！希望係錯覺… 食咗幾啖真係食唔落去… 點呀，我真係好唔久先食一次飯都咁對我… 飯未熟照炒，中間係硬既，粒粒都係咁！仲要黐埋一堆，未熟得黎濕既，五花腩變柴豬肉… 其實好嬲囉！我想食個飯姐，如果無五花腩咪出聲囉，又唔講，叫我轉嘛！如果最基本一個炒飯都做唔好，唔應該賣囉。…Read More

因為太想念某間店的炸脾架央多，見到有脾餐即同個仔去試！西多炸得夠乾身，無油淋淋，有搽夠花生醬，呢個係重點！仲成支糖漿俾你慢慢加🤭脾即炸，熱辣辣，係差啲底味，但食得好滿足！小農珍奶茶，茶好飲，但我地太愛甜，覺得珍珠唔夠甜味！但華田真的無咩味…整體好味！希望保持水準～…Read More