hoshimag的个人专页

去唔到旅行，唯有食返餐日本晚餐來填補心靈嘅空虛。其實係呢大半年真係講咗好多次，真係希望快啲可以去旅行啦。好啦，言歸正傳，先講下間餐廳嘅裝修啦。真係好有日本style，放工行過黎都精神D。其實我已經唔係第一次食，不過每次食水準都係keep到。今次第一次外賣，味道依然一樣正！首先講下個拉麵，雞肉係慢煮，真係嫩滑到不得了！ 個湯底係超濃嘅雞湯。。 Yummy! 另外鰻魚飯又係本小姐嘅另外一個最愛。 即叫即燒，有輕微嘅炭燒味 ，肉質有咬口 ，鰻魚皮係 煙韌彈牙 ，簡直就係perfect match ！！又有一個完滿嘅豐富晚餐， 大滿足！…查看更多

開始涼涼地又係時候打邊爐啦 滋潤椰子雞煲 超多人推介 兩個人一於嗌半隻雞試下佢啦調味品 有齊 指天椒 青蔥 炸蒜 生蒜 同埋芫茜 仲有麻油主角 椰子雞湯 火鍋 個店員就推介我哋撇走啲雞油 先飲湯後先再繼續打邊爐 嘩!超清甜 同埋好足料 湯底裏面仲有 竹笙木耳 京蔥 同埋 小小菇 隻雞超新鮮 好似返大陸食農家菜咁一樣咁新鮮 我至愛嘅雞腳 廚師好聰明為咗保持原味 冇幫佢修甲 超級肥美 雞肉嫩滑 一路飲 一路飲 可能 每人飲咗成三碗 個火鍋底都差唔多冇埋喇 先開始打邊爐 其實佢半隻雞份量真係幾多 淨係食雞都飽咗一半啦 安格斯肥牛 超新鮮 好香牛肉味牛筋丸大大粒 芝士獅子狗 本小姐至愛桂花蚌同珊瑚蚌 簡直係打邊爐嘅孖寶 超爽口鮮橙汁一渣 只係48蚊 圖片不是只供參考 你睇下個樽有成一公升咁多㗎兩個人食到飽飽都唔使六百蚊整體嚟講呢度卡位坐得好舒服 食物質素好 仲有店員服務態度好好 雖然佢 自己喺樓面一腳踢 落單上菜埋單傳菜 但係 依然都照顧每一檯 嘅客人 真係佩服 所以我係一定要 再嚟飲椰子雞湯…查看更多

今日又係sogo thankful week 既盛事，本小姐同好朋友放工後決定先醫飽個肚再去crazy shopping, 對於食方面好有要求，晚餐一定唔可以馬虎。 聽朋友講銅鑼灣有間好出名食炸豬扒 所以決定要去試一試 行到餐廳附近見到一條長長嘅人龍 嘩嘩嘩 我呢個朋友一定冇介紹錯一路排隊一路望下有咩嘢食 益街坊有學生外賣 好可惜 學生嘅時代已經離我太遙遠了 有張期間限定嘅poster 黃金鹹蛋燕麥豬扒飯 個賣相超級吸引 同朋友好似心有靈犀咁就係揀呢個 呢度好貼心呀 少啲飯仲可以減一蚊 佢哋嘅廚房係開放式嘅整整齊齊 坐吧檯嘅位置仲可以睇到廚師 炸豬扒 都係一種享受上枱喇上枱喇 炸豬扒超大碟 再睇埋啲 超級厚切 有成五六嚿咁多呀 鹹蛋同個炸粉mix得好平均 每一啖咬落去都有鹹蛋嘅香味同埋 結實得嚟又鬆化嘅豬扒 真係超好味我哋 仲有嗌咗個豬手撈粗 都係大大碗 豬手炆得剛剛好有咬口 撈麵嘅軟硬度適中鹵水雞翼嘅味道 好明顯係有用心嘅滷水汁再加香葉 自家調出嚟嘅味道 超級入味 仲要大大隻整體嚟講呢度 餐廳超級抵食 兩個人加埋200蚊都唔使 我哋兩個人食唔曬 要打包回家 雖然排隊要差唔多30分鐘 但係好食嘅嘢係值得等待嘅 我一定會再返嚟…查看更多

其實由佢開張 到而家都 嚟過起碼有五次 午市套餐都幾抵食 一個鹹加一個甜嘅 法式薄餅 仲有餐飲 都係一百蚊內 今次揀咗有蘑菇煙肉露筍芝士嘅咸薄餅 賣相超好 有少少沙律菜喺度薄餅上面做點綴 好似一扎花咁 用嚟影相 呃like最好 甜嘅薄餅我就沒有 影相呀 但係呢都有好多款可以揀嘅 可以選擇 Nutella, sugar lemon, caramel, chocolate, 頭三款我都食過 nutella唔洗講啦 即係好好味嘅朱古力味 lemon sugar就係食完個鹹薄餅 有啲檸檬味可以中和下飽肚感 焦糖其實好好味 不過食幾啖就會 太飽唔想再食落去所以佢杯熱茶飲真係好好的 每次都係選擇洋甘菊 飲完會再幫你 再加熱水 幫助消化整體嚟講環境唔錯 食物好味 所以會再幫襯…查看更多

又到super monday嘅時間 今次嚟試呢間 見到好多好評嘅餐廳 如果睇佢嘅地址 以為佢喺蘇豪區 近扶手電梯嘅伊利近街 原來唔係 所以都搵咗一陣 樓下已經有好多人企喺度飲啤酒 沿著樓梯上去 就係用餐嘅地方 慢慢行上去嘅時候見到左手邊有一個好大嘅酒櫃 感覺好高級 行到上去 環境好舒服 同埋好浪漫嘅感覺 每一張枱 都係已經set好檯面 好整齊前菜嗌咗個 燒芝士 賣相一般 芝士味都唔係太濃烈 一般般啦主角出場啦 美國 tenderloin 佢係用flat iron 出到嚟嘅時候仲keep住好熱 因為我嗌咗medium 個賣相好好 仲有四小碟嘅橄欖油喺意大利餐廳 沒有理由唔要返個Tiramisu 我覺得就唔夠creamy 唔夠rich 非常失望整體嚟講 呢度環境就唔錯 但係食物真係好一般 性價比唔太高 都未必會再返嚟食…查看更多

今日同男朋友仔約咗喺青衣度睇戲 好耐冇嚟過青衣城啦 原來依家有二期，戲院都係搬咗呢度 都有好幾間餐廳 。幾個月前同朋友去過尖沙咀 另外一間分店 嗰陣時都試過十蚊南非蠔 又大隻又新鮮。我地先黎一打試試，都算新鮮，不過唔係太肥美。我地仲有order大蝦米形意粉同德國咸豬手。大蝦整得好香，意粉味道唔錯，不過份量太少。 如果係一個大食少少嘅女仔應該會唔飽囉 德國咸豬手 都係鹹咗少少 份量都算十足 喺last order之前我哋再叫咗 半打生蠔 竟然畀先頭嘅一打新鮮。算啦 都係唔好食太多 期間有個懷疑係 餐廳嘅經理服務態度好好不斷介紹話佢哋啲生蠔好新鮮呀同埋點樣睇 係咪新鮮 都幾得意，好似外國餐廳既style.整體嚟講環境唔錯 如果嚟青衣城嘅話都會有 機會再幫襯呢間餐廳…查看更多

同事話有雜誌介紹呢間餐廳好想試，最近本小姐大食左， 需要大大分嘅午餐，於是要去會一會佢。正中午時候，有一半坐滿，其實位置大約20位，坐得還可以，坐我地隔離係兩位日本人，突然覺得係俾呢間餐廳一個肯定。我地睇下有menu 有咩食，豬都可以選擇sirloin, rib eye 或 tenderloin.. 好好笑呀～ 都係第一次見。選擇困難症一路都無好過，咖哩吉豬定滑蛋吉豬? sirloin定rib eye定tenderloin? 哈哈，最後叫左咖哩sirloin 同滑蛋tenderloin share. 先黎miso soup 同棷菜同一小球薯容。個湯好香豆味， 唔會死鹹，仲有湯底裏面有一片片好薄嘅蘿蔔， 帶返出個甜味 中和咗個麵豉湯嘅鹹味 好耐未飲個 高質素嘅麵豉湯。 椰菜新鮮 佢有芝麻汁或者醋 多少就隨自己個人喜好加。主角出場， 隻碟好有家的味道呀 哎呀 呢個唔係重點 吉豬炸得好乾身 炸粉唔太厚身 非常之 脆口 一啲油利感覺都沒有 豬扒結實得嚟 唔會硬掘掘 豬扒仲好有豬肉味添 個咖哩帶啲微辣 可以接受。由於佢落錯單 以為我哋 兩個都係點咗 咖哩吉豬 所以個滑蛋吉豬等我哋食咗個 咖哩吉豬之後先嚟 可能已經差唔多飽啦 唔記得咗影個滑蛋豬 其實佢個賣相都好好㗎 但係滑蛋偏鹹 呢個吉豬就比下去啦。不過呢一個都未贏到到我心目中最鍾意嘅咖哩吉豬， 不過就喺石板街旁邊 好方便 同埋如果下一次 同朋友嚟可能淨係會嗌一個飯 然後嗌其他嘢食試下 因為個飯實在太大喇。…查看更多

今日happy friday晏晝食好啲 同朋友 嚟到呢間西餐廳 坐得都舒服 頭盤可以選擇餐湯 或者 沙律 今日餐湯好似係甘筍湯 對我嚟講唔係太吸引 我點咗沙律 清清地有少少醋 菜好新鮮主菜 我揀咗香煎比目魚 賣相其實都幾好 我太心急已經想食 先記得影返張相 所以已經畀我整開咗啦 份量都算可以上面依舊比較大啲下面仲有一舊魚 比目魚 煎到外脆內嫩 配菜有露筍 蜜糖豆同薯蓉 我想讚一讚過薯蓉份量剛剛好唔太多 同埋佢真係整到超級滑溜 配菜同主菜一樣咁得個餐仲有餐飲 點咗一杯美式咖啡 非常之香濃整體嚟講佢啲嘢食係好明顯係用心製作 連最唔起眼嘅配菜都做得咁好 又係公司附近我應該會再嚟…查看更多

今晚本小姐又要開夜 南記係快靚正之選 春捲小鍋米線 係我其中一個最愛 耐唔耐就會好想食好掛住酸辣湯底 真係好抵呀 成交價都係三十幾蚊 我記得 第一次食嘅時候 應該係唔駛三十蚊 冇辦法啦乜都加價 鋪租都可能佔好多 好啦 講番個米線先 其實佢嘅酸辣湯 酸味較多嘅 對於唔係咁鍾意食辣嘅人又鍾意酸嘅人真係不二之選 佢個湯底其實仲會跟酸菜同埋腐竹 腐竹喺湯度就勁入味 酸菜嘅咸道適中 春捲仲有 四條 份量都算係唔錯 米線分量都算多 有時唔係太肚餓 都會食唔曬 整體嚟講性價比超高 一定會成日幫襯…查看更多

每逢月尾就要喺公司開夜啦 由於唔想外出食飯所以就 嗌外賣返嚟食 公司有budget畀我的 所以就要 豪氣啲 叫咗個 三餸麵 雲吞墨丸炸醬麵 再嗌咗個蜆芥鯪魚球 同埋油菜同埋魚皮 同其他同事share首先講下自己嘅三餸麵 雲吞就屬一般 蝦都算彈牙 塊皮就浸浸得太耐太爛 墨魚丸真係唔喺度出名嘅所以真係比較失色 反而我最欣賞就係個炸醬麵 佢啲肉絲都算大條同埋都係唔太肥 個炸醬麵有啲微辣 碗麵底下有兩條菜晾起 下面全部都係油呢度其實出名食菜肉雲吞 由於本小姐係唔食芫茜㗎 所以就不敢恭維啦嘩講下佢個蜆芥鯪魚球鮮真係超好食 外賣到返嚟公司都仲係熱嘅 超彈牙 個蜆介醬唔會因為外賣而少咗你睇下嗰份量幾足 呢度係有兩份嘅份量 鯪魚肉好新鮮完全沒有腥味整體嚟講質素係幾好嘅 又喺公司附近應該都會再幫襯嘅…查看更多

本小姐真係好鍾意食bagel 以前喺外國嗰陣時 隨便一間都好好食 返到嚟香港可能真係比較 少數 搵到好食嘅更加難 竟然係公司附近發現呢間我要咗最好食嘅blt 加一杯cappuccino 就係一個完美嘅午餐呀 首先講咗杯咖啡先啦 超香濃賣相又好 都係講返bagel本身先 佢個質地實得嚟但係好有咬口 唔係死實實嗰一種 仲有topping可以選擇 仲有裏面嘅煙肉都好好味 唔係太肥膩呢度嘅座位唔係太多但係坐得好舒服整體嚟講 呢度真係可能係香港最好食嘅bagel I will be back!!…查看更多

其實已經嚟過呢度好多次啦 好鍾意佢嘅 濃味 但係清湯底 嘅牛肉湯河 本小姐成日都好懷念溫哥華嘅越南粉 呢間再畀到我呢個正宗嘅感覺 聽講個老闆都好似係多倫多回流嘅 食得太多次啦我冇影相 首先講下個湯底 一入到舖頭 已經聞到陣陣嘅牛肉湯嘅香味 飲落去都係 一樣咁香濃 河粉方面 完全合符曬本小姐心目中嘅煙韌度 係河粉應有嘅咬口 生牛肉質素都係好高 沒有太多肥肉 但係份量比較少好似得三四片 記得試過有加扎肉 得三薄片 唔係太化算 都試過食牛筋 淋得嚟但係唔入味 熟牛肉就一般不過不失囉不過要講下呢度嘅越南咖啡 佢唔係滴漏咖啡有啲失望整體嚟講牛肉湯底 河粉都係高質素 又係公司附近所以不時都嚟幫襯…查看更多

中秋節臨近 公司喺出面book咗地方 教我哋整 月餅 由於時間關係 同事揀咗呢間 佢話好想試 咁啱又係整餅嘅附近 難得行到咁高嘅地方梗係要一試啦 裏面嘅裝修好懷舊 地磚係細細架白色同綠色好傳統嘅格仔 首先 點咗一杯龍眼冰 佢特別用咗泰國嘅梳打水 龍眼冰嘅糖漿 都唔算太甜 加埋梳打水 有清甜嘅感覺 串燒有豬牛雞各兩串 沙嗲醬適中唔太鹹 但係好惹味 仲有花生醬嘅香味再黎一個咖央多士， 唔太甜剛剛好 多士焊得都係剛剛好 整體嚟講 環境好舒服 好似置身 南洋某個地方 食物好野味飲品唔太甜 如果行開行埋 都會再 來幫襯…查看更多

朋友最愛試新野，相約本小姐去呢間日本餐廳食定食，原來位置就係出名食番茄通隔離，好容易搵到。朋友話呢到串燒係主打，本小姐當然要試試。點了串燒定食。定食上枱啦～賣相好吸引。串燒好香，有牛舌，牛肉，日本蕃薯，雞軟骨雞肉棒， 伴碟嘅仲有好多日本椰菜， 味道方面，牛舌切得厚薄適中，味道醃得剛剛好， 牛肉串都係肉質嫩 鹹味剛剛好 ， 雞軟骨肉棒裏面嘅雞軟骨分佈平均 每咬一啖 都有雞軟骨嘅咬口 。。 仲有唔記得咗嗰個麵豉湯 味道唔係太鹹。最後竟然仲有Movenpick嘅雪糕食。 有本小姐最愛朱古力。。整體嚟講 味道好 仲有雪糕食 一定會再黎。…查看更多

舊同事生日選擇左呢間餐廳，用餐時間6至830，或者830至11。平日食飯當然要 早啲嗰時間啦 打工仔聽日又要返工 未order嘅時候佢哋已經放低咗一碟蟹同埋一碟硯， 跟住之後就可以揀五款海鮮 同埋八款其他材料 海鮮方面我哋揀咗蝦魚花甲 天鵝杯同埋鮑魚 再嚟響鈴牛肉豬肉雞肉 金菇 魚皮墨魚丸 魚皮， 每位200大元免收加一 本小姐初初以為會畀啲普通嘢 完全諗唔到 所有海鮮 係超新鮮 首先講下隻大肉蟹 多肉隻蟹鉗勁大隻 話說 本小姐徒手將啲大肉蟹放落鍋粥裏面 跟住個其中一個姐姐 好緊張 行埋嚟叫我唔好用手呀 啱啱先斬開咗仲識旭 小姐0.01秒 即刻放手 真係好危險其他海鮮相繼上台 啲蝦超生猛佢哋要用另外一隻碟 冚住以防佢哋跳出嚟 點知佢哋應該真係得冚唔好 有兩隻跳咗出嚟 同行嘅女士們都 大叫 跟住再嚟碟魚 真係估佢唔到竟然俾條超新鮮嘅多寶魚我哋本小姐咁大個女 都係第一次打邊爐食呢隻魚 食落滑捋捋 我估應該有好多omega-3跟住其他 配料都上啦。雞肉牛肉豬肉都係好新鮮， 墨魚丸都好彈牙， 魚皮夠薄身 跟住差唔多八點鐘嘅時候其實我哋 仲有好多嘢未食曬 佢已經叫我哋快啲食然後要 加啲粥落去 時間超緊迫 點解?? 因為 餐廳已經講明要我哋最遲六點半 要到 本小姐嘅舊同事都係遲到大王 佢哋 成七點幾先到 人哋下一輪真係準時八點半開始的 所以食到超趕 我都淺嚐咗半碗粥 真係超好味 所有海鮮嘅精華都落曬裏面 好啦臨急臨忙喺身諗住走人啦 竟然唔記得食喺我隔離嗰啲響玲 唯有叫其中一位打包回家啦整體嚟講 呢度啲嘢食真係超新鮮，尤其是係啲海鮮 ，座位真係有少少逼迫的 不過佢嘅性價比真係超高 真係值得推介 一定會再嚟…查看更多